Житие святого Григория Чудотворца Неокесарийского, в чем помогает и молитвы

Проповеди талантливых, истинно познавших силу веры избранников Божьих играют важную роль в распространении христианства. Люди внимают их умным и одновременно простым речам, отрекаются от ложных ценностей и становятся на богоугодный путь. Святой отец Григорий Чудотворец был одним из таких праведников. Он силой мысли и духа пришел в руки Господа Бога и всю свою жизнь вел за собой народ, просвещал язычников, наставлял верующих и Провидением Божиим творил чудеса.

Житие святого Григория Чудотворца

Будущий святой родился в знатной семье греческих поселенцев в Римской империи в городе Неокесария предположительно в 213 году. Родители мальчика, как и многие люди того времени, были язычниками. Отец Григория преждевременно скончался, когда мальчику было 14 лет. Это стало сильным ударом для юноши, но утрата и привела его к познанию истинного пути спасения.

Мать стремилась дать сыну лучшее образование. После завершения курса грамматики Григорий поступил в ораторскую школу, но быстро разочаровался в учебе. Он не желал восхвалять того, кто этого не заслуживал. Тогда юноша решил заняться юридической наукой. Вместе с родным братом Афинодором он направился в известную юридическую школу в город Бейрут (Вирит).

Муж же их сестры в то время был назначен советником наместника императора, и отправился в Кесарию, пригласив с собой братьев супруги. В Кесарии Григорий посетил проповедь Оригена, что предопределило его дальнейшую судьбу. Ориген познакомился с юношей и увлек его ученый ум философией и другими науками, дабы подготовить почву для взращивания истинной веры. Позже христиане признали Оригена лжеучителем, но на тот момент именно он окончательно приобщил будущего святого к христианству.

Через 8 лет Григорий принял крещение и вернулся в родную Неокесарию. Горожане знали выходца из знатного рода как образованного, мудрого и высоконравственного человека. Многие хотели видеть его главой поселения, но у посредника были иные планы. Он уединился в пустыне, где проводил дни и ночи в молитве, посте и постижении христианской веры.

Отшельник совершал физические и духовные подвиги, за которые Господь даровал ему способности, свидетельствующие о наивысшей степени совершенства аскета. Прознав о житие богоугодного отшельника, епископ Федим хотел рукоположить праведника в церковный сан, но Григорий хотел лишь служить Богу и развиваться духовно в уединении, потому избегал встречи со святителем.

Тогда Феодим совершил церковный обряд в пустыне на расстоянии, и возвел Григория в сан епископа. Божественным проведением необычное таинство было признано свершенным. Чудесным образом получил епископ Григорий знание о святой Троице. Услышав горячие молитвы святого, к нему явились Божья Матерь и апостол Иоанн, который поведал о единении Бога-Отца, Бога-Сына и Святаго Духа, указав ему на премудрость в понимании сей истины.

После постижения аспектов истинной веры Григорий вернулся в Неокесарию. Миссией святого было архипастырское богослужение среди горожан, большая часть из которых жила во тьме и беспросветности язычества.

По дороге в город святому пришлось остановиться на ночлег в храме идолов, где бесы завладели статуями и правили жрецами. Епископ, по обыкновению, прочитал вечерние молитвы, после чего бесы покинули идолов и кричали, что не вернутся на место, где молился святой. Также чудесным образом Григорий передвинул неподъемный камень.

Известно, что в Неокесарии до служения отца Григория было всего 17 христиан. О чудесах, сотворенных им в дороге, прознали в городе. Народ встречал чудотворца, желая видеть того, кто смог свершить невозможное. Епископ не упивался вниманием, а приступил к проповеди.

Григорий изгонял из людей бесов, исцелял больных и страждущих, изрекал пророчества, которые вскоре сбывались. Так, на языческом празднике собралось много народа. Григорий предсказал беду, и после этого в городе началась эпидемия. Молитвы епископа исцеляли больных на глазах. На его проповеди и богослужения приходило все больше человек. Под руководством архипастыря в городе на средства пожертвований от народа был возведен храм, организована христианская община.

Испытал Григорий и императорские гонения, но чудесным образом смог укрыться в горах от преследователей. Затем святитель продолжил свое дело и снова собрал паству. Он творил новые чудеса, рассказывал людям о Боге. Вскоре в городе осталось всего 17 язычников.

Великий проповедник и чудотворец отец Григорий скончался в родном городе в 270-275-х годах.

Почитание в православии

Чудесами и благими богоугодными делами своими отец Григорий увековечил память о себе среди православных христиан. После кончины святой продолжил помогать людям. Его нетленные мощи наделены чудотворной силой, как и молитвы перед иконописным ликом.

Мощи

Мощи святого Григория изначально находились в его родной Неокесарии. Сейчас мощи чудотворца находятся в храмах разных стран, среди которых Израиль, Греция, Португалия, Италия. В России мощи святого находятся в Москве в храме святого Григория Неокесарийского.

День памяти

Святого почитают в храмах и обителях 30 ноября. В день памяти чудотворца священнослужители и верующие молятся святому, читают молебны и поют торжественные восхваляющие церковные песнопения.

Икона Григория Чудотворца

Лик святого Григория нашел отражение в иконописи вскоре после его кончины.

На иконе традиционно изображают епископа в преклонном возрасте. Мудрое лицо старца обрамлено седыми волнистыми волосами и короткой бородой. Голова чудотворца озарена сияющим нимбом, свидетельствующим о его святости, как и золотые цвета, используемые в иконописи.

Старец изображен в архипастырском одеянии. В руках он удерживает книгу Священного Писания и указывает на нее людям. Как талантливый проповедник и истинный христианин, Григорий нес познания о Боге народу, трактовал важнейшие аспекты христианства, что подтверждает и его иконописное изображение.

Икону Григория Чудотворца рекомендуется приобретать и размещать в стенах дома мужчинам, нареченным в честь святого, а также верующим, молящимся избраннику Божию о помощи и наставлении.

В чем помогает святой

Григорий Чудотворец Неокесарийский известен своими чудесными деяниями, слава о которых проходит и через столетия. К святому обращаются в различных жизненных ситуациях, молят о помощи и заступничестве.

Молитвы, обращенные к святому Григорию, помогают верующим:

• обрести здравие телесное и духовное;
• избавиться и защититься от негативного и дурного воздействия;
• укрепиться в вере;
• найти утешение в горестях и скорбях;
• обрести семейное счастье.

Святого также просят о даровании ребенка, наставлении близких на путь истинной веры. Главное в молитве – это искренняя вера и богоугодный образ жизни молящегося.

Православные тексты

Обращаться к чудотворцу Григорию можно в произвольной форме, но чтение православных текстов усилит прошение и поможет в скором времени заручиться поддержкой святого. В дни памяти, а также желая усилить молебен, читают акафист и возносят просьбы к избраннику Божию в молитвенных речах.

Тропарь

В моли́твах бо́дрствуя, чуде́с де́ланьми претерпева́я,/ тезоиме́ние стяжа́л еси́ исправле́ния,/ но моли́ся Христу́ Бо́гу, о́тче Григо́рие,/ просвети́ти ду́ши на́ша,// да не когда́ у́снем в смерть.

Молитва

О пречестна́я и свяще́нная главо́ и благода́ти Свята́го Ду́ха испо́лненная, Спа́сово со Отце́м обита́лище, вели́кий архиере́е, те́плый наш засту́пниче, святи́телю Григо́рие! Предстоя́ у Престо́ла всех Царя́ и наслажда́яся све́том единосу́щныя Тро́ицы и херуви́мски со а́нгелы возглаша́я песнь трисвяту́ю, вели́кое же и неизсле́дованное дерзнове́ние име́я ко всеми́лостивому Влады́це, моли́ спасти́ся па́ствы Христо́вы лю́дем, помози́ во бране́х оте́честву на́шему, и покори́ вся проти́вныя нам враги́, ми́рное и безмяте́жное жи́тельство на́ше устро́й: благостоя́ние святы́х церкве́й утверди́: архиере́и благоле́пием святи́тельства украси́: мона́шествующия к по́двигом до́браго тече́ния укрепи́: град сей и вся гра́ды на́ши и страны́ до́бре сохрани́, и ве́ру святу́ю непоро́чну соблюсти́ нам умоли́: мир весь предста́тельством твои́м умири́, от гла́да и па́губы изба́ви ны, и от нападе́ния иноплеме́нных сохрани́, ста́рыя уте́ши, ю́ныя наста́ви, безу́мныя умудри́, вдови́цы поми́луй, си́роты заступи́, младе́нцы возрасти́, плене́нныя возврати́, немощству́ющия исцели́, и везде́ те́пле призыва́ющия тя и с ве́рою притека́ющия к тебе́ и усе́рдно припа́дающия и моля́щияся тебе́ от вся́ких напа́стей и бед хода́тайством твои́м свободи́. Моли́ о нас всеще́драго и человеколюби́ваго Христа́ Бо́га на́шего, да и в день стра́шнаго прише́ствия Его́ от шу́ияго стоя́ния изба́вит нас, и ра́дости святы́х прича́стники сотвори́т со все́ми святы́ми во ве́ки веко́в. Ами́нь.

Акафист

Кондак 1

Избранный чудотворче и изрядный угодниче Христов, догматов творец предивный и ересей искоренителю неленостный, многоцелебный источниче и молитвенниче о душах наших, святителю Григорие, яко имеяй дерзновение ко Господу, от всяких нас бед свободи зовущих: Радуйся, чудотворче Григорие, неокесарийская похвало, церкви Христовой украшение.

Икос 1

Ангел земный и человек небесный был еси, святителю Григорие, от начала жития твоего чистоту души и тела возлюбив и Христу любовию усердно последовав, совершенства духовнаго достигл еси. Тем же изряднейшего жительства, аки молнией, сияя светом, ныне свету великому предстоя, поминай нас, усердно чтущих тя и воспевающих тако: Радуйся, Евангелия Христова верный последователю; радуйся, заповедей Иисусовых ревностный исполнителю, радуйся, благочестия стено необоримая; радуйся, звездо, сияющая благодати Божией зарею. Радуйся, дерзновение велие ко Господу стяжавый; радуйся, дар чудотворения свыше получивый. Радуйся, крепкое кормило церкве Христовой; радуйся, непоколебимый столпе православия, радуйся, правило веры благочестивыя; радуйся, образе кротости духовныя. Радуйся, апостольских преданий хранителю; радуйся, тайн Божиих истинный строителю, радуйся чудотворче Григорие, неокесарийская похвало, церкви Христовой украшение.

Кондак 2

Видя нечестивии юноши александрийстии непорочное и целомудренное житие твое, святителю Григорие, ненавистию, от диавола вселяемою, распаляшеся, научиша жену некую оклеветати тя пред всеми, просити плату за блудодеяние. Ты же от чрева матерня даже до блаженной кончины твоея не познав греха плотскаго и сохранив девство неоскверненное, с кротостию и незлобием молил еси друга твоего подати просимое, поющи Богу, единому верному на небесех свидетелю: Аллилуиа.

Икос 2

Разум и сердце имея грехом омраченныя, прияла блудница, иже в Александрии, мзду неправедную, с нею же и казнь лютую, вошел бо в ню бес страшный, начав мучити пред всеми, так что сия дщерь велиарова трепетала всем телом, скрежетала зубы своими и вопила безудержно. Ты же, святителю Григорие, сотворив о ней теплую молитву ко Господу, отгнал еси духа злобы поднебесныя. Мы же, дивящеся сему, вопием ти тако: Радуйся, воине Христов непобедимый; Радуйся, рабе Божий благий и верный. Радуйся, цвете нетления; радуйся, венче воздержания. Радуйся, целомудрия украшение; радуйся, ангелов сожителю. Радуйся, смирения совершенное зерцало; радуйся, ему же и беси повинуются. Радуйся, иго Христово благое и легкое носивый; радуйся, скорби многия благодушно претерпевый. Радуйся, им же сатана посрамися; радуйся, им же Христос прославися. Радуйся, чудотворче Григорие, неокесарийская похвало, церкви Христовой украшение.

Кондак 3

Сила божественныя премудрости осени тя, святителю Григорие, егда купно с другом твоим Фирмианом из Каппадокии остави мирское учение и философию еллинскую и нача постигати Христианстии истины и тайны божественнаго писания, тем же и нас, великий учителю, небеснаго рая ныне проходя нетленные пажити, поминай у престола Божия, да и мы просветимся светом евангельского богопознания, поюще: Аллилуиа.

Икос 3

Имеяй в сердце своем огонь любве Божественныя, святителю Григорие, в родной град твой Неокесарию пришел еси, идеже вси людие просиша тя быти им судией и градоправителем. Ты же, избегая сетей гордости и пустой славы человечестей, место сие остави и в пустыню удалися, пребывая в трудех и подвизех, их же един Господь сердцеведец ведает. Мы же, смирению твоему и пустыннолюбию дивящеся, вопием ти тако: Радуйся, ангелонравный человече; радуйся, подвигов источниче неоскудный, радуйся, светильниче во тьме сияющий; радуйся, лампадо Божественнаго света. Радуйся, пустыннолюбивая горлице; радуйся, сладкопесненная свирель. Радуйся, многослезный молитвенниче; радуйся, ратоборче доблий, врага победивый. Радуйся, псалмопении немолчными Бога славивый; радуйся, коленопреклонения многая совершивый. Радуйся, постом и сухоядением плоть свою изнуривый; радуйся, ветхаго в себе человека всецело духу покоривый. Радуйся, чудотворче Григорие, неокесарийская похвало, церкви Христовой украшение.

Кондак 4

Бурю мирскаго жития и тяжелоносные страстей волны прешед, обрел еси, святителю Григорие, тихое и безмятежное пристанище, в пустыню вселився, Христу неленностно поработал еси, возлюбив пост и молитву, поя непрестанно Богу: Аллилуиа.

Икос 4

Слыша блаженный Федим, епископ Амасийский, ангелоподобное житие твое, святителю Григорие, восхоте призвати тя от пустыннаго уединения к служению церковному в святительстем образе, ты же, провидев сие намерение и недостоинство свое помышляя, сокрыся во глубину пустынную. Тот же, движимый духом Святым и ревностию по церкви Христовой распаляясь, совершиша посвящение дивное, без тебя хиротонисав тя во епископа града Неокесарийскаго. Мы же, дивящеся сему, вопием ти: Радуйся, архиерею Бога вышняго; радуйся, служителю благоговейный алтаря Господня. Радуйся, неусыпный делателю винограда Христова; радуйся, плоды сладкие от делания твоего ему принесый. Радуйся, славы Божией ревнителю; радуйся, наставниче, всех к небеси приводяй. Радуйся, уневестивый Христу души многия; радуйся, пастырю добрый, за овцы своя душу положивый. Радуйся, грешных милостивый заступниче; радуйся, бедствующих скорый помощниче. Радуйся, верных прибежище граде; радуйся, святителей удобрение. Радуйся, чудотворче Григорие, неокесарийская похвало, церкви Христовой украшение.

Кондак 5

Боготечной звезде подобен был еси, святителю Григорие, небо церковное украшая и светом истиннаго богопознания озаряя, егда воле Божией покоряяся, приял еси епископское поставление во град Неокесарию и абие восстал еси противу злых еретиков Павла и Савеллия Самосатских, проповедавших ложно о таинстве Пресвятей Троицы, ты же верныя научая подобающе воспевати триединому Богу: Аллилуиа.

Икос 5

Видя безумных еретиков, о Пресвятей Троице неправедно учащих, ты, святителю Григорие, прилежно моляше Господу Богу и Пречистей Его Матери об открытии православным христианом догматов истинных, тем же сподобился еси явления чуднаго — Пресвятыя Богородицы со апостолом Иоанном Богословом, от них же и научен быв тайнам богопознания, записав, предал еси их всем верным в назидание. Мы же, небесныя глаголы сии принимающе с любовию, прославляем тя, великий таинниче, и вопием ти тако: Радуйся, Божией премудрости созерцателю и проповедниче, радуйся, истиннаго богословия златословесный учителю. Радуйся, Пресвятыя Троицы благоволением осененный; радуйся, Пречистыя Богородицы милостями ущедренный. Радуйся, Божия разума исполненный; радуйся, благодатию Святаго Духа озаренный. Радуйся, омрачивый пагубное лжеучение; радуйся, поправый еретическое злочестие. Радуйся, апостольских преданий ревностный блюстителю; радуйся, адаманте веры православныя. Радуйся, усердный наставниче благочестия; радуйся, в самом себе храм триипостасному Божеству устроивый. Радуйся, чудотворче Григорие, неокесарийская похвало, церкви Христовой украшение.

Кондак 6

Проповедник светоносный триединаго Бога, святителю Григорие, явился еси, наученный от самой Пресвятей Богородицы и апостола Иоанна Богослова, како во Святую Троицу истинно веровати, непрестанно взывал еси: Отцу Слова Живаго, Премудрости Ипостасной Силы и Образу Вечнаго: Аллилуиа.

Икос 6

Возсия заря истиннаго богопочитания граду Неокесарии, во тьме идолопоклонения пребывающему, с пришествием твоим, святителю Григорие, множество бо идолов и им служащих обрет в язычестих капищах, молил еси Господа, да призрит на создания своя, просветит люди погибающия и обратит я на путь спасения. Сего ради вернии научишася воспевати ти: Радуйся, искоренителю демонскаго служения; радуйся, насадителю истиннаго богопочитания. Радуйся, божественною силою идолы поправый; радуйся, тьму неверия разгнавый. Радуйся, славо веры православныя; радуйся, церкви Христовы утверждение, радуйся, прелесть демонскую посрамивый; радуйся, неверныя боговедением просветивый. Радуйся, щите, охраняяй благочестие; радуйся, мечу, посецаяй нечестие. Радуйся, верных удобрение; радуйся, неверных посрамление. Радуйся, чудотворче Григорие, неокесарийская похвало, церкви Христовой украшение.

Кондак 7

Хотяще некогда нечестивии жители неокесарийстии совершити языческий праздник Зевсу, не взирая на увещания твоя, святителю Григорие, наведоша на ся гнев Божий и наказание страшное, губительную язву смертоносную, яко смешавшия радости безумия с плачем, веселию же превратишуся в горе и несчастие. Познав же людие свое заблуждение, просишя тя остановити болезнь лютую молитвою твоею к Богу, его же ты Единаго почитал еси владыкою над всеми и воспевал ему: Аллилуиа.

Икос 7

Новаго тя чудотворца исповедует Христова церковь, святителю Григорие, силою бо Божией, в тебе действующей, больныя исцеляеши, прокаженныя очищаеши, демоны прогоняеши. Ты бо еси всем воистину помощник, свободитель, питатель и врач. Сего ради вопием ти тако: Радуйся, деснице чудотворная Иисусова; радуйся, языче Христов, словом исцеляяй. Радуйся, дерзновение велие ко Господу стяжавый; радуйся, чудотворения дар свыше получивый. Радуйся, преславный в бедах заступниче; радуйся, превеликий в напастех защитниче. Радуйся, исцелений источниче; радуйся, люте страждующим помощниче. Радуйся, бесов прогонителю; радуйся, многоцелебный кладезю неизчерплемый. Радуйся, избавление от печали; радуйся, подаяние благодати. Радуйся, чудотворче Григорие, неокесарийская похвало, церкви Христовой украшение.

Кондак 8

Странное чудо явися, святителю Григорие, егда брата два, езеро от отца в наследство получиста и не могущема има разделити его между собою, восстаста друг противу друга. Ты же молитвою твоею ко Господу изсушил еси оное, дабы не иссякла есть любовь братская, научая верныя в мире друг со другом воспевати Богу: Аллилуиа.

Икос 8

Весь воистину православный мир почитает тя, святителю Григорие, великаго чудотворца, ибо молитвою твоею ко Господу и водружением жезла твоего течение реки изменил еси, сохранив земли плодородие; призвав же имя Иисусово, гору подвигнул еси, дая место для воздвижения храма Божия. Мы же, дивящеся сему, вопием Ти: Радуйся, сосуде благодати Божией; радуйся, неизсякаемый источниче чудес. Радуйся, истинный исправителю душ человечестих; радуйся, сварливых братъев вразумление. Радуйся, яко тобою зависть попираем; радуйся, яко тобою благонравное житие исправляем. Радуйся, над стихиями благодатию Божией владычествуяй; радуйся, уставы земли верою твоею пременяяй. Радуйся, речныя устремления жезлом твоим укротивый, радуйся, земли плодоносие молитвою твоею даровавый. Радуйся, усердный храмоздателю; радуйся, человеколюбивый пастырю словесных овец. Радуйся, чудотворче Григорие, неокесарийская похвало, церкви Христовой украшение.

Кондак 9

Всякое естество ангельское удивися дару прозорливости твоея, святителю Григорие, егда узрел еси в простом угольщике Александре, муже богоугодном и благочестивом, будущаго епископа града Команы, и тако сокровище потаенное открыл еси, украшением церкви Христовой ставшее. Сего ради и мы со безплотными лики вопием Богу: Аллилуиа.

Икос 9

Ветии многовещаннии недоумеют изобразити силу Божию, в тебе действующую, святителю Григорие, егда трое иудеев восхотешя над тобою посмеятися, единаго от нечестивцев своих при дороге обнаженнаго, яко мертва, положивше, рыдающу же над ним и просящу у тебя одежды покрытии наготу его. Ты же, покрыв его, воистину бездыханным сотворил еси, искусителей посрамляя и мертвым погребати своего мертвеца оставляя, мы же, прославляюще тя, святителю, сице вопием: Радуйся, духом прозорливости озаренный; радуйся, духом страха Божия напоенный. Радуйся, будущая, яко настоящая, ведый; радуйся, дальняя, яко близ сущая, прозревая. Радуйся, небоязненный истины проповедниче; радуйся, ревностный лжи посрамителю. Радуйся, беззаконных словом обличения, яко гром, поражаяй; радуйся, нечестием ослепленных, яко молния, посецаяй. Радуйся, к наказанию безумных иудеев Бога приклонивый; радуйся, сквернаго хульника жизни лишивый. Радуйся, яко тобою попрано бысть глумление; радуйся, яко тобою пожерта бысть зависть. Радуйся, чудотворче Григорие, неокесарийская похвало, церкви Христовой украшение.

Кондак 10

Спасти хотяй души словесных овец твоих, святителю Григорие, яко пастырь добрый, восстал еси противу волка хищнаго, нечестиваго гонителя Декия, иже понуждаше христиан к поклонению идолам и преда их мучениям и злой смерти. Ты же, отеческой любовию движимый, призывал еси верных укрытися от мучителей, дабы обессилев в страданиях не отпали от Бога истиннаго, ему же до времени в дебрех и расселинах гор воспеваху: Аллилуиа.

Икос 10

Стены горнего Иерусалима прияшя тя, святителю Григорие, по отшествии твоем от земных к небесным. Паства же твоя плакаше о тебе, яко о своем отце чадолюбивом, мы же зряще тя погребаема и теплаго предстателя на небеси имети тя уповая, с рыданием купно и надеждою вопием ти: Радуйся, великий угодниче, жизнь по Бозе возлюбивый; радуйся, веру, надежду и любы даже до конца сохранивый. Радуйся, отче чадолюбивый, в начале епископства во граде Неокесарии имевый лишь семьнадесят христиан и их млеком евангельских заповедей вскормивый; радуйся, трудолюбивая пчело, весь град медом Христовой веры усладивый и пред кончиною твоею лишь семьнадесят язычников в горечи заблуждений оставивый. Радуйся, лучу солнца правды, теплотою Божественныя любве нас согреваяй; радуйся, свечо многосветлая, светом истиннаго богопознания нас озаряяй. Радуйся, бисере честный, сердца наша увеселяяй; радуйся, камень драгий, люди православныя украшаяй. Радуйся, небесных сил собеседниче; радуйся, всех святых сонаследниче. Радуйся, яко тобою бездну милосердия Божия призываем; радуйся, яко тобою спасение вечное получити уповаем. Радуйся, чудотворче Григорие, неокесарийская похвало, церкви Христовой украшение.

Кондак 11

Пение благодарственное Пресвятей Троице принесошя люди неокесарийстии, егда обретошя честные и многоцелебные мощи твои, святителю Григорие, аки спасительный источник, дивные чудеса содевающий, и поставишя их в церкви соборней, поя богу: Аллилуиа.

Икос 11

Светоподательнаго светильника, просвещающаго души и телеса, явил тя Господь, святителю Григорие, людем православным во всей вселенней, ибо молитвами твоими пособствуеши, не точию в Неокесарии сущим, но и в пределех отечества нашего пребывающим, и московский князь Василий Темный свобожден бысть чудно из татарскаго плена не иным чем, но помощию твоею и предстательством, посему и воздвиже церковь во имя твое на месте, с него же узре стены кремлевстии, на нем же и ныне прославляешися и слышиши таковая: Радуйся, небес пресельниче и жителю; радуйся, земли молитвенниче и предстателю. Радуйся, людям православным поможение; радуйся, рода христианскаго возвышение. Радуйся, лествице, Богом утвержденная, ею же восходим к небеси; радуйся, покрове, Богом зданный, им же покрываются мнози. Радуйся, из уз пленения изымаяй; радуйся, от мятежа и браней соблюдаяй. Радуйся, многих от погибели исхитивый, радуйся, безчисленных неврежденно сохранивый. Радуйся, яко тобою от вечныя смерти свобождаемся; радуйся, яко тобою безконечныя жизни сподобляемся. Радуйся, чудотворче Григорие, неокесарийская похвало, церкви Христовой украшение.

Кондак 12

Благодать, данную ти от Бога, сведуще, с любовию восхваляем тя, святителю Григорие, помышляя, яко не могуще по достоянию изобразити величие и славу твою. Моли же о нас, чадах твоих духовных, да милостив будет Господь и к нам, грешным, да облагодатит и нас ходатайством твоим, не от града Неокесарии, но от российских предел вопиющих ему: Аллилуиа.

Икос 12

Поюще богоугодное житие твое, святителю Григорие, благодарим дивнаго во святых своих Христа Бога нашего, даровавшего тя вселенстей церкви, яко столп неподвижен и утверждение истинной веры. Ты же прими от нас словеса сия: Радуйся, житие твое земное благочестно скончавый; радуйся, от небеснаго Царя венец славы получивый. Радуйся, озаривый вселенную светом добродетелей твоих, радуйся, яко видя добрыя дела твоя, человецы Отца небеснаго прославляют. Радуйся, за ны пред престолом Божиим молящийся; радуйся, от Бога милости нам непрестанно просящий. Радуйся, всякаго притекающаго к тебе под кров твой и заступление приемляй; радуйся, яко никто же от тебе тощь и неутешен отъиде. Радуйся, яко от мощей твоих чудеса многия содеваются; радуйся, яко милость Божия от них непрестанно изливается. Радуйся, чудотворче Григорие, неокесарийская похвало, церкви Христовой украшение.

Кондак 13

Святителю Христов и чудотворче Григорие, приими сие моление наше, от любве тебе приносимое, и испроси нам у всещедраго Бога, ему же ныне предстоиши на небеси, избавление от многоразличных бед и напастей, наипаче же вечныя смерти, оставление прегрешений наших и наследование царствия небеснаго, да иде же вечно вкупе с тобою нам воспевати ему: Аллилуиа.

(Этот кондак читается трижды, затем икос 1 и кондак 1)

Канон

Пе́снь 1

Ирмо́с: Колесницегони́теля фарао́ня погрузи́ чудотворя́й иногда́ Моисе́йский же́зл, крестообра́зно порази́в и раздели́в мо́ре, Изра́иля же беглеца́, пешехо́дца спасе́, пе́снь Бо́гови воспева́юща.

Твои́х чуде́с во мне́, Григо́рие, боже́ственное де́йство све́тло, о́тче, и ны́не покажи́, из глубины́ избавля́я мя́ прегреше́ний, блаже́нне, и твое́ю просвеща́я све́тлостию, да досто́йно воспою́ тя.

Я́ко опа́сный, и умоиме́телен, и му́др души́ благоро́дное плотски́х сласте́й, блаже́нне, предсуди́л еси́, му́дрости догма́ты трудолю́бно собира́я, и́миже она́ пита́ется, Григо́рие, Бо́гу приближа́ющися.

Целому́дрие сестру́ стяжа́в, я́ко споспе́шницу благу́ю, тя́ ви́дев, лю́тый зми́й, Григо́рие, на тя́ за́висть воздви́же, его́же посрами́л еси́, о́тче, долготерпе́нием, жену́, стра́стию объя́ту, исцели́в.

На чужде́й стране́ жи́тельствуя, преподо́бне, все́м че́стен ра́ди доброде́тели яви́лся еси́, благочести́в и боголюби́в, чудоде́йства да́р от Бо́га прие́м, и́мже позна́н бы́л еси́, богоглаго́ливе, просия́ в ми́ре, я́ко со́лнце.

Богоро́дичен: Из ко́рене, Чи́стая, ца́рскаго прозябла́ еси́ и Царя́ Христа́, Бо́жие Сло́во, па́че ума́ и мы́сли воплоще́нно родила́ еси́ из чи́стых Твои́х крове́й, сугу́ба естество́м су́ща и еди́нственна Ипоста́сию.

Пе́снь 3

Ирмо́с: Утвержде́й в нача́ле небеса́ ра́зумом и зе́млю на вода́х основа́вый, на ка́мени мя́, Христе́, за́поведей Твои́х утверди́, я́ко не́сть свя́т па́че Тебе́, Еди́не Человеколю́бче.

Очи́стив тво́й у́м стра́стнаго треволне́ния и любому́драго виде́ния испо́лнен, яви́лся еси́ благоле́пен, му́дрости оби́телище, и проро́чества да́ром обогати́лся еси́, Григо́рие.

Богодохнове́нному списа́нию прибесе́довав, всеблаже́нне, и разли́чнаго жития́ ви́ды избра́в я́ве, еди́н доброде́тели о́браз в себе́, богому́дре, утверди́л еси́, Григо́рие.

Богоявле́нне навы́к боже́ственным тайново́дством та́инство богосло́вия, просвети́ на́с Тро́ицу Единосу́щную, Единоесте́ственну же почита́ти, Несозда́нну и Соприсносу́щну.

Бо́гом наста́влен, я́ко любо́вию Того́ взыска́в, Чи́стую и Богоро́дицу Мари́ю и сы́на Гро́мова тайноучи́тели име́л еси́, Тро́ицы Све́ту тя́, богоглаго́ливе, науча́ющия.

Богоро́дичен: Же́зл, прозя́бший Христа́, цве́т нетле́ния и злату́ю кади́льницу, вси́ Тя ве́мы, Чи́стая, Боже́ственнаго существа́ нося́щу на объя́тиих, Отрокови́це, Угль, Богоблаже́нная.

Седа́лен, гла́с 3

Но́в бы́л еси́ Моисе́й де́лы, скрижа́ли ве́ры на горе́ та́инственнаго богоявле́ния прии́м, законоположи́в лю́дем благоче́стие Тро́ичныя та́йны, Григо́рие. Те́мже, вси́ ве́рнии, чти́м па́мять твою́, прося́ще тобо́ю ве́лию ми́лость.

Богоро́дичен: Боже́ственная ски́ния была́ еси́ Сло́ва, еди́на Пречи́стая Ма́ти Де́во, чистото́ю а́нгелы превозше́дшая; па́че все́х мене́, пе́рсть бы́вша, оскверне́нна плотски́ми прегреше́ньми, очи́сти моли́тв Твои́х боже́ственными вода́ми, подаю́щи, Чи́стая, ве́лию ми́лость.

Крестобогоро́дичен: Нескве́рная А́гница, Сло́ва нетле́нная Де́во Ма́ти, на Кресте́ зря́щи пове́шена из Нея́ безболе́зненно Прозя́бшаго, матероле́пно рыда́ющи, вопия́ше: увы́ Мне́, Ча́до Мое́, ка́ко стра́ждеши во́лею, хотя́ изба́вити от страсте́й безче́стия челове́ка?

Пе́снь 4

Ирмо́с: Ты́ моя́ кре́пость, Го́споди, Ты́ моя́ и си́ла, Ты́ мо́й Бо́г, Ты́ мое́ ра́дование, не оста́вль не́дра О́тча, и на́шу нищету́ посети́в. Те́м с проро́ком Авваку́мом зову́ Ти: си́ле Твое́й сла́ва, Человеколю́бче.

Зе́млю до́брую, о́тче богому́дре, взора́в, сло́ва се́мя прие́м, во сто́ ева́нгельски многосугу́биши, еще́ и ны́не, Григо́рие, приводя́ уче́нии твои́ми Бо́гу песнопою́щия: си́ле Твое́й сла́ва, Человеколю́бче.

Я́ко мо́лния, о́тче, возсия́в, житие́ твое́ де́монскую ле́сть отгна́, све́ту бо твоея́ доброде́тели о́ных тма́ прикосну́тися не возмо́же. Те́мже неоко́рос душетле́нныя льсти́, валя́вся, я́коже ка́мень, све́тится.

Мра́к све́та Боже́ственнейшаго ви́дети сподо́бился еси́, зако́н же богопи́санный, я́ко Моисе́й, о́тче, прие́м, богосло́вия изве́стное навы́кл еси́: отсю́ду законополо́жник Христо́вы Це́ркве показа́лся еси́, богому́дре Григо́рие.

Ри́торскаго буесло́вия уклони́вся и сло́вом, о́тче, благода́ти озари́вся, апо́стольскую и́стинно вла́сть на де́моны прия́т, твоея́ бо отбега́ет светя́щияся зари́ тмы́ предста́тель, Григо́рие.

Богоро́дичен: Киво́т Тя́ издале́ча прообрази́, прие́мши зако́н богопи́санный, во чре́ве Живонача́льное Сло́во заче́ншую несказа́нно, Всенепоро́чная, пита́ющаго бога́тно ду́ши вопию́щих: си́ле Твое́й сла́ва, Человеколю́бче.

Пе́снь 5

Ирмо́с: Вску́ю мя́ отри́нул еси́ от лица́ Твоего́, Све́те незаходи́мый, и покры́ла мя́ е́сть чужда́я тма́ окая́ннаго? Но обрати́ мя, и к све́ту за́поведей Твои́х пути́ моя́ напра́ви, молю́ся.

Де́ланием твои́х слове́с олядене́вшая сердца́ угла́див, и боже́ственное се́мя в ня́, иера́рше, вве́ргл еси́, и пло́д многокла́сный Изба́вителю, спасе́ние ве́рных, богоглаго́ливе, прине́сл еси́.

Бо́жий предста́тель, ре́вностию распаля́емь, пома́за тя Фе́дим не прише́дша, о́тче, Бо́гу вся́ческая ве́дящему благоче́стно упова́в и честно́му твоему́ житию́ наде́явся, богоглаго́ливе Григо́рие.

Струя́ми твои́х повеле́ний и́дольская разжже́ния угаси́л еси́ и уче́ньми твои́ми ве́рныя утверди́л еси́, всему́дре, возше́д на го́ру, я́ко Самуи́л, виде́нии и, я́ко ду́б, бы́в тве́рдостию.

Святи́телю богому́дре, твои́ми моли́твами лю́тых мя́ избавля́й, мои́х прегреше́ний рукописа́ние, о́тче, расто́ргни, я́ко свяще́нник сы́й, от Бо́га вла́сть прии́м оставля́ти прегреше́ния.

Богоро́дичен: Украси́лася еси́, Де́во, де́вственными Твои́ми пречи́стыми добро́тами, и пе́рвыя Е́вы покры́ла еси́ сту́д злообра́зный, Христа́ ро́ждши, одея́ние безсме́ртия да́рующаго Тебе́ чту́щим.

Пе́снь 6

Ирмо́с: Очи́сти мя́, Спа́се, мно́га бо беззако́ния моя́, и из глубины́ зо́л возведи́, молю́ся, к Тебе́ бо возопи́х, и услы́ши мя́, Бо́же спасе́ния моего́.

Е́зеро, чудоде́йствуя, братоуби́йственное изсуши́л еси́, и реки́ стремле́ния уста́вил еси́, всему́дре, же́зл водрузи́в, и́же вскорени́ся а́бие и возрасте́ Боже́ственным манове́нием, Григо́рие.

Ре́вность Бо́жия пояда́ше тя́, всебога́те, не терпя́ бо зре́ти Бо́га досажда́ема, лю́ди суему́дренныя твои́ми моли́твами, богоглаго́ливе, погуби́л еси́.

Умертви́ся, восхоте́вый уничижи́ти тя́ окая́нный евре́ин злочести́вый, Бо́гу тя́ прославля́ющему, богому́дре Григо́рие, Того́ догма́тов испо́лнителя показу́я.

Богоро́дичен: На́йде Вседе́тельный на Тя́ Ду́х, Всенепоро́чная, и Сло́во Бо́жие в Тя́ всели́ся и пло́ть бы́сть неизрече́нно, пребы́в неизме́нен.

Конда́к, гла́с 2

Чуде́с мно́гих прие́м де́йство, зна́меньми ужа́сными де́моны устраши́л еси́ и неду́ги отгна́л еси́ челове́ческия, всему́дре Григо́рие, чудотво́рец же имену́ешися, зва́ние от де́л прие́м.

И́кос

Отку́ду начну́ похвалы́ тка́ти, окая́нный, зря́ мно́гия и пречу́дныя ве́щи? А́ще от жития́ преподо́бнаго начну́, отню́д не возмогу́, вся́каго бо ума́ превосхо́дит житие́ его́ боже́ственное. А́ще от чуде́с, и в се́м про́чее постыжду́ся, па́че песка́ бо су́ще, сего́ ра́ди нарече́ся чудотво́рец, зва́ние от де́л прие́м.

Пе́снь 7

Ирмо́с: Бо́жия снизхожде́ния о́гнь устыде́ся в Вавило́не иногда́, сего́ ра́ди о́троцы в пещи́, ра́дованною ного́ю, я́ко во цве́тнице лику́юще, поя́ху: благослове́н еси́ Бо́же, оте́ц на́ших.

Отце́в похвала́ и учи́телей честносло́вие, свети́льник Це́ркве, благоче́стия сто́лп неколе́бленный ты́ яви́лся еси́, Григо́рие, зовы́й: благослове́н Бо́г оте́ц на́ших.

Возсия́в чудесы́, вселе́нную просвети́л еси́, сего́ ра́ди, богому́дре, совоку́пльшеся, тебе́ блажи́м, твои́ми словесы́ пита́ющеся, Григо́рие, и пою́ще: благослове́н Бо́г оте́ц на́ших.

Врачева́ния, всему́дре, немощны́м все́м источи́л еси́, излия́ся бо благода́ть оби́льнейшая во устна́х твои́х чудоде́йственная, е́юже взыва́л еси́: благослове́н Бо́г оте́ц на́ших.

Богоро́дичен: Ны́не вся́ испо́лнишася све́та Боже́ственнаго Тобо́ю, Пречи́стая, Ты́ бо две́рь яви́лася еси́, е́юже ми́ру Бо́г приобщи́ся, просвеща́я ве́рою зову́щия: благослове́н Бо́г оте́ц на́ших.

Пе́снь 8

Ирмо́с: Седмери́цею пе́щь халде́йский мучи́тель богочести́вым неи́стовно разжже́, си́лою же лу́чшею спасе́ны сия́ ви́дев, Творцу́ и Изба́вителю вопия́ше: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Тобо́ю обогати́вшеся Тро́ицы сия́нием, Единосу́щныя и Честны́я, Григо́рие, твое́ ны́не торжество́ соверша́юще, благода́тию чудоде́йственною озари́тися про́сим, вопию́ще Влады́це: де́ти, благослови́те, свяще́нницы, воспо́йте, лю́дие, превозноси́те во вся́ ве́ки.

Я́ко новоявле́нно зерца́ло, прие́м, всебога́те, сия́ния нача́льнаго Божества́, ми́р просвети́л еси́, лучи́ посыла́я све́та песнопе́сненно правосла́вие пою́щим: де́ти, благослови́те, свяще́нницы, воспо́йте, лю́дие, превозноси́те во вся́ ве́ки.

Бо́гом покрыва́емь, благоче́стия вина́, богочести́вым соблю́лся еси́, всему́дре, в горе́ сокрыва́емь, я́ко законополо́жник ины́й Моисе́й, Соде́теля и Изба́вителя пе́ти науча́я: о́троцы, благослови́те, свяще́нницы, воспо́йте, лю́дие, превозноси́те во вся́ ве́ки.

Богоро́дичен: Све́та Незаходи́маго была́ еси́ оби́тель, Пречи́стая, де́вства добро́тами светя́щи и вся́ озаря́ющи, Богоро́дицу Тя́ и́стинную испове́дающия от души́ и вопию́щия: де́ти, благослови́те, свяще́нницы, воспо́йте, лю́дие, превозноси́те во вся́ ве́ки.

Пе́снь 9

Ирмо́с: Ужасе́ся о се́м не́бо, и земли́ удиви́шася концы́, я́ко Бо́г яви́ся челове́ком пло́тски, и чре́во Твое́ бы́сть простра́ннейшее небе́с. Те́м Тя́, Богоро́дицу, А́нгелов и челове́к чинонача́лия велича́ют.

Изя́щнейшаго жи́тельства сия́я све́том, ны́не Све́ту вели́кому предстои́ши богоде́ятельными чудоде́йствы, я́ко победи́тель венча́емь, преподо́бне, о́тче иера́рше, чудотво́рче Григо́рие богому́дре, свети́ло Це́ркве, правосла́вных удобре́ние.

Напра́вити моли́ твои́ми моли́твами церко́вное ны́не свяще́нство, избра́нное и освяще́нное, чудоде́лателю, и ве́рно ны́не па́мять твою́ соверша́ющим получи́ти го́рняго Ца́рства и боже́ственнаго весе́лия сподо́битися умоли́.

Победи́в де́монския прило́ги, и плотско́е покори́в мудрова́ние, и архиере́й незло́бив и преподо́бен бы́в, пра́вды одея́нием облече́н, чудотво́рче, предстои́ши престо́лу все́х Царя́ со дерзнове́нием, всеблаже́нне.

Богоро́дичен: Яви́лася еси́, о Де́во, Ма́ти Бо́жия, па́че естества́ ро́ждши пло́тию Благо́е Сло́во, Его́же Оте́ц от се́рдца Своего́ отры́гну, пре́жде все́х ве́к я́ко Бла́г, Его́же ны́не и теле́с вы́шша разумева́ем, а́ще и в те́ло облече́ся.

Свети́лен.

Чудесы́ возсия́л еси́, чудотво́рче Григо́рие, служи́теля и́дольскаго изба́вил еси́ от тли́ и пре́лести де́монския, ка́мень подви́гнув повеле́нием, е́зеро же изсуши́в, и реку́ уста́вил еси́. Те́мже тя́ вси́ согла́сно похваля́ем, треблаже́нне.

Богоро́дичен: Ра́дуйся, ве́рных похвало́; ра́дуйся, преподо́бных утвержде́ние; ра́дуйся, пра́ведных сла́во; ра́дуйся, све́те су́щих во тме́; ра́дуйся, хра́ме пресвяты́й; ра́дуйся, Бо́жий раю́; ра́дуйся, кля́твы разреше́ние, Благослове́нная Мари́е.