Текст акафиста и тропарь святому Савве Сторожевскому, и о чем ему молятся

Многие верующие слышали о Звенигородском чудотворце, ставшем основателем одноименного монастыря. Немало чудес сотворил этот святой во время земной жизни. С его именем связывают множество свершений и перемен, происходящих на Руси в XIV-XV веках. Но не все знают, что под этим званием кроется имя преподобного Саввы Сторожевского, акафист к которому обладает чудотворной силой.

История появления акафиста

О жизни Саввы Сторожевского до прихода в монастырь известно не очень много. Не установлены точные дата и место его рождения. Предполагается, что чудотворец родился в период с 1314 по 1330 годы. Родиной его было Смоленское княжество. Существует гипотеза, что семья святого была довольно родовитой. Возможно, родители преподобного были боярами.

С юных лет праведник тянулся к Господу. Желание служить Всевышнему привело Савву в Троицкую обитель, к Сергию Радонежскому, который постриг его в монахи. Юный инок стал верным учеником и сподвижником отца Сергия.

Святой Савва предпочитал уединяться, избегая общения с людьми. Преподобный вел аскетический образ жизни, питаясь растительной пищей, нося грубую одежду. Благодаря этому чудотворец завоевал уважение и любовь всей братии.

Видя успехи Саввы в духовной жизни, Сергий Радонежский назначил его духовником монастырских насельников. А через некоторое время инока Савву назначили игуменом монастыря Успения Богородицы, построенным Дмитрием Донским после победы над Мамаем.

В 1392 году игумен Троицкого монастыря отец Никон не захотел больше управлять обителью, затворившись в келье. Братия монастыря, оставшись без игумена, обратилась к преподобному Савве с просьбой стать игуменом обители. Шесть лет возглавлял чудотворец Троицкую обитель, с усердием исполняя игуменские обязанности.

Позже праведник стал духовником сына Дмитрия Донского – Юрия. Вступив в управление Звенигородским княжеством, Юрий Дмитриевич уговорил своего наставника переехать в его владения для возведения на его землях монастыря.

Но преподобный Савва, мечтая об уединении, удалился на Сторожевую гору. Здесь он принялся за постройку церкви во имя Рождества Пресвятой Богородицы. Рядом с церковью святой основал обитель.

акафист савве сторожевскому

Сам Савва поселился в келье, построенной недалеко от монастыря. К праведнику стали идти люди со своими горестями и бедами, ища у святого утешения и спасения. Желающих посвятить себя иноческому подвигу преподобный учил смирению, послушанию.

За праведную жизнь преподобному Савве были дарованы Господом чудодейственные силы и способность предвидеть будущее. Святой старец предсказал победу Юрию Донскому и спас Русь от нашествия Тамерлана.

Преподобный прожил долгую жизнь и скончался 3 декабря 1406 года.

Значение акафиста Савве Сторожевскому в православии

Первые чудеса, связанные с преподобным, стали происходить сразу после его кончины. Через некоторое время после погребения святого игумен Сторожевской обители, иконописец Дионисий, увидел во сне монаха, назвавшегося Саввой Сторожевским. Преподобный потребовал от игумена написать икону с изображением его лика. Дионисий исполнил просьбу святого.

Самыми известными чудесными случаями стали:

  • спасение царя Алексея Михайловича от медведя;
  • предотвращение разграбления Сторожевского монастыря во время нашествия Наполеона.

19 января 1652 года произошло первое обретение нетленных мощей преподобного. После Октябрьской революции святые останки были утрачены. Об их местоположении стало известно лишь к концу XX века. Возвращение мощей состоялось 23 августа 1998 года.

Множество паломников стекается в обитель для того, чтобы приложиться к чудотворным мощам. Божьему угоднику молятся об укреплении веры и оказании помощи в избавлении от страстей.

акафист савве сторожевскому

Звенигородского чудотворца просят:

  • помочь в трудоустройстве, карьерном росте;
  • исцелить телесные и душевные недуги;
  • спасти от опасностей;
  • избавить от неурядиц на работе, в быту.

Как и любой святой, Савва Сторожевский помогает освободиться от грехов и преодолеть пороки.

Чествование Саввы Сторожевского началось с 1547 года. Празднования, посвященные святому, проходят три дня в году:

  • 16 декабря;
  • 1 февраля;
  • 23 августа.

Эти дни отмечаются торжественными богослужениями. Совершаются молебны с акафистом.

акафист савве сторожевскому

Полный текст акафиста на русском языке

Кондак 1

Избранный от Воеводы и Господа воинств небесных, преподобне отче наш Савво, силою Креста Господня победивый напасти, яже от диавола, мира и плоти, яко имея дерзновение ко Господу, от всяких искушений, бед и наветов вражиих молитвами твоими сохраняй нас, похвальная с любовию тебе воспевающих:

Радуйся, отче наш Савво, чудотворче преславный.

Икос 1

Ангел во плоти явился еси на земли, преподобне Савво, от юности бо возлюбив Бога, равноангльному поревновал еси житию учителя твоего, преблаженнаго Сергия и послужив Господеви в правде и преподобии во вся дни живота своего, по исходе нетлением телесе сияеши. Вси убо благоговейно чтуще тя, воспеваем сице:

Радуйся,  истинный святаго учителя твоего ревнителю;

Радуйся, земный Ангеле и небесный человече.

Радуйся, верный слуго Господень;

Радуйся, усердный чистоты и воздержания хранителю.

Радуйся, зерцало веры благочестивыя;

Радуйся, образе кротости духовныя

Радуйся, пустынно жителей красото;

Радуйся, иноков наставниче.

Радуйся, многим ко спасению путеводителю;

Радуйся, скорый помощниче притекающим к тебе с верою.

Радуйся, отче наш Савво, чудотворче преславный.

Кондак 2

Видя, яко в мире сем всяческая суета и тление, потщался еси тесным и прискорбным путем течение жизни сея совершити; вселився во обители преподобнаго Сергия, и от него прияв ангельский образ, поревновал еси богомудрому его смирению и трудолюбию, и купно с ним день и нощь воспевал еси Спасителю, всех Богу: Аллилуия.

акафист савве сторожевскому

Икос 2

Разум и сердце покорив Христу Спасителю, глаголющу: «Иже хощет по Мне ити, да отвержется себе, и возьмет крест свой, и по Мне грядет», — невозвратно отвратил еси лице свое от мира сего, яко от Вавилона греховнаго, и презрев вся красная и благая его, водворился еси в пустыни, чая Бога, спасающаго воителей Своих. Ныне же предстоиши Престолу Божию, наслаждаяся небесных благ, и велие дерзновение имея ко Господу, не забуди нас, к раце мощей твоих усердно притекающих и восхваляющих тя:

Радуйся, житейских сует и мирских соблазнов избежавый;

Радуйся, иноческое безстрастие и безмолвие стяжавый.

Радуйся, вся благая земли, Небеснаго ради Царствия, за уметы вменивый;

Радуйся, равноангельное житие до конца возлюбивый.

Радуйся, возненавидевый мира сего греховную сладость;

Радуйся. восприемый обетование непрестающия жизни.

Радуйся, облеченный славою Небеснаго Царствия;

Радйся, сокровище некрадомое и нетленное обретый.

Радуйся, о Церкви Христовой, на земли воинствующей, молитвенниче небесный;

Рдуйся, о всех верных, на поклонение к тебе притекающих, предстателю.

Радуйся, отче наш Савво, чудотворче преславный.

Кондак 3

Силою, излиянною на тя свыше, возшед на высоту добродетелей, постом и бдением,
молитвами и целомудрием, яко многоценным венцем благоустроения иноческаго, повсюду просиял еси: сего ради вси велика и преславна тя почитаху. Ты же, бегая славы от человек, пребывал еси яко един от простых, труждаяся паче всех и поя хвалу единому, в Троице славимому Богу: Аллилуия.

Икос 3

Имеяй душу смиренномудрия исполнену, аще и устрашаяся бремене начальства, обаче не преслушав воли Божия, приял еси порученное тебе стадо Христово и добре в пасении его пребыл еси. Ныне же, выну предстоя Престолу Божию, благоспоспешествуй молитвами твоими всем, взывающим к тебе:

Радуйся, безпрекословный воли учителя твоего исполнителю;

Радуйся добрый стада Христова наставниче.

Радуйся, возлюбленный паче многих избранником Божиим Сергием, от него же не утаися святыня твоя;

Радуйся, благовонный крине вертограда церковнаго.

Радуйся, светлый сосуде Божественныя благодати;

Радуйся, светильниче, не скрывыйся под спудом, но на свещнице поставленный.

Радуйся, честное Святаго Духа селение;

Радуйся, преподобных светлое украшение.

Радуйся, иноков в подвизех постнических укрепляяй; Радуйся, заблуждшим путь спасения показуяй.
Радуйся, отче наш Савво, чудотворче преславный.

акафист савве сторожевскому

Кондак 4

Бурю страстей и искушений вражиих, препобеждая постом, бдением и молитвами, утолил еси до конца. Ныне убо причащаяся славы небесныя со всеми святыми, предстоиши Царю славы и поеши купно с ними: Аллилуия.

Икос 4

Слышаще ближнии и дальнии богоугодное твое житие, стекахуся от окрестных стран к тебе, пользы ради: ты же всех любезно приемля, согревал еси сердца их Божественною любовию. К тебе убо и мы припадающе, молим: настви ны, яко отец чада своя, на стези спасения; и не забуди взывающих к тебе:

Радуйся, всем прибегающим к тебе наставниче предобный;

Радуйся, ищущим успокоения совести собеседниче претихий.

Радуйся, унывающих душ утешителю пресладкий;

Радуйся, кающихся со умилением ходатаю преусердный.

Радуйся, заблуждающих исправителю прекроткий;

Радуйся, беззаконных обличителю незлобивый.

Радуйся, к воздержанию и целомудрию путеводителю неослабный;

Радуйся, борющимся со страстьми помощниче неутомимый.

Радуйся, праваго пути веры и благочестия указателю неложный;

Радуйся, молящимся тебе от гнева Божия защитниче неотступный.

Радуйся отче наш Савво, чудотворче преславный.

Кондак 5

Боготечная звезда явился еси, преподобне отче Савво, от мрака греховнаго хотящим прейти к Солнцу правды, ясно путь показующая. Темже молим тя: просвети и наша сердца, страстьми житейскими омраченная, и способствуй нам достойно воспевати Богу: Аллилуия.

акафист савве сторожевскому

Икос 5

Видя благоверный князь Георгий смиренномудрие твое, яко уклонился еси от начальствнныя власти во обители учителя твоего, устремляяся к пустынному безмолвию, той умоли тя, да вселишися на горах, глаголаемых Сторожи, Ты же, изволяя благое послушание явити благому желанию и обитель иноческую зде составити хотя, рекл еси со Пророком: «Се покой мой, зде веселюся, яко изволих». И скоро на месте сем храм Пресвятыя Богородицы создася. В немже ныне нетлением мощей твоих благоухаеши и немолчно ко Господу вопиеши о возглашающих к тебе сицевая:

Радуйся, горлице пустыннолюбная и добровидная.

Радуйся, пустыни доброе прозябение,

Радуйся, цвете присноцветущий;

Радуйся, смиренномудрием и всякими добродетельми страну сию облагоухавший.

Радуйся, благополезно и мудро прошение князя совершивый;

Радуйся, церковь прекрасну зде во славу Рождества Богородицы соорудивый.

Радуйся, пустыню во обитель иночества претворивый;

Радуйся, стаду твоему верный наставниче.

Радуйся, всем притекающим к тебе мир и благословение от Господа молитвами твоими низводящий;
Радуйся, о всех градех и весех российских молитвенниче неусыпающий.

Радуйся, отче наш Савво, чудотворче преславный.

Кондак 6

Проповеди Евангельския послушав: «Не пецытеся душею вашею, что ясте, или что пиете;
ни телом вашим, во что облечетеся», — упразднил еси сердце твое от житейских забот, питаяся былием пустынным и малоценныя ризы нося. Сего ради нетления одеждою одеялся еси по преставлении твоем , юже от Христа Бога получити и нам испроси, вопиющим Ему: Аллилуия.

Икос 6

Возсиял еси, яко Богосветлое светило, во стране Российстей, всеблаженне отче Савво, озаряя нас лучами добродетелей и чудес твоих, темже вопием ти:

Радуйся, дарованиями Святаго Духа сияющий члене Церкве Христовы;

Радуйся, преизобилующий истинным к Богу умилением.

Радуйся, подражателю преподобных в совершенном терпении;

Радуйся, подвигов иноческих ревнителю.

Радуся, страсти греховныя, силою благодати,  себе умертвивый;

Радуйся, нищеты и нестяжания образе.

Рдуся, светлое святыни зерцало;

Радуйся, всех добродетелей рачителю.

Радуйся, немощных целебниче;

Радуйся, жезле, падающих подкрепляющий.

Радуйся, отче наш Савво, чудотворче преславный.

Кондак 7

Хотящу благоверному князю Герогию воинстовати на супостаты, благословение преподал еси, отче, на одоление, глаголя пророчески: «Изыди, благоверный княже! Господь ти поможет, и врагов твоих одолееши, и благодатию Божиею здрав возвратишися в отечество твое!», — еже и бысть по глаголу твоему. Он убо, возвратився от брани с победою и славою, и многими дарми снабдевая обитель твою, воспеваше благодарственно дивному во святых Своих Богу: Аллилуия.

Икона савве сторожевскому

Икос 7

Новый подражатель древних ратоборцев на страсти плотския явился еси, отче Савво: от юности бо ум твой вперив к Богу, яко столп веры непоколебимый, даже до старости маститыя пребыл еси в распинании плоти своея со страстьми и похотьми. Сего ради не можаху силы бесовския запинати ногама твоима, ниже успеваху устрашати тя издалеча, от ихже наветов и напастей соблюди неврежденных и нас, торжественно воспевающих тебе:
Радуйся, лику древних постников сопричтенный;

Радуйся, всенощными молитвами и бдением всю прелесть бесовскую посрамивый.

Радуйся, чистоты и воздержания хранителю;

Радуйся, страстей душевных и телесных победителю.

Радуйся, воине Христов неустрашимый;

Радуйся, обдержимым бесовскою силою надежный врачу.

Радуйся, надменных мудрованием плоти к покорению глаголам Божиим приводяй;

Радуйся, всем напаствуемым от духа льсти духовное зрение и трезвение подаваяй.

Радуйся, духа вражды и любоначалия от притекающих к тебе прогоняяй;

Радуйся, яко ходатайством твоим даров Святаго Духа, в воинствовании Христовом укрепляющих, сподобляемся.

Радуйся, отче наш Савво, чудотворче преславный.

Кондак 8

Странное чудо сотворил еси, предивный отче Савво, егда нечестивии хотяху расхитити
достояние церкви твоея. Они, яко татие, устремляхуся оконцем, еже бе у гроба твоего: зде же велия гора, показася им, на нюже взыти несть мощно. Со студом убо возвращшеся отсюду, последи же раскаявшеся, с воплем и слезами, грех свой исповедаша пред всеми, и скоро путь неправды оставльше, в покаянии прочее пожиша, с верою вопиюще Богу: Аллилуия.

Икос 8

Весь был еси в Бозе, еще сый на земли, в подвизех иноческаго жития: предстоящу бо ти пред лицем Господним на Божественной службе, зримо бываше воспламенение чудное в лице твоем от молитвеннаго в дусе горения к Богу. Овогда же в толиком бе умилении душа твоя, яко источатися потокам слезным от очес твоих неудержимо, ихже ради единонравна тя зряху быти со пророком, глаголющим: «Быша слезы моя мне хлеб день и нощь».  Обаче, велие стяжав дерзновение к Богу, не забуди и нас, со слезами печали о гресех своих к твоему заступлению притекающих и вопиющих к тебе:

Радуйся, огнем Божественныя любве ветхаго человека в себе попаливый;

Радуйся, во плоти, аки безплотен, на земли поживый.

Радуйся, живыми и спасительными слезами огнь похоти угасивый;

Радуйся, горния радости и блаженства ангельскаго сопричастниче.

Радуйся, за премногую любовь твою к Богу Отцу славою и честию препрославленный;

Радуйся, за глубокое смирение твое от Христа, Сына Божия, венцем нетления увенчанный.
Радуйся, за чистоту и безстрастие ангельское от Пресвятаго Духа осиянный;
Радуйся, пречестная обитель Троицы.

Радуйся, Божия Матере служителю верный и неусыпаяй;

Радуйся, в храме Ея горе возносивыйся духом, и ныне телом паки пребываяй.
Радуйся, отче наш Савво, чудотворче преславный.

Кондак 9

Всякие беды и скорби избави нас, преподобне отче Савво, твоими теплыми к Богу молитвами, и испроси нам вся ко временной и вечной жизни потребная, да сподобимся горняго Иерусалима достигнути и купно с тобою воспевати Богу: Аллилуия.

Икона савве сторожевскому

Икос 9

Витии многовещаннии недоумеют достойно восхвалити тя, богомудре Савво: кто бо доволен разумети вся борения твоя с миродержители тьмы века сего? Или кто изочтет труды, болезни и подвиги твоя, в нихже пустыннолюбное житие совершал еси? Обаче мы, любовию твоею побеждаеми, благодарне тебе зовем:

Радуйся, закона Божия исполнителю всеусердный;

Радуйся, чистотою и целомудрием многоценнаго бисера честнейший.

Радуйся, в терпении и борении противу плоти адаманта твердейший;

Радуйся, смиренномудрием и кротостию паче славных земли прославленый.

Радуйся, борющимся со страстьми и похотьми помощниче непобедимый;

Радуйся, в трудех, бдении и воздержании великим постником подражателю ревностнейший.
Радуйся, в духовной мудрости наставниче благоискуснейший;

Радуйся, подвигов иноческих показателю рачительнейши.

Радуйся, другу Божию преподобному Сергию единонравный;

Радуйся, к лику другов Божиих на Небеса преселивыйся.

Радуйся, отче наш Савво, чудотворче преславнй.

Кондак 10

Спастися хотяще вернии от различных напастей и бед мира сего, тебе теплаго предстателя и молитвенника к Богу предлагаем: не тщетну сотвори нашу надежду на молитвы твоя, но ходатайством твоим избави нас от лютых бед, напастей, искушений и скорбей, да несмущенно, от избытка сердца, глаголем всегда Богу: Аллилуия.

Икос 10

Стену тя тверду и молитвенника изрядна стяжав, святая обитель твоя и вси страны Российския заступлением твоим хвалятся. Темже и мы грешнии, ко гробу твоему притекше, яко чада отца, молим: заступи и сохрани нас от искушений и скорбей, бед и напастей молитвами твоими, да взываем ти радостно:

Радуйся, благовонный крине райскаго вертограда;

Радуйся, кипарисе, верных сердца благовонием услаждающий.

Радуйся, древо благосеннолиственное, имже обитель твоя покрывается;

Радуйся, неусыпный молитвенниче, желания верных во благих исполняяй.

Радуйся, надеждо и отишие в мори жития сего плавающих;

Радуйся, твердое ограждение и прибежище усердно Богу работающих.

Радуйся, неисчерпаемый источниче исцелений;

Радуйся, струе, напаяющая и веселящая жаждущих правды.

Радуйся, яко в скорбех житейских и обстояниих сподобляемся твоего заступления;

Радуйся, всех усердно притекающих к тебе от искушений и бед скорое избавление.

Радуйся, отче наш Савво, чудотворче преславный.

Икона савве сторожевскому

Кондак 11

Пение всеумиленное приносим ти, преблаженне отче Савво, и со дерзновением молим: вознеси ко Господу о спасении душ наших твою святую молитву, да сподобимся вечно в радости блаженней воспевати Богу: Аллилуия.

Икос 11

Светоподательными лучами блистает житие твое, отче наш Савво: всякия бо добродетели Евангельския является в тебе исполнение, темже и глаголем:

Радуйся, сугубыя ради нищеты богатство небесное обретый;

Радуйся, плачем и умиления слезами утешение вечное приявый.

Радуйся, алкавый и жаждавый правды, ныне же насыщаяйся райским блаженством;

Радуйся, милостивым обещанное воздаяние улучивый.

Радуйся, чистотою сердца твоего лицезрения Божия достигнувый;

Радуйся, миротворениями многими в лице сынов Божиих быти сподобивыйся.

Радуйся, терпением правды ради в Царство Небесное водворивыйся;

Радуйся, образом кротости, тихости и незлобия поучение сущим в озлоблении подаваяй.

Радуйся, примером братолюбия ко исканию не своих си, но яже ближняго, и наши сердца утверждаяй;
Радуйся, всех со страхом работающих Господеви радосте.

Радуйся, отче наш Савво, чудотворче преславный.

Кондак 12

Благодать, данная ти от Бога, целити недуги душевныя и телесныя, созывает верных ко всечестным мощем твоим: при нихже и малое моление приносящим велия благодать от Бога подается, юже приемлюще, друг со другом радостно Богу возглашаем: Аллилуия.

Икона савве сторожевскому фото

Икос 12

Поюще велия твоя, досточудне отче, подвиги и труды, ублажаем приснопамятное успение твое: аще бо и преставился еси от нас, но жив сый и по смерти, не отступаеши от нас духом: обаче и мощей твоих рака пред очима нашима видима есть всегда. К тебе убо припадаем, тебе молимся и восхвалям тя сице:

Радуйся, в вере и любви божественной благоговейно от юности и благочесно до маститыя старости поживый;

Радуйся, многотрудныя и разнообразныя во иночестве подвиги добре совершивый

Радуйся, яко совершеннаго освящения от Духа Святаго исполнен еси;

Радуйся, чудному учителю твоему уподобивыйся всецелою чистотою и святостию.

Радуйся, яко с богомудрым Сергием на  Небесех присно ликуеши;

Радуйся, яко с ним купно Бога о нас грешных умоляеши.

Радуйся, яко нетлением мощей твоих, аки трубою, проповедуется будущее всех воскресение;
Радуйся, стране сей и всему отечеству нашему многоценное украшение.

Радуйся, яко тобою монахов множества в подвизех своих укрепление приемлют;

Радуйся, яко ходатайством твоим вернии и в молвах житейских спасаются.

Радуйся, отче наш Савво, чудотворче преславный.

Кондак 13

О преславный чудотворче и скорый заступниче наш, блаженне отче Савво! Малое сие от нас приношение ныне приим, испроси нам у Христа Бога утверждение в вере и братолюбии, еже быти неврежденным от всяких искушений, бед и напастей, и во грядущем веце мук вечных избавитися всем, вопиющим Ему: Аллилуия.

(Сей кондак глаголется трижды, затем икос 1: «Ангел во плоти…» и кондак 1: «Избранный от Воеводы и Господа…»)

Икона савве сторожевскому

Правила чтения

Акафист представляет собой торжественное песнопение, состоящее из 13 кондаков и 12 икосов. Причем здоровому человеку сидеть либо лежать во время исполнения хвалебной оды нельзя. Это разрешается лишь немощным людям либо беременным женщинам. Поэтому приступают к чтению акафиста только при условии, что есть уверенность в способности выдержать нелегкий молитвенный подвиг.

Выбрав преподобного Савву своим покровителем, желательно приобрести икону святого. Молитвы, произносимые перед ликом чудотворца, более действенны.

Молебен с акафистом проходит по тем же правилам, что и при чтении ежедневных молитв:

  • Начинают молебен с чтения предначительных молитв, помогающих избавиться от посторонних мыслей, настроиться на соответствующий молитве лад.
  • Первой читают молитву Святому духу, затем семипоклонную, не забывая кланяться после каждой фразы. Следом идет «Трисвятое» и молитва Пресвятой Троице. Затем переходят к «Отче наш».
  • Приступают к исполнению акафиста, произнося слова нараспев. Рекомендуется перед молебном побывать на богослужении и послушать, как исполняется церковный гимн.
  • Первые 12 кондаков и икосов читаются по одному разу. 13 кондак повторяют трижды, сопровождая чтение поклонами.
  • После 13 кондака возвращаются к 1 икосу.
  • Оканчивают чтение акафиста 1 кондаком.
  • Завершение молебна традиционно проходит произнесением «Достойно есть» и наложением на себя крестного знамения.

После молебна можно обратиться к чудотворцу своими словами, высказав молитвенное пожелание. Не стоит забывать о вознесении благодарности Господу и святому Савве за оказанные милости.

Икона савве сторожевскому

Тропарь Савве Сторожевскому

Часто после акафиста читают тропарь, текст которого приводится ниже:

«От юности божественною распаляемь ревностию, возлюбил еси чистое житие, презрев мира сего красная и суетная, последовал еси твоему Богомудрому учителю, преблаженному Сергию, в труде и бдении, в посте и подвизе: на Сторожи явлься безмолвия ради и стражи духовныя, недремленным на Божественней стражи предстоянием стяжал еси ум, зряй к Богу, и демонския козни и обстояния прозираяй: озарение Пресвятаго Духа в себе восприем, яко звезда пресветлая возсиял еси верным. Темже и премудр и светозарен предстоятель и пастырь стаду твоему явился еси, светом твоим просвещаяй и всех, приходящих тебе верою, отче наш Савво, и моли Христа Бога, да спасет души наша».

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector