Житие и иконография святого Леонтия Ростовского, тексты молитв и о чем просят

Святителя Леонтия Ростовского Русская Православная церковь считает преемником апостольского служения святой равноапостольной княгини Ольги и великого равноапостольного князя Владимира. В земной жизни он прославился миссионерской деятельностью среди язычников, населявших Ростовские земли. На небе святой велик, как сильный молитвенник за Русскую землю.

Поиск молитв на все случаи жизни

Житие святого Леонтия Ростовского

Точная дата и место рождения будущего святителя неизвестны. По одним источникам, он был греком, родом из Константинополя; по другим – русского происхождения, появившись на свет в Константинополе; по третьим – киевлянином. Достоверным фактом является его крещение в православие в младенчестве, а затем, с юных лет обучение грамоте и Священному Писанию.

Леонтий с детства тяготел к иночеству. Постриг он принял в Киево-Печерской обители (до 1051 года). Отсюда будущий святитель был призван на Ростовскую кафедру как образованный монах и рукоположен в сан епископа.

Народ, населявший земли Ростовского княжества, исповедовал языческую веру. Старейшины города дважды изгнали христианских епископов: Феодора и Илариона. Появление нового миссионера горожане восприняли враждебно. Феодор до своего изгнания успел возвести соборную церковь во имя Успения Пресвятой Богородицы и учредить клир.

Леонтий поселился при соборном храме и, прежде всего, занялся образованием священников и дьяконов. Для них он составил «Поучение…», в котором пояснял важность священства, как следует проводить обряды крещения, епитимии, чтобы они соответствовали заповедям и правилам святых отцов.

Леонтий прекрасно знал Священное Писание, поэтому считал своим долгом объяснять священнослужителям азы богословия:

  • о воскресении мертвых;
  • единобожии;
  • важности покаяния.

Епископ много сил вложил в просвещение и организацию клира. Он гордился и радовался результатам своей деятельности. Перед смертью святитель завещал положить в могилу список пресвитеров и дьяконов, которых он духовно и нравственно просветил.

Епископские проповеди среди местного населения вызывали раздражение и ненависть у язычников. Они неоднократно бесчестили его во время богослужений и гнали от себя. Наконец, избив, они изгнали его из Ростова. Леонтий обосновался за городом, где выстроил небольшую церковь в честь архистратига Михаила. Свое время он посвящал посту и молитвам.

леонтий ростовский

К нему стали приходить дети, которых Леонтий угощал сочивом (пшеницей с медом) и рассказывал им о Христе и его заповедях. Доброта и ум святителя стали привлекать не только детей, но и взрослых. Послушать его проповеди стало приходить все больше людей.

Через некоторое время, почувствовав поддержку местного населения, Леонтий вернулся в Ростов, где с прежним усердием стал проповедовать Слово Божие и крестить в православную веру детей и взрослых. Идолопоклонники решили убить ненавистного им миссионера. С дубинами и оружием в руках они пришли к храму и стали требовать выхода епископа. Клирики испугались язычников и стали просить епископа скрыться.

Но Леонтий облачился в архиерейский наряд, повелев священникам и диаконам также одеть праздничные одежды. Вместе с церковным клиром он вышел навстречу к враждебно настроенным людям со словами увещевания. Ростовчане были поражены смелостью святителя. Его светлый лик ослепил их, и они упали на землю, потеряв способность двигаться.

Леонтий вознес молитву к Господу и исцелил их. Случившееся чудо и проповедь святителя убедили язычников креститься и принять веру Христову. С этого времени число людей, обращенных в православие, стало расти.

О кончине святого, как и о его происхождении, нет однозначного мнения: по одним источникам, он умер в мире (1070 год), по другим – был убит во время проповеди закоренелыми язычниками (1073 год). У гроба просветителя по молитвенным обращениям свершилось множество чудес.

леонтий ростовский

Почитание в православии

Епископ Леонтий был погребен в Успенском соборном храме города Ростова. В 1160 году церковь сгорела. На ее месте в 1162 году было начато строительство каменного храма, во время которого были обнаружены мощи святого Леонтия, епископа Ростовского. Тление не коснулось ни тела, ни облачения святителя. В его руке был свиток с именами священников и диаконов, которых святой обучал, как следует вести себя духовным пастырям.

День обретения мощей – 23 мая/5 июня (по старому/новому стилю) – стал общецерковным праздником. В настоящее время мощи святителя покоятся в Ростовском Успенском соборе в каменной гробнице, над которой установлена серебряная рака с его иконой.

Иконография

Святитель Ростовской земли на иконах изображается в полный рост в епископском облачении. Правой рукой он благословляет, а в левой – держит Евангелие.

Тексты молитв

Священные тексты можно найти также в православном молитвослове.

леонтий ростовский

Тропарь

Апостолом сопричастник/ и к Богу молебник верен,/ добродетельми возшед на Небесная,/ и любовь возложил еси к Любящему тя,/ и неверныя люди обратил еси в веру./ Тем ныне, со Ангелы ликуя,/ предстоиши престолу славы всех Царя Христа Бога:/ молися, святителю Леонтие,// да спасет души наша.

Кондак

Жития ради чистоты,/ Всевидец Господь свет Свой насади в души твоей,/ вразумити люди многия/ твоими учении,// Леонтие преподобне.

Молитва

О священная главо, преславный чудотворче, первопастырю святыя Ростовския Церкве, святителю отче Леонтие! К тебе припадаем и молимся мы, смиреннии и грешнии и, яко отца чадолюбиваго, просим: всели в сердца наша любовь твою, еюже к Богу и ближним твоим при жизни твоей преисполнен был еси, яко и душу твою за паству твою положил еси, мученически пострадав от идолослужителей, научи нас, отче, тебе подражати верно, Бога и ближних наших любити искренно и заповеди Господни совершати непогрешительно, да будем и мы чада твоя не по имени токмо, но самым делом и всем житием нашим. Молися, угодниче Божий, ко Христу Богу о святей Православной Церкви и державе Российской: да пребудут в мире и благостоянии и процветают в благочестии христианстем непоколебимы. Соблюди град твой Ростов и вся грады и веси страны Российския невредимы от всякаго зла. Призри благоутробно на всяку душу христианскую, милости и помощи от тебе ищущую, буди всем нам в болезнех целитель, в скорбех утешитель, в печалех избавитель, в бедах помощник, в час смертный покровитель; да при помощи молитв твоих святых сподобимся и мы, грешнии, спасение вечное получити и Царствие Христово унаследовати. Ей, святителю Христов! не посрами упования нашего, еже по Бозе и Пресвятей Богородице на тя крепко возлагаем, но яви нам твое многомощное заступление, да хвалим, славим и величаем великое человеколюбие дивнаго во святых Своих Бога Отца, и Сына, и Святаго Духа, во веки веков. Аминь.

леонтий ростовский

Акафист

Кондак 1

Избранный чудотворче и изрядный угодниче Христов, Ростова просветителю, и усердный о душах наших молитвенниче, святителю отче Леонтие! Восхваляем тя с любовию, заступника нашего: ты же, яко имеяй дерзновение ко Господу, молися выну о спасении нас грешных и от всяких бед избавляй зовущих ти:

Радуйся, Леонтие, Ростовский чудотворче.

Икос 1

Ангелонравное житие возлюбив, отче Леонтие, в обитель Киево-Печерскую пришел еси, и от преподобных отец Антониа и Феодосиа во иночество прияв пострижение, свято и богоугодно пожил еси, подвизаяся в посте, бдении и молитвах непрестанных. Темже слышиши от нас благохваления таковая:

Радуйся, земный ангеле, во плоти небесно поживый.

Радуйся, небесный человече, о горних выну помышлявый.

Радуйся, во мраце пещернем свет боговидения снискавый.

Радуйся, подвиги великими плоть твою обуздавый.

Радуйся, смирением высокая стяжавый.

Радуйся, терпением вся искушения диавольския победивый.

Радуйся, постом душу твою просветивый.

Радуйся, молитвами непрестанными сердце твое освятивый.

Радуйся, сосуде избранный Божия благодати.

Радуйся, селение непорочное Духа Святаго.

Радуйся, светильниче, сияяй дары божественными.

Радуйся, луче пресветлаго Солнца Правды Христа.

Радуйся, Леонтие, Ростовский чудотворче.

Кондак 2

Видев Господь душу твою, святителю Леонтие, добродетельми благоукрашенну, благоволи поставити тя во епископа граду Ростову, идолослужением языческим потемненному: да право правиши в нем слово истины, и приводиши ко Христу заблуждшыя человеки, неведущыя пети Триипостасному Богу: Аллилуиа.

леонтий ростовский

Икос 2

Разум небесный тебе даровася, святче Божий, от Христа Бога, Иже посла тя в страну Ростовскую проповедати людем Евангелие Христово, и приводити к познанию веры истинныя идолослужением одержимыя человеки. Мы же тя, равноапостольнаго проповедника ведуще, приветствуем радостно сими достодолжными хвалении:

Радуйся, первопрестольниче святыя Ростовския Церкве.

Радуйся, Православия столпе непоколебимый.

Радуйся, красныя нозе твои направивый к борению со враги спасения человеческаго.

Радуйся, апостольски подвизавыйся во граде Ростове.

Радуйся, терпеливо преносивый гонение велие от идолослужителей.

Радуйся, любовию отеческою злобу их побеждавый.

Радуйся, мужеством души твоея вся злохитрости их посрамивый.

Радуйся, благовременно и безвременно паству твою благочестию поучавый.

Радуйся, старцев идолослужительных богомудрый обличителю.

Радуйся, младенцев благий научителю.

Радуйся, неутомимо подвизавыйся о спасении душ человеческих.

Радуйся, просветивый Ростов светом познания Христова.

Радуйся, Леонтие, Ростовский чудотворче.

Кондак 3

Силою Христовою преисполненный, святителю Леонтие, не убоялся еси противустати сонмищу идолослужителей, со оружием и дрекольми на тя пришедшему, к нимже, в святительския ризы облеченный, из храма Божия кротко изшел еси, и с любовию их увещавал еси, обратитися ко Христу Богу, и вкупе с тобою пети Ему: Аллилуиа.

Икос 3

Имел еси лице, яко ангельское, светом небесным сияющее, святителю Леонтие, егоже не терпяще зрети идолослужители, ови ослепоша, ови же разслаблени на земли падоша, и зело устрашеннии не дерзнуша озлобити тя, проповедника божественныя истины, воистинну достойнаго похвал таковых:

Радуйся, светозарный Божия благодати таинниче.

Радуйся, ангелоподобный человече.

Радуйся, безоружный вооруженных победивый.

Радуйся, небоязненно слово Божие проповедавый.

Радуйся, яко лице адамантово свыше тебе даровася.

Радуйся, яко тобою лица идолослужителей посрамишася.

Радуйся, яко ангел Божий, светом лица твоего идолослужителей устрашивый.

Радуйся, яко со злобою на тя устремившихся кротостию твоею смиривый.

Радуйся, ослепших и разслабленных молитвою твоею изцеливый.

Радуйся, благостию злобу победивый.

Радуйся, апостоле земли Ростовския.

Радуйся, пастырю добрый стада Христова.

Радуйся, Леонтие, Ростовский чудотворче.

Кондак 4

Буря гонения языческаго паки возшуме на тя, святителю Леонтие, и изгна тя из града Ростова на предградие его, идеже ты поселился еси, и храм Божий во имя Архистратига Сил Небесных тамо создав, при нем подвизался еси в трудех апостольских, зовый единому могущему спасти заблуждшыя человеки Христу, Царю и Богу: Аллилуиа.

леонтий ростовский

Икос 4

Слышавше благия твоя глаголы, святителю Христов, малыя дети прихождаху к тебе, на предградии Ростова живущему, ихже ты пшеницею с медом питая, насаждал еси в них учение Христово, да от уст младенцев совершиши хвалу Богу, внушающему нам звати тебе:

Радуйся, озаривый светом Христовым люди во тме и сени смертней седящыя.

Радуйся, призвавый ко Христу овцы заблуждшыя.

Радуйся, гонение и изгнание Христа ради многажды претерпевый.

Радуйся, терпением твоим гонителей твоих препобедивый.

Радуйся, христоподражательно младенцы возлюбивый.

Радуйся, сердца их невинныя Христовым познанием украсивый.

Радуйся, сладким брашном их питая, душы их в любовь Пресладкаго Иисуса пленивый.

Радуйся, мудро их в мрежу Евангелиа Христова уловивый.

Радуйся, чрез чада родителей ко спасению призвавый.

Радуйся, многих ко Христу обративый.

Радуйся, делателю добрый винограда небеснаго.

Радуйся, сладкия плоды делания твоего Христу принесый.

Радуйся, Леонтие, Ростовский чудотворче.

Кондак 5

Боготечное светило быв, святителю отче Леонтие, мрак идолослужения во граде Ростове просветил еси, сиянием немерцающим Солнца Правды Христа, и мрежею проповеди евангелькия уловил еси во спасение многия человеки, научив их православно веровати во единаго Бога, в Троице Святей славимаго и покланяемаго, и благоприятно пети Ему: Аллилуиа.

Икос 5

Видевше тя людие Ростовстии, святителю Леонтие, терпеливо поучающаго их Евангелию Христову, и ни во что же вменяющаго гонение, изгнание и скорби, начаша приходити к тебе и послушати твоих поучений душеспасительных: ты же, святе, хвалу о сем Богу воздав, от предградия во град Ростов возвратился еси, и при соборнем его храме водворився, неленостно учил еси люди твоя благочестию христианскому. О сем тя хвалим и зовем:

Радуйся, терние неверия языческаго в Ростове посекавый.

Радуйся, лозу познания Христова тамо насадивый.

Радуйся, день и нощь трудивыйся на ниве Господней.

Радуйся, приведый Господеви люди пакибытием обновленныя.

Радуйся, во имя Отца, и Сына, и Святаго Духа крестивый язычники ожесточенныя.

Радуйся, троическою благодатию укротивый идолослужители озлобленныя.

Радуйся, первопастырю Ростовския Церкве.

Радуйся, звездо немерцающая, светом Христовым всех просвещающая.

Радуйся, молитвенниче усердный о пастве твоей земней.

Радуйся, Бога зело прославивый подвиги твоими равноапостольными.

Радуйся, от Бога прославленный многими чудесы.

Радуйся, сими утвердивый истину твоея проповеди божественныя.

Радуйся, Леонтие, Ростовский чудотворче.

Кондак 6

Проповедником евангельския истины, апостолом Христовым, верно подражал еси, святителю отче наш Леонтие, и подобно им трудился еси во благовестии Христове, люди Ростовския поучая православно веровати во Святую Троицу и Божественную Единицу, Творца и Создателя всяческих, Емуже присно пел еси ангельскую песнь: Аллилуиа.

Икос 6

Возсиял еси во граде Ростове светом добрых дел твоих, святителю приснопамятне, о нихже прославляху люди Отца Небеснаго Бога, укрепившаго тя на подвиги апостольския, и даровавшаго ти силу и власть на духи нечистыя, от ихже влияния пагубнаго свобождал еси человеки, тебе зовущыя и глаголющыя:

Радуйся, Христу уневестивый многия душы человеческия.

Радуйся, от Христа обогащенный многими благодатными дары.

Радуйся, крине благоуханный небеснаго прозябения.

Радуйся, маслино благоплодная сада Иисусова.

Радуйся, града Ростова славо и похвало.

Радуйся, веры Христовой в нем крепкое утверждение.

Радуйся, благочестия учителю.

Радуйся, православия наставниче.

Радуйся, недугов душевных и телесных целителю.

Радуйся, нищих и убогих питателю.

Радуйся, священников рукополагателю.

Радуйся, иноков покровителю.

Радуйся, Леонтие, Ростовский чудотворче.

леонтий ростовский

Кондак 7

Хотение едино имел еси, святче Божий, еже Богу угождати и спасению людей твоих служити: темже не дал еси сна очима твоима, ни веждома дремания, но присно подвизался еси во благо святыя Ростовския Церкве, стяжавшия тя, столпа Православия непоколебимаго, и стража дому Божию вернаго, примером твоим и нас поучающаго неленостно возносити песнь хвалы Христу Богу: Аллилуиа.

Икос 7

Новаго тя Николаа Мирликийскаго, стяжа град Ростов, святителю отче Леонтие, чудесы твоими зело имя Христово в нем прославльшаго, и ко Христову познанию люди заблуждшыя приведшаго, твоим учением божественным, емуже внимающе, люди Ростовстии научишася пети тебе:

Радуйся, благий рабе и верный, данный тебе от Господа талант не сокрывый.

Радуйся, многу куплю духовную им приобретый.

Радуйся, сотворивый и научивый, и велий нареченный в Царствии Небеснем.

Радуйся, величием чудес на земли прославленный.

Радуйся, знамения дивная рукама твоима совершивый.

Радуйся, туне приявый, туне подававый.

Радуйся, исполнение обетований евангельских получивый.

Радуйся, милосердия Спасова подражателю.

Радуйся, щедродательный милостыни подателю.

Радуйся, любвеобильный скорбящих утешителю.

Радуйся, органе Духа Святаго.

Радуйся, миро Христова благоухания на земли.

Радуйся, Леонтие, Ростовский чудотворче.

Кондак 8

Странствие земное мученическою кончиною совершил еси, святителю Леонтие, Христа ради от идолослужителей ожесточенных даже до крове пострадав, первый священномученик Российския Земли явлься, град Ростов освятил еси излиянием крове твоея, и Христу приусвоил еси, да просвещеннии тобою люди, чествующе подвиг твой апостольский, зовут Богу: Аллилуиа.

Икос 8

Весь в жертву Богу принеслся еси, святителю достоблаженный, и со дерзновением многим Христу предстал еси во славе Царствия Небеснаго, идеже не забуди и нас, земных, усердно с любовию тя почитающих, но присно молися о спасении нашем, да тебе зовем хвалебно:

Радуйся, первый священномучениче земли Российския.

Радуйся, крове обагрением украсивый ризу твою святительскую.

Радуйся, со страстотерпцы вшедый в радость Господа твоего.

Радуйся, Агнцу Божию подвигом земным подражавый.

Радуйся, за овцы твоя словесныя душу твою положивый.

Радуйся, имя Христово кончиною твоею прославивый.

Радуйся, смерть мученическую приявый, но тления не познавый.

Радуйся, чудесы многими святость твою ознаменовавый.

Радуйся, во гроб сошедый и от него зарею безсмертия возсиявый.

Радуйся, во одежду благодатнаго нетления облеченный.

Радуйся, воскресения Христова силу в мертвенном телеси твоем проявивый.

Радуйся, во благоухании святыни опочивый.

Радуйся, Леонтие, Ростовский чудотворче.

Кондак 9

Всем телом цел и нерушимь, с лицем сияющим, лежащ во гробе яко жив, по летех мнозех в земли обретен был еси, святителю Леонтие, и чудес множество от нетленных и многоцелебных мощей твоих источил еси, ими святость твою знаменуя, и подвизая верныя благодарственно взывати Дивному во святых своих Богу: Аллилуиа.

леонтий ростовский

Икос 9

Ветийство человеческое не довлеет к прославлению многих и преславных чудотворений твоих, святителю Леонтие, имиже Церковь Ростовская благоукрасися, и сего ради гласы хвалебными усердно тя славим, яко своего первосвятителя, просветителя и предстателя ко Господу, зовуще к тебе благодарственно и хвалебно:

Радуйся, алавастре целебный мира Христова преисполненный.

Радуйся, реко чудес многоводная.

Радуйся, источниче кипяй исцеленьми.

Радуйся, кладезю, от негоже болящии здравие почерпают.

Радуйся, нетления цвете благоуханный и прекрасный.

Радуйся, безсмертия заре присносияющая.

Радуйся, бисере драгий Божия благодати, в недрех земных обретенный.

Радуйся, со славою и честию во храме Божием положенный.

Радуйся, яко к тебе слепии приходяще, зрящии возвращахуся.

Радуйся, яко к тебе хромии и ничащии ползуще, прямоходяще отхождаху.

Радуйся, разслабленных благодатный укрепителю.

Радуйся, бесноватых от насилия диавольскаго свободителю.

Радуйся, Леонтие, Ростовский чудотворче.

Кондак 10

Спасения душевнаго ходатай являешися верным, святителю Леонтие, и присно молишися Богу о пастве твоей земной, усердно тя почитающей. Сие уверяя в чудном видении явился еси в нощи, в соборнем храме Ростова, с подъятыми горе дланьми у престола Божия усердно моляйся и светом небесным сияяй, еже видев муж, таковаго видения достойный, возопи ко Господу: Аллилуиа.

Икос 10

Царя Небеснаго Христа верный рабе и угодник был еси, святителю Леонтие, и от Него нетлением и чудесы прославленный, от великаго князя Андреа Боголюбскаго почесть посмертную восприял еси в мощах твоих святых, имже покланяющеся с верою и любовию, песненно тебе вопием:

Радуйся, Православия утверждение.

Радуйся, архиереев красото.

Радуйся, в сониих и видениих верныя посещаяй.

Радуйся, явлением твоим больным нездравие во здравие претворяяй.

Радуйся, скорый помощниче молитвенно тя призывающих.

Радуйся, усердный заступниче тя почитающих.

Радуйся, правоверных благонадежное прибежище.

Радуйся, по Бозе и Богородице крепкое наше упование.

Радуйся, врачу безмездный, единыя веры токмо требуяй.

Радуйся, ближним и дальним щедроты целебныя подаваяй.

Радуйся, Ростова хранителю неотступный.

Радуйся, всея России предстателю, Богом данный.

Радуйся, Леонтие, Ростовский чудотворче.

Кондак 11

Пение молебное от лет древних и доныне не умолче у гроба твоего, святителю отче наш Леонтие, и свеща неугасимо пребывает тамо, еяже погашение единым от клирик соборныя церкве ты грозно покарал еси, разслаблением телесным виновнаго наказав, дондеже не вразумися, и с покаянием не обратися к тебе целебнику благодатному, зовый тя прославляющему Богу: Аллилуиа.

Икос 11

Светлостию чудес сияяй, святителю преподобне, благодатно озаряеши душы наша, страстьми греховными потемненныя, и вся ны приводиши на стезю покаяния и спасения. Сего ради ублажаем тя, наставника душеспасительнаго и по смерти, от гроба твоего чудесно нас поучающаго, и во умилении глубоцем воспеваем в похвалу тебе:

Радуйся, друже Христов, до конца верен Ему пребывый.

Радуйся, угодниче Божий, на небеси и земли прославленный.

Радуйся, в сонме святителей сияющая звездо.

Радуйся, со святители московскими в видении, во дни обложения татарами Москвы, таинственно представый.

Радуйся, Пресвятей Владычице Богородице, в другом видении, спутник бывый.

Радуйся, Ея волю святую в жизни и по смерти усердно творяй.

Радуйся, свеще, в молитвах к Богу возжженная.

Радуйся, вождю, путь ко спасению всем показующий.

Радуйся, паству твою молитвенно назираяй.

Радуйся, с верою к тебе прибегающих прошения исполняяй.

Радуйся, Церкве Православныя благодатная лепото.

Радуйся, любящих и чтущих тя присное радование.

Радуйся, Леонтие, Ростовский чудотворче.

леонтий ростовский

Кондак 12

Благодати Божией сокровище, святая и всечестная рака твоя, святителю отче наш Леонтие, новая купель Силоамская для недужных явися: к ней бо не единожды токмо в лето, но на всякое время, с верою приходящии, исцеление болезнем своим приемлют, и тя прославляют, милостиваго и безмезднаго целителя, зовуще благих подателю Богу: Аллилуиа.

Икос 12

Поюще подвиги твоя равноапостольныя, и многая преславная чудотворения твоя, чудотворче святый Леонтие, молим тя, милостиваго предстателя нашего: молися с нами и о нас ко Христу Богу, да пробавит к нам милость свою, и явит нам великия своя щедроты, да возможем благоприятно приносити тебе от усердия нашего сия песненныя похвалы:

Радуйся, Пресвятыя Троицы верный исповедниче.

Радуйся, Пресвятыя Богородицы достойный избранниче.

Радуйся, ангельских воинств собеседниче.

Радуйся, всех святых сожителю.

Радуйся, в райских обителех пребываяй.

Радуйся, от горних высот к земнородным милостивно приникаяй.

Радуйся, любовь к пастве твоей неизменно сохранивый.

Радуйся, чудес множеством и по смерти чада твоя озаривый.

Радуйся, в вышних живый и о нижних промышляяй.

Радуйся, град Ростов от всякаго зла соблюдаяй.

Радуйся, телес наших немздоприимный целебниче.

Радуйся, о душах наших благоприятный к Богу молитвенниче.

Радуйся, Леонтие, Ростовский чудотворче.

леонтий ростовский

Кондак 13

О пресвятый и предивный чудотворче, святителю отче Леонтие, Ростова первопастырю и всех верных предстателю! Приими милостиво сие малое моление наше в похвалу тебе приносимое, и благоприятными молитвами твоими ко Господу Богу, сотвори нас наследники быти всесветлаго Царствия Христова: да предстательством твоим мучений вечных избавльшеся, сподобимся в радости святых, вкупе с тобою пети вечно Богу: Аллилуиа.

Этот кондак читается трижды, затем икос 1-й, и кондак 1-й

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector