Житие святого Геннадия и икона архиепископа, дни памяти и тексты молитв

О святом Геннадии вспоминают как о сподвижнике и проповеднике Новгородском. Святому, канонизированному для общецерковного почитания, пришлось жить во времена, когда отстаивание интересов, житие по чести и совести оказалось не просто правом, а действом, которое нужно заслужить. Архиепископ не боялся говорить о вере, заявлял о необходимости что-то менять даже тогда, когда это строго каралось.

Поиск молитв на все случаи жизни

Святитель Геннадий Новгородский

Архиепископу Геннадию посвящены церковные службы. Его уважают за то, что все силы он положил на просвещение прихожан. Святитель вел подвижническую деятельность, его перу принадлежат сочинения, которые до сих пор используются во время церковных служб. 

Верующие молятся перед иконой преподобного, которая была написана через некоторое время после кончины. На ней святитель изображен по пояс, руки подняты для совершения креста.

Житие святителя Геннадия Новгородского

Геннадий Гонзовых происходил из боярского рода. С 1470 по 1480 он был архимандритом Чудова монастыря. Зимой 1487 года Геннадий рукоположен в сан архиепископа. Те времена, известные как неспокойные, проходили под властью Ивана Третьего. Правителю того времени важным казалось иметь церковную поддержку. Иван спорил с митрополитом Московским Геронтием.

Но Геннадий, как архиепископ, рукоположенный в сан по всем правилам, был на стороне великого князя.  Из-за того, что занял сторону правителя, Геннадий был брошен Геронтием Московским в ледник. Позднее выпущен был по велению князя. В 1484 году Геннадия назначили новгородским архиепископом для того, чтобы он провел политику относительно Москвы с новгородскими боярами, которые совсем недавно присоединились к стране. Но через некоторое время сам поругался с князем из-за земельных владений церкви.

Позднее присоединился к Иосифу Волоцкому, чтобы вести борьбу с еретиками. Геннадий лично наставал на том, чтобы устроить еретикам позорный въезд в Новгород и присутствовал при этом. По требованию архиепископа, некоторых из них сожгли на Духовском поле, другие были сосланы.

После 1504 года дело еретиков решили окончательно. Сподвижники добились полного осуждения.

Но к тому времени Геннадий вновь заслужил немилость великого князя. Он был сослан. А затем умер в опале.

святой геннадий

Почитание и дни памяти

После смерти мощи Геннадия погребли там же, где лежало тело святителя Алексия до обретения. Зимой 2016 года на Архиерейском Соборе был канонизирован с помощью единогласного решения. Память святителя совершают 10 февраля, а также 26 августа во время Собора Московских святых.

Тропарь святителю Геннадию

Уподобился еси древним отцем,/ святителю отче Геннадие,/ Священныя Книги собрав и еретики посрамив,/ ревность по Бозе показуя, паству оградил еси,/ моли и ныне Христа Бога/ мир Церкви даровати/ и спастися душам нашим.

святой геннадий

Кондак святителю Геннадию

Сло́во да́руй мнѣ́, Спа́се Всеси́льне, воспѣ́ти ди́внаго уго́дника Твоего́, до́брымъ по́двигомъ подвиза́вшагося и вѣнце́мъ побѣ́днымъ ны́нѣ свѣ́тло украше́ннаго.

Ополчи́шася вса́дники, и триста́ты, и все́ во́инство фарао́на мы́сленнаго на Невѣ́сту Христо́ву, гна́въ, пости́же и раздѣли́ достоя́ніе Госпо́дне, я́коже коры́сти, оба́че сло́вомъ твои́мъ, святи́телю Генна́діе, пучи́ною покры́лъ еси́ и́хъ, погрязо́ша во глубинѣ́, я́ко ка́мень.

Тобо́ю, святи́телю, я́ко десни́цею Свое́ю, сте́рлъ еси́ Госпо́дь сопроти́вныхъ, ты́ же ны́нѣ просла́вленъ еси́ въ крѣ́пости, и въ сла́вѣ небе́сной лику́еши, и су́щихъ во обстоя́ніихъ на земли́ призира́еши.

Богоро́диченъ: Иму́щи Тя́, Дѣ́во, ско́рую Засту́пницу и прибѣ́жище немощны́хъ, лука́ваго не устраши́мся, злочести́выхъ шата́нія да избѣ́гнемъ, и небе́сныхъ сокро́вищъ прія́ти вседу́шно упова́емъ.

святой геннадий

Пѣ́снь 3

Ирмо́съ: Лу́къ си́льныхъ изнемо́же, и немощству́ющіи препоя́сашася си́лою, сего́ ра́ди утверди́ся въ Го́сподѣ се́рдце мое́.

Укрѣпи́шася отме́тницы нечести́віи зѣло́ у престо́ловъ церко́вныхъ и въ черто́зѣхъ ца́рскихъ, и въ горды́ни свое́й высо́кая и ху́льная глаго́лаша, ты́ же, святи́телю, сло́вомъ твои́мъ утвержде́ніе во Го́сподѣ вѣ́рнымъ подае́ши.

Изнемо́же лу́къ злонача́льнаго, и ту́лъ льсти́ваго истощи́ся въ коне́цъ, тебе́ же си́лою Госпо́дь препоя́са на врази́ Своя́, даде́ тебѣ́ моля́щуся моли́тву, а́ки о́гнь сопроти́вныя опаля́ющь, и благослови́ лѣ́та пра́веднаго уго́дника Своего́.

Снизше́дшаго съ небесе́ и возше́дшаго воспроповѣ́далъ еси́, о́тче Генна́діе, Иже и́мать суди́ти конце́мъ земны́мъ въ пра́вдѣ, а́ще и невѣ́домъ ча́съ прише́ствія Его́, тѣ́мже и лѣ́тъ на осьму́ю ты́сящу Пасха́лію исчисля́еши, святи́телю, я́ко да не преста́нетъ служе́ніе и́стины до прише́ствія Христо́ва.

Богоро́диченъ: Непло́дствіе духо́вное на́ше разрѣши́, Дѣ́во, и невѣ́дѣнія мра́къ отжени́ отъ серде́цъ страстьми́ обурева́емыхъ, я́ко да принесе́мъ благоче́стія пло́дъ неистлѣ́нный.

[Инъ] конда́къ, гла́съ 2

Ве́лія исправле́нія о церко́внѣмъ благолѣ́піи явля́я, Правосла́вную вѣ́ру [утверди́лъ еси́, святи́телю о́тче Генна́діе, не преста́й моли́тися о на́съ, во Ца́рствіи небе́снѣмъ Безсме́ртныя трапе́зы наслажда́яся].

Сѣда́ленъ, гла́съ 4

Въ не́мощи человѣ́честѣй держа́вствующему поползну́вшуся и ко́зньми льще́нія запя́тому, де́рзость вра́жію до́бльственнѣ отрази́лъ еси́ и царю́ наста́вникъ ко спасе́нію яви́лся еси́, Генна́діе му́дре, и та́ко спасе́ся Ру́сь Свята́я, ски́птромъ и жезло́мъ архіере́йскимъ укрѣпля́ема, тѣ́мже и ны́нѣ о на́съ моли́ся, святи́телю, оставле́ніе на́мъ грѣхо́въ дарова́ти, и мучи́тельства го́рькаго отъ беззако́нныхъ властехи́тителей находя́щаго лю́ди твоя́ ны́нѣ изба́вити.

Сла́ва, сѣда́ленъ му́ченицы. И ны́нѣ, богоро́диченъ его́.

святой геннадий

Пѣ́снь 4

Ирмо́съ: Любве́ ра́ди, Ще́дре, Твоего́ о́браза на Крестѣ́ Твое́мъ ста́лъ еси́, и раста́яшася язы́цы, Ты́ бо еси́, Человѣколю́бче, крѣ́пость моя́ и хвале́ніе.

Отъ ю́га прише́дшаго и отъ Святы́я Дѣ́вы вопло́щшагося Бо́га исповѣ́далъ еси́ предъ вѣ́рными и невѣ́рными, о́вѣхъ у́бо укрѣпля́юще, о́вѣхъ же мече́мъ сло́ва Бо́жія посѣка́юще я́ко къ сме́рти па́дшихъ и болѣ́знующихъ неисцѣ́льнѣ.

На Боже́ственнѣй стра́жи о ста́дѣ ове́цъ Христо́выхъ ста́лъ еси́, до́ндеже нечести́выхъ посрамле́ніе узрѣ́лъ еси́, святи́телю, па́ству твою́ призира́я, принося́ во бра́ни укрѣ́пльшему тя́ Бо́гу хвале́ніе.

Оле лука́вствія нечести́выхъ! Явѣ у́бо благоче́ствующе, та́йнѣ же жидо́вствующе, вся́ку святы́ню церко́вную руга́ніями укоря́юще, слуги́ сотво́ришася де́мономъ, но я́коже во́скъ отъ лица́ огня́, словесы́ твои́ми, о́тче, растаява́хуся.

Богоро́диченъ: Ускори́ на по́мощь лю́тѣ на́мъ и напа́стьми погружа́емымъ, Чи́стая Ма́ти Госпо́дня, нечести́выхъ шата́нія низложи́, пою́щія же Тя́ заступи́.

Пѣ́снь 5

Ирмо́съ: Просвѣще́ніе Твое́, Го́споди, низпосли́ на́мъ и отъ мглы́ прегрѣше́ній разрѣши́ ны, Бла́же, Тво́й ми́ръ да́руяй.

Отъ но́щи у́тренева ду́хъ тво́й ко Го́споду о вѣ́рѣ поруга́емѣй богоху́льствомъ лю́тымъ, тѣ́мже и Писа́ній Боже́ственныхъ по́лный сво́дъ списа́лъ еси́, богому́дре, и́мже вся́ Ру́сь просвѣти́вшеся, благода́рственная тебѣ́ воспѣва́етъ.

Росо́ю слове́съ твои́хъ исцѣле́ніе неду́гующимъ е́ресію и у́мъ ижди́вшимъ подае́ши, святи́телю, земля́ же нечести́выхъ паде́ся, неисповѣ́дующихъ Трисія́тельнаго Богонача́льнаго Свѣ́та и отме́щущихся воплоще́нія Единоро́днаго.

Вои́стину, па́че ме́ртвыхъ воскресе́нія, ве́ліе и пресла́внѣйшее чу́до е́сть, е́же уме́ршему зловѣ́ріемъ ху́льнымъ, па́ки на благоче́стіе преити́ и къ благохвале́нію обрати́тися, о тебѣ́ же, о́тче, сотво́ршемъ пресла́вная возвесели́шася су́щіи на земли́.

Богоро́диченъ: Свѣ́та никто́же у́зритъ, отмета́яйся ико́ны Твоея́ поклоне́нія, че́сти же о́бразу не возда́вый, ка́ко отъ первообра́зныя свѣ́тлости осія́ніе прія́ти возмо́жетъ.

Пѣ́снь 6

Ирмо́съ: Пріидо́хъ во глубины́ морскíя и потопи́ла мя́ е́сть бу́ря мно́гихъ грѣхо́въ: но́ я́ко Бо́гъ изъ глубины́ возведи́ живо́тъ мо́й, Многоми́лостиве.

Глубино́ю зло́бы и пучи́ною хуле́нія поглоще́ну зря́ще Це́рковь Ру́сскую, возопи́лъ еси́ всѣ́мъ се́рдцемъ твои́мъ ко Го́споду, и па́че наде́жды услы́шанъ бы́лъ еси́ о́тче, тѣ́мже и ны́нѣ прибѣга́емъ къ моли́твѣ твое́й.

Низше́лъ еси́ разумѣ́ніемъ твои́мъ до са́мыя бе́здны та́йныхъ начина́ній вра́жескихъ, да изъ истлѣ́нія возведе́ши ду́ши заблу́дшія. Оле неи́стовства богопроти́вныхъ!

Храня́щіи су́етная и ло́жная Ми́лостиваго и Пра́веднаго оста́виша Го́спода, и на чту́щія Того́ все́ю зло́бою язы́ка льсти́ваго вооружи́шася, ты́ же, святи́телю, во гла́сѣ хвале́нія и исповѣ́данія и́стинную же́ртву жря́ще, ко́зни тѣ́хъ до конца́ низложи́лъ еси́.

Богоро́диченъ: Не отврати́ лица́ Твоего́ отъ на́съ, Влады́чице, но при́зри ми́лостивно на согрѣ́шшія лю́ди Твоя́, а́ще бо и па́даемъ мно́жицею лю́тыми грѣхи́, но ми́лости Твоея́ при́сно взыску́емъ и Тебе́, я́ко Богоро́дицу и Засту́пницу те́плую сла́вимъ.

святой геннадий

Конда́къ, гла́съ 4

Яко незло́бивыхъ наста́вника кро́ткаго и лжи́выхъ обличи́теля дерзнове́ннаго Це́рковь почита́етъ тя́, святи́телю Генна́діе, тѣ́мже и вопіе́мъ къ тебѣ́ съ любо́вію: простоты́ на́мъ да́руй ду́хъ и умиле́нія и во исповѣ́даніи пра́вомъ соблюди́ неврежде́нны ду́ши на́ша.

Икосъ

Пріиди́те пра́вды Бо́жія алка́теліе, и небе́сныхъ взыска́теліе, возвесели́мся въ па́мяти предста́теля на́шего крѣ́пкаго Генна́дія, и наказа́нію его́ вне́млемъ: я́ко львы́ рыка́ющи еретицы́, и́щущіе, кого́ поглоти́ти, пе́рвѣе къ неради́вымъ и лѣни́вымъ приража́ются и сокрове́нныя и сту́дныя дѣла́ нераска́янныхъ удо́бь отпуща́ютъ и разрѣша́ютъ, къ себѣ́ же самѣ́мъ тѣ́мъ привязу́юще у́зами грѣхо́вными, тѣ́мже и припаде́мъ къ па́стырю до́брому, я́ко да исхода́таитъ на́мъ отъ Го́спода се́рдце люботру́дное во взыска́ніе небе́сныхъ и во исповѣ́даніи пра́вомъ соблюда́етъ неврежде́нны ду́ши на́ша.

Пѣ́снь 7

Ирмо́съ: Авраа́мстіи иногда́ въ Вавило́нѣ о́троцы пе́щный пла́мень попра́ша, пѣ́сньми взыва́юще: оте́цъ на́шихъ Бо́же, благослове́нъ еси́.

Христоубíйцъ прельще́ніе и неи́стовство во дни́ твоя́ пе́щи о́гненнѣй уподо́бися, ны́нѣ же седмери́цею на Це́рковь твою́ воспламени́ся, ускори́ на́мъ въ по́мощь, святи́телю, да взыва́емъ съ тобо́ю: оте́цъ на́шихъ Бо́же, благослове́нъ еси́.

Яко Даніи́лъ въ ро́вѣ льви́номъ посредѣ́ отсту́пникъ та́йныхъ ходя́ще, тѣ́хъ уста́ лука́выя загради́лъ еси́, о́тче Генна́діе, тѣ́мже ны́нѣ ко свѣ́ту изше́дъ невече́рнему воспѣва́еши: оте́цъ на́шихъ Бо́же, благослове́нъ еси́.

Пла́мень разже́нный безу́мія и буесло́вія человѣ́ча преложи́лъ еси́ на ро́су духо́вную Правосла́вія, и взыва́ти научи́лъ еси́: оте́цъ на́шихъ Бо́же, благослове́нъ еси́.

Богоро́диченъ: Тя́, Пречи́стую Влады́чицу, я́ко ча́яніе проро́къ дре́внихъ испо́лнившую, пѣ́сньми немо́лчными воспѣва́емъ: вои́стину Бо́га пло́тію одѣ́явшая и человѣ́комъ Того́ дарова́вшая, благослове́нна еси́.

святой геннадий

Пѣ́снь 8

Ирмо́съ: Изба́вителю всѣ́хъ Всеси́льне, посредѣ́ пла́мене благоче́ствовавшія, снизше́дъ, ороси́лъ еси́ и научи́лъ еси́ пѣ́ти: вся́ дѣла́, благослови́те, по́йте Го́спода.

Та́темъ и разбо́йникомъ приступи́вшимъ, на нетлѣ́нное бога́тство мы́сленное благоче́стія догма́товъ возбѣси́вшимся преще́ніемъ запрети́лъ еси́, святи́телю, вѣ́рныя же научи́лъ еси́ пѣ́ти: вся́ дѣла́ благослови́те, по́йте Го́спода.

Аще не у́ пріи́де Мессíя и́стинный, всу́е ожида́ете того, врази́ и престу́пницы, во грѣсѣ́хъ свои́хъ пребу́дете, до́ндеже прише́дъ во о́гнь ва́съ отсле́тъ несвѣти́мый, на́мъ же не возбрани́те взыва́ти при́сно: вся́ дѣла́ благослови́те, по́йте Го́спода.

Тро́иченъ: Трисія́етъ свѣ́тлость еди́на: Безнача́льный и Безвино́вный, со предвѣ́чно Рожде́ннымъ, и инообра́зно Исходя́щимъ и Животворя́щимъ вся́ческую тва́рь.

Богоро́диченъ: Принеси́ [моли́твы на́ша Бо́гу], о Блага́я! смоле́бника пріими́ и уго́дника Твоего́ Генна́дія, и́же любо́вію Твое́ю подви́гся, науча́етъ и на́съ благослови́ти и пѣ́ти Тя́ во вся́ вѣ́ки.

Пѣ́снь 9

Ирмо́съ: Ева у́бо неду́гомъ преслуша́нія кля́тву всели́ла е́сть, Ты́ же, Дѣ́во Богоро́дице, прозябе́ніемъ чревоноше́нія мíрови благослове́ніе процвѣла́ еси́. Тѣ́мъ Тя́ вси́ велича́емъ.

Во грѣсѣ́хъ свои́хъ ника́коже да у́мремъ, кля́твы Евины наслѣ́дницы, а́ще вѣ́рою те́плою и усе́рдіемъ вся́ческимъ, Иже отъ тебе́, святи́телю, Проповѣ́даннаго пріи́мемъ, и Тому́ Еди́ному порабо́таимъ, я́ко Изба́вителю и Просвѣти́телю и Помо́щнику крѣ́пку, и Мздовоздая́телю пра́ведному, бе́здну щедро́тъ иму́щему.

Предста́тель те́плый бу́ди о на́съ, Генна́діе, ста́до твое́, отъ волко́въ гу́бящихъ е́, огради́, па́че же сло́вомъ Боже́ственнымъ напита́й ду́ши гла́дныя, да тя́ вси́ велича́емъ.

Тро́иченъ: Иже Божество́ Еди́но вѣ́дѣти мня́щій, Тро́ическаго же богоче́стія отверга́ющійся, не въ небе́сныхъ, но въ преиспо́днѣйшихъ земли́ отца́ себѣ́ обрѣто́ша, и́же ни еди́ну тва́рь сотвори́, ни роди́, то́чію вся́кую лжу́ отъ утро́бы изведе́ своея́ и всыновле́ніе свое́ дарова́ благоволи́вшимъ къ непра́вдѣ.

Богоро́диченъ: Свѣ́томъ Сы́на Твоего́ ду́ши на́ша просвѣти́ и по́мыслы осія́й, Блага́я Влады́чице, да чи́стымъ се́рдцемъ и мы́слію высо́кою Тя́ вси́ велича́емъ.

святой геннадий

Свѣти́ленъ

Дне́сь Вели́кій Но́вегра́де, просвѣти́ся, восплещи́ пѣ́сньми духо́вными въ па́мяти предсѣда́теля твоего́ Генна́дія въ ли́кѣ возсія́вша святи́телей твои́хъ, въ ни́хже тебѣ́ похвала́ и утвержде́ніе.

святой геннадий

На хвали́техъ стихи́ры, гла́съ 4

Хвали́те Го́спода на си́лахъ Его́,* хвали́те во уго́дникѣ Его́ чудеса́ Его́,* ка́ко проти́ву со́нма лука́внующихъ до́брѣ стоя́ше,* я́ко ка́мень морскíй проти́ву во́дъ мно́гихъ,* и на́мъ наслѣ́діе благо́е оста́вилъ е́сть* догма́товъ оте́ческихъ бога́тство многоцѣ́нное* въ просвѣще́ніе и спасе́ніе ду́шъ на́шихъ.

Хвали́те Го́спода во гла́сѣ тру́бнѣмъ,* восхвали́те въ пѣ́снехъ благода́рственныхъ* святи́теля Госпо́дня Генна́дія,* и́же по́лный сво́дъ Писа́ній Боже́ственныхъ* дарова́лъ е́сть въ назида́ніе лю́демъ свои́мъ,* во отгна́ніе клеве́тъ и злохуле́ній ерети́ческихъ,* въ просвѣще́ніе и спасе́ніе ду́шъ на́шихъ.

Хвали́те Го́спода въ тимпа́нѣ и ли́цѣ,* воспо́йте же ны́нѣ и уго́дника Его́,* святи́теля Генна́дія му́драго,* похвалу́ пресвѣ́тлую земли́ Новгоро́дскія* и всея́ Россíи наста́вника и предста́теля,* лю́ди своя́ во благоче́стіи укрѣпля́юща* и ко́зни вра́жескія прозрѣва́ти науча́юща* въ просвѣще́ніе и спасе́ніе ду́шъ на́шихъ.

Хвали́те Го́спода въ кимва́лехъ доброгла́сныхъ* и въ свѣ́тлыя дни́ Пасха́льныя,* егда́ вся́кое дыха́ніе хва́литъ Содѣ́теля,* и уго́дника Его́ Генна́дія помяни́те, лю́діе,* на осьмо́е тысящелѣ́тіе Пасха́лію на́мъ соста́вльшаго,* тѣ́мже и преда́нія о не́й держи́мся крѣ́пко,* и лѣтосчисле́нія церко́внаго,* времена́ и лѣ́та въ Свое́й, а не въ на́шей вла́сти положи́вшаго,* сла́вяще непреста́нно* въ просвѣще́ніе и спасе́ніе ду́шъ на́шихъ.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector