Текст акафиста Владимирской иконе Божией Матери, когда и как нужно читать

Святой образ с XIV века почитается, как оберег российского государства, по молитвам которому происходили чудесные избавления Москвы от вражеского нашествия. Текст акафиста Владимирской иконе Божией Матери был составлен в 30-х годах XX столетия митрополитом Сергием (Страгородским). Гимн получил общецерковное одобрение и включен в сборник акафистов.

История появления акафиста Владимирской иконе

Первый акафист был написан в честь Богородицы, спасшей Константинополь от вражеской осады в VII веке. Гонения на христиан дали толчок развития жанру церковного песнопения.

Акафист – хвалебная песня, особый вид молитвы, с которой обращаются к Господу, Богородице, святым угодникам. Исполняется гимн стоя, чаще всего в домашних условиях. Первоначальный акафист стал примером для подражания при сочинении последующих хвалебных гимнов.

Из Греции традиция написания гимнов перешла в восточноевропейские православные страны. В русской православной традиции акафисты было принято писать каждому святому, прославляемому церковью. Гимнографом мог стать любой православный.

Текст молитвы для богослужения подавался на рассмотрение в Священный Синод, где проходил цензуру и получал разрешение/запрет для дальнейшего использования в богослужебной практике.

В Русской Православной церкви составителями акафистов были (XVII век):

  • Сильвестр Медведев, монах;
  • князь Шаховский С. И.;
  • архимандрит Иоасаф.

Владимирская иконопись Богородицы – список с образа Матери Божией, выполненного апостолом Лукой. В 1131 году ее получил в дар от Константинопольского патриарха князь Мстислав. До 1155 года святой образ находился в монастыре Вышгорода, а затем перенесен в Успенский собор города Владимир. С этого времени икона получила название Владимирской.

В конце XIV века Владимирская икона стала сначала московской, а затем общерусской святыней. У святого образа в Успенском храме Кремля венчались на царство, утверждали в чине митрополитов и патриархов. В древнерусской литературе появились произведения, посвященные иконе и ее чудесам.

Акафистографами к образам Божьей Матери были (конца XIX, начала XX веков):

  • профессор Московской духовной академии П. С. Казанский («Всех скорбящих радость», «Казанской»);
  • писатель А. Ф. Ковалевский («Неопалимая Купина», «Смоленская» и «Толгская», «Скоропослушница»);
  • митрополит Сергий («Владимирская»).

Митрополит Сергий (в миру И. Н. Страгородский) родился в 1867 году в семье протоирея. Получил духовное образование. В 1890 году был пострижен в монашество. Через 4 года возведен в сан архимандрита, получил степень магистра богословия.

акафист владимирской иконе божией матери

До революции занимал чин епископа:

  • Ямбургского;
  • Финляндского и Выборгского;
  • Владимирского Шуйского.

За противодействие властям священнослужителя неоднократно арестовывали. В ноябре 1926 года его заключили под стражу по обвинению в связях с Зарубежной Русской церковью и подготовкой к нелегальному выбору патриарха. Находясь в заключении, занимался сочинением богословских трудов и религиозных текстов. В этот период (в начале 1927 года) был составлен акафист святому образу Владимирской Божией Матери.

С 70-х годов XX века началось издание сборников акафистов, в которые включались известные и канонизированные тексты. Акафист митрополита Сергия (Страгородского) вошел в состав сборника в 1981 году.

Значение текста

В гимне, прославляющем Богородицу, верующие просят о милости для немощных, защиты от врагов Отчества, укрепления православной веры.

акафист владимирской иконе божией матери

Когда и как правильно читать

Хвалебную молитву читают стоя. В домашних условиях требуется соблюдать установленный богослужебный устав. Рекомендуется читать гимн утром, до принятия пищи, произнося слова молитвы вслух. Если ему предшествует утреннее правило, то чтение акафиста начинается без вступительных молитв.

Последовательность молитвенного обращения после вечернего правила аналогична утреннему распорядку.

В другие периоды времени, прежде чем читать гимн, полагается произнести следующие молитвы в указанном порядке:

  1. «Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь. Сла́ва Тебе́, Бо́же наш, сла́ва Тебе́».
  2. «Святому Духу».
  3. «Трисвятое».
  4. «Пресвятой Троице».
  5. «Господня».
  6. «Псалом 50».
  7. «Символ веры».

По окончании гимна: «Досто́йно есть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем» (поклон).

От Пасхи и до Вознесения вместо этих слов читается: «А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый; лю́дие, весели́теся! Свети́ся, свети́ся, но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́».

Продолжение:

«Сла́ва, и ны́не: Го́споди, поми́луй». (Трижды)

«Го́споди, Иису́се Христе́, Сы́не Бо́жий, моли́твами Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй и спаси́ нас, я́ко Благ и Человеколю́бец. Ами́нь».

акафист владимирской иконе божией матери

Полный текст акафиста Владимирской иконе Божьей Матери

Конда́к 1

Взбра́нной Воево́де, Засту́пнице на́шей, взира́юще на первопи́санный о́браз Тво́й, хвале́бное пе́ние воспева́ем Ти́ раби́ Твои́, Богома́ти. Ты́ же, я́ко иму́щая держа́ву непобеди́мую, сохрани́ и спаси́ благода́рне Тебе́ вопию́щия:

Ра́дуйся, Пречи́стая, от ико́ны Твоея́ ми́лости на́м источа́ющая.

И́кос 1

А́нгельския Си́лы на Небеси́ немо́лчно воспева́ют Тя́, Пречи́стая, зря́ще Сла́ву Пребоже́ственную, е́юже Сы́н Тво́й просла́ви Тя́; но и на́с, земны́х, не оста́вила еси́, я́ко не́кую лучу́, низпосла́вши на́м ико́ну Твою́, святы́м Луко́ю первопи́санную. О не́й бо не́когда изрекла́ еси́: «С си́м о́бразом благода́ть Моя́ и си́ла да пребу́дут». Те́мже ве́рнии раби́ Твои́, по вся́ дни́ и на вся́ком ме́сте сбытие́ слове́с Твои́х зря́ще, ко о́бразу Твоему́ цельбоно́сному притека́ем и, я́коже Само́й Ти́, с на́ми су́щей, вопие́м:

Ра́дуйся, А́нгелов Цари́це; ра́дуйся, всего́ ми́ра Влады́чице.

Ра́дуйся, на Небеси́ при́сно сла́вимая; ра́дуйся, и на земли́ велича́емая.

Ра́дуйся, благода́ть Твою́ ико́не Твое́й се́й дарова́вшая; ра́дуйся, на спасе́ние челове́ков ту́ю поста́вившая.

Ра́дуйся, Бо́жия бла́гости ско́рая Пода́тельнице; ра́дуйся, моле́ний на́ших усе́рдная послу́шнице.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона

Конда́к 2

Ви́дя чуде́с мно́жество, от принесе́нныя в Вы́шград святы́я ико́ны Твоея́ быва́емое, благове́рный кня́зь Андре́й возгоре́ся ду́хом и умоля́ше Тя́, да ска́жеши святу́ю во́лю Твою́ и да благослови́ши его́ в преде́лы Росто́вския отъити́. Те́мже улучи́в жела́емое и ико́ну Твою́ взе́м, идя́ше в пу́ть сво́й, ра́дуяся и поя́ Бо́гу: Аллилу́иа.

И́кос 2

Разуме́ша вси́ лю́дие ди́вное ше́ствие Твое́, Цари́це Небе́сная, от Ки́ева в зе́млю Росто́вскую, боля́щии бо исцеля́хуся и и́на зна́мения и чудеса́ быва́ху все́м с ве́рою притека́ющим ко о́бразу Твоему́. Сего́ ра́ди воспе́ша Тебе́:

Ра́дуйся, чудесы́ ше́ствие ико́ны Твоея́ зна́менавшая; ра́дуйся, мно́ги немощны́я исцели́вшая.

Ра́дуйся, воздыха́ния на́ша не отверга́ющая; ра́дуйся, недосто́йныя моли́твы на́ша прие́млющая.

Ра́дуйся, Ма́терния щедро́ты Твоя́ на на́с излива́ющая; ра́дуйся, ико́ною Твое́ю на́м благоде́ющая.

Ра́дуйся, во обстоя́нии су́щим ско́рую по́мощь да́рующая; ра́дуйся, отча́янным наде́жду возвраща́ющая.

Ра́дуйся, Пречи́стая, от ико́ны Твоея́ ми́лости на́м источа́ющая.

акафист владимирской иконе божией матери

Конда́к 3

Си́лою Твое́ю огражда́емь, благове́рный кня́зь Андре́й преде́л Влади́мирских дости́же и зде́ благу́ю во́лю твою́, Влады́чице, позна́. В нощно́м бо виде́нии тому́ я́вльшися, повеле́ла еси́ от ме́ста сего́ не отходи́ти и чудотво́рную ико́ну Твою́ зде́, во гра́де Влади́мире, поста́вити, да бу́дет се́верней стране́ на́шей в благослове́ние и лю́дем Твои́м в покро́в, вопию́щим Бо́гу: Аллилу́иа.

И́кос 3

Име́я в себе́ благода́тное сокро́вище, ико́ну Твою́ Влади́мирскую, преуспева́ше от си́лы в си́лу Оте́чество на́ше. Во дни́ бо обстоя́ний и напа́стей не оста́вила еси́ ро́д на́ш, Влады́чице, и во благовре́мении бли́з была́ еси́, всеси́льным предста́тельством Твои́м ве́рныя лю́ди Твоя́ заступа́ющи, пою́щия Ти́:

Ра́дуйся, гне́в Бо́жий, пра́ведно на ны́ дви́жимый, утоля́ющая; ра́дуйся, на ми́лость к на́м, гре́шным, Го́спода преклоня́ющая.

Ра́дуйся, я́ко смире́нным мольба́м рабо́в Твои́х вне́млеши; ра́дуйся, я́ко утеше́ние Твое́ на́м пода́ти поспеша́еши.

Ра́дуйся, я́ко ико́ною Твое́ю от вся́ких на́с бе́д огражда́еши; ра́дуйся, я́ко то́ю ко́зни вра́жия разруша́еши.

Ра́дуйся, в ча́с ско́рби лю́ди Твоя́ укрепля́ющая; ра́дуйся, ти́хое и безмяте́жное житие́ те́м да́рующая.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона Божьей Матери

Конда́к 4

Бу́рю помышле́ний сумни́тельных про́йде благове́рный кня́зь Андре́й, от мно́жества враго́в не́когда обстои́мь; Ты́ же, Всепе́тая, ди́вным от ико́ны Твоея́ зна́мением сла́вную побе́ду тому́ предвозвести́ла еси́. Те́мже ве́рою обнови́ся и о и́мени Твое́м дерза́я, воспе́ Бо́гу: Аллилу́иа.

И́кос 4

Слы́шавше мяте́жницы убие́ние благове́рнаго кня́зя Андре́я, гра́д Влади́мир расхи́тити устреми́шася, но ико́ну Твою́ чудотво́рную, на сто́гны гра́да изнесе́нную, внеза́пу узре́вше, умили́шася се́рдцем и, на коле́на па́дше, во гресе́ свое́м пока́яшася. Благочести́вии же лю́дие, таково́му от ико́ны Твоея́ благода́тному явле́нию ра́дующеся, пе́снь благода́рственную воспе́ша Тебе́:

Ра́дуйся, междоусо́бных бра́ней утоле́ние; ра́дуйся, ожесте́вших серде́ц умягче́ние.

Ра́дуйся, я́ко заблу́ждшия на пу́ть пра́вый возвраща́еши; ра́дуйся, я́ко от собла́знов су́етных на́с огражда́еши.

Ра́дуйся, па́губы вседуше́вныя низлага́ющая; ра́дуйся, душевре́дная науче́ния облича́ющая.

Ра́дуйся, к Ца́рствию Небе́сному пу́ть невозбра́нный на́м указу́ющая; ра́дуйся, ми́р ве́чный и ра́дость на́м подаю́щая.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона

Конда́к 5

Боготе́чная звезда́ отце́м на́шим бы́сть ико́на Твоя́, Влады́чице, ея́же све́том ведо́ми, мно́гажды побежда́ху ца́рствия, возмога́ху от не́мощи, обраща́ху в бе́гство полки́ чужди́х и пу́ть к земно́му преуспе́янию и небе́сному спасе́нию обрета́ху. Сего́ ра́ди по до́лгу сла́вит Тя́ земля́ Росси́йская, пою́щи Бо́гу: Аллилу́иа.

И́кос 5

Ви́девше не́когда лю́дие влади́мирстии в чу́днем виде́нии гра́д сво́й на возду́се вознесе́н, и ико́ну Твою́ верху́ его́, я́коже со́лнце, сия́ющу, со умиле́нием разуме́ша, Влады́чице, неотсту́пный покро́в Тво́й гра́ду и́х и, Твое́ ми́лостивое промышле́ние о ни́х сла́вяще, воспе́ша Ти́:

Ра́дуйся, Ма́ти милосе́рдия; ра́дуйся, исто́чниче чуде́с.

Ра́дуйся, бо́драя на́ша Храни́тельнице; ра́дуйся, гра́ду на́шему Покро́ве.

Ра́дуйся, горе́ к Небе́снем сокро́вищем у́м на́ш возводя́щая; ра́дуйся, любо́вь к Бо́гу в сердца́х ве́рных насажда́ющая.

Ра́дуйся, малове́рныя вразумля́ющая; ра́дуйся, неве́рных смы́слы просвеща́ющая.

Ра́дуйся, Пречи́стая, от ико́ны Твоея́ ми́лости на́м источа́ющая.

акафист владимирской иконе божией матери

Конда́к 6

Пропове́дник неизрече́нных чуде́с Твои́х, Влады́чице, яви́ся собо́рный хра́м Тво́й во гра́де Влади́мире, свято́ю ико́ною Твое́ю укра́шенный. Попуще́нием бо Бо́жиим все́ благоле́пие его́ не́когда во огни́ поги́бе, ико́на же свята́я Твоя́, я́коже купина́ неопали́ма пребы́сть, да и ви́девше и осяза́вше прису́тствие Твое́, ве́рнии воспою́т: Аллилу́иа.

И́кос 6

Возсия́ па́ки све́т ико́ны Твоея́, Богоро́дице, во дни́ лю́таго наше́ствия Баты́ева. А́ще бо нечести́вии ага́ряне и пожго́ша огне́м собо́рный хра́м Тво́й, и святи́теля Влади́мирскаго и лю́ди, моля́щияся в це́ркви, умертви́ша, и вся́ коне́чному истребле́нию преда́ша, оба́че ико́на Твоя́ и па́ки неврежде́на обре́теся, подвиза́ющи пе́ти Тебе́:

Ра́дуйся, Купино́ Неопали́мая; ра́дуйся, Сокро́вище неиждива́емое.

Ра́дуйся, Стено́ несокруши́мая; ра́дуйся, прибе́жище все́м упова́ющим на Тя́.

Ра́дуйся, ико́ну Твою́ и во пла́мени це́лу сохрани́вшая; ра́дуйся, на́м во утеше́ние и спасе́ние ту́ю оста́вившая.

Ра́дуйся, Ты́ бо еси́ на́ше защище́ние; ра́дуйся, Ты́ бо еси́ все́х благочести́вых непреста́нное ра́дование.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона в церкви

Конда́к 7

Хотя́ вели́кий кня́зь Васи́лий защище́ние стяжа́ти сто́льному гра́ду своему́, повеле́ Влади́мирскую ико́ну Твою́ в Москву́ пренести́. И во сре́тение ея́ усе́рдно изше́дше кня́зь и святи́тель моско́вский Киприа́н со освяще́нным собо́ром и все́м мно́жеством люде́й, до земли́ пред не́ю поклони́шася, я́коже бо Са́мую Тя́, Пречи́стая, к ни́м приходя́щую, срета́ху, зову́ще Тебе́: «О Ма́ти Бо́жия, спаси́ зе́млю Ру́сскую», вку́пе же и пою́ще Бо́гу: Аллилу́иа.

И́кос 7

Но́вое зна́мение сотвори́ла еси́, Пренепоро́чная, в де́нь пра́зднования сре́тения ико́ны Твоея́ Влади́мирския в Москве́: в гро́зном бо виде́нии, я́ко всемогу́щая Цари́ца, мно́жеством во́инств Небе́сных обстои́ма, со святи́тели Моско́вскими яви́лася еси́ нечести́вому ага́рянскому ха́ну и от преде́л земли́ Ру́сския отъити́ повеле́ла еси́. Тогда́ ве́рнии лю́дие Твои́, врага́ ви́девше посра́млена и бежа́вша, с весе́лием поя́ху Тебе́:

Ра́дуйся, Побе́до непобеди́мая; ра́дуйся, Цари́це Небе́сных Си́л.

Ра́дуйся, врага́ гро́зное посрамле́ние; ра́дуйся, рабо́в Твои́х Ра́досте неча́янная.

Ра́дуйся, Наде́ждо все́х лише́нных наде́жды; ра́дуйся, спасе́ние во дно́ а́дово низше́дших.

Ра́дуйся, прише́ствием ико́ны Твоея́ Москву́ возвесели́вшая; ра́дуйся, заступле́нием Твои́м и гра́д Влади́мир не оста́вившая.

Ра́дуйся, Пречи́стая, от ико́ны Твоея́ ми́лости на́м источа́ющая.

Конда́к 8

Стра́нную побе́ду всеси́льною по́мощию Твое́ю, Влады́чице, без бра́ни соверши́вшуюся, и до ны́не Це́рковь Правосла́вная све́тло прославля́ет, сре́тение ико́ны Твоея́ Влади́мирския пра́зднующи и вся́ ве́рная ча́да Своя́ созыва́ющи ми́лости Твоя́ благода́рне испове́дати, Сы́ну же Твоему́ и Бо́гу пе́ти: Аллилу́иа.

И́кос 8

Всю́ Тя́ Бо́г освяти́, Пренепоро́чная, и, я́ко Ма́терь Свою́, в гото́вое прибе́жище и те́плый покро́в все́м на́м дарова́. Те́мже от ме́ньших земли́ и незна́емых возвели́чися благослове́нный Тобо́ю гра́д Москва́, благоче́стно ико́ну Твою́ почита́яй; вся́ бо племена́ ру́сская воеди́но собра́ и о́бласть свою́ над окре́стными язы́ки от мо́ря и до мо́ря и да́же до коне́ц земли́ распростре́, все́м ве́ру Христо́ву возвеща́яй, Тебе́ же вопия́:

Ра́дуйся, земли́ на́шея забра́ло; ра́дуйся, Це́ркве утвержде́ние.

Ра́дуйся, моли́твенников на́ших похвало́; ра́дуйся, люде́й Твои́х спасе́ние.

Ра́дуйся, враги́ на́ша устраша́ющая; ра́дуйся, полки́ чужди́х дале́че отгоня́ющая.

Ра́дуйся, я́ко Тобо́ю Ру́сь правосла́вная содержи́тся; ра́дуйся, я́ко Тобо́ю ро́д христиа́нский хва́лится.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона Владимирской Божьей матери

Конда́к 9

Вся́кое естество́ а́нгельское восхваля́ет Тя́, Богороди́тельнице, у престо́ла Сы́на Твоего́ предстоя́щую и за страну́ на́шу и вся́ христиа́ны моля́щуюся. Мы́ же, лю́дие Твои́, моли́тв Твои́х де́йство разумева́юще, к чудотво́рней ико́не Твое́й с любо́вию притека́ем и Бо́гу приле́жно вопие́м: Аллилу́иа.

И́кос 9

Вити́й земны́х худо́жество не довле́ет по достоя́нию благохвали́ти Тя́, Пресвята́я Всенепоро́чная, и ико́ны Твоея́ чудеса́ исчи́слити, и́миже Це́рковь Правосла́вная велича́ется, гра́ди на́ши утвержда́ются и вси́ христиа́не Боже́ственне веселя́тся. Те́мже, за премно́гую любо́вь Твою́ к на́м и вся́ ми́лости Твоя́, приими́ от на́с сие́ хвале́бное пе́ние:

Ра́дуйся, собо́ром святы́х, в стране́ на́шей просия́вших, окружа́емая и сла́вимая; ра́дуйся, предста́телей на́ших, чудотво́рцев росси́йских, моле́ния прие́млющая.

Ра́дуйся, хода́тайством Твои́м о на́с Бо́га умилостивля́ющая; ра́дуйся, честны́м покро́вом Твои́м на́с при́сно осеня́ющая.

Ра́дуйся, страны́ на́шея пресла́вная Защи́тнице; ра́дуйся, призыва́ющим Тя́ ско́рая Помо́щнице.

Ра́дуйся, тружда́ющихся благода́тное укрепле́ние; ра́дуйся, ка́ющихся гре́шников несумне́нное спасе́ние.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона

Конда́к 10

Спасе́ния и́щуще, к Тебе́ прибега́ем, Милосе́рдная Ма́ти, и, чудотво́рную Твою́ ико́ну ны́не обстоя́ще, вся́ ми́лости Твоя́, то́ю отце́м на́шим явле́нныя, с любо́вию воспомина́ем. Да не тще́тна бу́дет, Влады́чице, и на́ша наде́жда на Тя́, на не́мощь на́шу умилосе́рдися и спаси́ вопию́щия Бо́гу: Аллилу́иа.

И́кос 10

Стена́ еси́ и заступле́ние все́м с ве́рою прибега́ющим к Тебе́, Всеблаже́нная Отрокови́це; всегда́ бо ми́лости Твоя́ ро́ду христиа́нскому явля́ла еси́ и отце́м на́шим многоча́стне и многообра́зне благоде́яла еси́, от наше́ствия иноплеме́нник и от вся́кия беды́ и ну́жды те́х избавля́ющи. Не оскуде́й и ны́не, Влады́чице, утоля́ющи лю́тыя на ны́ возста́ния грехо́вныя, и о́блак искуше́ний отжени́, Тебе́ бо навыко́хом пе́ти:

Ра́дуйся, Ма́ти Бо́жия, Ма́тернюю любо́вь к на́м, гре́шным, простира́ющая; ра́дуйся, си́лою Твое́ю на́шу не́мощь восполня́ющая.

Ра́дуйся, милосе́рдие Бо́жие разуме́ти на́с науча́ющая; ра́дуйся, к дело́м милосе́рдия и на́с возбужда́ющая.

Ра́дуйся, стра́х Бо́жий в сердца́ ве́рных влага́ющая; ра́дуйся, гре́шники к покая́нию призыва́ющая.

Ра́дуйся, невнима́нию на́шему долготерпя́щая; ра́дуйся, от сна́ ле́ности на́с возставля́ющая.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона владимирской

Конда́к 11

Пе́ние похва́льное воспе́ша моско́встии лю́дие, спасе́ние Твое́ не́когда улучи́вше; верху́ бо я́вльшися, светоза́рною оде́ждою оде́яна, хра́м Тво́й и гра́д Москву́ от запале́ния о́гненнаго ри́зою Твое́ю защити́ла еси́. Неотсту́пна пребу́ди, Всемо́щная, от ме́ста сего́ и ны́не, и на́м избавле́ние Твое́ ви́дети да́руй, да веселя́щеся воспое́м: Аллилу́иа.

И́кос 11

Све́т ра́дости возсия́ла еси́, Влады́чице, и во дни́ ты́я, егда́ смотре́нием Бо́жиим дре́вняя красота́ церко́вная к на́м па́ки возврати́ся и свяще́нный собо́р гра́ду Москве́ Патриа́рха, все́й же стране́ на́шей еди́наго па́стыря и моли́твенника утверди́. Ты́ же, Пречи́стая, от ико́ны Твоея́ Влади́мирския жре́бий первосвяти́тельства сего́ избра́ннику Твоему́ дарова́ла еси́, да расточе́нныя о́вцы слове́снаго ста́да Це́ркве Росси́йския па́ки воеди́но собере́т. Сего́ ра́ди вопие́м Тебе́:

Ра́дуйся, скорбя́щих ра́досте; ра́дуйся, обурева́емых приста́нище.

Ра́дуйся, в напа́стех на́с не оста́вившая; ра́дуйся, во уничиже́нии на́шем све́т наде́жды на́м возсия́вшая.

Ра́дуйся, на смире́нныя призре́вшая; ра́дуйся, низше́дшия возвели́чившая.

Ра́дуйся, Це́ркве на́шея Похвало́; ра́дуйся, люде́й Твои́х весе́лие.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона в храме

Конда́к 12

Благода́ть Твою́ не отъими́ от на́с, ми́лости Исто́чниче, я́коже во дни́ лихоле́тия святи́телей на́ших И́ова и Ермоге́на услы́шала еси́ и зе́млю Ру́сскую от коне́чнаго расхище́ния, правосла́вную же ве́ру в не́й от истребле́ния спасла́ еси́, да изба́вленнии Тобо́ю Бо́гу воспое́м: Аллилу́иа.

И́кос 12

Пою́ще неисче́тныя ми́лости Твоя́, от ле́т дре́вних ро́ду на́шему явле́нныя и доны́не не оскудева́ющия, хва́лим Тя́, Пречи́стая, я́ко неусы́пную Храни́тельницу на́шу и заступле́ние, и, Ма́тернюю любо́вь Твою́ к ста́ду Сы́на Твоего́ ве́дуще, со дерзнове́нием, а́ще и раби́ неключи́ми есмы́, вопие́м Тебе́:

Ра́дуйся, Ру́сь Правосла́вную возлюби́вшая; ра́дуйся, ве́ру и́стинную в не́й утверди́вшая.

Ра́дуйся, отцы́ на́ша во благоче́стии сохрани́вшая; ра́дуйся, и на́ше неможе́ние не отри́нувшая.

Ра́дуйся, утвержде́ние на́ше незы́блемое; ра́дуйся, Наде́ждо на́ша непосты́дная.

Ра́дуйся, Моли́твеннице на́ша те́плая; ра́дуйся, Засту́пнице усе́рдная.

Ра́дуйся, Пречи́стая, от ико́ны Твоея́ ми́лости на́м источа́ющая.

Икона

Конда́к 13

О Всепе́тая Ма́ти, Засту́пнице Всеми́лостивая, Де́во Богоро́дице, обы́чным Твои́м милосе́рдием ма́лое моле́ние сие́ на́ше прие́млющи, я́коже дре́вле, та́ко и ны́не поми́луй зе́млю на́шу Ру́сскую и от вся́ких бе́д рабы́ Твоя́ изба́ви, о Тебе́ вопию́щия: Аллилу́иа.

Этот конда́к чита́ется три́жды, зате́м 1-й и́кос и 1-й конда́к.

И́кос 1

А́нгельския Си́лы на Небеси́ немо́лчно воспева́ют Тя́, Пречи́стая, зря́ще Сла́ву Пребоже́ственную, е́юже Сы́н Тво́й просла́ви Тя́; но и на́с, земны́х, не оста́вила еси́, я́ко не́кую лучу́, низпосла́вши на́м ико́ну Твою́, святы́м Луко́ю первопи́санную. О не́й бо не́когда изрекла́ еси́: «С си́м о́бразом благода́ть Моя́ и си́ла да пребу́дут». Те́мже ве́рнии раби́ Твои́, по вся́ дни́ и на вся́ком ме́сте сбытие́ слове́с Твои́х зря́ще, ко о́бразу Твоему́ цельбоно́сному притека́ем и, я́коже Само́й Ти́, с на́ми су́щей, вопие́м:

Ра́дуйся, А́нгелов Цари́це; ра́дуйся, всего́ ми́ра Влады́чице.

Ра́дуйся, на Небеси́ при́сно сла́вимая; ра́дуйся, и на земли́ велича́емая.

Ра́дуйся, благода́ть Твою́ ико́не Твое́й се́й дарова́вшая; ра́дуйся, на спасе́ние челове́ков ту́ю поста́вившая.

Ра́дуйся, Бо́жия бла́гости ско́рая Пода́тельнице; ра́дуйся, моле́ний на́ших усе́рдная послу́шнице.

Ра́дуйся, Пречи́стая, от ико́ны Твоея́ ми́лости на́м источа́ющая.

Конда́к 1

Взбра́нной Воево́де, Засту́пнице на́шей, взира́юще на первопи́санный о́браз Тво́й, хвале́бное пе́ние воспева́ем Ти́ раби́ Твои́, Богома́ти. Ты́ же, я́ко иму́щая держа́ву непобеди́мую, сохрани́ и спаси́ благода́рне Тебе́ вопию́щия:

Ра́дуйся, Пречи́стая, от ико́ны Твоея́ ми́лости на́м источа́ющая.

Владимировская икона

Моли́тва

О Всеми́лостивая Госпоже́ Богоро́дице, Небе́сная Цари́це, Всемо́щная Засту́пнице, непосты́дное на́ше Упова́ние! Благодаря́ще Тя́ о все́х вели́ких благодея́ниях, в ро́ды родо́в лю́дем росси́йским от Тебе́ бы́вших, пред пречи́стым о́бразом Твои́м мо́лим Тя́: сохрани́ гра́д се́й (или́: ве́сь сию́, или́: святу́ю оби́тель сию́) и предстоя́щия рабы́ Твоя́ и всю́ Зе́млю Ру́сскую от гла́да, губи́тельства, земли́ трясе́ния, пото́па, огня́, меча́, наше́ствия иноплеме́нных и междоусо́бныя бра́ни. Сохрани́ и спаси́, Госпоже́, Вели́каго Господи́на и Отца́ на́шего (и́мя ре́к), Святе́йшаго Патриа́рха Моско́вскаго и всея́ Руси́, и Господи́на на́шего (и́мя ре́к), Преосвяще́ннейшаго епи́скопа (или́ : архиепи́скопа, или́ : митрополи́та) (титул), и вся́ Преосвяще́нныя митрополи́ты, архиепи́скопы и епи́скопы правосла́вныя. Да́ждь и́м Це́рковь Росси́йскую до́бре упра́вити, ве́рныя о́вцы Христо́вы неги́блемы соблюсти́. Помяни́, Влады́чице, и ве́сь свяще́ннический и мона́шеский чи́н, согре́й сердца́ и́х ре́вностию о Бо́зе и досто́йно зва́ния своего́ ходи́ти коего́ждо укрепи́. Спаси́, Госпоже́, и поми́луй и вся́ рабы́ Твоя́ и да́руй на́м пу́ть земна́го по́прища без поро́ка преити́. Утверди́ на́с в ве́ре Христо́вой и во усе́рдии ко Правосла́вней Це́ркви, вложи́ в сердца́ на́ша ду́х стра́ха Бо́жия, ду́х благоче́стия, ду́х смире́ния, в напа́стех терпе́ние на́м пода́ждь, во благоде́нствии — воздержа́ние, к бли́жним любо́вь, ко враго́м всепроще́ние, в до́брых де́лех преуспе́яние. Изба́ви на́с от вся́каго искуше́ния и от окамене́ннаго нечу́вствия, в стра́шный же де́нь Суда́ сподо́би на́с хода́тайством Твои́м ста́ти одесну́ю Сы́на Твоего́, Христа́ Бо́га на́шего, Ему́же подоба́ет вся́кая сла́ва, че́сть и поклоне́ние со Отце́м и Святы́м Ду́хом, ны́не и при́сно и во ве́ки веко́в. Ами́нь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector