Полный текст акафиста святой великомученице Екатерине, когда и как читать

Великомученица Екатерина принадлежит к сонму святых, которые не боялись пострадать за распространение Христова учения и даже под угрозой смертной казни не отказались от своей веры. Сегодня к Екатерине Александрийской обращаются за помощью, когда приходит время создавать семью. Благодаря чтению акафиста великомученице Екатерине удается найти спутника жизни, который будет рядом не только в дни радости, но и в тяжелых испытаниях.

Поиск молитв на все случаи жизни

Кто такая великомученица Екатерина

Девочка, которой суждено было стать святой великомученицей, родилась в богатой и знатной семье, которая проживала в Александрии, поэтому сегодня Екатерину еще называют Александрийской. С ранних лет родители нанимали девушке самых лучших учителей, поэтому слава о красивой и умной невесте разлетелась далеко за пределы Александрии. Екатерина изучала труды самых именитых философов и ученых своего времени. В претендентах на руку и сердце недостатка не было, однако девушке была уготована другая судьба.

Мать будущей святой тайно исповедовала христианство и с детства рассказывала дочке о великой любви Спасителя, отдавшего жизнь, чтобы каждый человек имел вечную жизнь. Когда пришло время выбирать жениха, женщина отвела Екатерину к своему духовному наставнику, который жил в уединении в пещере недалеко от Александрии и проводил дни в посте и молитвах. Он посмотрел на девушку и поговорил с ней, после чего сказал, что знает Юношу, который превосходит всех земных женихов.

После беседы со старцем душу будущей великомученицы наполнили мир, покой и желание посвятить свою жизнь не мирским утехам, а служению Господу Богу. Она захотела увидеть Спасителя, тогда старец дал ей икону святой Богоматери и посоветовал ежедневно совершать молитвы перед образом, прося Матерь Божью даровать ей во сне встречу с Иисусом.

После этого Екатерина провела ночь в молитве, и ей было послано видение, в котором присутствовала Богородица. Она умоляла Младенца взглянуть на девушку, но Он отворачивался от Екатерины и говорил, что она безобразна, нища и безумна, как и каждый, кто не запечатан Духом Святым и не омыт водами Крещения. Проснувшись, девушка была в глубокой печали и отправилась к святому старцу, чтобы он помог истолковать ее сновидение.

Он наставил Екатерину в вере, объяснив ей основы христианства, сказал помолиться о прощении грехов, после чего совершил таинство Крещения. Отправляя девушку домой, он заповедал ей постоянно молиться, и вскоре ей вновь было видение во сне. Ей явилась Пресвятая Богородица, однако в этот раз Христос приветливо посмотрел на Екатерину и протянул ей кольцо в знак обручения. Когда святая проснулась, на ее руке действительно находился перстень, который свидетельствовал, что отныне ее жизнь принадлежит Господу.

Вскоре после этого Александрию посетил император Максимин. В его честь устроили пышные празднества по языческим обычаям с приношением человеческих жертв — это были христиане, которые не отреклись от своей веры. Увидев это, Екатерина лично посетила правителя, прося смилостивиться и исповедав перед ним свою веру. Однако император призвал мудрецов, чтобы те убедили красавицу принять язычество. Но спустя некоторое время, благодаря уму девушки, все пришедшие обратились в христианство, за что и были казнены правителем.

икона великомученице екатерине

Увидев, что уговоры на Екатерину не действуют, Максимин приказал пытать ее до тех пор, пока она не откажется от своих убеждений. В конце концов, правитель приказал казнить непокорную красавицу, однако орудия казни были сокрушены ангелом.

Христианка, помолившись, сама положила голову на плаху под меч палача. Ее мощи были перенесены ангелами на гору Синай.

О чем просят святую мученицу

К святой великомученице обращаются христиане с разными проблемами. В первую очередь, ей молятся те, кто хочет создать счастливую и крепкую семью. Девушки просят Екатерину Александрийскую послать богобоязненного и доброго жениха.

Кроме этого, святую просят о помощи:

  • в скорбях и болезнях;
  • о благополучной сдаче экзаменов и успехах в учебе.

Полный текст акафиста святой Екатерине

Кондак 1

Избра́нную и венча́нную де́ву му́ченицу, неве́сту Христо́ву Екатери́ну, похва́льными пе́снь­ми вос­по­и́м, я́ко пресла́вную мучи́теля победи́тельницу и прему́друю филосо́фов наста́вницу: ты же, великому́ченице Екатери́но, иму́­щи дерз­но­ве́­ние ко Го́с­по­ду, приклони́ся ми́лостивне к благопотре́бным проше́ниям зо­ву́­щих ти:

Ра́­дуй­ся, Екатери́но, не­ве́с­то Хри­сто́­ва прему́драя.

икона великомученице екатерине

Икос 1

А́н­ге­лом ра́вную чис­то­ту́ иму́­щи, свя­та́я де́­во Екатери́но, с А́н­ге­лы Бо­же́ст­вен­на­го озаре́ния сподо́билася еси́, с ни́­ми же вос­пе­ва́ющи Трисвяту́ю песнь, услы́­ши нас, пою́щих те­бе́ на зем­ли́ сия́:

Ра́­дуй­ся, чест­но́е свя­ты́­ни жи­ли́­ще; ра́­дуй­ся, чуде́сное зна́­ме­ние сбы́вшагося на те­бе́ Бо́­жия Про́мысла.

Ра́­дуй­ся, бла­го­во­ле́­ния О́тча со­су́­де; ра́­дуй­ся, страда́ний Хри­сто́­вых ис­пол­не́­ние.

Ра́­дуй­ся, чи́с­тое Ду́­ха Свя­та́­го обита́лище; ра́­дуй­ся, све́­том благочести́выя ве́­ры просвети́вшаяся.

Ра́­дуй­ся, свя­тою купе́лию отрожде́нная; ра́­дуй­ся, измы́вшая ри́зы своя́ в Кро́ви А́гнчей на зем­ли́.

Ра́­дуй­ся, лику́ющая с свяще́нными де́вами на Не­бе­си́.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 2

Ви́­дя­щи Екатери́на се­бе́ виде́ния сподо́бльшуюся, те­че́ к свя­то́­му ста́рцу, ико́­ну ей Бо­го­ма́­те­ре пре́ж­де того́ вручи́вшему, и пове́да ему́, ка́­ко отвраща́ше лице́ Свое́ ей яви́­вый­ся с Пре­чи́с­тою Свое́ю Ма́терию Хрис­то́с, ка́­ко безу́мну, и ни́щу, и худоро́дну ю наре́к, до́ндеже не оста́вит и́дольскаго не­че́с­тия. Преподо́бный же, слы́шав сия́, наста́ви ю в та́инствах ве́­ры и крести́ ю. Она́ же во обновле́нии ду́­ха бла­го­да́р­но поя́ше Бо́­гу: Алли­лу́иа.

Икос 2

Ра́­зум бла­ги́й, благоро́дство и́с­тин­ное, бо­га́т­ство неги́блющее стяжа́вши в духо́вном отрожде́нии, свя­та́я Екатери́на досто́йна яви́­ся Не­бе́с­на­го Жениха́ Хри­ста́, И́же, па́­ки яви́вся ей, воз­лю­би́ ю и дарова́нным пе́рстнем в неве́сту Се­бе́ обручи́. Она́ же, позна́вши тако́е к ней благоволе́ние Бо́­жие, та́­ко уязви́ся лю­бо́­вию Его́, я́ко не му́дрствоваше бо́лее о зем­ны́х веща́х, но о Возлю́бленном сво­е́м непреста́нно мы́сляше. Таково́й бла­го­да́­ти сподо́бльшаяся, слы́ши от нас:

Ра́­дуй­ся, злово́ние мирско́е возненави́девшая; ра́­дуй­ся, в воню́ ми́­ра Хри­сто́­ва теку́щая.

Ра́­дуй­ся, до́б­рая люби́тельнице Жениха́ Безсме́ртнаго; ра́­дуй­ся, со­кро́­ви­ще бла­го­во­ле́­ния Вы́ш­ня­го.

Ра́­дуй­ся, денни́це пре­све́т­лая; ра́­дуй­ся, луно́ соверше́нная.

Ра́­дуй­ся, ма́слино, в до́­му Бо́жии насажде́нная; ра́­дуй­ся, ке́дре, в Лива́не высокора́сленный.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 3

Си́­ла Вы́ш­ня­го даде́ тог­да́ свя­те́й Екатери́не дерз­но­ве́­ние, е́же нече́ствующаго ца­ря́ Максими́на о принесе́нии и́долом жертв обличи́ти небоя́зненно, и той пребы́сть без­гла́­сен на мног час, не моги́й проти́витися ея́ глаго́лом. Она́ же, благодаря́щи Бо́­га, воспева́ше: Алли­лу́иа.

икона великомученице екатерине

Икос 3

Иму́­щи свя­та́я Екатери́на свы́­ше да́н­ную ей прему́дрость, ег­да́ не­чес­ти́­вый царь, поста́вив пред со­бо́ю, вопроша́ше ю о ро́де ея́ и са́не, она́ ис­по­ве́да се­бе́ бы­ти дщерь ца́рскую, филосо́фския и ри́торския нау́ки до́б­ре изучи́вшую, па́­че же Христо́ву неве́сту се­бе́ наименова́, в я́вное отверже́ние и́дольскаго слу­же́­ния. Се­го́ ра́­ди вос­пе­ва́­ем ей си́­це:

Ра́­дуй­ся у́бо, Екатери́но пре­сла́в­ная; ра́­дуй­ся, ца́рское свяще́ние.

Ра́­дуй­ся, пчело́, ды́ма и́дольскаго отлете́вшая, ра́­дуй­ся, голуби́це, зла́ты крила́ иму́щая.

Ра́­дуй­ся, ка­ди́­ло Хри­сто́­ва благоуха́ния.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 4

Бу́­рею я́рости вознеи́стовився царь на свя­ту́ю де́ву, ре­че́ к ней: «Не глаго́ли зле о бо́зех на́­ших». Свя­та́я же Екатери́на отвеща́: «А́ще восхо́щеши отрясти́ мрак пре́­лес­ти от ду­ше́в­ных ти оче́й, уразуме́еши бого́в тво­и́х ху́дость и позна́еши и́с­тин­на­го Бо́­га, Его́­же и́мя, то́кмо глаго́лемое, или́ крест, изобразу́емый на возду́се, прогоня́ет бо́­ги твоя́ и погубля́ет. И а́ще повели́ши, явлю́ те­бе́ и́с­ти­ну, пою́щи Бо́­гу моему́: Алли­лу́иа».

Икос 4

Слы́шав не­чес­ти́­вый царь свобо́дный и му́д­рый отве́т твой о ве́­ре Хри­сто́­вой, убо­я́в­ся, да не бу́дет побежде́н от те­бе́, собра́ от преде́лов держа́вы своея́ мудрецо́в, число́м пятьдеся́т, на пре́ние. Ты же, Арха́нгелом Михаи́лом утвержде́нная и о побе́де уве́ренная, возра́довалася еси́ вступи́ти в пре́ние с ни́­ми. При­ими́ у́бо, де́­во, от нас по­хва­лу́ сию́:

Ра́­дуй­ся, изъяви́тельнице ума́ Хри­сто́­ва; ра́­дуй­ся, херуви́мское стяжа́вшая Бо­го­позна́ние.

Ра́­дуй­ся, серафи́мскою воспале́нная к Бо́­гу лю­бо́­вию; ра́­дуй­ся, му́д­рых мудре́йшая.

Ра́­дуй­ся, духо́вный меч на неве́рие изостри́вшая; ра́­дуй­ся, не­че́с­тия прогони́тельнице.

Ра́­дуй­ся, ве́р­ных нас­та́в­ни­це.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 5

Боготе́чной звез­де́ была́ еси́ подо́бна, Екатери́но, препре́вши пятьдеся́т вити́й и наста́вивши их на путь христиа́нский, веду́щий к пра́­вед­но­му Со́лн­цу, от Де́­вы возсия́вшему Хри­сту́ Бо́­гу, свои́ми му́дрыми гла­го́­лы, и́же и осужде́ни бы́вше за Хри­ста́ на сожже́ние и напу́тствовани мо­ли́т­вою твое́ю, с ра́­дос­тию идо́ша в огнь, пою́­ще: Алли­лу́иа.

икона великомученице екатерине

Икос 5

Ви́­дев царю́ющий повеле́ния своя́ в те­бе́ пренебреженны и увеща́ния презре́нны, обрати́ся к лука́вству, е́же ласка́нием прельсти́ти тя, обеща́я полца́рства те­бе́ да́­ти. Ты же ве́­ру сокро́вищам земны́м предпоче́тши и Жениха́ Хри­ста́ возлюби́вши па́­че зем­на́­го ца́рст­ва и оде́жду му́ченичества па́­че багряни́цы, отве́ргла еси́ его́ суесло́вие. Се­го́ ра́­ди воспису́ем ти сия́ по­хва́ль­ная:

Ра́­дуй­ся, де́­во, лесть обличи́вшая; ра́­дуй­ся, запина́теля зми́я попра́вшая.

Ра́­дуй­ся, дщерь ца­ре́­ва; ра́­дуй­ся, де́­во, ря́сны златы́ми оде́янная.

Ра́­дуй­ся, вся́­кое вещество́ превозше́дшая; ра́­дуй­ся, на гору́ богови́дения восте́кшая.

Ра́­дуй­ся, све́­том бо­го­поз­на́­ния просвеще́нная; ра́­дуй­ся, труба́ ду́­ха, воспе́вшая глас и́с­тин­на­го бо­го­сло́вия.

Ра́­дуй­ся, до́б­рое ве́­ры ис­по­ве́­да­ние; ра́­дуй­ся, све́­та ева́нгельскаго сия́ние.

Ра́­дуй­ся, зако́нов ве́ч­ных хра­ни́­тель­ни­це; ра́­дуй­ся, на́­ша по­мо́щ­ни­це.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 6

Пропове́дником богоно́сным, апо́с­то­лом поревнова́вши, дерз­но­ве́н­но пред ли­це́м мучи́теля пропове́дала еси́ Хри­ста́, и́с­тин­на­го Бо́­га, Ему́­же в ра́нах и в темни́це пе́ла еси́: Алли­лу́иа.

Икос 6

Возсия́вый в се́рд­це тво­е́м свет и́с­тин­на­го богоразу́мия отгна́л есть мрак скор­бе́й, и́же не оста́­ви тя алка́ти, голуби́цею пи́щу ти посыла́я, ни­же́ стужа́ти о бо­ле́з­ни, посети́л бо Сам тя в темни́це, обод­ря́я и мно́ги вен­цы́ обещава́я. Ты же, терпеливоду́шная, сим па́­че укрепи́лася еси́ и цари́цу А́вгусту и воево́ду Порфи́риа, с во́ины прите́кших к те­бе́, обрати́ла еси́ к све́­ту ве́­ры Хри­сто́­вой и научи́ла пе́­ти те­бе́ сия́:

Ра́­дуй­ся, мирополо́жнице Бо­же́ст­вен­ныя люб­ве́; ра́­дуй­ся, ада­ма́н­те кре́пкий.

Ра́­дуй­ся, вино́ чу­де́с неизрече́нных; ра́­дуй­ся, вра­га́ тер­пе́­ни­ем уби́вшая.

Ра́­дуй­ся, я́з­вы Го́с­по­да на те́ле сво­е́м носи́вшая; ра́­дуй­ся, ца­ри́­це А́вгусте с прише́дшими к му́ченическому по́двигу путенаста́внице.

Ра́­дуй­ся, я́ко во тьме свет была́ еси́; ра́­дуй­ся, я́ко Сам Гос­по́дь, Свет ми́­ра, те­бе́, в темни́це бы́вшей, Се­бе́ яви́л есть.

Ра́­дуй­ся, уз гре­хо́в­ных ско́­рая реши́тельнице; ра́­дуй­ся, боле́знующих ско́­рая целе́бнице.

Ра́­дуй­ся, по­мо́щ­ни­це на́­ше­го спа­се́­ния.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 7

Хо­тя́­щу безбо́жному ца­рю́ при­вес­ти́ тя к ме́рзкому идолослуже́нию, па́­ки се́­ти подстила́ет те­бе́, прему́драя, е́же улови́ти тя ле́стно похвало́ю красоты́ твоея́; ты же красоту́ вещь привре́менну и скоропрехо́дну именова́ла еси́, Хри­ста́ же испове́дала еси́ Бо́­га жи́ва и и́стинна и пе́ла Ему́: Алли­лу́иа.

икона великомученице екатерине

Икос 7

Но́вую по­ка­за́ царь я́рость и безчелове́чие, повеле́в епа́рху коле́сами растерза́ти де́вственное, чи́с­тое и свято́е те́­ло твое́, но чу­де́с­но ру­ко́ю А́н­ге­ла а́бие разреше́на была́ еси́ безвре́дна и ко­ле­са́ на ча́сти сокруше́ны, и́ми­же мно́ги от не­ве́р­ных убие́ны, я́ко уди­ви́­ся сам царь и предстоя́щий наро́д, и́же и взыва́ше: «Вели́к Бог христиа́нский». Мы же, чудя́­щеся се­му́, взы­ва́­ем те­бе́:

Ра́­дуй­ся, му́ченице, А́н­ге­лом честна́я и гове́йная; ра́­дуй­ся, сла́­во полко́в страда́льческих.

Ра́­дуй­ся, све́т­лая на вра­ги́ побе́да; ра́­дуй­ся, страх не­ве́р­ных.

Ра́­дуй­ся, со­су́­де мно́жайшия си́­лы Бо́­жия; ра́­дуй­ся, ра́­до­ва­ние ве́р­ных.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 8

Стра́н­ное сла́­вы измене́ние и за Хри­ста́ страда́ние ца­ри́­цы и воево́ды с во́ины ви́­дев­ше, устра­ни́м­ся люб­ве́ ми́­ра и пло́­ти и впери́м се­бе́ к разуме́нию Бо́­га, Сей бо есть красота́, и сла́­ва, и ве­не́ц нам, пою́­щим: Алли­лу́иа.

Икос 8

Весь сла́­дость, весь же­ла́­ние те­бе́, свя­та́я Екатери́но, бысть Иису́с: сла́дце бо Его́ ра́­ди го́рькия му́­ки терпе́ла еси́ и ски́петр, предлага́емый те­бе́, попра́ла еси́, предзря́щи бу́дущее воз­дая́­ние. От нас же при­ими́ по­хва́ль­ная сия́:

Ра́­дуй­ся, чи́с­тая, чи́сте Чи́стаго возлюби́вшая; ра́­дуй­ся, го́рлице, Кра́снаго Жениха́ в пусты́не до́льнаго ми́­ра вожделе́вшая.

Ра́­дуй­ся, воню́ риз Его́ благоуха́вшая; ра́­дуй­ся, я́ко се́рна на гора́х арома́тских иска́вшая Рож­де́н­на­го пре́ж­де холмо́в ве́ч­ных.

Ра́­дуй­ся, по́двиг страда́льческий ра́­ди люб­ве́ Хри­сто́­вы соверши́вшая; ра́­дуй­ся, лик му́ченический Бо́­гу приве́дшая.

Ра́­дуй­ся, я́ко вити́и то­бо́ю получи́ша Ца́рст­во Не­бе́с­ное; ра́­дуй­ся, я́ко то́еже то­бо́ю получи́ти ча́ем.

Ра́­дуй­ся, по­кро́­ве и за­бра́­ло на́­ше.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 9

Все ес­тес­тво́ а́н­гель­ское возра́довася ра́­дос­тию, зря тя, Екатери́но, победи́вши мироде́ржца, ше́ствующую к преми́рным я́ко победоно́сную воево́ду, в после́довании полка́ страда́льческаго, и воспе́ по­бе́д­ная, взы­ва́я: Алли­лу́иа.

икона великомученице екатерине

Икос 9

Вити́и мно­го­ве­ща́н­нии заусти́шася: не возмо́гше бо противовеща́ти богодухнове́нным словесе́м тво­и́м, молча́нием почита́ют дарова́ния твоя́; мы же, немощни́и, ка́­ко мо́жем отве́рсти ус­та́ на хвалы́ твоя́? Одна́ко дерза́ем и мо́­лим, спо­до́­би, бла­га́я, безбе́дно при­нес­ти́ те­бе́ песнь сию́:

Ра́­дуй­ся, орга́не Ду́­ха Свя­та́­го; ра́­дуй­ся, заре́ не­из­ре­че́н­наго осия́ния.

Ра́­дуй­ся, догма́тов Бо­же́ст­вен­ных пучи́но; ра́­дуй­ся, хи́тросте, препре́вшая филосо́фов.

Ра́­дуй­ся, ча́ше пре­му́д­ро­сти; ра́­дуй­ся, плете́ния вити́й растерза́вшая.

Ра́­дуй­ся, плени́цы гре­хо́в­ныя разреша́ющая.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 10

Спас­ти́ хо­тя́­щи ду́­шу твою́, о те́ле тво­е́м неради́ла еси́, Екатери́но, и на ме́ч­ное усе­че́­ние, мучи́телю да́вшу на то изрече́ние, ты ра́­дост­но потекла́ еси́, пою́щи Свя­то́­му Безсме́ртному: Алли­лу́иа.

Икос 10

Сте­на́ тве́рда и непреодоли́ма яви́­ла­ся еси́ жена́м, те­бе́ на ме́сто усече́ния провожда́ющим и с рыда́нием тя жестокосе́рду к се­бе́ и безразсу́дну бы­ти имену́ющим: я́ко не пощади́ла еси́ сла́дкаго жи­во­та́ в цве́­те ю́нос­ти, я́ко презре́ла еси́ земно́е предлага́емое ца́рст­во и бла­же́н­ство. Ты же воспрети́ла еси́ неполе́зный плач их и суесло́вие, теку́щи скоре́йше соедини́тися чрез смерть со сво­и́м Возлю́бленным, того́ ра́­ди слы́­ши­ши:

Ра́­дуй­ся, ра́­дост­но за Гла­ву́ Це́рк­ве Хри­ста́ под меч гла­ву́ свою́ приклони́вшая; ра́­дуй­ся, до кон­ца́ претерпе́вшая.

Ра́­дуй­ся, те­че́­ние до́б­ре сконча́вшая; ра́­дуй­ся, я́ко ни ско́рбию, ни ра́­на­ми, ни ме­че́м с пу­ти́ Хри­сто́­ва испове́дания не соврати́лася еси́.

Ра́­дуй­ся, я́ко пла́мень люб­ве́ в исто́чнице кро́­ве неугаси́мь соблю́дшая; ра́­дуй­ся, му́­че­ни­ков кра­со­то́.

Ра́­дуй­ся, кре́п­кое хри­сти­а́н при­бе́­жи­ще.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 11

Пе́­ние похва́льное дерзну́хом при­нес­ти́ те­бе́, но оскудева́ет сло́­во на́­ше и недоумева́ет ум, ка́­ко гла­го́­ла­ти; оба́­че сло́­во твое́ прему́дрое, мно́гих исхити́вшее от неве́жества и идолонече́стия, возставля́ет нас. Даждь нам сло́­во твое́, во е́же пе́­ти уди́вльшему на те­бе́ ве­ли́­чия Своя́ Бо́­гу: Алли­лу́иа.

икона великомученице екатерине

Икос 11

Све­то­при­е́м­ную тя све­щу́, ме́чным усече́нием погаше́нную, но на све́щнице Небе́снем пред Пре­сто́­лом Свя­ты́я Тро́ицы поста́вленную, ви́­дев­ше Святи́и А́нгели, поклони́шася Живу́щему во ве́­ки и, по­лу­чи́в­ше от Влады́ки повеле́ние, де́вственное те́­ло твое́ на го­ре́ Сина́йстей погребо́ша, да не ви́димо бу́дет, я́ко­же сама́ хоте́ла еси́, враго́м Госпо́дним. Мы же песнь сию́ возсыла́ем ти:

Ра́­дуй­ся, солнцеобра́зная де́­во, на Не­бе­са́ ду́­хом возше́дшая; ра́­дуй­ся, Сио́на Го́р­ня­го дости́гшая.

Ра́­дуй­ся, ве́н­че добро́ты в ру́­це Госпо́дни; ра́­дуй­ся, ча́ше, от оби́­лия до́­му Бо́­жия че́рплющая ра́­дость.

Ра́­дуй­ся, к ски́нии нерукотворе́нней, ве́чней прибли́жившаяся; ра́­дуй­ся, на го­ре́ зако́нней почива́ющая те́­лом.

Ра́­дуй­ся, я́ко та́­мо ви́дена бы́ша ше́ствия Бо́­га Сина́ина, Бо́­га Иа́ковля; ра́­дуй­ся, ме́ста богови́дения Моисе́ева одержа́ние.

Ра́­дуй­ся, ре́вности Илиины́ указа́ние; ра́­дуй­ся, купины́ несгора́емой яв­ле́­ние.

Ра́­дуй­ся, де́­во, Де́ве Ца­ри́­це, в ри́зы позлаще́нны оде́янной, преиспещре́нной всле́дствующая; ра́­дуй­ся, я́ко то­бо́ю Сый воспева́ется посреде́ дев тимпа́нниц.

Ра́­дуй­ся, я́ко на те­бе́ велеле́пота Его́; ра́­дуй­ся, Пре­сто́­ла Ве́ч­на­го предстоя́тельнице.

Ра́­дуй­ся, от хра́ма вселе́нныя моли́твенники к те­бе́ назира́ющая; ра́­дуй­ся, ка­ди́­ло мо­ли́тв Вы́шнему о нас благоприя́тное.

Ра́­дуй­ся, Екатери́но, не­ве́с­то Хри­сто́­ва прему́драя.

Кондак 12

Бла­го­да́ть дана́ те­бе́ от Бо́­га руково́дствовати к позна́нию и́с­ти­ны Его́, в та́й­не сокрове́нней, и дая́ти всем я́же к по́льзе про­ше́­ния. Те́м­же мы, помраче́ннии, умиле́нно про́­сим тя, му́д­рая де́­во: про­све­ти́ у́мныя на́ши о́чи и по­ло­жи́ нам к Не­бе­си́ стезю́ прохо́дну, да по­е́м с то­бо́ю ны́­не и во вся ве́­ки Еди́­но­му Прему́дрому: Алли­лу́иа.

Икос 12

Пою́­ще кре́пкия твоя́ му́ченическия по́д­ви­ги, хва́­лим тя, я́ко оду­шев­ле́н­ный со­су́д спа­се́­ния че­ло­ве́­ков: тво­и́м бо ра́­зу­мом Бог прему́дрость прему́дрых ве́­ка се­го́ по­гу­би́; то­бо́ю вити́й при­зва́ в язы́к свят, в лю́­ди обновле́ния, я́ко тем страда́ти за Хри­ста́. Про­све­ти́ и нас, бла­га́я де́­во, помраче́нных, да зо­ве́м ти:

Ра́­дуй­ся, зер­ца́­ло Бо́­жия му́дрости; ра́­дуй­ся, си́­лою Вы́ш­ня­го оде́янная.

Ра́­дуй­ся, подви́жнице, еле́ем ра́дования умаще́нная; ра́­дуй­ся, вое­во́­до, полк Бо́­жий к ве́ч­но­му вели́честву предпосла́вшая.

Ра́­дуй­ся, во све́тлости свя­ты́я вше́дшая; ра́­дуй­ся, во све́­те непристу́пнем Живу́щему в ли́це пла́менных слуг предста́вшая.

Ра́­дуй­ся, гром трисвята́го пе́­ния гла́сом сво­и́м умножа́ющая; ра́­дуй­ся, неизрече́нную сла́­дость добро́ты вкуша́ющая.

Ра́­дуй­ся, я́ко хвала́ и ра́­до­ва­ние над гла­во́ю твое́ю; ра́­дуй­ся, я́ко ве́ч­ная сла́­ва те­бе́ объе́млет.

Ра́­дуй­ся, от Триипоста́снаго Бо­же­ства́ вен­це́м Не­бе́с­на­го Ца́рст­вия увенча́нная; ра́­дуй­ся, бла­го­да́­ти и безконе́чной сла́­вы нам хо­да́­таи­це.

Ра́­дуй­ся, Екатери́но, не­ве́с­то Хри­сто́­ва прему́драя.

икона великомученице екатерине

Кондак 13

О свя­та́я великому́ченице Екатери́но! При­ими́ сие́ похва́льное пе́­ние и из­ба́­ви нас от враг ви́­ди­мых и не­ви́­ди­мых и от ве́ч­на­го му­че́­ния тво­и́м бла­го­при­я́т­ным хо­да́­тай­ством со­хра­ни́, да с то­бо́ю при́с­но по­е́м Бо́­гу: Алли­лу́иа.

Этот кондак чи­та­ет­ся трижды, за­те́м 1-й икос «А́н­ге­лом ра́вную…» и 1-й кондак «Избра́нную и венча́нную де́ву…».

Другие молитвы

Кроме акафиста, существуют короткие молитвы, с которыми обращаются к святой великомученице.

Молитва

О свя­та́я Екатери́но, де́­во и му́ченице, и́стинная Хри­сто́­ва не­ве́с­то! Мо́­лим тя чрез особли́вую бла­го­да́ть, е́ю­же предвари́ тя Жени́х твой, Сладча́йший Иису́с: я́ко­же посрами́вши пре́­лес­ти мучи́теля, му́дростию твое́ю пятьдеся́т вити́й победи́ла еси́ и, напои́вши их Не­бе́с­ным уче́нием, к све́­ту и́с­тин­ныя ве́­ры наста́вила еси́, та́­ко ис­про­си́ и нам о́ную Бо́­жию му́дрость, да и мы, расто́ргнувше вся ко́з­ни а́дскаго мучи́теля и пре­зре́в ми́­ра и пло́­ти собла́зны, досто́йны яви́мся Бо­же́ст­вен­ныя сла́­вы и к разшире́нию свя­ты́я на́шея пра­во­сла́вныя ве́­ры сосу́ды досто́йны соде́лаемся, и с то­бо́ю в Небе́сной ски́нии Го́с­по­да и Вла­ды́­ку на́­ше­го Иису́­са Хри­ста́ хва́­лим и про­сла­вля­ем во вся ве́­ки. Ами́нь.

икона великомученице екатерине

Молитва великомученице Екатерине о хороших женихах

О, святая великомученице Екатерино, избранный чистоты сосуде, столпе православия, надежная предстательнице наша, явившая нам сама вину умоляти тя, подвижнице законная, святая на святей горе свято почивающая! Молим тя: приникши свыше, вонми гласу моления нашего, призри на бедствие рабов твоих, просвети омрачение ума нашего, сотвори нас горняя мудрствовати, а не земная. Поспеши нам молитвами твоими побеждати плотская похотения, пристрастия к миру и козни злых духов, на нас злобно воюющих: да твоим предстательством во дни жития сего свободни будем от враждебных их нападений и по исходе от воздушных их истязаний. О, премудрая дево! Даруй нам вся, яже к пользе прошения: можеши бо многая испросити у возлюбленнаго Жениха, Христа Бога нашего. Мы вемы, яко много может молитва праведнаго, поспешествуемая благоутробием милосердаго Бога, Емуже слава, честь и благодарение всегда, ныне и присно и во веки веков. Аминь.

Молитва святой Екатерине о беременности

О, святая дево и мученице Екатерине! Молим тя: призри на бедствия грешных раб Божиих (имена), сотвори нас горняя мудрствовати, а не земная. Поспеши нам молитвами твоими побеждати плотская похотения, к миру пристрастие и козни злых духов, на нас злобно воюющих; да твоим предстательством во дни жития сего свободни явимся от враждебных их нападений и по исходе от воздушных их истязаний. О премудрая дево! Даруй нам вся яже к пользе прошения, можеши бо многая испросити у Возлюбленнаго Жениха твоего, Христа Бога нашего. Мы вемы, яко много может молитва праведнаго, поспешествуемая благостию Милосердаго Бога, Емуже слава, честь и благодарение всегда, ныне и присно и во веки веков.

икона великомученице екатерине

Молитва святой Екатерине при трудных родах

Дева прекраснейшая, мудрая, пречудная, св. великомученица Екатерина! Всю эллинскую мудрость совершенно изучивши, ораторское искусство и философию, и врачебную науку хорошо узнав, просвещения большего ты возжелала, уверовав же во Христа, в видении узрела предвечного младенца на руках его пречистой матери, даровавшего тебе перстень безсмертного обручения с ним. Лютые, затем, муки претерпев, тяжкие удары и жестокие раны, и мрак темничный, и членов раздробление на колесах, силою Христовою ты от всего этого исцелена была. На казнь же идя, так молилась ты, великомученица преславная: «Господи, Иисусе Христе! Тех, елицы призовут мною всесвятое имя Твое, исполнит во благих прощения всего, еже на потребу им, да от всех воспевается величие твое во веки». Женам, мучимым болезнями рождения и на помощь тебя призывающим, заступление являя, ты, Екатерина святая; поэтому и ныне с любовию и благоговением молящихся тебе, и с верою теплою, и слезами от всего сердца прибегающих к тебе жен, не отринь, поспеши им на помощь и освободи их от трудных родов, чтобы родивши детей, оне в страхе Божием воспитали их, благодаря тебя, Екатерина преславная, за помощь, явленную им, и славя за тебя Бога со всем домом их. Аминь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector