Сильные тексты молитв Митрофану Воронежскому и о чем просят святого

Православная церковь почитает многих священников, прошедших нелегкий путь от обычного служителя до высшего церковного чина. Одним из таких праведников является Митрофан Воронежский, молитвы к которому обладают чудодейственной силой. Святой Угодник прославился многочисленными благими деяниями, оказывая помощь всем страждущим. Нужно только знать, как правильно молиться и с какими словами обращаться к чудотворцу Митрофану в разных жизненных ситуациях.

Значение святителя в православии

Начало жизненного пути Митрофана Воронежского самое обычное. Рожденный в семье священнослужителя в ноябре 1623 года будущий Святитель был назван Михаилом. До 40 лет он жил в своем селе. К этому возрасту Михаил успел жениться, родить сына Иоанна и овдоветь.

После смерти жены Михаил решил стать монахом, приняв постриг в Золотниковской обители и получив имя Митрофан.

Слава о благочестивом монахе разнеслась по всей округе, и братия соседской Яхромской обители попросила назначить Митрофана к ним игуменом. На этой службе Святитель пробыл 10 лет.

Дальнейшая церковная карьера Святого Угодника развивается следующим образом:

  • 1675 год – получает сан архимандрита;
  • 1680 год – управляющий 94 храмами;
  • 1682 год – епископ Воронежский.

Назначение Святителя Митрофана во вновь образованную Воронежскую епархию совпало с раскольничьими настроениями, царившими в крае. Епископ начинает свою деятельность со строительства собора, посвященного Благовещению Пресвятой Богородицы. За время своей службы Святитель возводит множество храмов, основывает монастыри (Вознесенский и Троицкий).

Но главное, чему Святой Угодник отдает свои силы, – это духовное преображение братии, борьба за единство веры. Чудотворец считал, что каждый добродетельный христианин должен отдавать как можно больше времени молитве, так как она указывает путь к Царствию Божию.

Епископ Воронежский много общался с Петром I, который очень уважительно относился к старцу. Праведник помогал царю в строительстве флота, призывая людей жертвовать на военные нужды.

Немало делал праведник для своей паствы. К нему могли обратиться не только сановитые особы, но и простолюдины. Святой Митрофан поддерживал узников, покровительствовал вдовам и сиротам, давал приют странникам и больным.

молитва митрофану воронежскому

Святитель Митрофан дожил до 80 лет. После него осталось духовное завещание, составленное старцем перед смертью. Земная жизнь святителя закончилась 23 ноября 1703 года, а в 1832 году он был причислен к лику святых.

Как правильно просить о помощи

Обращаясь к святому с молитвой, человек просит о заступничестве и милосердии. Чтобы праведник услышал просьбу, нужно при чтении молитвы придерживаться определенных правил:

  1. Молитвенные слова должны быть искренними. Нельзя притворяться и лукавить.
  2. Во время молитвы нельзя отвлекаться, думать о постороннем.
  3. Молиться нужно не в силу обязательств либо по чьему-то указанию, а по доброй воле, иначе святой разгневается.
  4. Не нужно во время произнесения священных слов повышать голос, достаточно говорить тихо, спокойно.
  5. Нельзя обращаться с просьбой о материальных благах. Праведника просят наставить на путь истинный, вылечить от болезни, помочь в трудном выборе.

Священнослужители советуют перед молением прийти на исповедь и пройти обряд причащения, получив благословение на прочтение священного текста.

Не всегда желаемое исполняется быстро. Иногда приходится ждать довольно долго. Нужно запастись терпением и продолжать молиться. Господь не оставляет без награды терпеливых и смиренных духом.

молитва митрофану воронежскому

Тексты сильных православных молитв на русском языке

Молитвенные обращения к богоугоднику обладают большой силой. Существует несколько священных текстов, в которых просят святителя о помощи в разных жизненных ситуациях.

Чтобы найти работу

Жизненный путь человека усеян множеством преград. Это может касаться поисков работы, неприятностей с начальством или коллегами. С некоторыми проблемами не всегда можно справиться самостоятельно. В таких случаях многие верующие молятся перед образом святого, прося об обретении достойного места работы.

Молитва Святителя Митрофана для тех, кто ищет работу, звучит следующим образом:

«О святителю отче Митрофане, се мы грешнии, нетлением честных мощей твоих и многими благодеяньми, чудесно содеянными и содеваемыми тобою, уверившеся, исповедуем, яко имаши велию благодать у Господа Бога нашего, и, всесмиренно ко твоему благосердию припадающе, тебе молимся сице: моли о нас Христа Бога нашего, да низпослет всем чтущим святую память твою и усердно к тебе прибегающим богатыя милости Своя; да утвердит во святей Своей Православней Церкви живый дух правыя веры и благочестия, дух ведения и любве, дух мира и радости о Дусе Святе, да вся чада ея, чиста суща от мирских искушений и плотских похотей и злаго действия злых духов, духом и истиною покланяются Ему, и усердно о соблюдении заповедей Его ко спасению душ своих да потщатся.

Пастырем ея да даст Господь святую ревность попечения о спасении людей, во еже неверующия просветити, неведущия наставити, сомнящияся вразумити, отпадшия от Православныя Церкве к ней возвратити, верующия в вере соблюсти, грешныя на покаяние подвигнути, кающияся утешити и во исправлении жизни утвердити, и тако вся люди ко уготованному вечному Царству святых Его привести. Умоли Господа, угодниче Христов: верных рабов Его, в скорби и печали день и нощь вопиющих к Нему, многоболезенный вопль да услышит и да изведет от погибели живот наш. Всем же в державе людем да дарует благий Бог наш мир, тишину, безмятежие и изобилие плодов земных, паче же ко исполнению заповедей Его тщание неленостное; и да избавит царствующия грады, град сей и вся иныя грады и веси от глада, труса, потопа, огня, меча, нашествия иноплеменных, междоусобныя брани, смертоносныя язвы и от всякаго зла.

Ей, святителю Божий, да устроиши молитвами твоими вся благая душам и телесем нашим; да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь».

молитва митрофану воронежскому

За благополучие и жизненное устройство детей

Многие родители обращаются к Чудотворцу Митрофану, молясь о сыне или дочери. В молитвенном обращении матери просят святого защитить ребенка, даровать ему силы для того, чтобы он мог удержаться от соблазнов.

Текст молитвы о жизненном благополучии детей:

«О святителю отче Митрофане! Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да призрев на ны милостивно, подаст нам согрешений наших вольных и невольных прощение и избавит нас от бед, печалей, скорби и болезней душевных и телесных, обдержащих нас; да подаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков. Аминь».

Краткое обращение

Когда наступают тяжелые дни, возникают трудности в профессиональной сфере, не хватает денег на самое необходимое – помогает молитва праведнику Митрофану.

Священный текст небольшой и звучит следующим образом:

«О архиерею Божий, святителю Христов Митрофане, услыши мя, грешнаго (имя), в час сей, в оньже тебе моление приношу, и помолися о мне грешнем ко Господу Богу, да отпустит грехи моя и подаст (содержание прошения) молитвами, святе, твоими. Аминь».

молитва митрофану воронежскому

Православные тексты

Помимо молитв, существуют и другие православные тексты, с которыми можно обращаться к Святителю Митрофану.  К ним относятся хвалебные песнопения: тропарь, кондак, акафист, канон. Их можно исполнять как в церкви, так и дома.  Церковные гимны обычно поют на праздник или в день почитания святого.

Тропарь

Пра́вило ве́ры и о́браз кро́тости,/ сло́вом и житие́м, па́стве твое́й, о́тче смиренному́дре Митрофа́не, был еси́./ Те́мже и во све́тлостех святы́х,/ со́лнца светле́йше возсия́л еси́,/ венце́м нетле́ния и сла́вы украша́емь,/ моли́ Христа́ Бо́га,// стране́ на́шей и гра́ду твоему́ в ми́ре спасти́ся.

Перевод: Правилом веры и образом кротости своим словом и жизнью для паствы твоей, отче смиренномудрый Митрофан, ты был. Потому и в сиянии святости ярче солнца воссиял ты, украшенный венцом нетления и славы, моли Христа Бога о спасении в мире страны нашей и города твоего.

Кондак

Воздержанием тело духу поработив,/ душу же равноангельну сотворив,/ святительскою одеялся еси одеждою, яко венец священства;/ и ныне всех Владыце предстоя,// моли, всеблаженне Митрофане, умирити и спасти души наша.

Акафист

Конда́к 1

Избра́нный чудотво́рче и изря́дный уго́дниче Христо́в, многоцеле́бный исто́чниче и моли́твенниче о душа́х на́ших, святи́телю о́тче Митрофа́не, я́ко име́яй дерзнове́ние ко Го́споду, от вся́ких на́с бе́д свободи́ зову́щих:

Ра́дуйся, Митрофа́не, вели́кий и пресла́вный чудотво́рче.

И́кос 1

А́нгел земны́й и челове́к небе́сный бы́л еси́, святи́телю о́тче Митрофа́не: впери́в бо у́м в Боже́ственная, вре́менная и земна́я пренебре́гл еси́, те́мже и всели́ся в тя́ Пресвяты́й Ду́х, Его́же благода́тию све́тло укра́шен еси́. Сего́ ра́ди тебе́, на Небеси́ и на земли́ просла́вленному, вопие́м си́це:

Ра́дуйся, я́ко чистото́ю и святы́нею А́нгелом уподо́бился еси́; ра́дуйся, я́ко посто́м и бде́нием безстра́стия дости́гл еси́.

Ра́дуйся, свети́льниче Боже́ственнаго све́та; ра́дуйся, моли́тв благово́нное кади́ло.

Ра́дуйся, ве́рных непрело́жное утвержде́ние; ра́дуйся, неве́рных богому́дренное обличе́ние.

Ра́дуйся, христиа́н непосты́дное прибе́жище; ра́дуйся, благоче́стия стено́ необори́мая. Ра́дуйся, кре́пкое корми́ло Це́ркве Христо́вы; ра́дуйся, непоколеби́мый сто́лпе Правосла́вия.

Ра́дуйся, апо́стольских преда́ний ве́рный храни́телю; ра́дуйся, та́ин Бо́жиих и́стинный строи́телю. Ра́дуйся, Митрофа́не, вели́кий и пресла́вный чудотво́рче.

молитва митрофану воронежскому

Конда́к 2

Ви́дяще от святы́х моще́й твои́х приснотеку́щий исто́чник исцеле́ний, благогове́ния и ра́дости испо́лнени, благодари́м Бо́га, ди́вно прославля́ющаго святы́я Своя́, вопию́ще Ему́: Аллилу́иа.

И́кос 2

Ра́зумом, просвеще́нным свы́ше, вразумля́я заблу́ждших, побо́рник бы́л еси́ и́стинныя Христо́вы Це́ркве, егда́ в ца́рствующем гра́де Москве́ суему́дреннии лжеучи́тели на собо́ре святи́тельском отверзо́ша нечести́вая уста́ своя́ на ея́ хуле́ние. Мы́ же от мы́сленных волко́в изба́вльшеся, ве́рно взыва́ем ти́:

Ра́дуйся, цевни́це Ду́ха Свята́го, бряца́ющая сла́ву Бо́жию во спасе́ние челове́ком; ра́дуйся, гро́ме, сокруша́яй ерети́ческое злоче́стие.

Ра́дуйся, мо́лние, попаля́ющая пле́велы неве́рия; ра́дуйся, я́сное зерца́ло апо́стольских преда́ний.

Ра́дуйся, немо́лчный благове́стниче веле́ний Христо́вых; ра́дуйся, ве́рный наста́вниче богому́дрия.

Ра́дуйся, мона́шествующих сла́во; ра́дуйся, архиере́ев боже́ственное удобре́ние.

Ра́дуйся, златоза́рное свети́ло, просвеща́ющее зе́млю Ру́сскую; ра́дуйся, наде́жный хода́таю на́м Ца́рствия Небе́снаго.

Ра́дуйся, я́ко твои́м к Бо́гу моле́нием от а́да свобожда́емся; ра́дуйся, я́ко твои́м предста́тельством ра́йския жи́зни сподобля́емся.

Ра́дуйся, Митрофа́не, вели́кий и пресла́вный чудотво́рче.

Конда́к 3

Си́ле Вы́шняго чудоде́йствующей, никто́же притека́яй к тебе́, преблаже́нне о́тче, отхо́дит то́щь: неду́гующим бо яви́лся еси́ исцеле́ние, слепы́м прозре́ние, хромы́м утвержде́ние, и вси́ благове́рнии лю́дие, ско́раго тя́ помо́щника стяжа́вше, ра́достно Бо́гу воспева́ют: Аллилу́иа.

молитва митрофану воронежскому

И́кос 3

Име́яй в се́рдце свое́м о́гнь любве́ Боже́ственныя, спасе́ния ра́ди ду́ш челове́ческих па́стырски подвиза́лся еси́, богому́дре, проти́ву ко́зней диа́вольских и победи́тельным ору́жием креста́ разсека́л еси́ се́ти лука́ваго, я́ко паучи́ну. Те́мже приими́ от на́с пе́снь сию́:

Ра́дуйся, ра́бе Бо́жий, благи́й и ве́рный; ра́дуйся, досто́йный де́лателю вертогра́да Христо́ва.

Ра́дуйся, учи́телю смире́ния и целому́дрия; ра́дуйся, о́бразе кро́тости и послуша́ния.

Ра́дуйся, му́жу жела́ний; ра́дуйся, Пропове́дниче чуде́с Бо́жиих.

Ра́дуйся, наста́вниче де́л до́брых; ра́дуйся, тве́рдое огражде́ние Христо́вы Це́ркве.

Ра́дуйся, огневи́дный сто́лпе, наставля́яй на пу́ть спасе́ния; ра́дуйся, светоза́рный свети́льниче, ве́рныя просвеща́яй.

Ра́дуйся, неисчерпа́емый сосу́де благода́ти Христо́вы; ра́дуйся, чи́стое прия́телище Ду́ха Свята́го.

Ра́дуйся, Митрофа́не, вели́кий и пресла́вный чудотво́рче.

Конда́к 4

Бу́рю мирска́го жития́ и тяжелоно́сныя страсте́й во́лны преше́д, обре́л еси́ ти́хое приста́нище и, в пусты́ню всели́вся, неле́ностно порабо́тал еси́ Христу́ во мно́зе долготерпе́нии. Отню́дуже руководи́л еси́ в Ца́рствие Бо́жие и духо́вная ча́да своя́, научи́в и́х еди́ными усты́ и еди́ным се́рдцем пе́ти Бо́гу: Аллилу́иа.

И́кос 4

Слы́шаще ди́вныя о Бо́зе труды́ твоя́, святи́телю о́тче Митрофа́не, прихожда́ху к тебе́ издале́ча жа́ждущии глаго́лов живота́ ве́чнаго: поне́же ты́ учи́л и твори́л еси́, наставля́л сло́вом и житие́м свои́м. Сего́ ра́ди любо́вию вопие́м ти́:

Ра́дуйся, апо́столов прее́мниче; ра́дуйся, святи́телей сопресто́льниче.

Ра́дуйся, преподо́бных собесе́дниче; ра́дуйся, пра́ведных украше́ние.

Ра́дуйся, ве́нче воздержа́ния; ра́дуйся, благосенноли́ственное дре́во, пото́ками ра́йскими воспита́нное.

Ра́дуйся, безпомо́щных спаси́тельное призре́ние; ра́дуйся, цве́те нетле́ния.

Ра́дуйся, я́ко отчужде́нием вре́менных бла́г стяжа́л еси́ блаже́нство нищеты́ духо́вныя; ра́дуйся, я́ко самово́льным обнища́нием обре́л еси́ сокро́вище бла́г ве́чных.

Ра́дуйся, я́ко во глубину́ смире́ния прини́кл еси́; ра́дуйся, я́ко на высоту́ безстра́стия возше́л еси́. Ра́дуйся, Митрофа́не, вели́кий и пресла́вный чудотво́рче.

Конда́к 5

Боготе́чней звезде́, путеводи́вшей дре́вле волхво́в к пра́ведному Со́лнцу, подо́бен бы́л еси́, всехва́льне о́тче, са́м восходя́ благода́тию Бо́жиею от си́лы в си́лу, и приводя́ с собо́ю ко Христу́ Бо́гу все́х и́щущих спасе́ния. Те́мже и мы́, немерца́ющим сия́нием сла́вы твоея́ озаря́еми, согла́сно вопие́м Ему́: Аллилу́иа.

молитва митрофану воронежскому

И́кос 5

Ви́девше в тебе́ воро́нежстии лю́дие пе́рваго архипа́стыря, я́ко А́нгела, зна́мение небе́сныя благода́ти нося́ща, возра́довашася ра́достию неизглаго́ланною: ты́ же, до́бре внима́я себе́ и всему́ ста́ду, в не́мже тя́ Ду́х Святы́й поста́ви епи́скопа, па́сл еси́ усе́рдно Це́рковь Го́спода и Бо́га, я́ко сло́во возда́ти хотя́. Сего́ ра́ди ублажа́ем тя́, о́тче Митрофа́не, зову́ще:

Ра́дуйся, челове́че Бо́жий, преподо́бием, а́ки по́ясом златы́м, препоя́санный; ра́дуйся, дру́же Христо́в, святи́тельством, а́ки би́сером драги́м, преукра́шенный.

Ра́дуйся, во́ине Христо́в непобеди́мый; ра́дуйся, стра́же до́ма Бо́жия неусы́пный.

Ра́дуйся, восхожде́ния в се́рдце свое́м к Небеси́ положи́вый; ра́дуйся, слове́сныя о́вцы Христо́вы на живоно́сных па́житях воспита́вый.

Ра́дуйся, я́ко не попусти́л еси́ душетле́нному зве́рю расхи́тити ста́до твое́; ра́дуйся, я́ко от Небе́снаго Пастыренача́льника пра́ведное воздая́ние прия́л еси́.

Ра́дуйся, возлюби́вый благоле́пие до́му Бо́жия; ра́дуйся, в само́м себе́ хра́м Триипоста́сному Божеству́ угото́вавый.

Ра́дуйся, я́ко во умерщвле́нном телеси́ ри́зою нетле́ния оде́ян еси́; ра́дуйся, я́ко из гро́ба заре́ю безсме́ртия на́с осиява́еши.

Ра́дуйся, Митрофа́не, вели́кий и пресла́вный чудотво́рче.

Конда́к 6

Слове́с ева́нгельских, е́же не скрыва́ти себе́ сокро́вища на земли́, ве́рный блюсти́тель показа́лся еси́, всеблаже́нне Митрофа́не, егда́ достоя́ние свое́ му́дре расточи́л еси́, снабдева́я убо́гих и посо́бствуя благове́рному импера́тору Петру́ в сооруже́нии корабле́й на побежде́ние неве́рных ага́рян, не ве́дущих пе́ти: Аллилу́иа.

И́кос 6

Возсия́ ца́рству правосла́вному благотво́рный све́т вели́ких доброде́телей твои́х, святи́телю о́тче Митрофа́не, о ни́хже благодаря́ще Отца́ Небе́снаго, к тебе́ я́ко к при́сному о на́с моли́твеннику, взыва́ем си́це:

Ра́дуйся, наста́вниче целому́дрия; ра́дуйся, смире́ния Христо́ва и́стинный подража́телю.

Ра́дуйся, олтаря́ Госпо́дня благогове́йный служи́телю; ра́дуйся, святи́телей украше́ние.

Ра́дуйся, и́ноческаго равноа́нгельнаго жития́ ревни́телю; ра́дуйся, безмо́лвия дре́вних богоно́сных оте́ц подража́телю.

Ра́дуйся, ми́лости струе́ неизсяка́емая; ра́дуйся, благоутро́бия храни́лище неоску́дное.

Ра́дуйся, си́рых благонаде́жное приста́нище; ра́дуйся, вдови́ц ско́рое заступле́ние.

Ра́дуйся, мно́жество ду́ш уневе́стивый Христу́; ра́дуйся, ку́пно с ни́ми пребыва́яй в ра́дости Го́спода твоего́.

Ра́дуйся, Митрофа́не, вели́кий и пресла́вный чудотво́рче.

молитва митрофану воронежскому

Конда́к 7

Хотя́щу не́когда благове́рному импера́тору Петру́ бесе́довати с тобо́ю, призва́н бы́л еси́ во дво́р ца́рский: егда́ же внеза́пу узре́л о́крест его́ извая́ния язы́ческая, а́бие возврати́лся еси́ вспя́ть, не убоя́вся преще́ния царе́ва, и гото́в бы́л еси́ ду́шу свою́ положи́ти па́че, не́же растли́ти мы́сленныя о́чи се́рдца своего́ неподо́бным виде́нием, науча́я ве́рных еди́ному живо́му Бо́гу пе́ти: Аллилу́иа.

И́кос 7

Но́ваго тя́ по благоче́стии ревни́теля позна́в благове́рный ца́рь и ви́дя небоя́зненное твое́ на сме́рть изволе́ние, повеле́ су́етная извая́ния низри́нути. Мы́ же свято́му дерзнове́нию твоему́ чудя́щеся, вопие́м:

Ра́дуйся, непрекло́нный испове́дниче Правосла́вия; ра́дуйся, ре́вностный защи́тниче благоче́стия.

Ра́дуйся, священнотаи́нниче благода́ти; ра́дуйся, велегла́сный пропове́дниче покая́ния.

Ра́дуйся, апо́столов немо́лчная уста́; ра́дуйся, Це́ркве непоколеби́мый сто́лпе.

Ра́дуйся, па́стырю до́брый; ра́дуйся, я́ко неприча́стен яви́лся еси́ лицеприя́тию.

Ра́дуйся, я́ко и́стину не обину́яся свиде́тельствовал еси́; ра́дуйся, я́ко твои́м посо́бием сокруша́ются ко́зни вра́жия.

Ра́дуйся, я́ко все́м ве́рным воспомина́ние твое́ пресла́дко; ра́дуйся, я́ко все́й Це́ркви Христо́вой и́мя твое́ прече́стно.

Ра́дуйся, Митрофа́не, вели́кий и пресла́вный чудотво́рче.

Конда́к 8

Стра́нное и пресла́вное чу́до благода́ти небе́сныя явля́ется ны́не во о́чию все́х ве́рных: долготерпели́вый и многоми́лостивый Госпо́дь не прогне́вался на ны́ до конца́ за беззако́ния на́ша, но, помяну́в щедро́ты Своя́, дарова́ на́м тебе́, досточу́дне о́тче, засту́пника изря́дна, та́ко вознесе́ ро́г спасе́ния на́шего, да вы́ну пое́м Ему́: Аллилу́иа.

И́кос 8

Ве́сь еси́ в вы́шних, но и ни́жних не оставля́еши, святи́телю о́тче Митрофа́не, при́сно со Христо́м ца́рствуеши, и о на́с гре́шных моли́твы к Нему́ возсыла́еши: не то́чию бо припа́дающих к цельбоно́сным моща́м твои́м, но и дале́че отстоя́щих, призыва́ющих же всечестно́е и́мя твое́, предста́тельством твои́м соблюда́еши от вся́каго зла́. Те́мже во умиле́нии зове́м ти́:

Ра́дуйся, прибе́жище на́ше во все́х ско́рбех; ра́дуйся, ско́рый помо́щниче все́х в беда́х су́щих.

Ра́дуйся, цели́телю боле́зней душе́вных вку́пе и теле́сных; ра́дуйся, на неви́димыя враги́ на́ша си́льный побо́рниче.

Ра́дуйся, посети́телю в не́мощи лежа́щих; ра́дуйся, уте́шителю в беда́х су́щих.

Ра́дуйся, я́ко тобо́ю престае́т рыда́ние; ра́дуйся, я́ко тобо́ю подае́тся ра́дость.

Ра́дуйся, я́ко Христу́ до́блественно после́довал еси́; ра́дуйся, я́ко Сладча́йшему Иису́су до конца́ послужи́л еси́.

Ра́дуйся, я́ко наслажда́ешися лицезре́ния Бо́жия; ра́дуйся, я́ко сподо́бился еси́ зре́ти невече́рний де́нь Ца́рствия Его́.

Ра́дуйся, Митрофа́не, вели́кий и пресла́вный чудотво́рче.

молитва митрофану воронежскому

Конда́к 9

Вся́кия ско́рби и труды́ до́блественно претерпе́л еси́, ше́ствуя по пути́ спасе́ния до масти́тыя ста́рости, облече́н во всеору́жие Бо́жие, во пло́ти а́ки безпло́тен, умерщвля́я стра́сти и сокруша́я наве́ты миродержи́теля тьмы́ ве́ка сего́. Те́мже Небе́сным сопричи́слен си́лам, ку́пно с ни́ми воспева́еши Бо́гу: Аллилу́иа.

И́кос 9

Вети́и многовеща́ннии недоуме́ют изобрази́ти оби́лия любве́ твоея́, е́юже, отходя́ ко Творцу́, преиспо́лнен бы́л еси́ к ча́дом твои́м о Го́споде: восхоте́в бо и по отше́ствии свое́м при́сно поуча́ти и́х, я́ко живы́й, завеща́л еси́ и́м вся́ потре́бная ко спасе́нию. Сего́ ра́ди из глубины́ серде́ц вопие́м ти́:

Ра́дуйся, благоче́стно тече́ние сконча́вый; ра́дуйся, ве́ру соблюды́й всеце́лу.

Ра́дуйся, ору́жием благоволе́ния Бо́жия венча́нный на земли́; ра́дуйся, венце́м нетле́ния укра́шенный на Небеси́.

Ра́дуйся, до́лу вели́чием чуде́с блиста́ющий; ра́дуйся, горе́ луча́ми Трисо́лнечнаго Све́та осиява́емый.

Ра́дуйся, я́ко в пресве́тлых ра́йских оби́телех вселя́ешися; ра́дуйся, я́ко лице́м к лицу́ Боже́ственнаго све́та причаща́ешися.

Ра́дуйся, я́ко с небе́сных высо́т на мольбы́ на́ша призира́еши; ра́дуйся, я́ко в со́ниях и виде́ниях во бла́го на́м явля́ешися.

Ра́дуйся, я́ко моли́твами твои́ми от ве́чныя сме́рти свобожда́емся; ра́дуйся, я́ко предста́тельством твои́м безконе́чныя жи́зни сподобля́емся.

Ра́дуйся, Митрофа́не, вели́кий и пресла́вный чудотво́рче.

Конда́к 10

И́же все́м челове́ком хотя́й спасти́ся и в ра́зум и́стины приити́, Госпо́дь и Бо́г на́ш Иису́с Христо́с яви́л на́м нетле́нное те́ло твое́ на земли́, я́ко живоно́сную купе́ль, врачу́ющую вся́ку боле́знь и вся́ку я́зю в лю́дех. Те́мже благода́рственно вопие́м Ему́: Аллилу́иа.

молитва митрофану воронежскому

И́кос 10

Стена́ еси́ спасе́ния прибега́ющим к тебе́, святи́телю Митрофа́не, и в быва́емых от тебе́ зна́мениих, испове́дающих вели́чие Бо́жие. Сего́ ра́ди, уще́дрени твои́м чудоде́йственным о на́с ко Христу́ Бо́гу хода́тайством, вопие́м ти́:

Ра́дуйся, царе́й благочести́вых побо́рниче; ра́дуйся, архиере́ев правосла́вных укрепле́ние.

Ра́дуйся, ца́рства правосла́внаго защи́тниче; ра́дуйся, Це́ркви святе́й утвержде́ние.

Ра́дуйся, пре́жде сме́рти умертви́вый пло́ть свою́; ра́дуйся, предвкуси́вый жи́знь ве́чную, пре́жде вни́тия в селе́ния ра́йская.

Ра́дуйся, уме́рый ми́ру пре́жде кончи́ны твоея́; ра́дуйся, воскресы́й ду́хом во Христе́, пре́жде успе́ния твоего́.

Ра́дуйся, я́ко от оби́тели земны́я во Оби́тель Небе́сную пресели́лся еси́; ра́дуйся, я́ко от Оби́тели Небе́сныя во оби́тели земны́я благотворя́ нисхо́диши.

Ра́дуйся, я́ко и по отше́ствии твое́м с на́ми пребыва́еши; ра́дуйся, я́ко и по уме́ртвии твое́м умерщвле́нныя грехми́ ду́ши моли́твами твои́ми оживля́еши.

Ра́дуйся, Митрофа́не, вели́кий и пресла́вный чудотво́рче.

Конда́к 11

Пе́ние, приноси́мое ны́не, а́ще бы и превы́ше челове́ческаго бы́ло, не довле́ло бы к Славосло́вию Бо́га, дарова́вшаго тебе́ благода́ть исцеле́ний. Сего́ ра́ди недоуме́юще благохвали́ти его́ по достоя́нию, смиренному́дренно вопие́м: Аллилу́иа.

И́кос 11

Светопода́тельна свети́льника, просвеща́ющаго ду́ши на́ша ве́рою, ви́дим тебе́, преблаже́нне о́тче, пред Престо́лом Бо́жиим стоя́ща, и твои́м блиста́нием озаря́еми, зове́м ти́ такова́я:

Ра́дуйся, па́стырю преди́вный; ра́дуйся, учи́телю прему́дрый.

Ра́дуйся, сто́лпе ве́ры непоколеби́мый; ра́дуйся, насади́телю благи́х.

Ра́дуйся, чистоты́ селе́ние; ра́дуйся, печа́льных утеше́ние.

Ра́дуйся, си́рых пита́телю; ра́дуйся, оби́димых предста́телю.

Ра́дуйся, прему́дрости Бо́жия прия́телище; ра́дуйся, исто́чниче неизчерпа́емыя благода́ти исцеле́ний.

Ра́дуйся, провозве́стниче Боже́ственных веле́ний; ра́дуйся, сокро́вище милосе́рдия Бо́жия неистощи́мое.

Ра́дуйся, Митрофа́не, вели́кий и пресла́вный чудотво́рче.

молитва митрофану воронежскому

Конда́к 12

Благода́ть, свы́ше ти́ да́нную позна́вше, благогове́йно лобыза́ем святоле́пное изображе́ние всечестна́го лица́ твоего́, е́же благоволи́л еси́ ди́вно яви́ти на́м. Те́мже благода́рственно вопие́м Христу́ Бо́гу на́шему: Аллилу́иа.

И́кос 12

Пою́ще твое́ к Бо́гу отше́ствие, святи́телю Митрофа́не, почита́ем свяще́нную па́мять твою́, велича́ем ре́вность по Бо́зе, хва́лим долготерпе́ние, сла́вим незло́бие, и ублажа́ем кончи́ну твою́: на сме́ртнем бо одре́ возлежа́, жела́нием возжела́л облещи́ся в вели́кий а́нгельский о́браз, нарече́н бы́л Мака́рием, блаже́нства тезоимени́тым, блаже́н бы́в вои́стинну, я́ко Ца́рствие Небе́сное насле́довал еси́. Те́мже моля́щеся усе́рдно, о е́же сподо́битися и на́м неосужде́нно предста́ти на Стра́шное суди́ще Христо́во, взыва́ем ти́:

Ра́дуйся, у Престо́ла Бо́жия те́плый о на́с предста́телю; ра́дуйся, му́жу жела́ний, просла́вивший Бо́га в телеси́ и в душе́ свое́й.

Ра́дуйся, добропобе́дный во́ине Царя́ Небе́снаго; ра́дуйся, вождю́ прему́дрый ра́тующим проти́ву си́л а́довых.

Ра́дуйся, я́ко с горя́щим свети́льником сре́тил еси́ Христа́; ра́дуйся, я́ко от Него́ благода́ть исцеле́ний прия́л еси́.

Ра́дуйся, я́ко благоволе́нием Пресвяты́я Богоро́дицы возвели́чен еси́; ра́дуйся, я́ко во све́тлостех святы́х пребыва́еши.

Ра́дуйся, я́ко со проро́ки и апо́столы ликовству́еши; ра́дуйся, я́ко со святи́тели и му́ченики просла́влен еси́.

Ра́дуйся, я́ко с преподо́бными и пра́ведными весели́шися; ра́дуйся, я́ко со все́ми избра́нными Бо́жиими при́сно торжеству́еши.

Ра́дуйся, Митрофа́не, вели́кий и пресла́вный чудотво́рче.

Конда́к 13

О вели́кий и пречу́дный о́тче Митрофа́не, приими́ благоутро́бно сие́ ма́лое моле́ние на́ше, и твои́м благоприя́тным хода́тайством изба́ви на́с от все́х вра́г ви́димых и неви́димых, от вся́кия напа́сти и ско́рби, от напра́сныя сме́рти и бу́дущия му́ки, да сподо́бимся с тобо́ю и со все́ми святы́ми во ве́ки воспева́ти Бо́гу Спаси́телю на́шему: Аллилу́иа.

Этот конда́к чита́ется три́жды, зате́м и́кос 1-й и конда́к 1-й.

молитва митрофану воронежскому

И́кос 1

А́нгел земны́й и челове́к небе́сный бы́л еси́, святи́телю о́тче Митрофа́не: впери́в бо у́м в Боже́ственная, вре́менная и земна́я пренебре́гл еси́, те́мже и всели́ся в тя́ Пресвяты́й Ду́х, Его́же благода́тию све́тло укра́шен еси́. Сего́ ра́ди тебе́, на Небеси́ и на земли́ просла́вленному, вопие́м си́це:

Ра́дуйся, я́ко чистото́ю и святы́нею А́нгелом уподо́бился еси́; ра́дуйся, я́ко посто́м и бде́нием безстра́стия дости́гл еси́.

Ра́дуйся, свети́льниче Боже́ственнаго све́та; ра́дуйся, моли́тв благово́нное кади́ло.

Ра́дуйся, ве́рных непрело́жное утвержде́ние; ра́дуйся, неве́рных богому́дренное обличе́ние.

Ра́дуйся, христиа́н непосты́дное прибе́жище; ра́дуйся, благоче́стия стено́ необори́мая. Ра́дуйся, кре́пкое корми́ло Це́ркве Христо́вы; ра́дуйся, непоколеби́мый сто́лпе Правосла́вия.

Ра́дуйся, апо́стольских преда́ний ве́рный храни́телю; ра́дуйся, та́ин Бо́жиих и́стинный строи́телю. Ра́дуйся, Митрофа́не, вели́кий и пресла́вный чудотво́рче.

Конда́к 1

Избра́нный чудотво́рче и изря́дный уго́дниче Христо́в, многоцеле́бный исто́чниче и моли́твенниче о душа́х на́ших, святи́телю о́тче Митрофа́не, я́ко име́яй дерзнове́ние ко Го́споду, от вся́ких на́с бе́д свободи́ зову́щих:

Ра́дуйся, Митрофа́не, вели́кий и пресла́вный чудотво́рче.

молитва митрофану воронежскому

Моли́тва пе́рвая

О святи́телю о́тче Митрофа́не, се́ мы́ гре́шнии, нетле́нием честны́х моще́й твои́х и мно́гими благодея́ньми, чуде́сно соде́янными и содева́емыми тобо́ю, уве́рившеся, испове́дуем, я́ко и́маши ве́лию благода́ть у Го́спода Бо́га на́шего, и всесмире́нно ко твоему́ благосе́рдию припа́дающе, тебе́ мо́лимся си́це: моли́ о на́с Христа́ Бо́га на́шего, да низпо́слет все́м чту́щим святу́ю па́мять твою́ и усе́рдно к тебе́ прибега́ющим бога́тыя ми́лости Своя́; да утверди́т во святе́й Свое́й Правосла́вной Це́ркви живы́й ду́х пра́выя ве́ры и благоче́стия, ду́х ве́дения и любве́, ду́х ми́ра и ра́дости о Ду́се Свя́те, да вся́ ча́да ея́, чи́ста су́ща от мирски́х искуше́ний и плотски́х по́хотей и зла́го де́йствия злы́х духо́в, ду́хом и и́стиною покланя́ются Ему́, и усе́рдно о соблюде́нии за́поведей Его́ ко спасе́нию ду́ш свои́х да потща́тся. Па́стырем ея́ да да́ст Госпо́дь святу́ю ре́вность попече́ния о спасе́нии люде́й, во е́же неве́рующия просвети́ти, неве́дущия наста́вити, сомня́щияся вразуми́ти, отпа́дшия от Правосла́вныя Це́ркве к не́й возврати́ти, ве́рующия в ве́ре соблюсти́, гре́шныя на покая́ние подви́гнути, ка́ющияся уте́шити и во исправле́нии жи́зни утверди́ти, и та́ко вся́ лю́ди ко угото́ванному ве́чному Ца́рству святы́х Его́ привести́. Умоли́ Го́спода, уго́дниче Христо́в: ве́рных рабо́в Его́, в ско́рби и печа́ли де́нь и но́щь вопию́щих к Нему́, многоболе́зный во́пль да услы́шит и да изведе́т от поги́бели живо́т на́ш. Все́м же в держа́ве лю́дем да да́рует благи́й Бо́г на́ш ми́р, тишину́, безмяте́жие и изоби́лие плодо́в земны́х, па́че же ко исполне́нию за́поведей Его́ тща́ние неле́ностное; и да изба́вит ца́рствующия гра́ды, гра́д се́й и вся́ ины́я гра́ды и ве́си, от гла́да, тру́са, пото́па, огня́, меча́, наше́ствия иноплеме́нных, междоусо́бныя бра́ни, смертоно́сныя я́звы и от вся́каго зла́. Е́й, святи́телю Бо́жий, да устро́иши моли́твами твои́ми вся́ блага́я душа́м и телесе́м на́шим; да и мы́ просла́вим в душа́х и телесе́х на́ших Го́спода и Бо́га на́шего, Иису́са Христа́, Ему́же со Отце́м и Святы́м Ду́хом сла́ва и держа́ва во ве́ки веко́в. Ами́нь.

молитва митрофану воронежскому

Моли́тва втора́я

О всехва́льный святи́телю Христо́в и чудотво́рче Митрофа́не! Приими́ сие́ ма́лое моле́ние от на́с, гре́шных к тебе́ прибега́ющих, и те́плым предста́тельством умоли́ Го́спода и Бо́га на́шего, Иису́са Христа́, я́ко да призре́в на ны́ ми́лостивно, пода́ст на́м согреше́ний на́ших во́льных и нево́льных проще́ние, и по вели́цей Свое́й ми́лости изба́вит на́с от бе́д, печа́лей, ско́рби и боле́зней душе́вных и теле́сных, обдержа́щих на́с; да пода́ст земли́ плодоно́сие, и вся́ на по́льзу настоя́щаго жития́ на́шего потре́бная; да да́рует на́м сконча́ти житие́ сие́ привре́менное в покая́нии и да сподо́бит на́с, гре́шных и недосто́йных, Небе́снаго Ца́рствия Своего́, во е́же со все́ми святы́ми сла́вити Его́ безконе́чное милосе́рдие, со Безнача́льным Его́ Отце́м и Святы́м и Животворя́щим Его́ Ду́хом, во ве́ки веко́в. Ами́нь.

Канон

Пе́снь 1

Ирмо́с: Во́ду проше́д, я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м.

От мно́гих зо́л мно́гаго уны́ния испо́лнены, к тебе́ прибега́ем, святи́телю Христо́в Митрофа́не, и от тебе́ ско́рыя по́мощи и заступле́ния ны́не тре́буем.

Страсте́й на́с бра́ни смуща́ют, па́стырю преподо́бне, ты́ же умири́ на́с твои́м благоприя́тным к Бо́гу хода́тайством.

От бе́д и скорбе́й на́с, чудотво́рче святы́й, изба́вив, му́жественное в доброде́телех преспе́яние все́м да́руй, да вси́ о тебе́, свяще́ннейший Митрофа́не, ра́дуемся.

Богоро́дичен: Моли́тву на́шу приими́, Пречи́стая, и моли́твою Твое́ю всемо́щною изба́витися на́м от вра́г ви́димых и неви́димых, от грехо́в же и вся́кия му́ки, моли́, Его́же родила́ еси́, Человеколю́бца Бо́га.

молитва митрофану воронежскому

Пе́снь 3

Ирмо́с: Небе́снаго кру́га Верхотво́рче, Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче.

Покрови́теля жи́зни на́шея и моли́твенника к Бо́гу почита́ем тя́, присносла́вный о́тче на́ш Митрофа́не: на стезю́ на́с покая́ния напра́ви, архиере́ев красото́ и ве́рных утвержде́ние.

Мо́лим, душе́вное на́ше смуще́ние, и тьму́ бесо́вских наважде́ний в на́с разори́ти: тебе́ бо, свя́те, даде́ся благода́ть Свята́го Ду́ха, злы́я ду́хи прогоня́ти.

Неду́гующе те́лом, неду́гуем и душе́ю, богоблаже́нне, ты́ же не оста́ви на́с во гресе́х на́ших поги́бнути, но в ни́хже и са́м я́ко челове́к искуша́емь бы́л еси́, и на́м, искуша́емым, ны́не помози́.

Богоро́дичен: Вся́ а́нгелов во́инства, Предте́че Госпо́день, апо́столов двоенадеся́тице, святи́и вси́ с Богоро́дицею, сотвори́те моли́тву, во е́же спасти́ся на́м.

Седа́лен, гла́с 2

Во святи́тельстве благоче́стно пожи́л еси́, святи́телю богоявле́нне, лю́ди к богоразу́мию сло́вом и де́лом наста́вил еси́, и Бо́гу до конца́ угоди́л еси́. Сего́ ра́ди от Него́ нетле́нием и чудесы́, о́тче Митрофа́не, почти́лся еси́, я́ко прича́стник Бо́жия благода́ти.

Сла́ва, и ны́не: Му́чеников, проро́ков, апо́столов, иера́рхов, преподо́бных и святы́х все́х от ве́ка пра́ведных похвала́ Ты́ еси́, Пречи́стая, те́мже Тя́ мо́лим: моли́ся с ни́ми ко Го́споду, да спасе́т ду́ши на́ша.

 

молитва митрофану воронежскому

Пе́снь 4

Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́.

Пла́мень погаси́ в на́с плотски́х обурева́ний и нечи́стых на́ших помышле́ний, да пла́мени гее́нскаго огня́ твои́ми моли́твами, Митрофа́не, изба́вимся.

Ду́шу и помышле́ние к тебе́ простира́ем, святи́телю богоизбра́нне: согре́й на́шу ве́ру и любо́вь, я́же к Бо́гу, да зако́ну Его́ усе́рдно после́дующе, пре́йдем по́прище на́шего спасе́ния непреткнове́нно.

Сто́лп кре́пости стяжа́вше тя́ от Бо́га, от вра́г ви́димых и неви́димых огражда́емся тобо́ю безбе́дно; те́мже тя́ вси́ по до́лгу, Митрофа́не, ублажа́ем.

Богоро́дичен: Черто́же незаходи́маго Све́та, Де́во, не́смы досто́йны черто́га небе́снаго, грехо́вныя ра́ди вины́; Ты́ же, Богороди́тельнице, ра́ди обнаже́ннаго на Кресте́ сла́дкаго Твоего́ Сы́на, и Блага́го на́шего Го́спода, покры́й сты́д лица́ на́шего и спаси́ на́с.

Пе́снь 5

Ирмо́с: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче.

Мо́лим ти ся и вопие́м всеусе́рдно: испо́лни, боговдохнове́нне, весе́лия живо́т на́ш, покрыва́я на́с кре́пким покро́вом защище́ния твоего́ от гла́да, я́звы и междоусо́бныя бра́ни, я́ко мо́жеши, о́тче, а́ще хо́щеши.

Мра́к на́ших заблужде́ний и жите́йския го́рдости све́тлостию святы́х моли́тв твои́х, Митрофа́не, прожени́, да по́мощию твое́ю грехо́в оставле́ние прии́мше, ми́лость у Христа́ Бо́га обря́щем.

На одре́ не́мощи и уны́ния низлежа́щу ми́, пода́ждь ру́ку по́мощи, па́стырю боговозлю́бленне, и не оста́ви мя́ лише́на бы́ти твоего́ спаси́тельнаго благода́тию Свята́го Ду́ха посеще́ния.

Богоро́дичен: Чисте́йшая еси́ па́че а́нгельских чино́в, от Нея́же Исто́чник святы́ни воплоти́ся на́с ра́ди, да освяти́т естество́ челове́ческое, моли́твами Твои́ми, Богоро́дице, изба́ви на́с от тиме́ния нечи́стых на́ших дея́ний и неподо́бных глаго́ланий.

молитва митрофану воронежскому

Пе́снь 6

Ирмо́с: Моли́тву пролию́ ко Го́споду и Тому́ возвещу́ печа́ли моя́, я́ко зо́л душа́ моя́ испо́лнися и живо́т мо́й а́ду прибли́жися, и молю́ся, я́ко Ио́на: от тли́, Бо́же, возведи́ мя.

Гра́ду твоему́ засту́пник бу́ди и оби́тели твоея́ храни́тель, гра́ды же и страны́ чту́щих любо́вию па́мять твою́, необори́мым моли́тв твои́х предста́тельством огради́, да вси́ тобо́ю, богому́дре Митрофа́не, хва́лимся.

Я́ко защи́тника тя́ от Бо́га ве́дуще, вла́сть на ду́сех нечи́стых ве́лию иму́ща, мо́лим, от зла́го де́йствия злы́х духо́в на́ши ду́ши сохрани́ти безнаве́тны.

По до́лгу блажа́т тя́ ве́рнии, — ра́дуйся, Митрофа́не, — зову́ще: ты́ бо еси́ вои́стинну Росси́йстей Це́ркви ра́дование и похвала́, и тя́ чту́щим на вся́ враги́ одоле́ние, досточу́дне.

Богоро́дичен: Го́ру Тя́ мы́сленную и Ле́ствицу Иа́ковлю проро́цы нарица́ют, Е́юже Бо́г к челове́ком сни́де, поги́бшую дра́хму взыска́ти хотя́, ю́же обре́т, па́ки к небеси́ возво́дит. Те́мже Тя́ вси́, я́ко Ма́терь Бо́жию, правосла́вно велича́ем.

Конда́к, гла́с 8

Воздержа́нием те́ло ду́ху порабо́тив, ду́шу же равноа́нгельну сотвори́в, святи́тельскою оде́ялся еси́ оде́ждою, я́ко вене́ц свяще́нства; и ны́не, все́х Влады́це предстоя́, моли́, преблаже́нне Митрофа́не, умири́ти и спасти́ ду́ши на́ша.

И́кос

В пусты́ни высото́ю смиренному́дрия, я́ко ра́йский цве́т, красу́яся, и на Воро́нежския Це́ркви престо́ле украси́лся еси́ высо́кими удобре́нии, прему́дре, и́бо бы́л еси́ иера́рх, о́браз ве́рным сло́вом и житие́м. Те́мже и Бо́г, я́ко уго́дника Своего́ вознесе́ тя, нетле́нием и чудесы́ в Це́ркви Свое́й прославля́я, да вси́ ве́рою зове́м ти́: ра́дуйся, Воро́нежская похвало́, Митрофа́не приснопа́мятне.

молитва митрофану воронежскому

Пе́снь 7

Ирмо́с: От Иуде́и доше́дше, о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.

На́с обнови́ти хотя́ и на́шему спасе́нию, Спа́се, благопоспеши́ти, Ты́ но́ваго Це́ркви Твое́й воздви́гл еси́ свети́льника, Митрофа́на, к Тебе́ зову́ща: отце́в Бо́же, благослове́н еси́.

Человеколю́бца Спа́са о на́с, святи́телю Христо́в, умоли́, разреши́тися на́м от прегреше́ний на́ших и душе́вных скве́рн, да и мы́ Тому́, я́ко Всеси́льному Изба́вителю, зове́м: отце́в Бо́же, благослове́н еси́.

Во сла́ву Бо́жию оде́янный святи́тель и чудотво́рец на́м от Бо́га показа́лся еси́, Митрофа́не всехва́льне, да све́тлостьми чуде́с твои́х па́че со́лнечных лу́ч озаря́еми, зове́м ди́вная тобо́ю Соверша́ющему: отце́в Бо́же, благослове́н еси́.

Богоро́дичен: Вели́кая дарова́ния Тобо́ю от Го́спода прия́хом, Де́во Пречи́стая, сего́ ра́ди благода́рственное пе́ние прино́сим Ти́ и зове́м: Благослове́нна Ты́ в жена́х еси́, Всенепоро́чная Влады́чице.

Пе́снь 8

Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.

К честны́м моще́м твои́м, я́ко к необори́мому покро́ву, прибега́юще, немо́лчнаго твоего́ хода́тайства, богоно́се преподо́бне, про́сим: ты́ же не пре́зри и́же от тебе́ тре́бующих по́мощи, но услы́ши и заступи́ вся́, пою́щия тя́ и превознося́щия Христа́ во ве́ки.

Теле́сныя сла́бости и душе́вныя неду́ги си́лою моли́тв твои́х благода́тно пременя́я, премени́, о́тче Митрофа́не, вся́кое неможе́ние пою́щим тя́ и превознося́щим Христа́ во ве́ки.

Пла́чущим ты́ сле́зы отира́еши, па́стырю преблаже́нне, и бе́дствующим подае́ши ру́ку спасе́ния от Бо́га, те́мже и на́с у престо́ла Влады́чня помяни́, ве́рою пою́щих тя́ и превознося́щих Христа́ во ве́ки.

Богоро́дичен: Велича́ем Твое́ тве́рдое заступле́ние, испове́дуем Ма́терния Твоея́ моли́твы си́лу, благодари́м возвели́чившаго Тя́ Го́спода, ро́ждшагося от Тебе́, Богома́ти, Его́же моли́ спасти́ся душа́м на́шим.

молитва митрофану воронежскому

Пе́снь 9

Ирмо́с: Вои́стинну Богоро́дицу, Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще.

Ты́, и́же в Дому́ Твое́м уго́дники Твоя́ насажда́еши, я́ко ма́слины и я́ко ке́дры, Спа́се, Митрофа́на уго́дника Твоего́ моле́нием, насади́ в на́с доброде́тельное житие́, да во вре́мя свое́ принесе́м Ти́ плоды́ покая́ния.

Со А́нгелы, служи́телю Святе́й Тро́ице, Митрофа́не прему́дре, ра́дуйся, и на́м, ве́рою блажа́щим тя́, пода́ждь моли́твами твои́ми, о Ду́се Свя́те ра́доватися.

А́ще и не́мощны есмы́ и премно́го согреша́ем, недосто́йнии, но не отступа́ем наде́жды мо́щнаго покро́ва твоего́, достосла́вне: ты́ же, Христу́ Бо́гу моля́ся, помози́ на́м обрести́ все́м с ли́ки пра́ведных стоя́ние в Де́нь су́дный.

На ме́сте озлобле́ния не́мощи смири́вшемуся, удиви́ моли́тв твои́х си́лу, чудотво́рче святы́й, Митрофа́не, и по да́нней тебе́ целе́б благода́ти, нездра́вие мое́ во здра́вие премени́.

Богоро́дичен: Упова́ние и ра́досте на́ша, Мари́е Богоневе́стная, покры́й на́с честны́м Твои́м омофо́ром, да хва́лим непреста́нно и́мя Твое́, и пое́м с безпло́тными ли́ки, Тя́ велича́юще.

Свети́лен

Светоза́рна свети́льника ве́ры, пресла́вно от Светонача́льныя Тро́ицы возсия́вша, и на́с со́лнца светле́йше чудесы́ свои́ми просвети́вша, Митрофа́на, па́стыря блаже́нна, пе́сньми восхва́лим.

Богоро́дичен: Богоро́дице Де́во, ра́дуйся, от А́нгела ра́дость прии́мшая; ра́дуйся, Влады́чице, и спаси́ на Тя́ упова́ющия.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
Добавить комментарий