Тексты молитв и акафиста святому апостолу Фоме, его житие и почитание

Молитвы, обращенные к Фоме, Господнему апостолу считают очень сильными. Это один из двенадцати последователей, который заслужил право называться особенным. Он стал известен как Фома неверующий, потому что не поверил смерти и воскрешению Христа. Молодого человека привели к пещере и показали Иисуса. После этого он пал ниц перед учителем. После кончины стал одним из самых почитаемых.

Апостол Фома

Фомой называют одного из двенадцати учеников, которые были верными последователями Христа. Существующее, используемое в быту выражение: «Фома неверующий» связано с фактом: он не поверил словам провидца. Усомнился в воскрешении Иисуса. Ему было необходимо лично убедиться в этом.

Биография и житие святого

Еврейское происхождение имени означает «близнец». Так имя расшифровывает Евангелие. Помимо этого так апостола называют в песнопения, апокрифах и акафистах.

Этого человека, по записям евангелистов, избрал сам Иисус, чтобы сделать апостолом. Об этом евангелисты Матфей, Марк, Лука. Замечено, что этот ученик участвовал в нескольких историях евангелистского характера.

Богословы считают, что именно он прикоснулся к ранам Христа, приложил свои персты к Его рукам. Это произошло после того, как его, неверующего, отвели к пещере и указали на Христа.

Происхождение

Апокрифы представляют избранника Христа как плотника и строителя. Католики связывают с его именем проповедь христианства на территории Индии. Хотя многие историки считают, что это был не он, а проповедник Канский. Но при этом потомки древних христиан громко заявляют о себе как о потомках апостола, бывшего неверующим.

Почитание и мощи

Избранника казнил индийский правитель Маздай. Трагическое событие датировано 68 или 72 годом. Захоронение упоминается в древних описаниях Ефрема Сирина. Он описывал мученическую смерть апостола, потом утверждал, что мощи долгое время оставались на территории Индии. Позднее Марко Поло писал об останках. Он полагал: их захоронение уже произошло к 1258 году. Местом захоронения стала Святая базилика на территории Италии.

Когда португальские путешественники в 1517 году хотели посетить базилику, то они нашли только место, которое местные жители называли гробницей, но мощей там не было.

Три сильных молитвы святому апостолу Фоме

Избранный Христом традиционно ассоциируется у верующих как сильный, выдающийся ученик. Из-за мученической смерти во время казни к нему относятся по-особому. В православии считают, что сильные физические страдания исцеляют и очищают. Поэтому ученика Иисуса причисляют к сильнейшим святым.

Об укреплении веры

О, святы́й апо́столе Христо́в Фомо́! Мо́лим тя: сохрани́ и соблюди́ нас моли́твами твои́ми от искуше́ний диа́вольских и паде́ний грехо́вных и испроси́ нам, раба́м Бо́жиим (имена), свы́ше по́мощь во вре́мя неве́рия, да не преткне́мся о ка́мень собла́зна, но неукло́нно ше́ствуем спаси́тельным путе́м за́поведей Христо́вых, до́ндеже дости́гнем о́ных блаже́нных оби́телей ра́йских. Ей, апо́столе Спа́сов! Не посрами́ нас, но бу́ди нам помо́щник и покрови́тель во всем житии́ на́шем и помози́ нам благоче́стно и богоуго́дно житие́ сие́ вре́менное сконча́ти, христиа́нскую кончи́ну получи́ти и до́браго отве́та сподо́битися на Стра́шнем Суде́ Христо́ве; да просла́вим великоле́пое и́мя Отца́ и Сы́на и Свята́го Ду́ха, во ве́ки веко́в. Ами́нь.

От искушений диавольских

О, святы́й уго́дниче Бо́жий, апо́столе Фомо́! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Об исцелении

О святы́й уго́дниче Бо́жий, апо́столе Фомо́! По́двигом до́брым подвиза́вся на земли́, восприя́л еси́ на Небесе́х вене́ц пра́вды, его́же угото́вал есть Госпо́дь всем лю́бящим Его́. Те́мже взира́юще на святы́й твой о́браз, ра́дуемся о пресла́внем сконча́нии жи́тельства твоего́ и чтим святу́ю па́мять твою́. Ты же, предстоя́ Престо́лу Бо́жию, приими́ моле́ния на́ша и ко Всеми́лостивому Бо́гу принеси́, о е́же прости́ти нам вся́кое прегреше́ние и помощи́ нам ста́ти проти́ву ко́знем диа́вольским, да изба́вльшеся от скорбе́й, боле́зней, бед и напа́стей и вся́каго зла, благоче́стно и пра́ведно поживе́м в ны́нешнем ве́це и сподо́бимся предста́тельством твои́м, а́ще и недосто́йни есмы́, ви́дети блага́я на земли́ живы́х, сла́вяще Еди́наго во святы́х Свои́х сла́вимаго Бо́га, Отца́ и Сы́на и Свята́го Ду́ха, ны́не и во ве́ки веко́в. Ами́нь.

Акафист апостолу Фоме

Конда́к 1

Избра́нный самови́дче Сло́ва и свиде́телю Его́ сла́вный, да́же до после́дних земли́ благовести́л еси́ ве́ру твою́: «Его́же ра́ны а́з осяза́х, Се́й е́сть Госпо́дь и Бо́г». Те́мже и ны́не, созерца́яй на́м незри́мая, за взыску́ющия ве́ры моли́ся, да зове́м ти́:

Ра́дуйся, апо́столе Фомо́, неве́рием до́брым ве́ру утверди́вый.

И́кос 1

А́нгелом неве́домое та́инство позна́л еси́, Пло́ть Бо́га жи́ва дерзнове́нною десни́цею осяза́я, те́мже, ужаса́ющеся и дивя́щеся, зове́м ти́:

Ра́дуйся, я́ко дерзнове́ние твое́ Бо́г предуве́де; ра́дуйся, я́ко на служе́ние Свое́ тя́ предуста́ви.

Ра́дуйся, я́ко неве́рие твое́ не осуди́ся; ра́дуйся, я́ко ве́ра твоя́ утверди́ся.

Ра́дуйся, я́ко Христо́с в ли́к апо́стольский тя́ избра́; ра́дуйся, я́ко стопы́ твоя́ по словеси́ Своему́ напра́ви.

Ра́дуйся, я́ко уста́ ко усто́м тебе́ бы́сть Бо́жие веща́ние;

ра́дуйся, я́ко приклони́ся Госпо́дь к любопы́тнаго пе́рста осяза́нию.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 2

«Словеса́ ва́ша о явле́нии Воскре́сшаго неудобоприя́тельна ми́ явля́ются, — вопия́ше Фома́ ины́м ученико́м, — а́ще не ви́жду на руку́ Его́ я́звы гвозди́нныя, и не вложу́ пе́рста моего́ в я́звы гвозди́нныя, и вложу́ ру́ку мою́ в ре́бра Его́, не дерзну́ взыва́ти Сему́: Аллилу́ия».

И́кос 2

Ра́зум недоразумева́емый догма́тов ве́ры разуме́ти и́щуще, вопроша́ем в смяте́нии: во двою́ естеству́ еди́но Лице́ ка́ко Це́рковь му́дрствует и воспева́ет? Оба́че неве́рием твои́м, апо́столе, уверя́еми в се́м, взыва́ем:

Ра́дуйся, я́ко Христо́с еди́н хле́б с тобо́ю вкуси́; ра́дуйся, я́ко еди́но со́лнце над ва́ма возсия́.

Ра́дуйся, я́ко хле́бом и́стины мно́ги насы́тил еси́; ра́дуйся, я́ко Со́лнце пра́вды возлюби́л еси́.

Ра́дуйся, я́ко еди́н исто́чник вы́ напои́; ра́дуйся, я́ко еди́на смоко́вница ва́ма се́нь даде́.

Ра́дуйся, я́ко ре́ки благода́ти источи́л еси́; ра́дуйся, я́ко не безпло́дная смоко́вница показа́лся еси́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 3

«Си́ле Вы́шняго вся́ возмо́жна су́ть,– вопия́ше Фома́,– мо́жет бо и уме́ршия воскреша́ти, оба́че ка́ко сме́рти приобщи́ся Се́й, Ему́же подоба́ет воспева́ти: Аллилу́ия».

И́кос 3

Богоприя́тну Де́ву прозре́ младе́нец, во чре́ве Елисаве́тином сы́й, мы́ же, о́чи иму́ще, не зри́м блага́я дела́ Госпо́дня, оба́че сло́во Христо́во, апо́столу рече́нное: блаже́ни не ви́девшии и ве́ровавшии, помина́ем с наде́ждою, и та́ко сему́ взыва́ем:

Ра́дуйся, спасе́ния возжела́вый; ра́дуйся, я́ко проро́ки ча́янная узре́л еси́.

Ра́дуйся, Ада́мом утра́ченная взыска́вый; ра́дуйся, я́ко Спаси́теля обре́л еси́.

Ра́дуйся, Све́том ми́ра просвеще́нный; ра́дуйся, я́ко Не́бо отве́рзеся ти́.

Ра́дуйся, Сло́вом О́тчим умудре́нный; ра́дуйся, я́ко та́йны Ца́рствия откры́шася ти́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 4

«Бу́рю вну́трь име́ю помышле́ний сумни́тельных,– вопия́ше Фома́,– ка́ко бо во гро́б положе́н бы́сть по вода́м Ходи́вый и Ла́заря Воскреси́вый, Ему́же а́з жела́ю воспе́ти: Аллилу́ия».

И́кос 4

Слы́шаша у́бо па́стырие А́нгелов, пою́щих Младе́нца Спа́са, и, ше́дше, поклони́шася Ему́; мы́ же, у́ши иму́ще, не вне́млем гла́су Госпо́дню, оба́че на твое́ предста́тельство, апо́столе, упова́ем и зове́м ти́:

Ра́дуйся, в корабли́ со Христо́м ходи́вый; ра́дуйся, по волна́м Ходя́щу поклони́выйся.

Ра́дуйся, мре́жею Христо́вою уловле́нный; ра́дуйся, в ковче́г спасе́ния ступи́вый.

Ра́дуйся, я́ко во́ды неве́рствия не поглоти́ша тя́; ра́дуйся, я́ко бу́ря сомне́ний тя́ не потопи́.

Ра́дуйся, я́ко Христо́с над бе́здною тя́ удержа́; ра́дуйся, я́ко десни́цу с я́звою ти́ простре́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 5

«Боготе́чной звезде́ после́доваша волсви́,– вопия́ше Фома́,– та́ко и а́з вожделе́ю сле́довати Тебе́, Го́споди и Бо́же мо́й, да́ждь ми́ то́кмо прикосну́тися Ти́, да и а́з воспою́: Аллилу́ия».

И́кос 5

Да́ры принесо́ша халде́йстии о́троцы седя́щу на руку́ Деви́чу Созда́телю тва́ри, мы́ же, ру́це иму́ще пра́здны от де́л благи́х, ка́ко присту́пим к Сему́, ве́ры прося́ще, а́ще не апо́стола Фому́ помина́юще и та́ко ему́ зову́ще:

Ра́дуйся, я́ко Господи́н жа́твы призва́ тя́; ра́дуйся, я́ко в вертогра́де Того́ до́бре потруди́лся еси́.

Ра́дуйся, я́ко де́латель и ни́ва яви́лся еси́; ра́дуйся, я́ко пло́д стори́цею прине́сл еси́.

Ра́дуйся, я́ко со Влады́кою дне́й у́треневал еси́; ра́дуйся, я́ко ча́шу Христо́ву испи́л еси́.

Ра́дуйся, я́ко и но́щь просвеще́ние ти́ бы́сть; ра́дуйся, я́ко Го́споду Сла́вы спросла́вился еси́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 6

«Пропове́дницы богоно́сни бы́вше волсви́, — вопия́ше Фома́, — испове́даша Тя́, Христе́, я́ко Спа́са все́х; а́ще у́бо не уве́рую в Воскресе́ние Твое́, не явлю́ся ли и а́з я́ко И́род, не ве́дый пе́ти: Аллилу́ия».

И́кос 6

Возсия́вый во Еги́пте Све́т и́стины да разсе́ет, я́ко ды́м, вся́ сомне́ния на́ша: ве́руем бо, Го́споди, помози́ неве́рию на́шему; ты́ же, апо́столе, укрепи́ свиде́тельством твои́м зову́щия ти́:

Ра́дуйся, в сла́дость Христа́ послу́шавый; ра́дуйся, во сла́ву Его́ пожи́вый.

Ра́дуйся, с терпе́нием Тому́ послужи́вый; ра́дуйся, с весе́лием за Него́ уме́рый.

Ра́дуйся, ра́ну Прободе́ннаго осяза́вый; ра́дуйся, Кро́вию Христо́вою искупле́нный.

Ра́дуйся, копие́м мучи́тельским прободе́нный; ра́дуйся, кро́вь за Христа́ пролия́вый.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 7

«Хотя́щу Симео́ну пра́ведному умре́ти, — вопия́ше Фома́, — вда́лся еси́ я́ко Младе́нец тому́, но позна́лся еси́ ему́ и Бо́г соверше́нный; сотвори́ у́бо, Го́споди, и мне́ та́ко, да а́бие воззову́ Ти́: Аллилу́ия».

И́кос 7

Но́вое показа́ Творе́ц снисхожде́ние на́м, на безсме́ртнем Те́ле сме́ртныя я́звы яви́ти изво́ливый апо́столу Своему́, ему́же с любо́вию взыва́ем:

Ра́дуйся, от Прему́дрости му́дрость прие́мый; ра́дуйся, от Любве́ любви́ научи́выйся.

Ра́дуйся, у Смире́ния смире́нию навы́кший; ра́дуйся, Бла́гом во бла́зе утвержде́нный.

Ра́дуйся, Терпе́нием в терпе́нии наста́вленный; ра́дуйся, Кро́тости в кро́тости подража́вый.

Ра́дуйся, Послуша́нием к послуша́нию приведе́нный; ра́дуйся, Сы́ном Отцу́ усыновле́нный.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 8

«Стра́нное чу́до ви́жду, — вопия́ше Фома́. — Две́рем затворе́нным, я́ко ду́х, вхо́дит Христо́с. Осяза́ю оба́че ра́ны и я́звы Его́, и что́ у́бо реку́, то́кмо: Госпо́дь мо́й и Бо́г мо́й; что́ у́бо воспою́, то́кмо: Аллилу́ия».

И́кос 8

Вси́ есмы́ в ни́жних и вы́шних ника́коже достига́ем, оба́че ве́руем, я́ко обоя́ соедини́ в Себе́ Госпо́дь, я́коже яви́ сие́ апо́столу Своему́, от на́с воспева́ему си́це:

Ра́дуйся, с четверодне́вным Ла́зарем вечеря́вый; ра́дуйся, увере́ния во и́стине ре́вностно взыска́вый.

Ра́дуйся, «Оса́нна в вы́шних!» возгласи́вый; ра́дуйся, любо́вию увере́ние сие́ улучи́вый.

Ра́дуйся, воплоще́ние Сло́ва уве́девый; ра́дуйся, ми́ром гони́мый.

Ра́дуйся, безслове́сная пло́ти попра́вый; ра́дуйся, ми́р от Христа́ прие́мый.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 9

«Вся́кое естество́ тва́рное вмести́ти Боже́ственное ника́коже возмога́ет, — вопия́ше Фома́, — Ты́ Еди́ный о́ба несли́тно и неразде́льно в Себе́ сочета́л еси́, Тебе́ пою́: Аллилу́ия».

И́кос 9

Вети́и многовеща́ннии ничесо́же приложи́ти дерза́ют, апо́столе, до́брому испове́данию твоему́: Госпо́дь мо́й и Бо́г мо́й; за сие́ и от на́с приими́ сицева́я:

Ра́дуйся, я́ко но́зе ко умове́нию Христу́ просте́рл еси́; ра́дуйся, я́ко до́ма на земли́ не име́л еси́.

Ра́дуйся, я́ко но́зе на пу́ть ми́рен напра́вил еси́; ра́дуйся, я́ко оби́тель в дому́ О́тчи сниска́л еси́.

Ра́дуйся, я́ко строи́тель ца́рский наре́клся еси́; ра́дуйся, я́ко архите́ктон прему́дрый обре́лся еси́.

Ра́дуйся, я́ко зла́то ни́щим разда́л еси́; ра́дуйся, я́ко черто́г Небе́сный царю́ воздви́гл еси́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 10

«Спасти́ хотя́ ми́р, — вопия́ше Фома́, — животворя́щею Кро́вию из прободе́нных ре́бр, Го́споди Бо́же мо́й, напои́л еси́ вся́, я́же осяза́в, Тебе́ пою́: Аллилу́ия».

И́кос 10

Сте́ны Иерусали́ма Небе́снаго на двана́десяти основа́ниих утверди́шася; я́коже еди́но от си́х тя́ почита́ем, апо́столе сла́вне, и та́ко ти́ воспису́ем:

Ра́дуйся, я́ко язы́к о́гнен на тебе́ почи́; ра́дуйся, я́ко сла́ва Христо́ва тя́ осия́.

Ра́дуйся, я́ко язы́ки мно́ги просвети́л еси́; ра́дуйся, я́ко и́мя Христо́во просла́вил еси́.

Ра́дуйся, я́ко неду́жных исцеля́л еси́; ра́дуйся, я́ко ме́ртвых восставля́л еси́.

Ра́дуйся, я́ко и ду́си повинова́хуся ти́; ра́дуйся, я́ко и́мя твое́ написа́ся на Небеси́.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 11

«Пе́ние вся́кое побежда́ется,– вопия́ше Фома́,– тща́щееся воспе́ти сла́ву Воскресе́ния Твоего́, Го́споди, оба́че сие́ возвещу́ до после́дних земли́, да вся́к язы́к И́стинному Бо́гу зове́т: Аллилу́ия».

И́кос 11

Светоприе́мную свещу́ зри́м тя́, апо́столе сла́вный, прикоснове́нием к обо́женной Пло́ти возжже́нную, те́мже прино́сим ти́ сицева́я:

Ра́дуйся, би́сере ри́зы церко́вныя; ра́дуйся, вертогра́дарю И́стины.

Ра́дуйся, ко́реню богосло́вия; ра́дуйся, цве́те благоче́стия.

Ра́дуйся, ро́ждие лозы́ боже́ственныя; ра́дуйся, благоуха́ние, прия́тно Бо́гови.

Ра́дуйся, злати́це, огне́м очище́нная; ра́дуйся, весно́ целому́дрия.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 12

«Благода́ть и жи́знь прише́дый да́ти вся́кой пло́ти, — вопия́ше Фома́ ины́м ученико́м, — не возда́ст ли сия́ Пода́вшей Ему́ пло́ть? Оба́че укажи́те мне́ гро́б Ея́, да со слеза́ми воззову́ Бо́гови: Аллилу́ия».

И́кос 12

Пою́ще Успе́ние Богоро́дицы, апо́столи проводи́ша тя́ ко гро́бу Ея́, и, вше́д и обре́т се́й пу́ст, возда́л еси́ хвалу́ Го́споду; те́мже зове́м ти́:

Ра́дуйся, Бо́жиею Ма́терию возлю́бленный; ра́дуйся, ко проща́нию То́ю призва́нный.

Ра́дуйся, я́ко ма́терь, Ю́ возлюби́вый; ра́дуйся, Бо́жиим Про́мыслом удержа́нный.

Ра́дуйся, на гро́б Ея́ пла́кати прише́дый; ра́дуйся, ка́мень от него́ отвали́вый.

Ра́дуйся, ра́дость ве́лию лю́дем откры́вый; ра́дуйся, воста́ние Пречи́стыя возвести́вый.

Ра́дуйся, апо́столе Фомо́, неве́рием до́брым ве́ру утверди́вый.

Конда́к 13

Опресла́вный апо́столе Христо́в Фомо́, ма́лое сие́ приими́ от на́с приноше́ние и умоли́ за ны́ Го́спода Сла́вы, да утверди́вшеся по́мощию твое́ю, обря́щем и мы́ ве́ры плоды́ благи́я, Творцу́ вся́ческих пою́ще: Аллилу́ия.

(Этот конда́к читается трижды, затем 1-й и́кос и 1-й конда́к).