Полный текст акафиста Иоанну Предтече и как обращаться к Крестителю

Иоанн Креститель – один из самых известных святых, почитаемый не менее Пречистой Девы Марии. Святой угодник внес немалый вклад в историю христианства. Ему посвящено множество молитв. Но самым действенным считается молитвенное обращение к Иоанну Предтече с помощью акафиста. При чтении священного песнопения нужно руководствоваться определенными правилами, которые желательно заранее изучить.

История появления акафиста

Иоанн Предтеча был поздним ребенком. У родителей святого (священника Захария и его жены Елизаветы) долгое время не было детей. Однажды их мольбы были услышаны Господом, о чем возвестил Захарию архангел Гавриил, повелев назвать сына Иоанном.

Предтеча родился на полгода раньше Христа. Кроме того, их связывали родственные узы, так как Елизавета и Дева Мария были родственницами. Новорожденный Иоанн стал избранным ребенком, предназначенным для совершения чудотворных дел.

Предтече удалось избежать смерти во время убийства детей в Вифлееме. До 30 лет Иоанн жил в пустыне, ведя аскетический образ жизни: носил грубую одежду, питался саранчой и медом, ежедневно постился, возносил молитвы Господу. Затем вернулся в Иерусалим, чтобы исполнить Господню волю – возвестить народу о скором появлении Мессии.

Придя накануне большого праздника к реке Иордан, где собралось множество людей для совершения таинства очищения водой, Святой Иоанн обратился к еврейскому народу с проповедью. В ней он призывал людей к нравственному очищению, предшествующему принятию Евангелия.

Целью крещения Иоанна была подготовка к будущему Крещению водой и Святым Духом. Сюда же к Иоанну явился Сын Божий – Иисус Христос, чтобы принять крещение от пророка. Крещение Иисуса показало, что предназначение Иоанна состояло в пророческом служении Господу.

К пророку стало приходить много людей, желая покреститься и покаяться в грехах. Иоанн считал всех людей равными, обличая пороки, как бедняков, так и богатых. Не сделал он исключение и для правителя Ирода, бросившего свою жену и сожительствующего с женой своего брата. За обличающую Ирода проповедь святой был арестован и брошен в темницу.

Во время пира на дне рождения царя дочь его сожительницы Саломия очень сильно угодила Ироду, станцевав перед ним. Довольный царь пообещал выполнить любую просьбу девушки. Та попросила в награду голову пророка.

 иоанну предтече

Ироду не хотелось казнить Иоанна, но нарушить слово он не захотел. Слуги отрубили Крестителю голову и преподнесли Саломии. Мать и дочь, вдоволь поиздевавшись над головой святого, выбросили ее в отхожее место.

Ученики пророка забрали его тело, захоронив в Севастии. По преданию, во время обхода с проповедью разных селений Апостол Лука нашел руку Иоанна и перевез ее в Антиохию. Позже была найдена голова Крестителя и захоронена на Елеонской горе, где затем было основано несколько монастырей.

19 июля 1872 года Священный Синод Русской Церкви постановил учредить акафист, посвященный Иоанну Предтече, где описывается вся земная жизнь Крестителя.

Значение в православии

На Иоанна Предтечу была возложена особая миссия – он стал Крестителем Сына Господнего – Иисуса Христа. Вся жизнь святого была наполнена терпением и раскаяньем, став примером любому православному верующему.

Именно поэтому пророк занимает особое место в иерархии святых, ему посвящено сразу несколько почитаемых дней: 7 января, 24 февраля, 25 мая, 24 июня, 29 августа, 23 сентября, 12 октября. В эти дни совершаются песнопения, посвященные преподобному.

Акафист, посвященный святому пророку, обладает мощной силой. Обращение к Иоанну Крестителю:

  • помогает укрепить веру во Всевышнего;
  • исцеляет тело и душу;
  • приносит покой, умиротворение;
  • оказывает поддержку в тяжелые моменты;
  • помогает найти выход из трудной ситуации.

Чаще всего к молитвенному песнопению, чествовавшему Крестителя, прибегают для получения хорошего урожая. Церковный гимн читается также для поддержки заключенных, раскаявшихся в своих преступлениях. Иоанн Предтеча возносит мольбы Всевышнему за всех верующих, обращающихся к нему за помощью.

 иоанну предтече

Как правильно читать

Перед тем, как приступать к чтению акафиста, желательно ознакомиться с жизнью пророка, чтобы лучше понимать смысл молитвенного гимна. Священный текст можно читать в церкви, во время почитания Иоанна, либо молиться дома. Рекомендуется также приобрести икону с изображением святого.

Приступая к молебну, перед иконой ставят зажженные церковные свечи. Акафист, посвященный Иоанну, как любой другой гимн, состоит из 25 кондаков и икосов. Читать их нужно по порядку, не пропуская, не меняя местами. Перед ними произносят определенные молитвы. Первыми идут предначинательные, затем проговаривают «Трисвятое». Читают «Отче наш», завершают произнесением «Слава и ныне». К чтению акафиста можно прибегать как утром или днем, так и ночью. Главное, чтобы это время не выпадало на дни Великого Поста.

Священнослужители не рекомендуют читать священный гимн при подавленном состоянии, без настроения. Обращение к святому должно идти от всего сердца, с искренней верой, добрыми помыслами.

Полный текст на русском языке

Конда́к 1

Избра́нный от ле́т дре́вних бы́ти Предте́чею и Крести́телем Спаси́теля ми́ра Христа́ Бо́га, Иоа́нне богохва́льне, прославля́юще просла́вльшаго тя́ Го́спода, похва́льная воспису́ем ти́, я́ко бо́льшему все́х рожде́нных жена́ми, во пло́ти А́нгелу, покая́ния пропове́днику; ты́ же, я́ко име́яй ве́лие дерзнове́ние ко Го́споду, от вся́ких бе́д свобожда́й и к покая́нию воздвиза́й на́с, любо́вию тебе́ зову́щих:

Ра́дуйся, вели́кий Иоа́нне, Проро́че, Предте́че и Крести́телю Госпо́день.

И́кос 1

Арха́нгел Гаврии́л, предстоя́й пред Бо́гом, по́слан бы́сть ко иере́ю Заха́рии, егда́ то́й, служа́ по чи́ну чреды́ своея́, вни́де покади́ти в це́рковь Госпо́дню; и, предста́в одесну́ю олтаря́ кади́льнаго, благовествова́ше о твое́м рождестве́, вели́кий Иоа́нне, возвеща́я Заха́рии ра́дость и весе́лие, и я́ко мно́зи о рождестве́ твое́м возра́дуются. Сего́ ра́ди и мы́, ди́вному о тебе́ Бо́жию благоволе́нию чудя́щеся и ра́дующеся, со благогове́нием в похвалу́ тебе́ вопие́м:

Ра́дуйся, Сове́та Бо́жия неизрече́ннаго таи́нниче; ра́дуйся, ди́внаго смотре́ния Его́ исполне́ние.

Ра́дуйся, пре́жде ле́т мно́гих проро́чеством Иса́ии проявле́нный; ра́дуйся, ве́стниче пред лице́м Госпо́дним, дре́вле прорече́нный.

Ра́дуйся, предназна́ченный бы́ти вели́ким проро́ком Вы́шняго; ра́дуйся, по обетова́нию А́нгела рожде́нный.

Ра́дуйся, еще́ во чре́ве ма́тере твоея́ Ду́ха Свята́го испо́лненный; ра́дуйся, пре́жде рождества́ твоего́ на вели́кое служе́ние освяще́нный.

Ра́дуйся, непло́дства роди́телей разреше́ние; ра́дуйся, иере́я Бо́жия ра́дость и весе́лие.

Ра́дуйся, дще́ре Ааро́новы прозябе́ние; ра́дуйся, пло́д моли́твы Богодарова́нный.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

 иоанну предтече

Конда́к 2

Ви́дя Заха́рия я́вльшагося ему́ А́нгела, смути́ся, и стра́х нападе́ на́нь, и не ве́рова словесе́м благове́стия его́ о рождестве́ твое́м; егда́ же за неве́рие немото́ю свя́зан бы́сть, удивля́шеся пресла́вному чудеси́, все́м се́рдцем вопия́ Бо́гу: Аллилу́иа.

И́кос 2

Ра́зум неуразумева́емый разуме́ти и́щуще лю́дие, жду́ще Заха́рию, и чудя́хуся, уме́длившу ему́ в це́ркви; изше́дшу же ему́ и не могу́щу глаго́лати к ни́м, но то́кмо помава́ющу, разуме́ша вси́, я́ко виде́ние ви́де в це́ркви. Мы́ же, прославля́юще ди́внаго Творца́ чуде́с, Бо́га, вопие́м тебе́ такова́я:

Ра́дуйся, благи́й вино́вниче безгла́сия о́тча; ра́дуйся, сле́з ма́тере твоея́ премене́ние на ра́дость.

Ра́дуйся, тоя́ поноше́ния в лю́дех отъя́тие; ра́дуйся, вели́кое ро́ждшим тя́ утеше́ние.

Ра́дуйся, я́ко в шесты́й ме́сяц о зача́тии твое́м Пресвята́я Де́ва Мари́я в Назаре́те от А́нгела извести́ся; ра́дуйся, я́ко о рождестве́ твое́м мно́зи возвесели́шася.

Ра́дуйся, я́ко и́мя благода́тное, от А́нгела нарече́нное, получи́вый; ра́дуйся, я́ко и́менем твои́м немотствова́ние отца́ твоего́ Заха́рии разреши́ся.

Ра́дуйся, я́ко и́мя Бо́жие о тебе́ отце́м твои́м благослови́ся; ра́дуйся, я́ко о чу́днем рождестве́ твое́м стра́х и удивле́ние в о́крест живу́щих яви́ся.

Ра́дуйся, я́ко по все́й стране́ Иуде́йстей о ди́внем рождестве́ твое́м возвести́ся; ра́дуйся, я́ко тобо́ю спасе́ние мно́гим в ми́ре се́м яви́ся.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 3

Си́ла Вы́шняго разреши́ непло́дство заматоре́вшия во дне́х свои́х пра́ведныя Елисаве́ты: зача́т бо тя́, сла́вный Предте́че Госпо́день, и тая́шеся ме́сяц пя́ть, глаго́лющи: я́ко та́ко мне́ сотвори́ Госпо́дь во дни́, в ня́же призре́ отъя́ти поноше́ние мое́ в челове́цех. Егда́ же прия́ Иму́щую во чре́ве Христа́, испо́лнися Ду́ха Свя́та и возопи́ гла́сом ве́лиим: «Отку́ду мне́ сие́, я́ко прии́де Ма́ти Го́спода моего́ ко мне́!» С Не́юже ра́дующися, взыва́ше Бо́гу: Аллилу́иа.

 иоанну предтече

И́кос 3

Име́яй предыти́ пред Го́сподем ду́хом и си́лою Илиино́ю, еще́ из чре́ва ма́тере твоея́ испо́лнился еси́ Ду́ха Свята́го, отону́дуже и Проро́к ди́вный показа́лся еси́, егда́ во утро́бе ма́тере твоея́ сы́й, взыгра́лся еси́ ра́дощами прише́ствию Ма́тери Госпо́дней. Бо́га бо позна́л еси́ носи́ма в ложесна́х Благода́тныя и Того́ ма́терним гла́сом пропове́дал еси́: подоба́ше бо Боже́ственных веще́й пресла́вным бы́ти нача́лом. Сему́ у́бо благогове́йно удивля́ющеся, с ра́достию тебе́ вопие́м:

Ра́дуйся, еще́ во утро́бе ма́терней предпосла́вшаго тя́ Го́спода чу́дным весе́лием предъяви́вый; ра́дуйся, я́ко тебе́ ра́ди и ма́тери твое́й Елисаве́те воплоще́ние Христо́во откры́ся.

Ра́дуйся, я́ко и та́ испо́лнися Ду́ха Свя́та; ра́дуйся, я́ко и она́ преди́вная проро́чица яви́ся.

Ра́дуйся, я́ко от нея́ Пресвята́я Де́ва Мари́я Блаже́нною в жена́х нарече́ся; ра́дуйся, я́ко то́ю Она́ и Ма́терию Го́спода наименова́ся.

Ра́дуйся, я́ко и безсе́менный пло́д Тоя́ Благослове́нным пронарече́ся; ра́дуйся, Прему́дросте Боже́ственныя предъявле́ние.

Ра́дуйся, свята́го супру́жества благослове́ние; ра́дуйся, непло́дных ложе́сн ди́вное прозябе́ние.

Ра́дуйся, рожде́нием твои́м удиви́вый лю́ди; ра́дуйся, све́тлый Сло́ва гла́се.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 4

Бу́рею сомне́ния смуще́нный, иере́й Заха́рия не можа́ше, по словеси́ а́нгельскому, проглаго́лати. Егда́ же по рождестве́ твое́м, Предте́че Госпо́день, написа́ благода́тное и́мя твое́, а́бие отверзо́шася уста́ и язы́к его́, и глаго́лаше, благословя́ Бо́га, и проро́чествова, глаго́ля: благослове́н Госпо́дь Бо́г Изра́илев, я́ко посети́ и сотвори́ избавле́ние лю́дем Свои́м, и ты́, отроча́, Проро́к Вы́шняго нарече́шися, поя́ Тому́: Аллилу́иа.

И́кос 4

Слы́шаша о́крест живу́щии лю́дие о пресла́внем и чу́днем рождестве́ твое́м, со удивле́нием глаго́лаху в себе́: «Что́ у́бо отроча́ сие́ бу́дет?» Мы́ же тя́, пресла́вный Предте́че Госпо́день, я́ко бо́льша все́х рожде́нных жена́ми, досто́йно чту́ще, ублажа́ем си́це:

Ра́дуйся, от зача́тия твоего́ благода́тных явле́ний испо́лненный; ра́дуйся, в рождестве́ твое́м Бо́гом просла́вленный.

Ра́дуйся, во младе́нчестве твое́м от отца́ твоего́ Проро́ком Вы́шняго нарече́нный; ра́дуйся, во о́трочестве твое́м Ду́хом Святы́м просвеще́нный и укрепле́нный.

Ра́дуйся, Бо́га воплоти́вшагося сро́дник по пло́ти бы́вый; ра́дуйся, от Бо́га высо́кое зва́ние Предте́чи и Крести́теля прие́мый.

Ра́дуйся, заре́, Све́т но́вый ми́ру возвести́вшая; ра́дуйся, звездо́, пу́ть, веду́щий ко Христу́, освети́вшая.

Ра́дуйся, денни́це Со́лнца незаходи́маго; ра́дуйся, свети́льниче Све́та неугаса́емаго.

Ра́дуйся, пу́ть гряду́щему Христу́ уготовля́яй; ра́дуйся, А́нгела и челове́ка в себе́ явля́яй.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

 иоанну предтече

Конда́к 5

Богопроти́вное веле́ние беззако́ннаго детоуби́йцы И́рода изгна́ тя из до́му о́тча в непрохо́дную пусты́ню, носи́ма ма́терию, Предте́че Госпо́день, иде́же и пребыва́л еси́ до дне́ явле́ния твоего́ ко Изра́илю, яды́й акри́ды и ме́д ди́вий и Бо́гу вопия́: Аллилу́иа.

И́кос 5

Ви́дяще ди́вное Бо́жие о тебе́ промышле́ние, Иоа́нне богохва́льне, я́ко от младе́нческих пеле́н по́стническаго жития́ люби́тель показа́лся еси́, отону́дуже во́лею Вы́шняго по́слан бы́л еси́ пропове́дати лю́дем гряду́щее во Христе́ спасе́ние, сего́ ра́ди со удивле́нием и любо́вию тебе́ взыва́ем:

Ра́дуйся, я́ко, еще́ младе́нец сы́й, царя́ И́рода устраши́л еси́; ра́дуйся, от напра́снаго убие́ния те́м десни́цею Вы́шняго сохране́нный.

Ра́дуйся, пусты́ни шипо́к благово́нный; ра́дуйся, высото́ю по́двигов твои́х все́х удиви́вый.

Ра́дуйся, пра́ваго пути́ ве́рный указа́телю; ра́дуйся, чистоты́ и целому́дрия преди́вный храни́телю.

Ра́дуйся, ева́нгельскаго самоотверже́ния о́бразе соверше́нный; ра́дуйся, мона́шествующих покро́ве и утвержде́ние.

Ра́дуйся, богосло́вствующих умо́в просвеще́ние; ра́дуйся, гре́шным милосе́рдия Бо́жия две́ри отверза́яй.

Ра́дуйся, ка́ющимся гре́шником от Го́спода проще́ние подава́яй; ра́дуйся, плоды́ досто́йны покая́ния твори́ти помога́яй.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 6

Пропове́дник сла́вный ты́, боже́ственный Предте́че, показа́лся еси́ в пусты́ни Иорда́нстей во дни́ явле́ния Христа́ Бо́га ми́ру. Сего́ бо, Гряду́щаго к тебе́, показа́л еси́ лю́дем, глаго́ля: «Се́, А́гнец Бо́жий, взе́мляй грехи́ ми́ра!»; Его́же мы́ ве́рою позна́вше, пое́м Ему́: Аллилу́иа.

 иоанну предтече

И́кос 6

Возсия́л еси́ све́т и́стины, Иоа́нне богопросвеще́нне, все́м явля́яй Сла́вы О́тчия сия́ние, я́вльшееся пло́тски на́с ра́ди. Вопия́л бо еси́ в пусты́ни лю́дем: «Пока́йтеся, прибли́жи бо ся Ца́рствие Небе́сное: сотвори́те плоды́ досто́йны покая́ния. Се́ бо гряде́т по мне́, И́же крести́т вы́ водо́ю и Ду́хом». Сего́ ра́ди похва́льная тебе́ вопие́м:

Ра́дуйся, прише́ствия Месси́и возвести́телю; ра́дуйся, путе́й Госпо́дних угото́вателю.

Ра́дуйся, ве́тхия и но́выя благода́ти хода́таю; ра́дуйся, проро́ков преде́ле и нача́ло Апо́столов.

Ра́дуйся, гла́се Сло́ва благознамени́тый; ра́дуйся, покая́ния пропове́дниче велегла́сный.

Ра́дуйся, мно́гих сыно́в Изра́илевых ко Го́споду обрати́вый; ра́дуйся, лю́ди соверше́нны Го́сподеви угото́вавый.

Ра́дуйся, фарисе́ев и саддуке́ев дерзнове́нно обличи́вый; ра́дуйся, плоды́ досто́йны покая́ния твори́ти научи́вый.

Ра́дуйся, просвеще́ния духо́внаго указа́телю; ра́дуйся, и́щущим предста́тельства твоего́ неусы́пный засту́пниче.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 7

Хотя́щу от тебе́ крести́тися Го́споду Иису́су, Иоа́нне богоблаже́нне, глаго́лал еси́: «А́з тре́бую Тобо́ю крести́тися», оба́че повину́яся, ре́кшу Тому́: «Оста́ви ны́не», воздви́гл еси́ десни́цу твою́ на главу́ Его́ и, крести́в не тре́бующаго очище́ния, вопия́л еси́: Аллилу́иа.

И́кос 7

Но́вую подая́ благода́ть крести́тися изво́ливый от тебе́ Госпо́дь, сподо́би тя́ Ду́ха прише́ствие ви́дети и гла́с Оте́ческий с небесе́, свиде́тельствующий Его́ Сыновство́, слы́шати. Отону́дуже в Трие́х Ли́цех Еди́ному Бо́гу покланя́тися на́с научи́л еси́. Его́же бре́нными прославля́юще устна́ми, в похвалу́ сия́ тебе́ прино́сим:

Ра́дуйся, Тро́ическаго Богоявле́ния пе́рвый пропове́дниче; ра́дуйся, в Трие́х Ли́цех Еди́наго Бо́га и́стинный покло́нниче.

Ра́дуйся, Ду́ха Свята́го в ви́де голуби́не яснозри́телю; ра́дуйся, снисхожде́ния Его́ от Отца́ на Сы́на свиде́телю.

Ра́дуйся, гла́са с Небесе́ от Бо́га Отца́ слы́шателю; ра́дуйся, явле́ния любве́ О́тчи к Сы́ну созерца́телю.

Ра́дуйся, Сы́на Бо́жия избра́нный Крести́телю; ра́дуйся, во́ли Его́ святы́я исполни́телю.

Ра́дуйся, сла́внаго служе́ния спасе́нию ро́да челове́ческаго ре́вностный рачи́телю; ра́дуйся, вели́каго Та́инства Креще́ния пе́рвый соверши́телю.

Ра́дуйся, Боже́ственныя ра́дости ве́стниче; ра́дуйся, Но́ваго Заве́та пе́рвый учи́телю.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

 иоанну предтече

Конда́к 8

Стра́нное и неизрече́нное смире́ние воплоти́вшагося Бо́га Сло́ва ви́дев, богоблаже́нне Крести́телю, Боже́ственную Свою́ главу́ приклони́вша и ра́бское креще́ние прие́мша, ты́ и са́м ве́сь испо́лнился еси́ вели́каго смире́ния. Испроси́ у́бо боголюбе́зную доброде́тель сию́ и на́м, одержи́мым го́рдостию, я́ко да от се́рдца смире́нна вопие́м Ему́: Аллилу́иа.

И́кос 8

Ве́сь благода́тных дарова́ний испо́лненный, тече́ние вре́менныя жи́зни скончава́я, Иоа́нне богознамени́те, все́х поуча́л еси́ исполне́нием зако́на и покая́нием благоугожда́ти Го́сподеви. Сего́ ра́ди благода́рственное хвале́ние тебе́, вели́кому учи́телю и́стины, воспева́ем:

Ра́дуйся, зако́на и оправда́ний Госпо́дних насади́телю; ра́дуйся, И́родова беззако́ния обличи́телю.

Ра́дуйся, о исправле́нии того́ рачи́телю; ра́дуйся, пра́вды ра́ди темни́чное заключе́ние и у́зы претерпе́вый.

Ра́дуйся, за и́стину во главу́ усече́нный; ра́дуйся, я́ко те́ло твое́ от ученико́в твои́х че́стне погребе́ся.

Ра́дуйся, я́ко Бо́жиим смотре́нием глава́ твоя́ нетле́нна соблюде́ся; ра́дуйся, я́ко та́ на утеше́ние, освяще́ние и цельбы́ христиа́ном даде́ся.

Ра́дуйся, я́ко и десни́це твое́й, крести́вшей Го́спода, ве́рнии благоче́стне покланя́ются; ра́дуйся, я́ко от тебе́ мно́гая чудеса́ те́ми доны́не соверша́ются.

Ра́дуйся, я́ко тобо́ю ве́рнии от страсте́й безче́стия избавля́ются; ра́дуйся, я́ко тобо́ю гре́шнии к покая́нию воздвиза́ются.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 9

Все́ естество́ а́нгельское удиви́ся высоте́ служе́ния твоего́, и Це́рковь благогове́йно прославля́ет тя́, я́ко дру́га Христа́ Бо́га, предше́дшаго пред Ни́м ду́хом и си́лою Илиино́ю. Ревну́я бо по и́стине, дерзнове́нно облича́л еси́ фарисе́ев и беззако́ннаго И́рода, от него́ же и му́ченическую кончи́ну прия́л еси́. Покланя́ющеся у́бо честне́й главе́ твое́й, мо́лимся ти́: изба́ви на́с от страсте́й безче́стия, да чи́стым се́рдцем и усты́ пое́м: Аллилу́иа.

 иоанну предтече

И́кос 9

Вити́йство вся́кое земноро́дных не довле́ет досто́йно восхвали́ти тя́, Иоа́нне богохва́льне: тебе́ бо уста́ Христо́вы похвали́ша, вы́сша проро́ков и бо́льша все́х рожде́нных жена́ми тя́ наименова́ша. Отону́дуже досто́йную похвалу́ принести́ тебе́ недоумева́юще, вопие́м ти́ сицева́я:

Ра́дуйся, Це́ркве Христо́вы вели́кая сла́во; ра́дуйся, А́нгелов преди́вное чу́до.

Ра́дуйся, пра́отцев ра́дость и прославле́ние; ра́дуйся, проро́ков высо́кая похвало́.

Ра́дуйся, Апо́столов богосве́тлый ве́нче; ра́дуйся, святи́телей велеле́пая красото́.

Ра́дуйся, му́чеников в но́вой благода́ти нача́ло; ра́дуйся, преподо́бных соверше́ние.

Ра́дуйся, пра́ведных удобре́ние; ра́дуйся, де́вственников и по́стников основа́ние.

Ра́дуйся, все́х христиа́н вели́кое утеше́ние; ра́дуйся, я́ко от все́х христиа́нских родо́в и́мя твое́ прославля́ется.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 10

Спасти́ ми́р прише́дшаго во пло́ти Христа́ Бо́га благовести́л еси́ и су́щим во а́де: я́коже бо денни́ца, предходя́щая со́лнцу, освети́л еси́ во тьме́ и се́ни сме́ртней седя́щих. Отону́дуже вско́ре Го́сподем изведе́н бы́л еси́ со все́ми от ве́ка пра́ведными, поя́ Ему́, я́ко Изба́вителю и Победи́телю сме́рти: Аллилу́иа.

И́кос 10

Стена́ еси́ и прибе́жище спаси́тельное все́м, моли́твенно к тебе́ притека́ющим, боже́ственный Иоа́нне: сего́ ра́ди пе́сньми похва́льными ублажа́ем тя́ си́це:

Ра́дуйся, мо́щный засту́пниче на́ш и ве́рный от бе́д храни́телю; ра́дуйся, злостра́ждущих от духо́в зло́бы ско́рый помо́щниче и изба́вителю.

Ра́дуйся, непло́дствующим благослове́ние от Бо́га низпосыла́яй; ра́дуйся, притека́ющих к тебе́ с ве́рою от треволне́ния страсте́й избавля́яй.

Ра́дуйся, во вражде́ су́щих ско́ро умиротворя́яй; ра́дуйся, во вся́кой ну́жде и печа́ли усе́рдно притека́ющим к тебе́ ско́рую по́мощь подава́яй.

Ра́дуйся, благотеку́щих от самообольще́ния и пре́лести изыма́яй; ра́дуйся, вруча́ющим себе́ твоему́ хода́тайству в ча́с сме́ртный помога́яй.

Ра́дуйся, лю́бящих тя́ от возду́шных мыта́рств предста́тельством твои́м свобожда́яй; ра́дуйся, почита́ющих сла́вную па́мять твою́ ве́чныя жи́зни моли́твами твои́ми сподобля́яй.

Ра́дуйся, ни́щих и вдови́ц и сиро́т заступле́ние; ра́дуйся, по Бо́зе и Богоро́дице христиа́ном прибе́жище и упова́ние.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

 иоанну предтече

Конда́к 11

Пе́ние вся́кое не довле́ет по достоя́нию до́блестей твои́х восхвали́ти тя́, Крести́телю Госпо́день; но мы́, любо́вию пону́ждени, дерза́ем воспева́ти вели́чия твоя́, е́же ми́лостивно приими́ от на́с, первостоя́телю у Престо́ла Пресвяты́я Тро́ицы, и моли́ свободи́тися на́м от вся́кия скве́рны грехо́вныя, да чи́стым се́рдцем и устна́ми пое́м Бо́гу: Аллилу́иа.

И́кос 11

Свети́льника Све́та непристу́пнаго и всесве́тлых благода́тных дарова́ний всего́ испо́лнена тя́, Иоа́нне богопросвеще́нне, ве́дуще, ра́достно прино́сим ти́ такова́я:

Ра́дуйся, самови́дче озари́вшаго тя́ свы́ше Боже́ственнаго Све́та; ра́дуйся, све́том доброде́телей твои́х просла́вивый Бо́га.

Ра́дуйся, Пресвяты́я Тро́ицы велеле́пую сла́ву яви́вый; ра́дуйся, пра́вый и ди́вный пу́ть к Небеси́ показа́вый.

Ра́дуйся, и су́щим во а́де Бо́га, я́вльшагося во пло́ти, благовести́телю; ра́дуйся, ду́ш пра́ведных, от ве́ка в преиспо́дней держи́мых, возвесели́телю.

Ра́дуйся, Влады́ки Христа́ Бо́га дру́же и́скренний; ра́дуйся, яви́вый ми́ру Све́т и́стинный.

Ра́дуйся, светоза́рное све́та ева́нгельскаго сия́ние; ра́дуйся, ро́да христиа́нскаго прославле́ние.

Ра́дуйся, Сове́та Бо́жия исполне́ние; ра́дуйся, я́ко от восто́к со́лнца да́же до за́пад хва́льно и́мя твое́.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 12

Благода́ти тезоимени́тый, Крести́телю Госпо́день, и то́ю обогати́вся, победоно́сец пресла́вный показа́лся еси́: победи́л бо еси́ враги́ и вся́кую зло́бу, и вели́кое служе́ние твое́ му́ченическим по́двигом запечатле́л еси́. Ны́не же, предстоя́ Престо́лу Царя́ ца́рствующих, моли́ Его́ дарова́ти ве́рным побе́ды на враги́ и во все́м благопоспеше́ние, в доброде́телех же благода́тное укрепле́ние, пою́щим Ему́: Аллилу́иа.

 иоанну предтече

И́кос 12

Пою́ще Бо́га, ди́вно в тебе́ просла́вльшагося, хва́лим тя́, богоблаже́нне Крести́телю, я́ко и́скренняго дру́га Христо́ва, прославля́ем вели́кия по́двиги твоя́, ублажа́ем му́ченическую кончи́ну твою́ и сицева́я ра́достно вопие́м ти́:

Ра́дуйся, вселе́нский Апо́столе и Но́ваго Заве́та первому́чениче; ра́дуйся, явле́нием Христа́ на земли́ откры́вшагося Ца́рствия Небе́снаго пе́рвый пропове́дниче.

Ра́дуйся, язы́ков Боже́ственное призва́ние предвозвести́вый; ра́дуйся, безве́стная и та́йная прему́дрости Бо́жия ми́ру яви́вый.

Ра́дуйся, боже́ственными дея́нии плодоно́сен па́че ины́х яви́выйся; ра́дуйся, я́ко све́том де́л твои́х просла́вися Оте́ц Небе́сный.

Ра́дуйся, я́ко в па́мяти твое́й Це́рковь Христо́ву весели́ши неизрече́нно; ра́дуйся, я́ко ны́не ве́чнаго наслажда́ешися весе́лия изоби́льно.

Ра́дуйся, боже́ственными луча́ми Трисо́лнечнаго Све́та осиява́емый; ра́дуйся, я́ко со безпло́тными трисвяту́ю пе́снь Бо́гу немо́лчно вопие́ши.

Ра́дуйся, я́ко ны́не, зерца́лом разре́шшимся, несре́дственне зри́ши Святу́ю Тро́ицу.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 13

О вели́кий и пресла́вный Предте́че и Крести́телю Госпо́день Иоа́нне, приими́ от на́с ны́не приноси́мое тебе́ моле́ние и твои́ми богоприя́тными к Бо́гу моли́твами изба́ви на́с от вся́каго зла́, и ве́чныя изми́ му́ки, и насле́дниками Ца́рствия Небе́снаго соде́лай, да во ве́ки пое́м Бо́гу: Аллилу́иа.

Этот конда́к читается трижды, затем 1-й и́кос и 1-й конда́к.

 иоанну предтече

И́кос 1

Арха́нгел Гаврии́л, предстоя́й пред Бо́гом, по́слан бы́сть ко иере́ю Заха́рии, егда́ то́й, служа́ по чи́ну чреды́ своея́, вни́де покади́ти в це́рковь Госпо́дню; и, предста́в одесну́ю олтаря́ кади́льнаго, благовествова́ше о твое́м рождестве́, вели́кий Иоа́нне, возвеща́я Заха́рии ра́дость и весе́лие, и я́ко мно́зи о рождестве́ твое́м возра́дуются. Сего́ ра́ди и мы́, ди́вному о тебе́ Бо́жию благоволе́нию чудя́щеся и ра́дующеся, со благогове́нием в похвалу́ тебе́ вопие́м:

Ра́дуйся, Сове́та Бо́жия неизрече́ннаго таи́нниче; ра́дуйся, ди́внаго смотре́ния Его́ исполне́ние.

Ра́дуйся, пре́жде ле́т мно́гих проро́чеством Иса́ии проявле́нный; ра́дуйся, ве́стниче пред лице́м Госпо́дним, дре́вле прорече́нный.

Ра́дуйся, предназна́ченный бы́ти вели́ким проро́ком Вы́шняго; ра́дуйся, по обетова́нию А́нгела рожде́нный.

Ра́дуйся, еще́ во чре́ве ма́тере твоея́ Ду́ха Свята́го испо́лненный; ра́дуйся, пре́жде рождества́ твоего́ на вели́кое служе́ние освяще́нный.

Ра́дуйся, непло́дства роди́телей разреше́ние; ра́дуйся, иере́я Бо́жия ра́дость и весе́лие.

Ра́дуйся, дще́ре Ааро́новы прозябе́ние; ра́дуйся, пло́д моли́твы Богодарова́нный.

Ра́дуйся, вели́кий Иоа́нне, Проро́че, Предте́че и Крести́телю Госпо́день.

Конда́к 1

Избра́нный от ле́т дре́вних бы́ти Предте́чею и Крести́телем Спаси́теля ми́ра Христа́ Бо́га, Иоа́нне богохва́льне, прославля́юще просла́вльшаго тя́ Го́спода, похва́льная воспису́ем ти́, я́ко бо́льшему все́х рожде́нных жена́ми, во пло́ти А́нгелу, покая́ния пропове́днику; ты́ же, я́ко име́яй ве́лие дерзнове́ние ко Го́споду, от вся́ких бе́д свобожда́й и к покая́нию воздвиза́й на́с, любо́вию тебе́ зову́щих:

Ра́дуйся, вели́кий Иоа́нне, Проро́че, Предте́че и Крести́телю Госпо́день.

 иоанну предтече

Моли́тва

Крести́телю Христо́в, пропове́дниче покая́ния, ка́ющагося не пре́зри мене́, но, совокупля́яся с во́и Небе́сными, моли́ся ко Влады́це за мене́, недосто́йнаго, уны́лаго, немощна́го и печа́льнаго, во мно́гия беды́ впа́дшаго, утружде́ннаго бу́рными по́мыслы ума́ моего́. А́з бо е́смь верте́п злы́х де́л, отню́д не име́яй конца́ грехо́вному обы́чаю: пригвожде́н бо е́сть у́м мо́й земны́м веще́м. Что́ сотворю́, не ве́м, и к кому́ прибе́гну, да спасе́на бу́дет душа́ моя́? То́кмо к тебе́, святы́й Иоа́нне, благода́ти тезоимени́те, я́ко тя́ пред Го́сподем, по Богоро́дице, ве́м бо́льша бы́ти рожде́нных все́х: ты́ бо сподо́бился еси́ косну́тися верху́ Царя́ Христа́, взе́млющаго грехи́ ми́ра, А́гнца Бо́жия. Его́же моли́ за гре́шную мою́ ду́шу, да поне́ отны́не, в первыйна́десять ча́с, понесу́ тяготу́ благу́ю и прииму́ мзду́ с после́дними. Е́й, Крести́телю Христо́в, честны́й Предте́че, кра́йний проро́че, пе́рвый во благода́ти му́чениче, по́стников и пусты́нников наста́вниче, чистоты́ учи́телю и бли́жний дру́же Христо́в, тя́ молю́, к тебе́ прибега́ю, не отри́ни мене́ от твоего́ заступле́ния, но возста́ви мя́, па́дшагося мно́гими грехи́: обнови́ ду́шу мою́ покая́нием, я́ко вторы́м креще́нием, поне́же обоего́ нача́льник еси́: креще́нием омыва́яй прароди́тельный гре́х, покая́нием же очища́яй коего́ждо де́ло скве́рно. Очи́сти у́бо мя́, греха́ми оскверне́ннаго и пону́ди вни́ти, а́може ничто́же скве́рно вхо́дит в Ца́рствие Небе́сное. Ами́нь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
Добавить комментарий