Житие святого Харлампия и от чего оберегает икона мученика, молитвы

Становление христианства на протяжении первых трех столетий ознаменовалось гонениями на ее приверженцев. Поэтому среди святых, живших и проповедовавших в этот период, немало мучеников. История жизни многих из них неизвестна, в памяти потомков остались лишь предания о совершенных подвигах. Верующим будет интересно узнать о судьбе святого Харлампия, принявшего мученическую смерть и оставшегося верным христианской вере до последней минуты жизни.

Содержание

Житие священномученика Харлампия

Сведения о жизни святого Харлампия до совершения подвига сохранились самые скудные. Известно лишь, что сященномученик жил в конце 2 столетия после Рождества Христова в греческом городе Магнезия.

Харлампий был епископом в местной церкви. Согласно преданию, у святого не было семьи, так как он придерживался обета безбрачия, завещанного апостолом Павлом. Несмотря на свой сан, священник не пользовался особыми привилегиями, зарабатывая на жизнь как любой простой прихожанин.

В те времена Магнезия была частью Римской империи, находящейся под управлением язычника Септимия Севера. Римский царь жестоко преследовал христиан, заставляя людей поклоняться языческим богам, принося им жертвы. Но, несмотря на опасность, святой Харлампий добросовестно исполнял свой долг, наставляя людей на истинный путь, поучая их Слову Божию. Благодаря проповедям священника многие язычники приняли христианство.

Молва о миссионерской деятельности Магнезийского епископа дошла до военачальника Луция и управляющего провинцией Лукиана. По их приказу епископа арестовали и привели на суд, требуя отречься от своей веры, принести жертву идолам. Но епископ отказался предавать свою веру.

Харлампию на тот момент исполнилось 113 лет. Однако возраст старца не смутил правителя, и он приказал подвергнуть епископа жестоким пыткам. Двое воинов, подвесив святого, стали истязать его плоть металлическими крюками, сдирая кожу. Но Харлампий держался мужественно, лишь продолжая молиться Господу и благодарить мучителей за обновление духа, стремящегося к вечной жизни. Стойкость старца настолько поразила воинов, что они встали на защиту Харлампия. Но разгневанный военачальник приказал продолжить мучения осужденного.

Однако после того, как святой выдержал пытки огнем и не сломился, воины уверовали во Христа, открыто прославляя его силу. Среди присутствующих на судилище зрителей были три женщины, которые также приняли христианство. Их, вместе с двумя воинами, принявшими веру мученика, немедленно казнили.

После этого Луций решил самолично приступить к истязаниям Харлампия. Но не успел он взять в руки орудие пыток, как у него отнялись руки, повиснув безвольно вдоль тела. Разгневанный Лукиан подошел к мученику и плюнул ему в лицо. Мгновенно шею главы провинции свело судорогой, а голова развернулась вокруг своей оси, обратив лицо назад. Испуганные истязатели взмолились к святому, прося о пощаде.э\

святой харлампий

Священномученик, вняв просьбам мучителей, обратился к Всевышнему с молитвой за своих судей. Господь, услышав молитвы святого, исцелил Луция и Лукиана. Лукиан, кинувшись под ноги Харлампия, просил крестить его, обещая прекратить гонения на христиан. После этого количество людей, желающих принять христианскую веру, стало еще больше. Люди шли к епископу за крещением и исцелением болезней.

Через время императора Септимия Севера оповестили о том, что целая провинция во главе с управляющим обратилась в христианство. Правитель приказал немедленного доставить магнезийского епископа в Антозхию, послав за ним отряд воинов. По пути в город стражники жестоко издевались над святым, таща его по земле за веревку, привязанную к бороде.

Когда мученик предстал перед императором, тот пожелал лично наблюдать за тем, как святого будут пытать огнем и железом. Но благодаря молитвам, обращенным к Спасителю, старец оставался цел и невредим.

Император, увидев такое чудо, решил допросить мученика. Он интересовался возрастом епископа, его родителями. Спрашивал, почему Харлампий отказывается чтить языческих богов. На это старец ответил, что верует в Единого Истинного Бога.

Тогда царь повелел привести бесноватого, потребовав от святого изгнать из него злого духа. Святой выполнил желание правителя, приказав Диаволу покинуть тело человека. Сразу после это одержимый излечился. Затем к святому принесли умершего юношу. Харлампий, помолившись Господу, вернул его к жизни. После таких чудес еще больше людей уверовало во Христа. Сам царь готов был принять крещение.

Но советники царя обвинили епископа в чародействе, потребовав его казни. Тогда Септимий пообещал святому, что оставит его в живых, если он согласится принести жертву идолам. На это старец ответил, что чем больше ран у него на теле, тем больше радости это доставляет его духу. Разгневанный царь приказал продолжить пытки. Святого вновь начали палить огнем. Одна из наложниц царя, желая угодить правителю, посыпала мученика горячими углями.

Но мужество Харлампия лишь еще больше распаляло Севера. Не выдержав, правитель стал богохульствовать, изрыгая брань на Иисуса Христа. Не успел он закончить свои проклятия, как земля затряслась, послышались раскаты грома. Все присутствующие окаменели от страха, а царя неведомая сила подняла над землей, оставив висеть в воздухе.

святой харлампий

Испуганный правитель стал просить старца заступиться за него перед Господом, пообещав прославить имя Спасителя по всему городу. По молитвам святого царь опустился на землю и ушел к себе во дворец, где находился три дня, размышляя о происшедшем. Но вскоре сомнения вновь овладели императором, и он велел казнить магнезийского епископа.

Перед казнью священномученик обратился к Господу с молитвой, в которой благодарил Бога за предоставленную ему возможность пострадать за Христа. Во время молитвы святому явился сам Спаситель, пообещав выполнить любую его просьбу. Харлампий попросил Христа оградить место упокоения его мощей от всяческих бед – голода, эпидемий, природных катаклизмов.

Святому отсекли голову, но Господь забрал душу епископа до казни, позволив ему умереть мирно. Тело мученика забрала и погребла дочь царя – Галина, принявшая христианство.

Значение и почитание в православии

Магнезийский епископ на Афоне считается одним из самых почитаемых после Богородицы святых. В греческом женском монастыре святого Стефана хранится глава чудотворца, а остальные частицы находятся в православных храмах разных уголков земли. Святые мощи не раз спасали Святую гору от эпидемий и нашествия врагов. Чудеса начались с первого дня обретения останков свщм. Харлампия.

Эпидемия тифа, разразившаяся на Святой горе в 1908 году, чудесным образом прекратилась после принесения главы святого на Афон и проведения всенощного бдения. В 1897 году турки попытались захватить раку с чудотворными останками Харлампия. Но Господь не позволил осквернить мощи святого, наслав эпидемию тифа на турецкие войска.

Чествование святого Харлампия проходит ежегодно 23 февраля. В этот день, по традиции, освящается не только вода, но и семена, которые верующие приносят с собой на молебен. Многие из них окропляют святой водой и землю перед посевом семян для получения хорошего урожая.

О чем молятся святому Харлампию

С давних времен святой Харлампий считался покровителем земледельцев и фермеров. Священномученику молились о сохранении урожая, хорошем приплоде скота.

святой харлампий

Чудотворец помогает также:

  • излечиться от болезни;
  • избежать внезапной смерти;
  • защититься от нападения врагов;
  • повысить благосостояние.

Особое покровительство священномученик оказывает людям, страдающим депрессиями и душевными заболеваниями. Святой угодник любому придет на помощь, оказав духовную и физическую поддержку.

От чего оберегает икона святого Харлампия

Священномученику Харлампию написана икона, на которой святой изображен с Евангелием в руках. Священный образ считается чудотворным и оберегает от многих бед. Поэтому рекомендуется приобрести небольшую иконку и всегда носить ее с собой.

Особенно важно иметь при себе святой образ тем, чья вера слаба. Священный лик великомученика поможет преодолеть сомнения и укрепить веру. Икона святого оберегает также от эпидемий, голода, разорения.

Тексты молитв

Священномученику Харлампию написаны тропари, каноны и акафист, которые исполняются на торжественных богослужениях, посвященных святому. Но если помощь нужна срочно, а посетить храм нет возможности, молиться можно дома перед образом святого.

Тропарь

Яко столп избранный Церкве Христовой и светильник присносветлый всея вселенныя, премудре показася, Харалампие, возсия в мире мучением, разруши идольское мракобесие, блаженне, сего ради явися предстатель Христу, молися спастися нам.

Тропарь, поемный на молебне

Страстотерпцу Харалампию приступим и образу его поклонимся, от сердца вопиюще: мучениче Харалампие и отче, от всякаго обстояния и всех бед своих раб избави нас, в церкве твоей выну пребывающих.

Акафист

Кондак 1

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же имеяй велие дерзновение ко Господу, от всяких нас бед свободи, зовущих:

Радуйся, священномучениче Харалампие, милосердый наш пред Богом заступниче и предивный чудотворче.

святой харлампий

Икос 1

Ангели на небеси радовахуся непорочному житию твоему, священномучениче Харалампие, ты бо последовал еси святым пророком и Апостолом, наставляя люди на путь спасения. Сего ради вопием ти:

Радуйся, великий светильниче Церкве; радуйся, проповедниче правды.

Радуйся, словес жизни вечныя учителю; радуйся, идолослужения обличителю.

Радуйся, имже сатана посрамляется; радуйся, имже вера Христова прославляется.

Радуйся, яко именем Христовым вражию силу низложил еси; радуйся, яко силою Божиею козни бесовския разрушил еси.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 2

Видяще житие твое, благочестия и чистоты исполненное, и слышаще пламенную проповедь твою, служителие Господа Иисуса Христа, укреплени бывше в вере и благочестии, возрадовашася, поюще всех Творцу: Аллилуиа.

Икос 2

Разумом, просвещенным от Господа, исполнен быв и долголетия мудростию украшен, не восхотел еси послушати совета Лукиана игемона, еже приступити с жертвами к богом бездушным, и велиих мучений не убоялся еси. Темже вопием ти:

Радуйся, угрозы Лукиана презревый; радуйся, постом и молитвою долголетие стяжавый.

Радуйся, благ невидимых взыскателю; радуйся, креста Христова победный носителю.

Радуйся, мучители твоя возлюбивый; радуйся, сердца их ко Христу обративый.

Радуйся, имже истинная вера утвердися; радуйся, имже прелесть бесовская посрамися.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 3

Силою Вышняго укреплен быв, победил еси велия мучения, и стружем ногтьми железными, молился еси ко Господу, исцеляя болезни твоих мучителей и воспевая Богу песнь: Аллилуиа.

святой харлампий

Икос 3

Имеяй велию милость Господню, удостоился еси, священномучениче Харалампие, гласа Божия, от облака исходяща, Емуже внемлюще, благоговейно рцем:

Радуйся, светильниче земный; радуйся, в небесныя обители преселивыйся.

Радуйся, собеседниче Ангелом; радуйся, сожителю пророком.

Радуйся, Апостолом сопрестольниче; радуйся, совоинственниче мучеником.

Радуйся, беседы Господни удостоивыйся; радуйся, яко услыша Господь молитвы твоя.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 4

Буря велия грады, веси и всяк злак сельный разрушает; горшия бури житейския злобы, неверия и злодеяний человеческих души наша смущают и житие наше мраком покрывают. Но помози нам, преславный священномучениче, почитающим подвиги и страдания твоя и поющим о тебе дивному во святых Своих Богу: Аллилуиа.

Икос 4

Слышав нечестивый царь римский Севир, яко в мучениих неодолен явился еси, исполнися гнева; ты же, долготерпеливе, егда острое железное гвоздие вбито бысть в честное тело твое, ничтоже глаголя вопреки мучителем твоим, вся сия в веселии и радости претерпел еси. Сего ради ублажаем долготерпение твое звании сими:

Радуйся, образе кротости духовныя; радуйся, долготерпением Господу Иисусу Христу подражавый.

Радуйся, яко и безсловесная тварь предивному терпению твоему ужасашеся; радуйся, яко Господь Бог с тобою в мучениих твоих пребыл есть.

Радуйся, множество людей долготерпением твоим приведый ко Господу; радуйся, от Господа прославленный.

Радуйся, исцелений источниче; радуйся, человеком помощниче.

Радуйся, Харалампие, милосердый наш пред Богом заступниче и предивный чудотворче.

Кондак 5

Боготечная звезда был еси жене некоей, яже, видящи страдания твоя и умилившися сердцем, велегласно возгласи: человече Божий, честна есть старость твоя, и Бог с тобою есть, в Негоже веровати имам, поюще Ему: Аллилуиа.

Икос 5

Видя царь Севир во исцелении некоего человека, бесом одержима, чудодейственную силу Христову, в тебе, досточудный священномучениче, обитающую, зело удивися и рече: воистину велик есть Бог христианский! Сего ради и мы, восхваляюще страдания и чудеса твоя, преславный исповедниче Христов, взываем ти радостно:

Радуйся, чудотворче предивный; радуйся, веры поборниче победоносный.

Радуйся, от огненнаго жжения невредим пребывый; радуйся, чудесы твоими неверующия люди светом богопознания озаривый.

Радуйся, житием твоим имя Божие прославивый; радуйся, егоже, яко добраго воина Христова, диавол трепещет.

Радуйся, егоже молитвою недузи врачуются; радуйся, егоже предстательством вернии жизнь вечную наследствуют.

Радуйся, Харалампие, милосердый наш пред Богом заступниче и предивный чудотворче.

Кондак 6

Проповедник мужественный был еси, всехвальный Харалампие, егда глаголал еси цареви: много мя пользуют муки; елико бо тело мое ранами раздробляется, толико радуется во мне дух мой. Внемлюще словесем сим, многое множество людей исповедаху Господа Иисуса Христа и венец мученический прияша, поюще Богу: Аллилуиа.

Икос 6

Возсия Божие всемогущество и явися страшное Божие прещение, егда нечестивии твои мучителие хулы на Христа Господа глаголаша безстудно: земля, яко лист, колебашеся, и слышахуся свыше от облак страшнии гласи, и бяху блистания и громи; молитву же тебе сотворшу, преста Божие страшное прещение. Темже вопием ти:

Радуйся, гордых обличителю; радуйся, нищеты духовныя учителю.

Радуйся, хульников имене Господня низложителю; радуйся, от гнева Господня человеки избавляяй.

Радуйся, блистания и громы небесныя молитвою утишаяй; радуйся, омертвевшия от страха человеки воскресивый.

Радуйся, велие незлобие к мучителем твоим явивый; радуйся, егоже ради Господь Бог возгреме во облацех воздушных.

Радуйся, Харалампие, милосердый наш пред Богом заступниче и предивный чудотворче.

Кондак 7

Хотя спасти чистую душу дщере царевы Галины, той яви тя Господь, о Харалампие, яко Ангела светла, мудра учителя и Апостола веры Христовы. И внемлющи словесем твоим, блаженная Галина умилися сердцем и Богу возгласи: Аллилуиа.

святой харлампий

Икос 7

Новаго тя Иосифа показа Господь Бог, егда вразуми тя известити, премудре, сказание бывшаго блаженней Галине соннаго видения. Виде бо множество водное, еже есть дарование Духа Святаго, виде сад велик при водах многих, рай Господень, и в нем виде виноград красен, праведных водворение, и Стража места того, Христа Бога, вземлюща овцу на рамена Своя. Темже зовем ти:

Радуйся, старцев украшение; радуйся, приятелище даров Духа Святаго.

Радуйся, яко с лики ангельскими славословиши Господа; радуйся, яко рай Господень и жизнь вечную стяжал еси.

Радуйся, Пастыреначальника Христа Бога нашего служителю; радуйся, добрый стада Христова пастырю и всего мира молитвенниче.

Радуйся, винограда Господня украшение; радуйся, Церкве Христовы утверждение.

Радуйся, Харалампие, милосердый наш пред Богом заступниче и предивный чудотворче.

Кондак 8

Странствия земнаго течение совершая, не восхотел еси волю нечестивых идолослужителей сотворити и от веры истинныя отступити, но вразумляяй мучители твоя Богомудрыми словесы твоими, страдания за Христа восприял еси лютая, поя Господу Богу песнь победную: Аллилуиа.

Икос 8

Все сердце свое яростию исполнив, вдаде тя царь нечестивый некоей жене вдовице на поругание. Ты же, святе Харалампие, входя в дом ея, восклонился еси на некий при храмине столп, и абие сухий той столп прозябе; тогда жена тая, зело ужаснувшися, к Богу обратися. Мы же во умилении сердца взываем ти:

Радуйся, Харалампие, светильниче всесветлый; радуйся, угодниче Христов, благодатию преисполненный.

Радуйся, яко и самое имя твое чудным житием твоим оправдися; радуйся, вдовиц предстательство и заступление.

Радуйся, учением твоим многия ко Христу приведый; радуйся, сирых надеждо и укрепление.

Радуйся, мучеников красото; радуйся, человеколюбия зерцало.

Радуйся, Харалампие, милосердый наш пред Богом заступниче и предивный чудотворче.

святой харлампий

Кондак 9

Все богатство ума твоего, вся благодатныя дары, яже приял еси от Господа Бога, вдал еси, святе Харалампие, на служение человеком, научая всех вере и благочестию, и в час кончины твоея святыя не о себе самем молился еси, но о спасении и благоденствии всех, почитающих святую память твою, да наслаждаются дарований Господа Бога, поюще Ему: Аллилуиа.

Икос 9

Витии многовещаннии не возмогоша воспети достойно величие души твоея и неизреченное твое милосердие, имже дивящеся, мы, недостойнии, в простоте сердца зовем:

Радуйся, светильниче, мрак греховный от людей светом веры отгоняяй; радуйся, венцем мученическим паче звезд небесных блистаяй.

Радуйся, молитвами твоими прозябения хлебов у Христа Бога испрошаяй; радуйся, яко кровь твою честную на землю пролиял еси.

Радуйся, яко тою кровию щедроты Господни нам грешным стяжал еси; радуйся, яко Господь рекл есть тебе: буди глагол твой исцеление болящим.

Радуйся, яко приято бысть Богом моление устен твоих; радуйся, скорбящих благодатное утешение.

Радуйся, Харалампие, милосердый наш пред Богом заступниче и предивный чудотворче.

Кондак 10

Спасти хотя душу твою, ни во чтоже тело твое вменил еси, святый мучениче, и мечному на тя осуждению радовался еси, поя благодеющему Господу Богу: Аллилуиа.

Икос 10

Стена и прибежище бысть ти, великий Харалампие, Господь Бог, явивыйся ти во славе Своей в час блаженныя кончины твоея. Темже зовем ти:

Радуйся, друже Господень; радуйся, яко Господь дает ти, яже просиши.

Радуйся, страшную славу Господню видевый; радуйся, защитниче людей от глада и мора.

Радуйся, тлетворнаго воздуха, погубляющаго плоды земныя, силою Божиею отгонителю; радуйся, трудолюбия учителю.

Радуйся, яко о здравии телес и душ спасении ходатайствуеши; радуйся, яко и о скотех, созданных на потребу человеков, печешися.

Радуйся, Харалампие, милосердый наш пред Богом заступниче и предивный чудотворче.

святой харлампий

Кондак 11

Пение умиленное аще и премногое приносим ти, чудотворче, ничтоже творим равно чудесем твоим и многому твоему к нам грешным милосердию, имже дивящеся, Господеви зовем: Аллилуиа.

Икос 11

Светильник путеводителен буди нам, Харалампие, во тьме греховней ходящим, и молися ко Господу, еже отъяти от нас всякое суеверие, просветити наш ум светом евангелия и учений, полезных ко труду земледельца и во всякой вещи, да просветлени умом, во умилении сердца зовем ти:

Радуйся, неизсякаемое миро, на труд человеч излиянное; радуйся, весно Господня благоуханная.

Радуйся, рая Господня древо прекрасное; радуйся, молитву, яко кадило благовонное, Господеви возсылаяй.

Радуйся, дыханием молитвы твоея святыя землю согреваяй; радуйся, предстательством твоим пред Господем росою плоды земныя орошаяй.

Радуйся, земледельцев покровителю; радуйся, жизни их строителю.

Радуйся, Харалампие, милосердый наш пред Богом заступниче и предивный чудотворче.

Кондак 12

Благодать, обещанную ти Господем Богом, еже исполнитися всякому прошению твоему, ведая, — Молю Тя, Господи, — рекл еси, — даждь славу имени Твоему: идеже положены будут моя мощи, да не будет на месте том глад и мор, или тлетворный воздух, погубляяй плоды, но мир в человецех и телесем здравие, и душам спасение, и плодов земных изобилие да будут. О Господи Боже наш! Излий благодать Твою сию и на всех нас, поющих Ти: Аллилуиа.

Икос 12

Поюще твоя чудеса, преславне Харалампие, славим долготерпение, страдания и дивную кончину твою, и чудящеся милосердию твоему, сице зовем ти:

Радуйся, о дождех благовременных пред Господем ходатайствуяй; радуйся, молитвами твоими от бури и града нас сохраняяй.

Радуйся, ты бо просил еси плодородие месту, идеже пострадал еси; радуйся, ты бо молился еси ко Господу, да низпослет Он, Милосердый, на труд земледельца Свое благословение.

Радуйся, страдальче непобедимый и непреодоленный; радуйся, священниче Божий, о всем мире ходатайствуяй.

Радуйся, надеждо всех молящихся тебе; радуйся, земледельцев радость светлая.

Радуйся, Харалампие, милосердый наш пред Богом заступниче и предивный чудотворче.

святой харлампий

Кондак 13

О предивный Харалампие, заступниче наш премилосердый! Вонми гласу недостойныя молитвы нашея и молися за ны ко Господу, еже сохранити нас от глада и мора и междоусобныя брани, и на всяк мирный труд человеч низпослати Божие благословение, да во веки воспеваем Ему: Аллилуиа.

(Сей кондак читается трижды, затем икос 1-й, кондак 1-й.)

Икос 1

Ангели на небеси радовахуся непорочному житию твоему, священномучениче Харалампие, ты бо последовал еси святым пророком и Апостолом, наставляя люди на путь спасения. Сего ради вопием ти:

Радуйся, великий светильниче Церкве; радуйся, проповедниче правды.

Радуйся, словес жизни вечныя учителю; радуйся, идолослужения обличителю.

Радуйся, имже сатана посрамляется; радуйся, имже вера Христова прославляется.

Радуйся, яко именем Христовым вражию силу низложил еси; радуйся, яко силою Божиею козни бесовския разрушил еси.

Радуйся, священномучениче Харалампие, милосердый наш пред Богом заступниче и предивный чудотворче.

Кондак 1

Избранному страстотерпцу и угоднику Божию, оросившему землю честною своею кровию и плодородие земли от Бога испросившему, похвальная из глубины души возглашаем пения. Ты же имеяй велие дерзновение ко Господу, от всяких нас бед свободи, зовущих:

Радуйся, священномучениче Харалампие, милосердый наш пред Богом заступниче и предивный чудотворче.

святой харлампий

Канон

Пе́снь 1

Ирмо́с: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

С ли́ки ше́ствуя ве́село в мы́сленных небе́сных се́лех и сия́я све́том невече́рним, изба́ви мя́ от страсте́й моли́твами твои́ми, му́дре, я́ко да пою́ тя́.

Светоно́сная твоя́ па́мять со́лнечная облиста́ет дарова́ния и просвеща́ет ве́рно в не́й чту́щия тя́, ра́дости пресве́тлыя вои́стинну, му́чениче тезоимени́те.

Крове́й твои́х ка́плями сла́ное неве́рия мо́ре потопи́л еси́, река́ благоче́стия бы́л еси́, Христо́ву напоя́ющи вои́стинну Це́рковь при́сно.

Богоро́дичен: Грехо́в бу́ря, и помышле́ний проти́вныя во́лны, и страсте́й наше́ствия на мне́ преидо́ша, но Твое́ю, Богоро́дице Де́во, держа́вною моли́твою спаси́ мя́.

Пе́снь 3

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Не́сть отню́д изрещи́ чуде́с мно́жества, я́же соде́лал еси́, еще́ в жи́зни ходя́ и к Бо́гу преше́д, страстоте́рпче му́чениче досточу́дне.

Си́лою Боже́ственною укре́плься, некре́пкую на́глость беззако́нных низложи́л еси́, я́коже во́ин кре́пок, Харала́мпие страда́льче, я́ко ору́жник Боже́ственнаго ополче́ния.

Крове́й исте́кшия то́ки твоего́ телесе́ ве́сь нече́стия пла́мень и лю́тое запале́ние угаси́ша, сла́дости же пото́к тебе́ исхода́таиша.

Богоро́дичен: Святы́х Свята́го Бо́га родила́ еси́, Всесвята́я, свя́тости хра́м я́вльшися чи́ст и две́рь, е́юже еди́н Христо́с про́йде, спаса́я челове́чество.

святой харлампий

Седа́лен, гла́с 3

Сто́лп незы́блен Це́ркве, свети́льник неугаси́мый вселе́нныя, страстоте́рпче, яви́лся еси́, Харала́мпие, и, просия́в со́лнца светле́е, и́дольскую отгоня́еши тму́, му́чениче сла́вне, Христа́ Бо́га моли́ дарова́ти на́м ве́лию ми́лость.

Богоро́дичен: Боже́ственная была́ еси́ ски́ния Сло́ва, еди́на Всечи́стая Де́во Ма́ти, чистото́ю а́нгелы превозше́дшая, па́че все́х мене́ пе́рсть бы́вша, оскверне́на плотски́ми прегреше́ньми, очи́сти моли́тв Твои́х боже́ственными вода́ми, подаю́щи, Чи́стая, ве́лию ми́лость.

Крестобогоро́дичен: Нескве́рная А́гница Сло́ва, нетле́нная Де́во Ма́ти, на Кресте́ зря́щи пове́шена из Нея́ без боле́зни прозя́бшаго, Матероле́пно рыда́ющи, вопия́ше: увы́ Мне́, Ча́до Мое́, ка́ко стра́ждеши во́лею, хотя́ изба́вити от страсте́й безче́стия челове́ка?

Пе́снь 4

Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи, от смы́сла чи́ста, о Го́споде пра́зднующи.

Красе́н бы́л еси́, пома́зався кро́вию честна́го муче́ния и добро́тами сего́ украси́вся, Харала́мпие, страда́льцев украше́ние и утвержде́ние.

Де́монская ка́пища твои́м сокруши́л еси́, страстоте́рпче, му́жеством, хра́м тебе́ сама́го Свята́го Ду́ха и терпе́ния нело́жнаго сто́лп показа́л еси́ и о́браз.

На высоту́ возне́сше ру́це, сла́вне, тмы́ предста́теле твоя́ ре́бра строга́ху ноготьми́, ве́чное и́стинно исхода́таивше тебе́ наслажде́ние.

Богоро́дичен: Кре́пость моя́ и пе́ние мое́ — Христо́с Бо́г, из Тебе́ возсия́вый, премно́жеством, Чи́стая, бла́гости изба́ви ны́ пе́рваго преступле́ния.

святой харлампий

Пе́снь 5

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Боже́ственную стра́сть на́с ра́ди стра́сти Претерпе́вшаго тве́рдо, му́чениче Христо́в, подража́в, терпи́ши во все́м те́ле, сла́вне, гвозде́й пригвожде́ния до́блественне.

Безслове́сие гони́телей, Сло́во, Собезнача́льное Отцу́, исправля́я, прему́дре, сло́во безслове́сным я́ве влага́ет, разреши́ти от ю́з тя́ повелева́юща.

Рожны́ пронзе́н, уязви́л еси́ се́рдце лю́таго земноро́дных бори́теля копие́м му́жества и терпе́ния твоего́, богому́дре страстоте́рпче досточу́дне.

Богоро́дичен: Боже́ственным сия́нием Твои́м, Блага́я, омраче́нную мою́ ду́шу сластьми́ просвети́, и ко спасе́ния стезя́м наста́ви, я́же еди́на, Спа́са Христа́ ро́ждшая.

Пе́снь 6

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли́ живо́т мо́й, Многоми́лостиве.

Свети́льник бы́л еси́, страда́ний твои́х све́том просвеща́я концы́: испове́дуеши и́мя Христо́во пред мучи́тели, страстоте́рпче Христо́в пресла́вне.

Боже́ственныя распаля́емь огне́м любве́, росо́ю ве́ры злоче́ствующих угаси́л еси́ запале́ние, Христо́ва чудеса́ неве́рным показу́я, досточу́дне.

Жи́зни жела́я безсме́ртныя, плотска́я, Харала́мпие, умертви́л еси́ страстна́я движе́ния и моли́твою ме́ртвыя возста́вил еси́, воспева́ющия во все́х тя́ просла́вльшаго.

Богоро́дичен: Страсте́й мя́ коле́блющася сопроти́вными прило́ги, Ма́ти Бо́жия, утверди́, я́ко безстра́стия ро́ждши Исто́чник, к Тебе́ бо прибего́х, челове́ком вели́кому Прибе́жищу.

святой харлампий

Конда́к, гла́с 8

Подо́бствовав благода́тию свяще́нства, сла́вне, Це́рковь све́тло украси́л еси́ Боже́ственным страда́нием, е́же за Христа́ прия́л еси́ до́блественно, ра́дуяся, Харала́мпие, честны́й свети́льниче всеми́рный, осиява́яй концы́, я́ко непобеди́мый.

И́кос

Па́стыря, Христа́ Бо́га на́шего, я́ко А́гнца, на зе́млю благоволи́вшаго приити́, грехи́ взе́млющаго и неду́ги все́х поне́сшаго, равнообразова́в, му́чениче свя́те, ду́шу за о́вцы положи́л еси́, возвеща́я Его́ стра́сти. Те́м дне́сь вси́ пое́м тя́ пе́сньми, я́ко непобеди́ма.

Пе́снь 7

Ирмо́с: О́троцы в Вавило́не пе́щнаго пла́мене не убоя́шася, но посреде́ пла́мени вве́ржени, ороша́еми поя́ху: благослове́н еси́, Го́споди, Бо́же оте́ц на́ших.

Приобща́яся му́кам и огне́м опаля́емь, страстоте́рпче Христо́в, я́ко зла́то чи́сто бы́в, и свяще́нно возложе́ние Христо́во бы́л еси́.

Моли́тв твои́х росо́ю пребеззако́ннующих пе́щь угасе́, му́дре, и изба́влен бы́л еси́, песнопоя́ Сотво́ршему: благослове́н еси́, Го́споди Бо́же оте́ц на́ших.

Ополче́нием страда́ний дре́во яви́лся еси́ высокора́слено, соосеня́ющо ве́рныя от пла́меннаго греха́, зову́щия: благослове́н еси́, Го́споди Бо́же оте́ц на́ших.

Богоро́дичен: Ра́дость прие́мшая в Пречи́стем чре́ве Твое́м, Богоро́дице Чи́стая, весе́лия се́рдце мое́ испо́лни, печа́ль отгоня́щи страсте́й, Присноде́во.

святой харлампий

Пе́снь 8

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.

Тече́нии крове́й нака́паемь, ра́н добро́тою украша́емь, победи́тельным благоле́пно венце́м удо́брен, Бо́гу предста́л еси́, му́чениче.

Му́к о́блацы не покры́ша му́жества твоего́, му́чениче, и до́блестей, гони́телей не омрачи́ сопротивле́ние твоего́ пресве́тлаго, богому́дре, терпе́ния.

Свяще́нник же и му́ченик непобеди́мь, во́ин до́бль и сто́лп непоколеби́мь, утвержде́ние ве́рных, нече́стия противобо́рец, вои́стинну яви́лся еси́, богому́дре страстоте́рпче.

Богоро́дичен: Вся́ческая сотвори́вый Боже́ственным хоте́нием, восхоте́в, во чре́ве Твое́м всели́ся, Чи́стая, истле́вшия ны́ обнови́ти хотя́. Его́же превозно́сим во вся́ ве́ки.

Пе́снь 9

Ирмо́с: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти; Тобо́ю бо, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́и, Тя́ ублажа́ем.

Ни о́гнь, ни ме́чь, но ниже́ сме́рть, ни гоне́ние, ни ско́рбь, ни гла́д, ниже́ беда́, ни му́к вся́ких умышле́ние возмо́же от любве́ Бо́жия вои́стинну отлучи́ти тя́ сотво́ршаго, страда́льче досточу́дне.

Строга́ньми ногте́й умерщвле́ния совле́к ри́зы, оде́ждами от крове́й тебе́, страстоте́рпче, украси́л еси́, те́мже со дерзнове́нием, му́чениче непобеди́ме, все́х Влады́це и Бо́гу, ра́дуяся, предстои́ши.

Ра́дости полна́ и Боже́ственныя све́тлости пода́тельна, Харала́мпие, па́мять твоя́ ми́ру возсия́, страсте́й зи́му отгоня́щи, вся́ просвеща́ющи, ю́же пра́зднующе, обрета́ем прегреше́ний очище́ние моли́твами твои́ми.

Богоро́дичен: Страсте́й бу́ря смуща́ет мя́, и сласте́й погружа́ет треволне́ние, Всенепоро́чная, Ко́рмчия Христа́ ро́ждшая, ру́ку ми́ по́мощи простри́ и спаси́ мя́, еди́на спасе́ние ве́рно блажа́щих Тя́.

святой харлампий

Канон молебный

Песнь 1: Колесницегонителя фараона

Ирмос: Воду прошед, яко сушу, и египетскаго зла избежав, израильтянин вопияше: Избавителю и Богу нашему поим.

Видяще поветрие, ныне нашедшее на рабы твоя, всяку лечбу и хитрость врачебную побеждающее, с верою теплою прибегаем под святый кров твой, священномучениче Харалампие: ускори на помощь нам, в опасности сущим.

Якоже другий Аарон, Харалампие, посреде живых и мертвых став, бремя нестерпимое нынешния смерти уйми; молитв же твоих, отче, кадило принес, гнев Господень прекрати (ср. Числ. 16, 46-48).

Всегубительство страшное видя человекоубийственнаго поветрия, священниче Господень, славне Харалампие, умилостивися и ускори умилостивити утробы Бога, естеством милостиваго, яже противу себе прогневахом.

Богородичен: Година зол, година гнева охвати ны несчастныя: поветрие бо вся, яко траву, посече. Марие матеродевственная, тецы и скоро упреди, и Сына Своего умилостиви к нам, безмерно согрешившим.

Песнь 3: Небеснаго круга

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Животворен сый благоуханьми молитв твоих, святе, отжени поветрием растлившийся воздух, егоже вдыхающе земли сея жителие смерть болезненную скоро получают.

Якоже класы сечет острый серп, тако поветрие пожинает человеки вся. Мучениче Харалампие, пресеки сего губительство, и смерти избави прибегающих к тебе.

Удалихомся, увы нам, от обычныя жизни, и от всяческаго друг ко другу общения затворихомся страхом всегубительства: ты убо, святе, сей упразднив, соедини ны скоро ходатайствы твоими.

Богородичен: Виждь, Владычице мира, виждь злоключение людей, искупленных честною Сына Твоего Кровию, и ущедривши Сего яко Мати милосердая, поветрия избави всегубящаго.

святой харлампий

Песнь 4: Ты моя крепость, Господи

Ирмос: Услышах, Господи, смотрения Твоего таинство, разумех дела Твоя и прославих Твое Божество.

Идеже осеняет божественная благодать твоя, Харалампие, и честное твое имя призывается с верою теплою, оттуду болезнь поветрия отгоняется: тем и ныне благодать твоя да отженет сию от нас, имя твое призывающих.

Призри на ны, беды терпящия последняя, страстоносче, и милостив явися: се бо нынешнее поветрие вся ны показа бездомны блуждающа и безградны. Смерть бо в домех, смерть на стогнех, и во граде и в селении ныне смерть.

Прежде убо Давид, видя ангела умерщвляюща тысящи людей, умилостиви сего жертвою телесною: ты же, страстоносче, зря поветрие посекающее христоименитых множества, молитв твоих мысленною жертвою Бога милостива к нам соделай.

Богородичен: Мати Божия, плачи и рыдания услыши, яже раби Твои творят над мертвецы своими: трупи бо их множицею непогребенны пребывают, лежаще, увы нам, яко пища птицем и зверем. Темже умилосердися над горем их.

Песнь 5: Вскую мя отринул еси

Ирмос: Просвети нас повелении Твоими, Господи, и мышцею Твоею высокоюТвой мир подаждь нам, Человеколюбче.

Всегубительство горящее и извне еще укрепляемое годиною летнею горящею, яко пещь вавилонская обретеся, пожигая абие обдержимых им. Но ты, мучениче, сие угаси.

Язва ныне десятая фараонова вся ны постиже: ныне губитель вся ны в домех наших умертви. Священниче Господень, кровь твою покажи Владыце, и прямо прогони губителя.

Поветрие, якоже пантера, Христово божественное стадо закла, пожре и растерза: но ты молитв твоих жезлом железным, Харалампие, скоро порази сие, и от сего пагубы избави нас.

Богородичен: Удобогорящее вещество злодейства наша, Дево, явишася, от негоже поветрие воспитася и вся огнем попали: Ты убо, яко Огня невещественна вместилище, вещество грех наших опали, и палящее поветрие сожжется.

святой харлампий

Песнь 6: Молитву пролию ко Господу

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Лозу Божию благоплодную, юже от Египта темнаго, безбожнаго и блуднаго Христос изъят, поветрие, якоже кабан, пожре: Харалампие мучениче Христов, зубы сего скоро сотри.

Тебе дадеся благодать сия, святе, изряднее всех святых, поветрия всегубительнаго болезни прекращати. Обаче и ныне сию действенну соделай, скоро отгнав поветрие от нас, с верою чтущих тя.

Якоже дракона вавилонска растерза Даниил божественною хитростию, такожде и ты, о Харалампие мучениче, люди Божия погубляемыя спаси, растерзав поветрие египетское зелием молитв твоих.

Богородичен: Припадем, вернии, и восплачим, и Христу вси покаемся, от души и сердца вопиюще: пощади людей Твоих, Человеколюбче Господи, и пагубу поветрия устави, действенными Твоея Матере мольбами.

Песнь 7: Отроцы еврейстии

Ирмос: От Иудеи дошедше, отроцы в Вавилоне иногда верою Троическою пламень пещный попраша, поюще: отцев Боже, благословен еси.

Яко да тя вси восхвалим, яко да воспоем всегда имя твое, изми нас предстательствы твоими от испытания сего – поветрия всегубительнаго, о Харалампие треблаженне.

Облак смерти горчайшия покры нас, рабов твоих: дохновении молитв твоих разсей его, блаженне, и жизни чистый воздух нам возлей.

Якоже вихрь нападый, возмути все наше житие поветрие всегубительное: но ты, страстоносче, живот наш в тишину неколебиму преложи.

Богородичен: Решительнице скорби, Богородице, и пространное вместилище мира всего Радования, от скорби горькия – поветрия человекоубийственнаго – избави нас, воспевающих Тя, и радование подаждь нам.

святой харлампий

Песнь 8: Иже в горе

Ирмос: Царя Небеснаго, Егоже поют вои Ангельстии, хвалите и превозносите во вся веки.

Вразумляя, якоже рабы безчинныя, Владыка нас поветрием бичует: егда же вконец вси вразумимся, преставит воспитуя ны яко Бог милости, Харалампия молитвами.

Пощади, пощади люди христоименитыя, страстоносче, и меч Господень единою вся посецающий невидимо в ножны возврати твоими действенными молитвами.

Опустошися град наш весь, и вся грады якоже селения явишася, и вся жилища опустеша поветрия страхом: егоже изгони молитвами твоими, всеблаженне.

Богородичен: Христа Мати и Мати христоименитых Ты еси, Пречистая: темже скоро нас, Твоих по благодати чад, помилуй, злоключимых, обаче же и вразумленных поветрия воспитанием.

Песнь 9: Ужасеся о сем небо

Ирмос: Воистину Богородицу, Тя исповедуем, спасеннии Тобою, Дево Чистая, с Безплотными лики Тя величающе.

Да престанем быти мужие губления, на седалищи губителей седящии, и злодеяний друг ко другу начальницы явившиися, всем уделяюще от душетленныя пагубы: и престанет абие поветрие плотское, истлевающее всех приближающихся к нему.

Вси мы преступихом заповеди Божия, жизнь ходатайствующия творящим я: сего ради и отмщение обретохом равноценное – нынешнюю смерть и всегубительства растление: смерть бо, якоже Павел вопиет, греха есть воздаяние (Рим. 6, 23).

Не имамы кий дар принести достоин во умоление, Харалампие, ни добродетели, ниже следа коего от исправления: слезы некия теплыя тебе принесохом от души и малая стенания, яже принеси ко Господу и поветрия избави всегубящаго.

Богородичен: Приими, Дево, ликостояния вся Ангел невещественных и всех Святых, и сотвори усердное моление к Сыну Твоему: покажи Твоя сосцы и руце, Его же – крест, губу и копие: и тако устави, Девице, поветрия болезнь всепогубляющую.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector