Житие святого митрополита Алексия Московского и о чем просят перед иконой, тексты молитв

После крещения Руси в X веке Константинопольский патриарх утвердил создание новой митрополии: Киевской и Всея Руси. В условиях борьбы между удельными князьями за власть, татаро-монгольского нашествия Церковь была связующим звеном, удерживающим русские земли в одной орбите. О митрополите Алексии Московском известно, что он был реальным правителем московского княжества в течение 24 лет: с 1354 по 1378 год.

Краткое жизнеописание

Митрополит Алексий внес существенный вклад в развитие и укрепление православной веры на русских землях, сумел смягчить влияние татарских ханов на церковь.

Происхождение

Боярин Федор Бяконт в 1300 году переехал в Москву после опустошения Чернигова войском татарского хана Батыя. В 1304 году у него родился первенец, нареченный Елевферием. Крестным отцом Елевферия стал преемник московского князя Даниила Александровича: Иван Калита (годы княжения 1325-1340).

Выбор жизненного пути

О своем жизненном предназначении будущий митрополит узнал подростком.  Однажды, расставив в лесу силки для ловли певчих птичек, он спрятался в кустах и незаметно для себя впал в сонное состояние. Сквозь дрему Елевферий услышал голос, изрекший ему, чтобы он не занимался ловлей птиц, а приготовился быть ловцом людей.

Монашеский период

Подросток приобщился к церковному богослужению, а в 15 лет объявил отцу, что хочет стать монахом. В 20 лет он был пострижен в монахи игуменом Московского Богоявленского монастыря, получив имя Алексий. В течение 20 лет житие Алексия проходило под руководством старцев Геронтия и Стефана.

Способного и усердного монаха заметил митрополит Феогност и повелел ему оставить монастырь и принять на себя ведение судебных дел Церкви. В звании наместника митрополита Алексий пробыл 12 лет.

Наследник Ивана Калиты, старший сын – Симеон Иванович Гордый (годы княжения 1340-1353), также благоволил к Алексию. Умирая от чумы, он завещал праведному Алексию быть советником своим сыновьям, Ивану и Андрею.

Предстоятель Киевский и всея Руси, Феогност, был посвящен в митрополиты в 1328 году в Константинополе. Он был убежден, что его преемником должен быть священнослужитель, прошедший испытание монашеством. Алексий, обладавший незаурядным умом, знаниями, дипломатическими способностями, был выбран Феогностом, как самый достойный на эту должность. Для обретения опыта руководства Церковью он назначил Алексия в 1350 году епископом Владимирским.

митрополит алексий московский

Константинополь

В 1353 году умер от чумы митрополит Феогност. После его смерти в Русской Церкви началась борьба за обладание титулом митрополита Киевского и всея Руси. Звание предстоятеля было учреждено после крещения Руси в 988 году, когда новая Церковь стала частью Константинопольского патриархата. Местонахождение митрополита было определено в Киеве.

В результате татаро-монгольского нашествия Киев был сожжен в 1299 году. Местопребыванием предстоятеля Русской Церкви стал Владимир, а затем Иван Калита перенес резиденцию митрополита в Москву, с сохранением титула.

Претендентом на звание митрополита Киевского и Всея Руси стал митрополит Литвы и Волыни – Роман. Литовская митрополия была закрыта святителем Феогностом, но после его кончины бывший предстоятель снова решил бороться за титул и епархии.

Соискатели в одно время явились к Константинопольскому патриарху, чтобы разрешить спор. Оба конкурента жаждали подтверждения титула митрополита Руси. Разногласия сохранились относительно Киева. Через 2 года митрополиты снова вынуждены были обратиться к патриархату для разрешения конфликта. По вердикту Каллиста, за Романом была закреплена Литва и Малая Русь, но тот не подчинился и обосновался в Киеве, подчинив себе епархию.

По прошествии 5 лет Алексий обратился в Константинопольский синод, с требованием заставить Романа уйти из Киева. Решение приняли в пользу московского патриарха, но окончательно конфликт разрешился в 1362 году, со смертью Романа. Титул предстоятеля Литовского и Малой Руси был упразднен, а митрополия передана Алексию.

Возглавление Русской Церкви

После моровой язвы в Москве великим князем стал оставшийся в живых брат Симеона: Иван II Иванович Красный (годы правления в Москве – 1353-1359). Княжение продлилось 6 лет. Перед смертью князь назначил митрополита Киевского и Всея Руси Алексия регентом при малолетнем наследнике Дмитрии Донском. Благодаря его усилиям Московское княжество не было подчинено власти соседних князей.

икона святого

Предстоятель Русской Церкви имел большой авторитет у московских и удельных князей, способствуя разрешению споров без кровопролития. Помогали ему в этом хорошие отношения с золотоордынскими ханами. В 1357 году его призвала к себе ханша Тайдула для излечения слепоты. Алексий, имевший к этому времени славу целителя, молитвой и святой водой смог восстановить зрение соправительницы Орды.

Окончание жизненного пути

Скончался митрополит Киевский и Всея Руси Алексий в 1378 году. По его завещанию и настоянию Дмитрия Донского, был похоронен в Кремлевском Чудовом монастыре.

Достижения

Митрополит Алексий прилагал много усилий для основания монастырей, назначил 21 епископа. Одна из обителей, Спаса Нерукотворного Образа, была основана по обету, который он дал, возвращаясь в 1356 году из Константинополя. Корабль попал в страшную бурю, которая грозила потопить всех плывущих на судне. Алексий молился Господу и дал обещание построить монастырь, посвященный святому того дня, когда он окажется на суше. В память исцеления Тейдулы был основан Чудов монастырь в Московском Кремле.

Были построены или восстановлены древние обители в городах:

  • в Нижнем Новгороде;
  • Владимире;
  • Серпухове.

В 1360 году в Москве был основан женский Алексеевский монастырь, игуменьями которого были его сестры – Евпраксия и Иулиания. Алексий способствовал утверждению Византийского монастырского устава, регламентирующего жизненный порядок иноков.

митрополит алексий московский

Святитель оставил потомкам грамоты, поучения переводы. В Чудовом монастыре хранится его перевод Евангелия с греческого языка. В церковных текстах Алексий именуется «святителем Московским и Всея Руси чудотворцем».

Почитание

Почитание памяти:

  • 25 февраля – день кончины;
  • 2 июня – дата обнаружение нетленных останков;
  • 18 октября – в праздник Собора Московских святителей, посвященного поминовению московских митрополитов и патриархов (отмечается с 1997 года).

Алексий считается святым покровителем Московских патриархов Алексия I и Алексия II.

Где можно найти мощи

Мощи митрополита Алексия Киевского и Всея Руси были признаны святыми спустя полвека после смерти. С 1947 года святые останки находятся в Богоявленском соборе Москвы.

Иконография

На иконах Алексий изображен в патриаршем одеянии до пояса или во весь рост, с Библией или свитком в руках.

О чем просят перед образом

Святителю и чудотворцу возносят молитвы об исцелении от глазных болезней, смягчения гнева начальства, о защите России от вражеского вторжения.

Тексты

Церковные тексты содержат молитву, канон и акафист митрополиту московскому Алексию.

митрополит алексий московский

Молитва

О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, молися паствы твоея спасти люди, единородный ти язык: мирно и безмятежно житие наше устрой: благосостояние святых церквей утверди; архиереи благолепием святительства украси; монашествующия к подвигом добраго течения укрепи; царствующий град (сей и святую обитель сию) и вся грады и страны добре сохрани, и веру святую непорочну соблюсти умоли; мир весь предстательством твоим умири, от глада и пагубы избави ны, и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, немощствующия исцели, и везде тепле призывающия тя и с верою притекающия к раце честных и многоцелебных мощей твоих, усердно припадающия и молящияся тебе, от всяких напастей и бед ходатайством твоим свободи, да зовем ти: радуйся, Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, московская похвало, всея России украшение! Моли о нас Всещедраго и Человеколюбиваго Христа Бога нашего да и в день Страшного Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.

небо и человек

Канон

Глас 8

Песнь 1

Ирмос: Колесницегонителя фараоня погрузи чудотворяй иногда Моисейский жезл, крестообразно поразив и разделив море, Израиля же беглеца, пешеходца спасе, песнь Богови воспевающа.

Припев: Святителю отче Алексие, моли Бога о нас.

Колесницею благодати Твоея, Господи, возвыси наша помыслы от дольних на Горняя и сподоби восхвалити угодника Твоего, святителя Алексия, песнь Тебе, Богу, воспевающа.

Колесницею ходатайств твоих ум наш, отягченный житейскими печальми, возвыси от земных к Небесным и настави восхвалити тя достойно, отче Алексие, песнь победную Богу воспевающа.

Колесницу гордости мира сего превозшел еси смирением, и, взем крест твой, последовал еси Христу добротами, и, во пристанище горняго селения достиг, песнь Богу победную воспеваеши.

Слава Отцу, и Сыну, и Святому Духу.

Колесницею добродетелей, яко Илия огненною, возшел еси на Небо, отонудуже моли Бога низпослати яко милоть благодать Духа, учащую ны песнь победную Богу воспевати.

И ныне и присно, и во веки веков. Аминь.

Богородичен: Колесница огнеобразная, носившая Бога Слова, во чреве Твоем воплощеннаго, моли Его прилежно спастися рабом Твоим, к Тебе притекающим и победную песнь Богу воспевающим.

Песнь 3

Ирмос: Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Припев: Святителю отче Алексие, моли Бога о нас.

Небеснаго круга и всея твари Господь, предведый тя, отче Алексие, будуща пастыря добра, ввери тебе паству словесную, яко Един Человеколюбец.

Небеснаго круга возлюбив Творца, постом облегчен, страстей море прешел еси и, на безстрастия верх добродетельми возшед, Бога узрел еси, Единаго Человеколюбца.

Слава Отцу, и Сыну, и Святому Духу.

Небеснаго круга на высоту возшед Богоразумием, увидел еси умно тамо неизреченная и приял еси дар чудотворения от Бога Человеколюбца.

И ныне и присно, и во веки веков. Аминь.

Богородичен: Небеснаго круга Верхотворца, хотяща родитися из Тебе, Пречистая, возвести Тебе Гавриил: радуйся, Дево, Господь с Тобою, Един Человеколюбец.

Господи, помилуй, трижды.

митрополит алексий московский

Седален, глас 4:

Благовонною слова Божияго пажитию словесную паству Христову Богоугодно воспитанную, пастырским Богодуховным исправления жезлом на правую спасения стезю путеводствив яко добрый пастырь, удостоился еси нетленну вечныя жизни мзду восприяти в Горнем Сионе от Пастыреначальника Христа Бога. Егоже моли, досточудне Алексие, нам, твоим овцам словесным, сохранитися от невидимых волков хищных.

Слава Отцу, и Сыну, и Святому Духу.

Духом Божественным помазася верх твой священный, архиерее Алексие, и сниде на тя благодать богатно, и пребысть, яко миро, на главе сходящее на браду, браду Аароню, и сходящая, яко роса аермонская, и орошающая каплями благодеяний твоих притекающия к раце мощей твоих и зовущия тебе усердно: отче преподобне, моли Христа Бога грехов оставление даровати чтущим достойно святую память твою.

И ныне и присно, и во веки веков. Аминь.

Богородичен: Повеленное тайно прием в разуме, в крове Иосифове тщанием предста безплотный, глаголя Неискусобрачней: приклонивый схождением Небеса вмещается неизменно весь в Тя, Егоже и видя в ложеснах Твоих, приемша рабий зрак, ужасаюся звати Тебе: радуйся, Невесто Неневестная.

Песнь 4

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недра Отча и нашу нищету посетив. Тем с пророком Аввакумом зову Ти: силе Твоей слава, Человеколюбче.

Припев: Святителю отче Алексие, моли Бога о нас.

Ты моя крепость, Господи, Ты моя и сила, — вопия, отче Алексие, приял еси дар телесныя недуги целити и лукавыя духи отгоняти от зовущих Христу: силе Твоей слава, Человеколюбче.

Ты еси светило Российския земли и граду Москве стена нерушима, на враги же победитель, и христоименитым людем во бранех пособник, зовущим Христу: силе Твоей слава, Человеколюбче.

Слава Отцу, и Сыну, и Святому Духу.

Ты Богословил еси Единицу несозданную, в Триех Лицех сущую, несливаему же и нераздельну, воумляя паству твою, отче Алексие, непрестанно звати: силе Твоей слава, Человеколюбче.

И ныне и присно, и во веки веков. Аминь.

Богородичен: Ты моя крепость еси воистину и спасение, Богородице, и на Тя надежду мою возложих, спаси мя, Дево Чистая, и укрепи рождшемуся из Тебе звати: силе Твоей слава, Человеколюбче.

святая икона

Песнь 5

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма, окаяннаго? но обрати мя и к свету заповедей Твоих пути моя направи, молюся.

Припев: Святителю отче Алексие, моли Бога о нас.

Вскую противнии ополчаются на ны, имущия тя крепка поборника? Ты, отче Алексие, дерзость их низложи и воинство наше молитвою твоею страшно им покажи.

Вскую унываем, согнетаемии множеством печалей, имуще скорбных утешителя — святителя Алексия, избавляюща ны от бед и скорбей наших и от враг видимых же и невидимых?

Слава Отцу, и Сыну, и Святому Духу.

Вскую, отче Алексие, телесныя немощи находят на ны, и беды окружают ны, врача тя имущия в болезнех и утешителя в скорбех? изми убо ны от сих молитвами твоими.

И ныне и присно, и во веки веков. Аминь.

Богородичен: Вскую обуревают мя волны страстей, кормчия Христа рождшая, Дево Всенепорочная? Ты Его моли сих исхитити мя и к стези заповедей Его пути моя управити, молюся.

Песнь 6

Ирмос: Очисти мя, Спасе, многа бо беззакония моя и из глубины зол возведи, молюся, к Тебе бо возопих, и услыши мя, Боже спасения моего.

Припев: Святителю отче Алексие, моли Бога о нас.

Очисти ны, Спасе, от многих грехов наших и болезни отжени молитвами святителя Твоего Алексия, и мир Церквам Твоим подаждь и соединение.

Очисти сердца наша и мысли ходатайствы твоими, отче, и, приим от нас приносимыя тебе молитвы, испроси у Христа обрести нам велию милость.

Слава Отцу, и Сыну, и Святому Духу.

Очистив сердце твое, отче Алексие, и трость языка твоего изострив Духом, написал еси в сердцах верных слово Богоразумия ученьми твоими.

И ныне и присно, и во веки веков. Аминь.

Богородичен: Очищенну Тя Духом, Всенепорочная, Архангел Гавриил познав, зовяще Тебе: радуйся, Дево Марие, падших воззвание и клятвы разрешение.

Господи, помилуй, трижды. Слава, и ныне:

митрополит алексий московский

Кондак, глас 8

Божественнаго и пречестнаго святителя Христова, новаго чудотворца Алексия, верно вси поюще, людие, любовию да ублажим, яко пастыря великаго, служителя же и учителя премудра земли Россиистей. Днесь, в память его притекше, радостно возопием песнь Богоносному: яко имея дерзновение к Богу, многообразных нас избави обстояний, да зовем ти: радуйся, утверждение граду нашему.

Икос

Дивнаго и пречестнаго чудотворца видяще чудеса, исцеления подавающа всем, от души с верою притекающим, и Христовы люди невидимо посещающа, и землю Российскую просвещающа, радостно от души вси, вкупе сошедшеся к раце мощей его, слышаще же и видяще чудес множество и источник исцелений неисчерпаемь, чистыми сердцы и просвещенными разумы, яко благоуханно кадило, плоды добродетельны от души приносяще и радующеся, воззовем ему, глаголюще: радуйся, отче, честный наш учителю, яко приял еси трудов твоих воздаяние и в Вышних водворяешися, о нас моля Человеколюбца Бога. Чудес дар приял еси, земли Российстей отец и учитель, и святителем изрядная похвала, и воинству нашему во бранех пособник крепок. Радуйся, святителю Алексие, граду нашему утверждение.

Песнь 7

Ирмос: От Иудеи дошедше, отроцы в Вавилоне иногда, верою Троическою пламень пещный попраша, поюще: отцев Боже, благословен еси.

Припев: Святителю отче Алексие, моли Бога о нас.

От Иудеи отроком поревновав, огнепальныя страсти угасил еси, Христу присно поя, блаженне Алексие: отцев Боже, благословен еси.

От Иудеи отроки подражал еси, живущею бо в тебе Духа благодатию просвещься, воспел еси Христу: отцев Боже, благословен еси.

Слава Отцу, и Сыну, и Святому Духу.

От Иудеи отроком ревнуем, видяще мощи твоя чудоточащия, любовию распаляеми, Христу зовем: отцев Боже, благословен еси.

И ныне и присно, и во веки веков. Аминь.

Богородичен: От Иудеи отроцы Твое прообразиша Рождество, Дево Всечистая, огнь бо в пещи не опали их, поющих: отцев Боже, благословен еси.

икона святого

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Припев: Святителю отче Алексие, моли Бога о нас.

Царя Небеснаго хвалити учил еси паству твою, зовый: пойте и превозносите Христа во веки.

Царя Небеснаго умоли о нас, чадех твоих, радостно поющих и превозносящих Его во веки.

Слава Отцу, и Сыну, и Святому Духу.

Царю Небесному предстоя, паству твою назирай, поющую и превозносящую Христа во веки.

И ныне и присно, и во веки веков. Аминь.

Богородичен: Царя Небеснаго родила еси, Дево, Егоже Ангели поют и превозносят во вся веки.

Песнь 9

Ирмос: Воистину Богородицу, Тя исповедуем, спасеннии Тобою, Дево Чистая, с Безплотными лики Тя величающе.

Припев: Святителю отче Алексие, моли Бога о нас.

Воистину свет миру явился еси, светящ добродетельми, и пастырь изряден твоего стада был еси, Христа величающа.

Воистину вемы тя, отче, чудотворца велика, точаща многа чудеса верно к тебе приходящим и Христа величающим.

Слава Отцу, и Сыну, и Святому Духу.

Воистину светло память празднуют святителя Алексия архиереи, и священницы, монаси и вси людие, Христа Бога величающе.

И ныне и присно, и во веки веков. Аминь.

Богородичен: Воистину Ты еси христианом спасение: Христа бо родила еси, спасающаго ны, Деву Чисту Тя величающия.

Светилен

Благодать Святаго Духа, всельшаяся в тя, святителя тя показа, Христос же ти вручи паству Свою паствити на пажитех духовных, Егоже ради потщался еси наставляти люди, и ныне на Небесех, радуяся, живеши.

митрополит алексий московский

Акафист

Кондак 1

Избранный архиерею и слуго Великаго Архиерея Иисуса, преблаженне Алексие! Яко сподобльшеся многих твоих благодеяний, не имеюще же что воздати, похвальная восписуем ти и от души взываем, проповедающе чудеса твоя: испроси нам от Царя Небеснаго безбедно преити прочее жития сего и достигнути Горняго Иерусалима, да тамо узревше тя в блаженней радости, воззовем к тебе:

Радуйся, Алексие, великий чудотворче и скорый помощниче.

Икос 1

Ангеле, от земли прозябый! Великаго Совета Ангел, провидев доброту души твоея, прежде век избра тебе, еже благовестити плененным отпущение и слепым прозрение. Отнюдуже мы, грешнии, светом дел твоих получивше прозрение и грехов отпущение, взываем:

Радуйся, корене благаго отрасль блажайшая.

Радуйся, честных родителей добрейший сыне.

Радуйся, благоуханнаго сада прозябение.

Радуйся, духовным возрождением Богу Отцу усыновленный.

Радуйся, миропомазанием Святаго Духа запечатленный.

Радуйся, имя, яко миро излиянное, свыше восприявый.

Радуйся, от пелен Богу посвященный.

Радуйся, мужественно иго Христово на себе возложивый.

Радуйся, земная и мимотекущая, яко уметы, вменивый.

Радуйся, егоже Человек домовит — Иисус утро наят делателя в виноград Свой.

Радуйся, образ Божий и подобие свято соблюдший.

Радуйся, красото, душевныя и телесныя всех очи увеселяющая.

Радуйся, Алексие, великий чудотворче и скорый помощниче.

картина святых

Кондак 2

Видя откровением Духа Святаго, яко не устоят нечестивии на суде праведнем, но суть яко прах, егоже возметает ветр, от младых ногтей, преблаженне Алексие, на совет их не шел еси, ниже на пути грешных человеков стал еси, но, Закону Божию усердно поучался, и прочим внушал еси пети: Аллилуиа.

Икос 2

Разум свыше прием, мал детищ сущь, еже не труждатися всуе в ловлении птиц, потщался еси вся яже на земли красная оставити. Темже мы приглашаем тебе:

Радуйся, на ловитву человеков призванный.

Радуйся, к Горним, яко на крилах возлетавый.

Радуйся, море житейское любомудрием испытавый.

Радуйся, волнение его безопасно прошедый.

Радуйся, земле благая, семя слова Божия восприявшая. Радуйся, земле, плод сторичный произрастившая.

Радуйся, пшенице, хлеб Небесный устроившая.

Радуйся, в житнице Небесной соблюденная.

Радуйся, обретый многоценный бисер и его всем, елика имел еси, купивый.

Радуйся, зельным пощением, яко благовкусною пищею, от юности питавыйся.

Радуйся, всенощным стоянием и непрестанными молитвами себе в подвизе укрепивый.

Радуйся, в море слез твоих множества демонов потопивый.

Радуйся, Алексие, великий чудотворче и скорый помощниче.

Кондак 4

Силою свыше, егда облече тя Дух Всесвятый, пастыря Церкви российстей поставляя, тогда всем людем твоим вдыхал еси хвалу: Аллилуиа.

митрополит алексий московский

Икос 4

Подобаше, отче Алексие, с Небесе песни тебе воспеваемей быти, а не от земли: кто бо от человек возможет по достоинству твоея святыни величия поведати? Но мы, любовию твоею побеждаеми, вопием ти сице:

Радуйся, дольняя и красная мира презревый.

Радуйся, вышних красот желанием воспаленный .

Радуйся, Единаго Христа от сердца возлюбивый.

Радуйся, Тому Единому всею душею прилепивыйся.

Радуйся, правило веры благочестивыя.

Радуйся, благий делателю винограда Христова.

Радуйся, дарованный талант приумноживый.

Радуйся, в радость Господа твоего вшедый.

Радуйся, сладостьми духовными нас насыщающий.

Радуйся, благоприятное Богу кадило.

Радуйся, благоухание молитвы к Престолу Вышняго возносящий.

Радуйся, любовный к Богу о нас предстателю.

Радуйся, Алексие, великий чудотворче и скорый помощниче.

Кондак 4

Бурю безместных помыслов, от диавола непрестанно воздвизаемую, до конца укротил еси и, радуяся о такове победе, торжественне Богу воспевал еси: Аллилуиа.

Икос 4

Слыша и видя премногую твою добродетель, пастыря тя Церкве Христовы избирает сословие православное, мы же, о сем веселящеся, глаголем ти:

Радуйся, достойно возседый на седалище апостольстем.

Радуйся, кормило корабля Христова.

Радуйся, мудрый наставниче.

Радуйся, звезде непрелестная, в руце Христовой содержимая.

Радуйся, в подвизе учительства неутомимый.

Радуйся, безвестных и тайных Премудрости Божия проповедниче.

Радуйся, нелицеприемный Истины поборниче.

Радуйся, безбожных и нечестивых устен обличителю и заградителю.

Радуйся, благовременне и безвременне в учении апостолу поревновавый.

Радуйся, властию, данною ти свыше, мудре и душеполезне человеки вязавый и решивый.

Радуйся, кающихся утешителю.

Радуйся, паствы твоея добрый хранителю.

Радуйся, Алексие, великий чудотворче и скорый помощниче.

митрополит алексий московский

Кондак 5

Боготочною Кровию искупившаго род человеческий от законныя клятвы верою зря Владыку и усердне к Нему любовию распалаемь, непрестанно возглашал еси: Аллилуиа.

Икос 5

Видев великий князь твое велие духа мужество и любовь к Отечеству твоему, умоли тя поити к безбожному царю Вердевиру: ты же абие шед благими и кроткими словесы зельный гнев его на род христианский утолил еси. Сия благодеяния твоя, отче наш Алексие, мы, сынове российстии, исповедующе, благодарне вопием ти:

Радуйся, мужественный Духа воине.

Радуйся, столпе крепости нашея от лица вражия.

Радуйся, оружие, без рати супостаты побеждающее.

Радуйся, щите, от напастей ограждающий.

Радуйся, яко кокош, птенцы своя охраняющий.

Радуйся, жезле, падающих подкрепляющий.

Радуйся, пастырю, волков от стада отгоняющий.

Радуйся, душу свою за овцы положити не отрекийся.

Радуйся, любве Христовы истый хранителю.

Радуйся, не яже своя, но яже ближняго взыскавый.

Радуйся, скорбящих скорое услышание.

Радуйся, печальми обуреваемым тихое пристанище.

Радуйся, Алексие, великий чудотворче и скорый помощниче.

Кондак 6

Проповедницы твоея святыни нам суть нетленныя твоя честныя мощи, чрез многа лета пред очами нашими лежащия, иже, аще и запечатанным сущим устом твоим молчанием, обаче вопиют непрестанно: Аллилуиа.

митрополит алексий московский

Икос 6

Возсия слава многих чудес твоих не токмо в преславнем граде сем, но и в неверных агарянех, отнюдуже нечестивый царь их Джанибек желаше, да помолишися о ослепшей царице его: ты убо, всю надежду возложив на Врача душ и телес, силою молитв твоих зрение той испросил еси. Мы же, удивльшеся таковому преславному чудеси, взываем ти:

Радуйся, угодное чудес Божиих орудие.

Радуйся, в скудельном сосуде сокровище силы Божия явивый.

Радуйся, предсказания евангельскаго исполнителю.

Радуйся, деснице чудотворения Иисусова.

Радуйся, язык Христов, словом исцеляяй.

Радуйся, апостольския силы сохранителю.

Радуйся, слепых просветителю.

Радуйся, немощных целебниче.

Радуйся, тайных провидче.

Радуйся, бесов от человек прогонителю.

Радуйся, силою чудес и невернаго царя Церковь почтити и возвеличити преклонивый.

Радуйся, не телесное токмо, но и душевное зрение подаваяй.

Радуйся, Алексие, великий чудотворче и скорый помощниче.

Кондак 7

Хотящу тебе благоугодити Творцу твоему, не седмый токмо день освящал еси, но всю седмицу жития твоего во святости провождал еси, воспевая Богу: Аллилуиа.

крест и книга

Икос 7

Новую тя показа тварь Зиждитель, всеблаженне Алексие, земна ангела и небесна человека. Темже чудящеся воспеваем ти:

Радуйся, отче наш, обитаяй духом в Небеси, а телом на земли опочиваяй.

Радуйся, дивная величия Божия всем поведаяй земнородным.

Радуйся, плоть духу покоривый.

Радуйся, пленивый разум свой в послушание веры.

Радуйся, рыкающаго адскаго льва уста заградивый.

Радуйся, огнь похоти плотския погасивый.

Радуйся, сребролюбия идол сокрушивый.

Радуйся, над всеми кознями вражиими восторжествовавый.

Радуйся, отвергийся себе и волю свою воле Божией покоривый.

Радуйся, питавыйся сокровенным хлебом Небесным.

Радуйся, алкавый и жаждавый единыя правды.

Радуйся, Царствие Божие внутрь себе вселивый.

Радуйся, Алексие, великий чудотворче и скорый помощниче.

Кондак 8

Странное чудо житие твое, святителю, является притекающим ко всечестным мощем твоим, при нихже и малое моление приносящим, велия всегда благодать от Бога подается, юже приемлюще, друг со другом радостно Богу возглашаем: Аллилуиа.

ангел в небе

Икос 8

Весь ум свой имея в вышних вперен, и нижних, паству твою, не оставил еси, молитвы о ней возсылая ко Всевышнему Владыце, преподобне Алексие. Не забуди и ныне нас, приглашающих тебе усердне:

Радуйся, горо, добродетельми выше Небес вознесенная.

Радуйся, реко, скверны наша омывающая.

Радуйся, источниче, жажду греховную утоляяй.

Радуйся, каменю драгий, всю Российскую землю украшаяй.

Радуйся, злато, во вся концы блещание от себе испущающее.

Радуйся, сребро, седмерицею от скверн греховных очищенное.

Радуйся, кимвале, всех на славословие Божие созываяй.

Радуйся, светильниче, седящих во тьме озаряяй.

Радуйся, древо, от жара греховнаго осеняющее.

Радуйся, благотучная ветве лозы Христовы.

Радуйся, таинственнаго Тела здравый члене.

Радуйся, чадо славы Воскресения.

Радуйся, Алексие, великий чудотворче и скорый помощниче.

Кондак 9

Всякое безместных страстей востание благодатию Господнею до конца потребил еси в мертвенней плоти твоей, святителю Алексие! Темже и был еси яко древо, насажденное при исходищих вод, плод дая во время свое и поя Богу: Аллилуиа.

руки человека

Икос 9

Вития многовещанныя превозшел еси духовною силою слова твоего, поведая людем дивная величия Божия и питая гладныя души хлебом с Небесе. Мы же, таковая сердцем объемлюще, благодарне тебе зовем:

Радуйся, кедре, в Церкви Христове, яко в Ливане, умноженный.

Радуйся, яко финикс, в дому Божием процветый.

Радуйся, кипарисе, верных сердца благовонием исполняяй.

Радуйся, винограде, сладкое благочестия вино нам источаяй.

Радуйся, крине, горняя поля украшаяй.

Радуйся, смоковнице благоплодная.

Радуйся, пшенице, чистым хлебом гладныя питающая.

Радуйся, маслино, елей милости изливающая.

Радуйся, цвете, от корене Христова процветый.

Радуйся, сладкое вино, в точиле Иисусовом изгнетенное.

Радуйся, безсмертным питием днесь напаеваемый.

Радуйся, и нам трапезу Небесную уготовляяй.

Радуйся, Алексие, великий чудотворче и скорый помощниче.

Кондак 10

Спасти хотя вверенныя ти люди, закон и Евангелие по вся дни проповедал еси: да, познавше многая своя прегрешения, прибегают с молением непрестанно ко Христу, Спасителю мира, от Негоже приемлющих прощение, научал еси их пети: Аллилуиа.

горят свечи

Икос 10

Стена еси, всеблаженне Алексие, Горняго Иерусалима, от десяти заповедей, яко от десяти велиих камений, Духом Святым устроенная! Имел бо еси закон Господень посреде чрева твоего, темже и глаголем ти:

Радуйся, Единаго Бога и Егоже послал есть Иисуса Христа познавый.

Радуйся, яко не поклонился еси кумиру временнаго благополучия.

Радуйся, яко николиже приял еси имене Господа Бога твоего всуе.

Радуйся, от юности всяк час жития твоего Богови посвятивый.

Радуйся, яко всех, иже отцы и матери наричутся, почтил еси.

Радуйся, до конца гнев на ближняго в сердце твоем истребивый.

Радуйся, похоти плотския постом и трудами от себе прогнавый.

Радуйся, руце свои от лихоимания и хищения всегда удержавый.

Радуйся, уста твоя от осуждения и клеветы обуздавый.

Радуйся, сердце твое от зависти и ненависти очистивый.

Радуйся, удаливыйся от надмения фарисейскаго.

Радуйся, истый образе мытарева смирения.

Радуйся, Алексие, великий чудотворче и скорый помощниче.

Кондак 11

Пение ангельское совершашеся, егда святая твоя душа от земных преставляшеся к Небесным, ихже един лик по Едином взываше: Аллилуиа.

митрополит алексий московский икона

Икос 11

Многосветлыми лучами блистает житие твое, отче Алексие! Отнюдуже многим ликом праведных духов сопричастна тя видяще, вопием ти:

Радуйся, пророче, волю Господню нам открывый.

Радуйся, апостоле, Евангелие Царствия Божия кающимся благовестивый.

Радуйся, пастырю, о славе Божией ревновавый.

Радуйся, мучениче, изволением душу свою за паству положивый.

Радуйся, постниче, вземший крест свой на рамо и тесным путем вслед за Христом шедый.

Радуйся, священниче, Безкровную Жертву о людех приносивый.

Радуйся, Херувиме, на немже опочи Господь Славы.

Радуйся, шестокрилатый Серафиме, вопияй непрестанно Трисвятую песнь Господу Саваофу.

Радуйся, девственниче ангелоподобный.

Радуйся, многи обители на славословие Божие устроивый.

Радуйся, друга Божия Преподобнаго Сергия присный друже.

Радуйся, яко егоже желал еси зде зрети преемником своим, того зриши днесь тамо вкупе с тобою Престолу Божию предстояща.

Радуйся, Алексие, великий чудотворче и скорый помощниче.

Кондак 12

Благодать, яже бысть Иисус Христос, твоими пречистыми усты граду сему всегда бысть проповедана. Отнюдуже вси, Христу поклоняющеся, пояху: Аллилуиа.

митрополит алексий московский

Икос 12

Поюще велия твоя, Алексие досточудне, исправления и подвиги, недоумеем воистину, како наречем тя; от всех бо благих дел, яко град красен, себе Творцу устроил еси. Темже взываем ти:

Радуйся, Адамово падение благодатию Христовою в себе исправивый.

Радуйся, по изгнании из земнаго рая Небесный рай улучивый.

Радуйся, Авелю, Кровию Христовою окропленный.

Радуйся, новый Енох, угодивый Господеви.

Радуйся, Илие, огненною добродетелей колесницею вознесенный.

Радуйся, Елисее, сугубую благодать восприявый.

Радуйся, Ное, от потопа беззаконий благодатию Христовою, яко ковчегом древ негниющих, спасшийся.

Радуйся, Аврааме, не сына, но себе самаго в жертву Богу принесший.

Радуйся, Исаие, на Престоле высоце и превознесенне лицем к лицу Господа зрящий.

Радуйся, Израилю, молитвою укрепивыйся с Богом и благословение вечное от Него приемый.

Радуйся, Самуиле, царем благословение подаваяй.

Радуйся, наследниче Божий и сонаследниче Христов.

Радуйся, Алексие, великий чудотворче и скорый помощниче.

Кондак 13

О пастырю наш предобрый и светильниче многосветлый, всечестне Алексие! Приими сие малое тебе хваление наше и испроси нам у Христа Бога утверждение в вере, еже ходити во всех заповедех и оправданиих Господних безпорочно, Отечеству же нашему мир и благоденствие, да сподобимся вечно в радости блаженней воспевати Богу: Аллилуиа.

Этот кондак читается трижды, затем 1-й икос «Ангеле, от земли…» и 1-й кондак «Избранный архиерею…».

Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: