Житие Иакова, брата Господнего по плоти, его значение в православии и молитвы

В православной церкви особо почитается память Иакова, брата Господня. Этот апостол первым удостоился явления воскресшего Христа и исполнился истинной веры. Иаков стал одним из авторов Священного Писания и был первым Иерусалимским епископом. После долгих лет служения истинной вере принял мученическую смерть. В честь апостола написаны акафист и канон, читаемые в дни его памяти.

Что известно об апостоле Иакове, брате господнем, из Библии

Имя Иаков переводится с еврейского как «запинатель» или «последователь». Именно этим древним именем наречен был один из сыновей Иосифа Обручника, мужа Девы Марии, матери Христа. Иаков и Иисус были сводными братьями. И изначально, когда Господь начал служение на земле Израилевой, брат по плоти не поддержал его учения.

Иаков являлся назореем. Эти люди посвящали себя Богу и давали священные обеты безбрачия, воздержания от пищи, кроме хлеба, и от питья вина. Они вели жизнь аскетичную и строгую, дабы стяжать дух Божий в своем сердце. Из-за приверженности ветхозаветному учению будущий апостол не мог следовать за Иисусом.

Однако же, когда Христос, воскресший после распятия, явился к брату и призвал его на служение, все сомнения ушли, и праведник присоединился к числу 70 апостолов, с которых началась христианская церковь. И, более того, по мнению Иоанна Златоуста, Христос сам поставил Иакова епископом Иерусалима.

О периоде служения святого епископом содержатся упоминания в Библии, Деяниях Апостолов и других источниках. Кроме того, послание Иакова входит в Новый Завет. Труд апостола был усердным и тяжелым. Иерусалим, город, распявший Христа, не терпел новой Церкви. Иудеи изгоняли христиан из города, убивали. Поэтому служение на столь важном духовном посту стало серьезным испытанием.

Но, несмотря на трудности и угрозу жизни, Иаков мужественно исполнял свой долг. Так, он участвовал в первом Соборе Апостольской церкви. В его доме собирались служители Христа, чтобы внимать боговдохновенному гласу и распространять Слово Божие. Святой Павел называет Иакова столпом церкви. Иаков участвовал в решении того, кто из апостолов куда отправится на проповедь.

Авторству Иакова принадлежит христианская литургия, написанная для служения Господу. Позже святые Иоанн Златоуст и Василий Великий ее сократили. Это сделано для того, чтобы простые люди могли понимать и участвовать в церковной службе. Однако в Сирийской Христианской церкви до сих пор служат именно эту древнюю литургию.

Строгость и святость брата Господня были очевидны даже для его врагов – фарисеев и талмудистов. Противники истинной веры записывали, что апостол лечил людей, избавлял Иерусалим от непогоды. Образ жизни его аскетичный и строгий, постоянные молитвы и коленопреклонения, сделавшие кожу на коленях подобной верблюжьей, не позволяли обвинить Иакова в безбожии или иных грехах. Поэтому его противники отступали перед святостью.

Народ же Иакова любил. Люди почитали его святым подвижником и мудрецом. Если надежды не оставалось, они приходили в дом апостола, чтобы найти помощь. Поэтому в городе служителя Христа называли «обли», «офли» – оплот. Когда в Иерусалиме случались мятежные смуты, простые жители уповали на него.

В дни великих праздников, Пасхи, Иаков проповедовал Слово Божие всем людям, стекающимся в город. И сила его речей была такова, что вызывала ненависть служителей иудейской религии. Когда апостол был уже на шестьдесят шестом году жизни, первосвященник Анания решил убить брата Господня.

иаков брат господень

Иудей собрал синедрион, обвинил высших архиереев христиан в нарушении закона и потребовал отречения от Господа. Иаков и бывшие с ним отвергли требования первосвященника и были казнены. Согласно христианским источникам, Иакова сбросили с крыши храма Соломонова и побили камнями. Историк Иосиф Флавий называет эту мученическую смерть причиной падения Иерусалима.

Значение и почитание в православии

Апостола Иакова похоронили недалеко от места гибели. Позже здесь установили памятник. Последовавшая после смерти мученика иудейская война считалась среди жителей города наказанием за умерщвление праведника. Но и после смерти люди стремились найти духовную помощь у апостола, поэтому приходили в храм, устроенный в пещере, где святой постился во время Христа.

По преданию, мощи Иакова, брата Господня были обретены в 351 году. Праведному отшельнику Епифанию трижды являлись Иаков, Симеон и Захарий и велели забрать их тела из захоронения. Найденные останки сияли дивным светом и были перенесены на гору Сион, а спустя время там был построен храм в честь святых. Спустя века, после множества воин и бед, выпавших на долю Иерусалима, мощи брата Господня попали в Константинополь, в Халкопратийский храм. В XX веке часть останков святого хранилась в России, в Москве. Эти святыни были переданы на Старо-Иерусалимское подворье в 1853 году Муравьевым, который получил их в дар от Александрийского патриарха Ерофея I.

В Новгороде апостол Иаков почитался как покровитель и защитник, и здесь, в Софийском соборе, также хранились части его останков и ризы. В честь святого строили церкви. В Новгороде их было две. Не только на Севере Руси, но и в других областях почитали апостола. Например, в Смоленске и Москве обнаружены реликварии останков святого. На Руси имя Иаков было распространено среди простого народа.

На иконах апостол изображается как худощавый, изнуренный молитвой и постом старец, с кожей, отвердевшей от земных поклонов. Одет он во власяницу и белый омофор и фелонь. Лик праведника кроток и печален. В руках апостола – хартия.

Православные христиане обращаются к Иакову с молитвой в случаях, когда имеют сомнения в вере. Великий учитель и наставник, первый творивший священные таинства апостол поможет укрепиться в любви к Богу даже в минуты отчаяния и печали. При жизни святой совершал исцеления больных, поэтому и сегодня ему молятся об излечении недугов и хворей. Обращение к брату Христову помогает в любых жизненных неурядицах, благодаря его любви к людям и кротости духа.

Литургию, написанную святым Иаковом, не знали в России до XX века. Впервые ее служили в 1970 году в Ленинграде. Сейчас этот чин богослужения совершают в некоторых епархиях. Традиционно это делают в дни памяти: 23 октября, а также в первое воскресение после Рождества, а также 4 января – Собор семидесяти апостолов.

иаков брат господень

Тексты молитв святому

В православной традиции Иакову, брату Господню посвящены канон и акафист, а также менее объемные песнопения. Молятся святому в дни памяти или если есть некая просьба к подвижнику о помощи. Читать акафист и канон следует перед образами, с зажженными свечами и лампадой. Во время молитвы нельзя отвлекаться на житейские хлопоты, следует сосредоточиться на служении Богу.

Акафист (от греческого Ο ΑκάθιστοςΎμνος – «песнь, которую поют стоя») – это вид поэтического моления. Перед акафистом читаются вступительные молитвы. Состоит из 12 икосов, 13 кондаков и заключительных молитв. По правилам, 13 кондак читают три раза, с поклонами. Затем повторяется 1-й икос и 1-й кондак из начала акафиста. После читаются завершающие молитвы, а в заключение – «Достойно есть».

Кано́н (греч. κανών — «правило», «норма») — это вид молитвенного обращения к святым, входит в число многих богослужений и в правила домашней молитвы. Канон состоит из ирмосов и тропарей. Мелодия канона подчиняется одному из восьми гласов. Перед каноном, как и перед акафистом, читают вступительные молитвы.

Тропарь

Яко Господень ученик восприял еси, праведне, Евангелие, /

яко мученик имаши еже неописанное, /

дерзновение яко брат Божий, /

еже молитися яко иерарх: /

моли Христа Бога спастися душам нашим.

Кондак

Отчее Единородное Бог Слово,/ пришедшее к нам в последния дни,/ Иакове Божественне,/ перваго тя показа/ иерусалимлян пастыря и учителя,/ и вернаго строителя таинств духовных:// темже тя вси чтим, апостоле.

Акафист

Конда́к 1

Апо́столу Христо́ву, иера́рху пресла́вному, столпу́ необори́му Це́ркви Христо́вой и му́ченику, Иа́кову прему́дрому, бра́ту Бо́жию блаже́нному похва́льная воспису́ем, я́ко хода́таю и ско́рому помо́щнику на́шему. Ты́ же, предстоя́й престо́лу Пресвяты́я Тро́ицы, не преста́й моли́тися о на́с и твои́ми моли́твами сохраня́й на́с от вся́ких бе́д и зо́л, ве́рою пра́зднующих па́мять твою́ и зову́щих:

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

иаков брат господень

И́кос 1

А́нгелов Творе́ц и всея́ тва́ри Соде́тель, яви́ тя́, Иа́кове, я́ко звезду́ многосве́тлую, возсия́вшую на тве́рди Церко́вней, тьму́ лжеве́рия прогоня́ющей, по́двигом све́та ми́р просвеща́ющую. Мы́ же, прибега́юще к заступле́нию твоему́, сицева́я ра́достно тебе́ прино́сим:

Ра́дуйся, я́ко Бо́гом избра́н для объявле́ния та́йн спасе́ния;

Ра́дуйся, я́ко по пло́ти Госпо́день бра́т показа́лся еси́, учени́к и самови́дец неизрече́нных та́йн Его́;

Ра́дуйся, сла́во Це́ркви Вселе́нския;

Ра́дуйся, я́ко без стра́ха и велегла́сно словеса́ Бо́жии среди́ я́рых иуде́ев лю́дям приноси́вший;

Ра́дуйся, це́ркви и́стинный упра́вителю;

Ра́дуйся, богому́дрый учи́телю непостижи́мых та́йн Бо́жиих;

Ра́дуйся, иера́рше Иерусали́ма до́льняго, ны́не пребыва́ющий во Иерусали́ме го́рнем;

Ра́дуйся, я́ко же́ртву чи́сту прине́сл еси́ Царю́ и Творцу́, его́же пред мучи́тели испове́дал, священному́чениче;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 2

Издале́че прозря́ твое́ жи́тельство, о́тче Иа́кове, бра́та тя́ прия́ Христо́с Человеколю́бец, я́ко ста́рший сы́н в семе́йстве пра́веднаго Ио́сифа Обру́чника бы́л еси́. С ма́лых ле́т, я́ко назоре́й, Бо́гу посвяще́н бы́л, име́я жи́знь возде́ржную. Нра́вов твои́х бла́гостию и ума́ чистото́ю, Христо́в показа́лся еси́ учени́к и́скренний, сподо́бился у престо́ла Влады́ки ве́чно воспева́ти: Аллилу́иа.

И́кос 2

Егда́ же, И́род ца́рь, иска́ Отроча́ Иису́са, дабы́ погуби́ти Его́, се́ А́нгел Госпо́день во сне́ яви́ся Ио́сифу глаго́ля: «Восста́в, поими́ Отроча́ и Ма́терь Его́ и бежи́ во Еги́пет». Ты́ же, Иа́кове, я́ко сро́дник по пло́ти Иису́сов бы́л еси́, пребыва́л со Ио́сифом и Ма́терию Его́, бе́гаяй с ни́ми во Еги́пет. Я́ко дру́г Христо́в бли́жнейший от младе́нства, приими́ от на́с, Иа́кове, усе́рдныя похвалы́:

Ра́дуйся, я́ко сы́н бы́л ходя́щих по пути́ Госпо́дню;

Ра́дуйся, я́ко лице́м к лицу́ Бо́га чрез Христа́ узре́л еси́;

Ра́дуйся, я́ко благода́ть мно́гу прия́л еси́ от Христа́;

Ра́дуйся, я́ко Христо́вым светоли́тием просвеще́н еси́;

Ра́дуйся, я́ко началопа́стыря Христа́ бра́т бы́л еси́ и прие́мник во апо́столех;

Ра́дуйся, я́ко сугу́бы по́чести от Христа́ сподо́бился;

Ра́дуйся, я́ко Христо́м Небе́снаго Отца́ обреты́й;

Ра́дуйся, я́ко и ны́не зри́ши Христа́ во све́те неизрече́ннем;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 3

По вознесе́нии же, Спаси́теля, ли́к апо́стольский, не состяза́вшись о сла́ве, избра́ тя́ Иа́кове Пра́ведный, священноде́йствовати Христу́ в Сио́не святе́м. Осо́бо яви́ся ти́, Госпо́дь по посвяще́нии тебе́ на престо́л це́ркви Иерусали́мстей, показу́я те́м благоволе́ние Свое́ к тебе́. Мы́ же дивля́шеся тако́му о тебе́ Бо́жию благоволе́нию, пое́м Вседержи́телю: Аллилу́иа.

иаков брат господень

И́кос 3

Служе́ние апо́стольское тру́дное, прия́л еси́ посреде́ са́мых кова́рных и я́рых враго́в ве́ры христиа́нския. Три́десять ле́т неуста́нно провеща́л и утвержда́л еси́ ве́ру спаси́тельную во гра́де Святе́м и земле́ Палести́нстей. Те́мже, благодаря́ Творца́ и Спа́са на́шего, славосло́вим тя́ вели́каго избра́нника Бо́жия:

Ра́дуйся, я́ко Иерусали́м на пропове́дывание Сло́ва Бо́жия, Про́мыслом Госпо́дним указа́лся тебе́;

Ра́дуйся, я́ко вели́ку вла́сть от Бо́га прия́л еси́;

Ра́дуйся, благове́стниче А́гнца Бо́жия, взе́млющаго грехи́ ми́ра;

Ра́дуйся, крестя́й наро́д иуде́йский во и́мя Отца́, и Сы́на, и Свята́го Ду́ха;

Ра́дуйся, па́стырю до́брый и учи́телю све́тлый, я́ко тобо́ю Бо́г украси́ це́рковь свою́;

Ра́дуйся, кла́дезе из него́ же воды́ живо́й напоя́емся;

Ра́дуйся, я́ко прие́мши кре́ст апо́стольский неутоми́мо стопа́м Спаси́телевым после́довал еси́;

Ра́дуйся, я́ко Боже́ственнаго Ду́ха светозаре́нием, тьму́ лжеве́рия разруша́л и ве́рных сердца́ просвеща́л еси́;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 4

Мно́го наро́да иуде́йскаго к Це́ркви Христо́вой обрати́л еси́, о́тче пра́ведный, по вели́кому дове́рию к сло́ву твоему́. Пра́ведным житие́м свои́м, обрета́л еси́ любо́вь и почита́ние и иуде́ев необраще́нных. Сего́ ра́ди восхваля́юще неуста́нные труды́ твоя́, усе́рдно зове́м Бо́гу: Аллилу́иа.

И́кос 4

Не взира́я на не́нависть к христиа́ном синедрио́на и первосвяще́нников иуде́йских, оклеветава́ющих христиа́н, я́ко враго́в зако́на Моисе́ова, ты́ о́тче Иа́кове, мудроде́юще свиде́тельствовал: обраща́ющийся к ве́ре Христо́вой – не отпа́дает от и́стинной ве́ры оте́честей. Мы́ же, ви́дя премно́гую твою́ доброде́тель, па́стыря неутоми́маго Це́ркви Христо́вой, благода́рно зове́м ти́:

Ра́дуйся, я́ко житие́м твои́м пра́ведным злосла́вные враги́ укроти́ и посрами́;

Ра́дуйся, я́ко пути́ вся́ вра́жия стесня́еши широто́ю Боже́ственнаго ра́зума;

Ра́дуйся, я́ко благода́тию, излива́ющейся от у́ст твои́х, науча́л о́вцы слове́сныя ве́ровати в Тро́ицу Единосу́щную;

Ра́дуйся, сто́лпе благоче́стия непоколеби́мый и стена́ Це́ркви необори́мая;

Ра́дуйся, я́ко возсия́л еси́ су́щим во тьме́ неразу́мия, все́х созыва́юще к высоте́ благоче́стия;

Ра́дуйся, я́ко собра́в пропове́данием высо́каго жития́ твоего́, ста́до твое́, сие́ от волко́в лю́тых изба́вил еси́;

Ра́дуйся, я́ко Бра́т Бо́жий, Сы́на Бо́га Вы́шняго до́блественне испове́дал на земли́;

Ра́дуйся, я́ко му́дростию обложе́н, благода́тию озаре́н, ми́рною красото́ю укра́шен, апо́столе свя́те.

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 5

Служе́ние иера́рше в Це́ркви Иерусали́мстей соверша́л еси́ с ве́лиим благоразу́мием, воздава́я до́лжное и и́стинней ве́ре отце́в. Ревни́тели же зако́на ветхозаве́тнаго, ви́деша в тебе́, о́тче Иа́кове, я́ко о́браз первосвяще́нника изра́ильскаго. Мы́ же, дарова́вшему тебе́ прему́дрость ве́лию, Бо́гу немо́лчно воспева́ем: Аллилу́иа.

иаков брат господень

И́кос 5

Проводя́ пу́ть сво́й земны́й свя́то от чре́ва ма́тери своея́, сподо́бился входи́ти во Свята́я хра́ма Иерусали́мскаго. Усе́рдно моли́лся еси́ об отпуще́нии грехо́в наро́да. Ожесте́ли коле́ни твои́, о́тче Иа́кове, от беспреста́нных преклоне́ний в моли́твах. Сего́ ра́ди и мы́ восхваля́ем тя́ по достоя́нию, я́ко моли́твенника на́шего пред Бо́гом:

Ра́дуйся, я́ко житие́м твои́м доброде́тельным, лю́ди своя́ просвеща́л, я́ко светоза́рное со́лнце;

Ра́дуйся, я́ко де́я учи́л презира́ти пло́ть, прилежа́ти же душе́ безсме́ртней;

Ра́дуйся, де́латель вертогра́да Христо́ва усе́рдный;

Ра́дуйся, я́ко Боже́ственнаго Ду́ха благода́ть прие́м, попали́л еси́ тьму́ лжеве́рия;

Ра́дуйся, я́ко пло́ть ду́ху соверше́нно порабо́тивый;

Ра́дуйся, моли́твенниче к Бо́гу неуста́нный;

Ра́дуйся, я́ко сою́зом любви́ спря́г ста́до твое́;

Ра́дуйся, я́ко благода́ти испо́лнен, све́т ми́ра и со́ль вселе́нныя бы́л еси́;

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Конда́к 6

Ду́хом Святы́м просвеща́ем бы́л еси́, о́тче Иа́кове, егда́ чи́н Боже́ственныя литурги́и му́дре устро́ил еси́. Уподо́бился се́ятелю до́браго се́мени, стокра́тный пло́д принося́щаго. И ны́не с небе́с на ны́ ми́лостиво призира́еши и преизоби́льно все́м на́м благода́ть подае́ши от ще́драго Христа́ Бо́га, ему́ же со а́нгелы в небесе́х пое́ши: Аллилу́иа.

И́кос 6

Служе́нию Боже́ственныя литурги́и от Сама́го Христа́ науче́н бы́л еси́. Зако́н жи́зни Це́ркви Христо́вой положи́л еси́, о́тче Иа́кове, жизнода́тельным ду́хом законополага́я и веща́я неизрече́нныя та́йны Бо́жии. Па́ству свою́ та́инствы церко́вными освяща́я и та́йнам ве́ры уча́. Мы́ же тебе́, Тро́ицы Святы́я ве́рному служи́телю воспева́ем такова́я:

Ра́дуйся, чи́на церко́внаго благоукраси́телю;

Ра́дуйся, я́ко ми́р просвети́л, блаже́нне, уче́ньми твои́ми.

Ра́дуйся, я́ко Ду́хом Святы́м чрез тебе́ све́т Богопозна́ния излия́шася в ми́р;

Ра́дуйся, я́ко чрез тебе́ начерта́ны та́йны не́ба и земли́;

Ра́дуйся, я́ко в та́йны Бо́жии ду́хом вознесы́йся;

Ра́дуйся, я́ко Боже́ственными заря́ми пропове́дания твоего́, возсия́л седя́щим во тьме́ пре́лести, све́т благода́тный;

Ра́дуйся, я́ко умо́м чи́стым и святы́ми уста́ми Богодохнове́нне спасе́ние все́м ве́рным предложи́л еси́;

Ра́дуйся, я́ко Бо́г Сло́во бога́тно просвети́ тя́ блиста́нии Боже́ственныя благода́ти;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 7

Бы́вша посреде́ благовеству́ющих наро́дом язы́ческим сло́во Христо́во, ра́спря и состяза́ние о зако́не Моисе́ове. Со́бран бы́сть сего́ ра́ди собо́р апо́стольский во гра́де Иерусали́ме, под предста́тельством твои́м, о́тче Иа́кове. Сло́во твое́ весо́мое о спасе́нии души́ в Це́ркви христиа́нской, не сохраня́я ве́сь обря́д зако́на Моисе́ова, собо́р единоду́шно прия́л еси́ и чрез апо́столов це́рквам возвести́л еси́. Мы́ же ублажа́ем тя́, научи́вшу я́ко пра́во разуме́ти уче́ние Христо́во и пе́ти Тому́: Аллилу́иа.

И́кос 7

Му́дре вразумля́л, о́тче Иа́кове, на собо́ре о сконча́нии вре́мени Заве́та Ве́тхаго и па́ки о Про́мысле Бо́жием о обраще́нии и спасе́нии наро́дов язы́ческих. Предста́тельством же на собо́ре апо́стольском се́м, иера́рха це́ркви Иерусали́мстей – ма́тери Церкве́й, низлага́ется е́ресь лати́нских па́п о Богоустано́вленности пе́рвенства престо́ла Ри́мскаго. Мы́ же, я́ко вели́кому во иера́рсех Христо́вых, взыва́ем ти́:

Ра́дуйся, истолкова́тель во́ли Бо́жией, ему́ же без ро́пота покори́лась вся́ це́рковь иуде́ев-христиа́н;

Ра́дуйся, я́ко науча́еши о спасе́нии благода́тиею Христо́вой не то́лько иуде́ев, но и язы́чников;

Ра́дуйся, я́ко свиде́тельствуеши о согла́сии сло́ва Христо́ва с уче́нием проро́ков и преда́ний оте́ческих;

Ра́дуйся, я́ко седя́щим во тьме́, зако́ны спаси́тельныя предлага́л и к све́ту благове́рия приводи́л;

Ра́дуйся, разу́мнаго све́та заре́, церко́вное свети́ло, святи́тельская красото́;

Ра́дуйся, глубо́кий кла́дезе и́стиннаго Богове́дения;

Ра́дуйся, я́ко ре́ки источа́еши Богоглаго́ливаго твоего́ чре́ва;

Ра́дуйся, я́ко прему́дрости ча́ша яви́лся еси́, доброде́тели испо́лненна;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 8

Яви́лся еси́ ты́, о́тче Иа́кове, я́ко му́дрый христиа́нин, миротво́рец и истолкова́тель Зако́на и И́стины в сло́ве – посла́нии «ко двуна́десяти коле́ном в рассе́янии», ко́и пребыва́ли в нема́лом броже́нии и недоуме́нии о уче́нии Христо́вом. Просвеща́л еси́ и вразумля́л, я́ко во́ля Бо́жия е́сть во́ля Бо́га Изра́илева, Бо́га Авраа́ма, Исаа́ка, Иа́кова. Те́м же и на́с научи́ пе́ти от всего́ се́рдца Творцу́ и Зижди́телю: Аллилу́иа.

И́кос 8

Про́поведь же апо́стольская доноси́лась и к су́щим дале́че от гра́да Свята́го коле́ном изра́илевым. Смуще́ние бы́сть у пра́ведных иуде́ев: явле́ние Христо́во – ча́яние наро́да Бо́жия или́ низложе́ние зако́на Моисе́ова. Вои́стину Богоразу́мно окормля́л ты́, о́тче Иа́кове, Це́рковь Иерусали́мскую, не оставля́я обря́да Моисе́ова – укрепля́л обраще́нных в благода́ти Христо́вой. Ре́кл ты́ Па́влу апо́столу: «Ско́лько ты́сящ уве́ровавших иуде́ев, и все́ ревни́тели Зако́на су́ть». Мы́ же восхваля́ем тя́, го́рнюю прему́дрость стяжа́вшаго:

Ра́дуйся, я́ко сло́вом Богоразу́мия лю́ди от неве́дения избавля́л и ко Христу́ приводи́л еси́;

Ра́дуйся, я́ко Боже́ственный ра́зум стяжа́л еси́;

Ра́дуйся, я́ко труды́ свои́ми к воде́ спаси́тельной о́вцы слове́сныя приводи́л еси́;

Ра́дуйся, я́ко пра́ведно даде́ся ти́ жре́бий па́стырскаго о душа́х попече́ния;

Ра́дуйся, я́ко притяжа́л еси́ па́ствы сердца́ и любве́ к тебе́ испо́лненная;

Ра́дуйся, я́коже со́лнца заря́ возсия́л еси́ ми́ру уче́нии твои́ми, Богогла́се;

Ра́дуйся, иску́сный лови́тель ду́ш людски́х;

Ра́дуйся, Боже́ственной благода́ти свети́ло;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче!

иаков брат господень

Конда́к 9

Вети́я многовеща́нныя не сме́ют вити́йствовати о твое́й, о́тче Иа́кове, му́дрости. Егда́ же ропта́ние бы́сть у иуде́ев-новообраще́нных о уче́нии Христо́вом, слы́шавше, я́ко спаса́ется челове́к то́кмо ве́рою, полага́вше ло́жно, я́ко в уго́ду «язы́ком» обраща́емым, упраздня́лись дела́ зако́на Моисе́ова. Тогда́ ты́, о́тче Иа́кове, в посла́нии твое́м вразумля́еши, я́ко не в еди́ном кни́жнем науче́нии и вне́шнем испове́дании е́сть ве́ра спаси́тельная, а в ве́ре поспешеству́емой любо́вию и дела́ми во и́мя Христо́во. Ему́ же, милосе́рдному Человеколю́бцу непреста́нно взыва́ем: Аллилу́иа.

И́кос 9

Ве́дал ты́, о́тче Иа́кове, ка́ко поврежде́на бы́сть же́ртвенная ве́ра Авраа́мля, в ве́ру лицеме́рную и ме́ртвую вожде́й иуде́йских. Ве́рно облича́еши «учи́телей му́дрости» и наставля́еши наро́д в ве́ре христиа́нской – терпели́вей во испыта́ниях, упова́ющей на Бо́га, несу́щей тя́гости во смире́нии. Мы́ же, тебе́ я́ко Богому́дрому наста́внику, благода́рно воспева́ем:

Ра́дуйся, я́ко возвеща́еши: те́ло без ду́ха ме́ртво е́сть, та́ко и ве́ра без де́л мертва́ е́сть;

Ра́дуйся, я́ко науча́еши: ра́дость име́йте, егда́ во искуше́ния впа́даете разли́чна;

Ра́дуйся, я́ко просвеща́еши: блаже́н му́ж и́же претерпи́т искуше́ния, зане́ прии́мет вене́ц жи́зни;

Ра́дуйся, я́ко глаго́леши: искуше́ния ва́шея ве́ры соде́лывает терпе́ние;

Ра́дуйся, я́ко умудря́еши: ве́дущему у́бо добро́ твори́ти, и не творя́щему гре́х е́сть;

Ра́дуйся, я́ко вразумля́еши: любы́ ми́ра сего́ – вражда́ Бо́гу е́сть;

Ра́дуйся, я́ко призыва́еши: моли́теся дру́г за дру́га, мно́го бо мо́жет моли́тва пра́веднаго поспешеству́ема;

Ра́дуйся, я́ко взыва́еши: обрати́вый гре́шника от заблужде́ния пути́ его́, спаса́ет ду́шу от сме́рти.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 10

Укрепля́л еси́, о́тче Иа́кове, обраще́нных в ве́ре и к страда́нием предуготовля́л предстоя́щим. Призыва́л к и́стинному едине́нию с проро́ками, терпе́нию и упова́нию моли́твенному на Бо́га, все́х и вся́ Содержа́щему в десни́це Свое́й. И на́с, недосто́йных, сподо́би моли́твами твои́ми, разу́мно пе́ти Бо́гу: Аллилу́иа.

иаков брат господень

И́кос 10

Та́ко науча́л еси́, лю́ди твоя́, ве́ре Христо́вой, спаси́тельной: «Ве́ра бо чи́ста и нескве́рна пред Бо́гом е́сть, е́же посеща́ти си́рых и вдови́ц в ско́рбех и́х и нескве́рна блюсти́ себе́ от ми́ра» и еще́ «Ми́лость е́сть жи́знь души́». Мы́ же, о́тче Иа́кове, тебе́ моля́щемуся о обновле́нии окамене́нных и изсо́хших серде́ц на́ших неуста́нно взыва́ем:

Ра́дуйся, я́ко рече́ши: су́д без ми́лости не сотво́ршему ми́лости.

Ра́дуйся, я́ко вразумля́еши: гне́в бо му́жа, пра́вды Бо́жия не соде́лывает.

Ра́дуйся, я́ко просвеща́еши: пло́д пра́вды в ми́ре се́ется творя́щими ми́р.

Ра́дуйся, я́ко глаго́леши: Госпо́дь го́рдым проти́вится, а смире́нным дае́т благода́ть.

Ра́дуйся, я́ко взыва́еши: смири́теся пред Го́сподем и вознесе́т вы́.

Ра́дуйся, путеводи́телю на́ш на небеси́.

Ра́дуйся, сло́ва Бо́жия нело́жный истолкова́телю.

Ра́дуйся, на́с на по́двиг деятельные любви́ подвигающий.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 11

Отпа́вшие от благода́ти вожди́ иуде́йския, ви́деша, я́ко мно́жество муже́й и же́н к Це́ркви Христо́вой прилага́ется, дове́рия ра́ди апо́стола всесла́внаго. Зломы́слили, лжеучи́тели, коне́ц положи́ти сему́. Нестерпи́м бо бы́л синедрио́ну пра́ведник и́стинный, служа́щий Го́споду беспоро́чно. На́с же, о́тче Иа́кове, благослови́, укрепи́ и наста́ви возраста́ти в ве́ре спаси́тельной, пою́ще Бо́гу: Аллилу́иа.

И́кос 11

Во дне́х пра́зднования Па́схи, собра́шася вся́ коле́на иуде́йския и мно́жество язы́чников во гра́д Иерусали́мский. Ты́ же, о́тче Иа́кове, неуста́нно пропове́дывал глаго́лы жи́зни ве́чныя. Ве́давше об отъе́зде, во дне́х си́х, прокуро́ра Фе́ста, нача́льницы иуде́йския сове́т положи́ша уби́ти тя́, па́стыря гра́да Свята́го. Мы́ же тебе́, я́ко му́жественну во́ину Христо́ву усе́рдно вопие́м:

Ра́дуйся, я́ко и́стину Христо́ву пред вожди́ небоя́зненно веща́вый.

Ра́дуйся, правосла́вия свети́ло.

Ра́дуйся, пра́вил церко́вных нелицеприя́тный блюсти́телю.

Ра́дуйся, я́ко тобо́ю Це́рковь Христо́ва ди́вно красу́ется.

Ра́дуйся, я́ко Богому́дрыми уче́ньми умы́ ве́рных к небеси́ возво́диши.

Ра́дуйся, я́ко кре́постию про́поведи зиму́ пре́лести разруши́л еси́.

Ра́дуйся, всему́дрый ло́вче, святы́й иера́рше и пропове́дниче.

Ра́дуйся, я́ко лу́ч Со́лнца Пра́вды испусти́ тя́ Христо́с, просвети́вшаго всю́ зе́млю.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

иаков брат господень

Конда́к 12

Первосвяще́нник, же иуде́йский, саддуке́й Ана́н, повеле́л пред хра́мом Иерусали́мским созва́ти собра́ние наро́да вели́кое. Ле́стию же, о́тче Иа́кове, завлеще́н бы́л еси́ на криле́ хра́ма Свята́го, где́ нечести́выми вопроше́н бы́л пред собо́ром людски́м: «Ре́ки на́м о Ра́спятом». Ты́ же, си́лою, от Бо́га тебе́ дарова́нною обле́клся еси́, гото́вый муче́ния вся́кия претерпе́ти Христа́ ра́ди. Мы́ же, Бо́гу, в му́ченичестем по́двизе тебя́ укрепи́вшем гла́сом ве́лиим воспева́ем: Аллилу́иа.

И́кос 12

Испо́лнився же, Ду́ха Свята́го, ты́ о́тче Богоно́сче, изре́к пред наро́дом: «О́н седи́т на небесе́х, одесну́ю Си́лы Всевышней и гряде́т на о́блацех небе́сных». Слы́шавше сия́ нечести́вии, скрежета́ху зубы́ свои́ми и единоду́шно устреми́лись на́нь. Низве́ржен бы́л до́лу апо́столе свя́те, с криле́ хра́ма Свята́го. Воста́в же на коле́на, Творцу́ моли́лся о поми́ловании убива́ющих тя́. Ка́мением до сме́рти побива́емь бы́л при стене́ хра́ма Свята́го. Та́м же па́ствою твое́ю погребе́н бы́сть. Мы́ же, ти́, предста́вшу пред престо́лом Святы́я Тро́ицы ра́достно зове́м:

Ра́дуйся, я́ко от иуде́й све́ржен бы́л, небе́сных черто́гов сподо́бился еси́.

Ра́дуйся, я́ко подража́тель стра́сти Госпо́дней бы́л убива́емь.

Ра́дуйся, го́рняго Иерусали́ма апо́стольское основа́ние.

Ра́дуйся, я́ко же́ртву чи́сту прине́сл еси́ Царю́ и Творцу́.

Ра́дуйся, я́ко в Це́рковь Небе́сную свяще́нно вше́л еси́, облива́емь, блаже́нне, кро́вию.

Ра́дуйся, я́ко тя́ засту́пника кре́пкаго пред Бо́гом име́ем.

Ра́дуйся, я́ко престо́лу Святы́я Тро́ицы предстои́ши венцено́сче пра́ведный, нетле́нных наслажда́ешися че́стей.

Ра́дуйся, священному́чениче непобеди́мый, иера́рше прехва́льный и свети́льниче всеми́рный.

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче!

Конда́к 13

О, пресла́вный апо́столе Иа́кове, бра́те Госпо́день, Це́ркви Христо́вой свети́льниче многосве́тлый. Приими́ от благогове́йных серде́ц с любо́вию приноси́мое хвале́ние тебе́. Испроси́ на́м у Христа́ Бо́га утвержде́ние в ве́ре, оставле́ние прегреше́ний и избавле́ния от ве́чнаго осужде́ния и да удосто́имся в Небе́снем Ца́рствии, ку́пно с тобо́ю, во ве́ки пе́ти Бо́гу: Аллилу́иа.

Этот конда́к читается трижды, затем и́кос 1-й и конда́к 1-й.

иаков брат господень

И́кос 1

А́нгелов Творе́ц и всея́ тва́ри Соде́тель, яви́ тя́, Иа́кове, я́ко звезду́ многосве́тлую, возсия́вшую на тве́рди Церко́вней, тьму́ лжеве́рия прогоня́ющей, по́двигом све́та ми́р просвеща́ющую. Мы́ же, прибега́юще к заступле́нию твоему́, сицева́я ра́достно тебе́ прино́сим:

Ра́дуйся, я́ко Бо́гом избра́н для объявле́ния та́йн спасе́ния;

Ра́дуйся, я́ко по пло́ти Госпо́день бра́т показа́лся еси́, учени́к и самови́дец неизрече́нных та́йн Его́;

Ра́дуйся, сла́во Це́ркви Вселе́нския;

Ра́дуйся, я́ко без стра́ха и велегла́сно словеса́ Бо́жии среди́ я́рых иуде́ев лю́дям приноси́вший;

Ра́дуйся, це́ркви и́стинный упра́вителю;

Ра́дуйся, богому́дрый учи́телю непостижи́мых та́йн Бо́жиих;

Ра́дуйся, иера́рше Иерусали́ма до́льняго, ны́не пребыва́ющий во Иерусали́ме го́рнем;

Ра́дуйся, я́ко же́ртву чи́сту прине́сл еси́ Царю́ и Творцу́, его́же пред мучи́тели испове́дал, священному́чениче;

Ра́дуйся, Иа́кове, пе́рвый иера́рше це́ркви Иерусали́мстей и сла́вный священному́чениче.

Конда́к 1

Апо́столу Христо́ву, иера́рху пресла́вному, столпу́ необори́му Це́ркви Христо́вой и му́ченику, Иа́кову прему́дрому, бра́ту Бо́жию блаже́нному похва́льная воспису́ем, я́ко хода́таю и ско́рому помо́щнику на́шему. Ты́ же, предстоя́й престо́лу Пресвяты́я Тро́ицы, не преста́й моли́тися о на́с и твои́ми моли́твами сохраня́й на́с от вся́ких бе́д и зо́л, ве́рою пра́зднующих па́мять твою́ и зову́щих:

Ра́дуйся, Иа́кове, пе́рвый иера́рше Це́ркви Иерусали́мстей и сла́вный священному́чениче.

Моли́тва

О, вели́кий уго́дниче Бо́жий, богоизбра́нный и богопросла́вленный апо́столе Иа́кове, бра́те Госпо́день! Ты́ еси́ вели́кий архиере́й гра́да Свята́го, те́плый на́ш засту́пниче и хода́тай, предстоя́щий Престо́лу Пресвяты́я Тро́ицы. Не отри́ни на́с от твоего́ заступле́ния, но воздви́гни на́с низве́рженных мно́гими грехи́. Я́ко священному́ченик, име́яй вла́сть реша́ти и вяза́ти, разреши́ зо́л на́ших соу́зы и любви́ Бо́жией причти́ на́с и Ца́рствия Небе́снаго прича́стники, блаже́нне соде́лай моли́твами твои́ми. Моли́ Христа́ Спа́са, да сподо́бит непреткнове́нно соверша́ти на́ше земно́е стра́нствие, да ве́чныя и блаже́нныя жи́зни на небеси́ сподо́бимся и та́мо, с тобо́ю вку́пе, вы́ну восхваля́ти Тро́ицу Неразде́льную, воспева́ти Еди́но Божество́ Отца́, и Сы́на, и Ду́ха Всесвята́го, во ве́ки веко́в. Ами́нь.

иаков брат господень

Канон

Пе́снь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Дая́нию благо́му, Иа́кове, и да́ру соверше́нну от Отца́ све́тов челове́ком подая́тися, учи́ши я́ве, Ему́же причасти́тися, апо́столе, тя́ пою́щим помоли́ся.

Све́том просвеще́н, до́блий, Боже́ственнаго Ду́ха и с Ни́м зако́ны изложи́в, Це́ркви управля́еши язы́ков, я́ко Христо́в апо́стол, священнотаи́нниче всеблаже́нне.

Ли́к апо́стольский, всему́дре, я́ве украси́л еси́, я́ко пе́рвый иера́рх бы́в, самоде́йством Сло́ва пома́зан, я́ко учени́к и бра́т Бо́жий, священнопропове́дник свяще́ннейший.

Богоро́дичен: Исто́чник Тя́ исцеле́ний иму́ще, почерпа́ем, я́ко Исто́чник ро́ждшую жи́зни, Богоро́дице Де́во Чи́стая, и ду́ш врачевство́, и теле́с обновле́ние.

Пе́снь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Весели́тся о тебе́ коле́но Иу́дово дне́сь, Христо́выми светлостьми́ ви́де тя́ све́тло облиста́юща.

Звезду́ богосия́нну Це́рковь язы́чная иму́щи тя́, благосла́внаго пропове́дателя, и Боже́ственным Све́том озаря́ется.

Зако́н ты́ жи́зни Це́ркви Христо́ве положи́л еси́, Жизнода́тельным Ду́хом ты́ законополага́я и веща́я.

Богоро́дичен: Его́же родила́ еси́ пло́тию, о Богома́ти, из Отца́ Возсия́вшаго, Того́, Чи́стая, Иа́ков я́ко Бо́га все́х пропове́да.

иаков брат господень

Седа́лен, гла́с 8

Сро́дник по пло́ти Иису́сов бы́л еси́, и от Него́, апо́столе, благода́ть мно́гу прия́л еси́ и все́м препо́дал еси́ просвеще́ние и ра́зум, всему́дре Иа́кове, и и́дольскую ле́сть из ко́рене исто́ргнув. Те́м, и́же тмы́ предста́тели и лестцы́, непра́ведно тя́ убива́ют, Спа́са пропове́дающа. Сего́ ра́ди вопие́м ти́: моли́ Христа́ Бо́га грехо́в оставле́ние дарова́ти чту́щим любо́вию святу́ю па́мять твою́.

Богоро́дичен: Со́лнца о́блаче разу́мнаго, Боже́ственнаго Све́та свети́льниче златокова́нный, Нескве́рная, Небла́зная, Всенепоро́чная Влады́чице, омраче́нную ду́шу мою́ ослепле́нием страсте́й, безстра́стия заре́ю просвети́, молю́ся, и оскверне́нное мое́ се́рдце омы́й пото́ки умиле́ния, покая́ния же слеза́ми и от тиме́ния мя́ очи́сти де́л мои́х, да любо́вию зову́ Ти: Богоро́дице Присноде́во, моли́ Христа́ Бо́га прегреше́ний оставле́ние пода́ти ми́, Тебе́ бо име́ю наде́жду, ра́б Тво́й.

Пе́снь 4

Ирмо́с: Любве́ ра́ди, Ще́дре, Твоего́ о́браза, на Кресте́ Твое́м ста́л еси́, и раста́яшася язы́цы: Ты́ бо еси́, Человеколю́бче, кре́пость моя́ и хвале́ние.

Вве́л еси́ в мо́ре Твоя́ ко́ни, апо́столы, Спа́се, и просвети́ша язы́ки, к Твоему́ позна́нию привле́кше, Влады́ко.

Нескве́рно, я́ко зерца́ло, я́влься, и перводе́тельныя лучи́ Несозда́нныя Тро́ицы изве́стно прие́м, все́м возсия́л еси́.

Валя́емаго тя́ ка́меня проро́чество освяще́нное зри́т и сокруша́юща пре́лести гнило́е су́етство си́лою Ду́ха.

Богоро́дичен: Вше́д, о Богома́ти, во чре́во Твое́ Преве́чное Сло́во, роди́выйся из Отца́ неизрече́нно, Иа́кова апо́стола явля́ет.

иаков брат господень

Пе́снь 5

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Ты́, Го́споди, Све́т, блиста́ние Иа́кова яви́л еси́ светя́ща, и земны́я неве́дения и тмы́ изменя́юща.

Тя́, Го́споди, гла́сом свобо́дным пропове́да пра́ведный бра́т Тво́й, подража́тель же Стра́сти бы́сть, убива́емь.

Ки́й земны́й у́м похва́л пе́ния тебе́ принести́ мо́жет, доброде́телей просвеще́нному благода́тьми, Иа́кове?

Богоро́дичен: Тя́ и́стинно Боже́ственное обре́т жили́ще, всели́ся, о Де́во, на́ше спасе́ние, Сло́во, промышля́я.

Пе́снь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

Оде́ждею зако́нною облече́ тя лу́чшею, и иера́рха явля́ет, Ааро́на дре́вняго честне́йша, и́же ми́лости ра́ди в бра́тство прие́мый тя́.

Орга́н, де́йствы ударя́емь Ду́ха, все́ помышле́ние наслажда́я и Бо́гу приве́д спаса́емыя от рабо́ты люте́йшия, бы́л еси́ изря́днейший.

Возжажда́в, жи́зненныя испи́л еси́ воды́, и ре́ки источа́еши богоглаго́ливаго твоего́ чре́ва, теку́щия вселе́нней Боже́ственным Ду́хом.

Богоро́дичен: Е́ва у́бо преслуша́нием сме́рть роди́, Богоро́дица же, Жи́знь заче́нши, роди́ Нестаре́ющуюся и дре́вний за все́х отдаде́ до́лг.

иаков брат господень

Конда́к, гла́с 4

О́тчее Единоро́дное Бо́г Сло́во, прише́дшее к на́м в после́дния дни́, Иа́кове боже́ственне, пе́рваго тя́ показа́ Иерусали́млян па́стыря и учи́теля, и ве́рнаго строи́теля та́инств духо́вных: те́мже тя́ вси́ чти́м, апо́столе.

И́кос

Рожде́ние тя́ Ио́сифово, Иерусали́мов пе́рваго иера́рха, Иа́кове богови́дче, и Госпо́дня бра́та пе́сньми похва́льными воспое́м ве́рно, и к тебе́ возопие́м: да́руй на́м да́р соверше́н от Отца́ све́тов и отжени́ ско́рбь, настоя́щую от мно́жества прегреше́ний, поднесо́ша бо врази́ на ны́ пя́ту и обступи́ша на́с исма́ильтяне, и́хже сокруши́ вско́ре лу́ки, священноявле́нне, я́ко да тя́ вси́ почита́ем, апо́столе.

Пе́снь 7

Ирмо́с: В пещи́ авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Я́ко в пещи́, на го́рнице просвеща́емь, Боже́ственным прише́ствием Ду́ха, та́инственно, богоглаго́ливе, возопи́л еси́: благослове́н еси́ в хра́ме сла́вы Твоея́, Го́споди.

Свы́ше дыха́ние зе́льное апо́стола язы́ком огнеобра́зным веща́ти Бо́жия вели́чествия устро́и: благослове́н еси́ в хра́ме сла́вы Твоея́, Го́споди.

Виде́ния де́ятельнаго излага́я дщи́цу, от скрижа́ли же, я́ко духо́вныя, челове́ки научи́л еси́: благослове́н еси́, Бо́же мо́й, зовы́й, Го́споди.

Богоро́дичен: Возсозда́вый ми́р, во утро́бе Твое́й, Богоневе́сто, Боже́ственнаго служе́ния показу́ет соверши́теля Иа́кова, взыва́юща: благослове́на Ты́ в жена́х Всенепоро́чная Влады́чице.

иаков брат господень

Пе́снь 8

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Ру́ки распросте́р кре́пкия, апо́столы Твоя́, Спа́се, благослови́л еси́, восходя́, Влады́ко, к Безнача́льному Отцу́ Твоему́, и устро́ил еси́ ты́я с весе́лием вопи́ти: благослови́те вся́ дела́ Госпо́дня Го́спода.

Я́коже обеща́лся еси́, нело́жно апо́столом Твои́м, Ду́ха посла́л еси́. Сего́ Иа́ков, Влады́ко, све́тлостию просвеща́емь, вселе́нную мо́лниями просвеща́ет я́ве и вопие́т Тебе́: благослови́те вся́ дела́ Госпо́дня Го́спода.

Му́дрость, Иа́кове му́дре, ипоста́сную име́л еси́ Учи́теля, уча́щу тя́ неизрече́нным и неизглаго́ланным та́йнам, и к благоче́стию лю́ди зва́ти воздви́гл еси́: благослови́те вся́ дела́ Госпо́дня Го́спода.

Богоро́дичен: Го́ру явле́нну мы́сленную, Де́во Чи́стая, проро́к ви́де Тя́, из Тебе́ бо пречестны́й Ка́мень отсече́ся, спаса́я вселе́нную вои́стинну, Боже́ственно пою́щую: благослови́те вся́ дела́ Госпо́дня Го́спода.

Пе́снь 9

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Прииди́те, первопресто́льника вси́, Це́ркве свети́льника, свяще́нными, Иа́кова, пе́сньми, я́ко иера́рха и христопропове́дника, тезоиме́нне пра́веднаго именова́нна, велича́ем.

Боже́ственнаго о́бщника, я́ко я́вльшася безконе́чнаго Ца́рствия, и Бо́жия нарече́нна бра́та, и житие́м и́стинствующа, именова́ние прие́мша, священнотаи́нника, тя́ велича́ем, Иа́кове.

Престо́лу предстоя́, блаже́нне, венцено́сец Тро́ицы, ве́рою почита́ющих твою́ па́мять, нетле́ющих наслади́тися че́стей, я́ко иера́рх, Иа́кове, благоприя́тен, твоего́ Влады́ку умоли́.

Богоро́дичен: Ты́, от Де́вы Рожде́ннаго неискусобра́чно, богоявле́нне, уче́нии твои́ми я́ве чести́ Бо́га науча́еши, Воплоще́нное Сло́во, в Него́же мы́ ве́рующе ны́не, досто́йно велича́ем.

иаков брат господень

Свети́лен

Я́ко Госпо́дня бра́та бы́вша, блаже́нне Иа́кове богодохнове́нне, ве́рнии по до́лгу хва́лим тя́, сла́вяще све́тлую и всечестну́ю, и светоно́сную твою́ па́мять, моли́ся приле́жно за чту́щих тя́.

Богоро́дичен: Моли́твенницу Тебе́ приво́дим и те́плую предста́тельницу, Чи́стую Ма́терь Твою́, ве́рнии, по до́лгу: сподо́би рабы́ Твоя́ причасти́тися сла́вы Твоея́, и пра́ведных ча́сти, и сла́дости ра́йския, и улучи́ти на́м небе́сное Ца́рствие.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector