Житие святого Агапита Печерского и икона врача безмездного, тексты молитв

Святой монастырский лекарь Агапит Печерский жил в 11 веке в Киеве. Послушник Киево-Печерской Лавры научился у игумена своего, пресвятого Антония, исцелять людей одними молитвами да варевом из трав. Инок лечил своих братьев по вере и мирян. Денег за исцеление больных никогда не брал. После смерти старец был канонизирован. Святому стали молиться и просить об исцелении от телесных недугов.

Поиск молитв на все случаи жизни

Житие святого Агапита Печерского

В 11 веке в древнем Киеве жил монах, молитвами и лекарственными травами исцелявший разные болезни. Звали его Агапитом. Был он послушником Киево-Печерской Лавры и учеником преподобного Антония, основателя этого монастыря. Агапит лечил монастырскую братию исключительно молитвами и варевом из трав. Слава о враче-иноке распространилась по всей Киевской Руси. Лечиться к Агапиту приходили бедные и богатые, монахи и миряне.

Монастырский врач никому не отказывал. Монах исцелял верующих в Христа Спасителя бесплатно. Лекарь всегда говорил людям, что лечит не человек, а сам Господь. Ведь только Спаситель может даровать христианам исцеление. Существует легенда, что своими молитвами монах вылечил даже Владимира Мономаха.

В одно время с преподобным иноком в Киеве жил врач-армянин. Взглянув на больного, язычник мог поставить диагноз и сказать, когда человек умрет. Однажды врач-армянин лечил киевлянина и предрек ему скорую кончину. Однако больной пришел в монастырь к Агапиту. Монах помолился Господу Богу за его здоровье, дал ему вареные травы, и киевлянин выздоровел. Разумеется, об этом происшествии быстро узнали жители Киева. Репутация врача-армянина была подорвана. Больные приходили лечиться не к нему, а к иноку. Тогда врач-армянин задумал отравить Агапита. Ему это удалось, но принятый монахом яд не подействовал.

После инцидента с врачом-армянином Агапит прожил еще несколько лет. Монах молился Богу и своими молитвами исцелял больных. Дожил он до глубокой старости. Перед смертью больного инока проведал врач-армянин. Он сказал, что Агапит проживет не больше трех дней и добавил, что если его прогнозы не оправдаются, то он сам пострижется в монахи. Старец умер только через три месяца.

Смерть преподобного наступила 1 июня 1095 года. Похоронили монаха на территории Киево-Печерской Лавры (в пресвятых Ближних пещерах). Врач-армянин, как и обещал, постригся в иноки, ведь его предсказание о быстрой кончине старца не сбылось.

Почитание безмездного врача в православии

После смерти Агапита верующие в молитвах вспоминали имя старца и просили монаха о спасении души и исцелении различных недугов. В 13 веке инока канонизировали в лике преподобных Киево-Печерской Лавры. В 18 столетии имя монаха включили в список православных святых. В честь преподобного старца в день его памяти (1 (14) июня и 28 сентября (11 октября)) в церкви проводили праздничное богослужение. Во славу монаха был освящен один из храмов Донецка.

святой агапит печерский

В настоящее время имя Агапита не числится в списке православных святых. Однако преподобного инока часто вспоминают верующие в своих молитвах.

О чем просят у святого Агапита

Монастырский врач-инок при жизни лечил больных людей от различных болезней. Верующие стали вспоминать монаха в своих молитвах и после его смерти. Христиане молились святому старцу и многие из них становились здоровыми. С тех пор в Киевской Руси повелось в молитвах просить преподобного инока об исцелении. Святого монаха молят о заступничестве перед Господом. Христиане просят, чтобы преподобный инок помолился за них Спасителю и испросил у Бога для них прощения за грехи.

Список болезней, которые исцеляют молитвы к Агапиту Печерскому:

  • онкология;
  • желчекаменная болезнь;
  • слепота;
  • психические расстройства.

Молитвы к святому старцу помогают получить выздоровление даже в самых запущенных случаях. Молиться монастырскому лекарю можно дома, перед святейшей иконой или в Киево-Печерской Лавре, около мощей праведника. Больным людям перед молитвой к преподобному иноку нужно исповедаться в церкви и обязательно причаститься.

Иконография

Иконописцы увековечили образ Агапита, инока Киево-Печерской Лавры, на иконах. Святого изображают в виде седоволосого старца с длинной бородой в одежде схимника. В одной руке монах держит кувшин с лечебными травами, в другой — ложечку или свиток с заповедями Божьими. Святейшего инока изображают по пояс или в полный рост. На некоторых иконах имеется обрамление в виде клейм из жизни преподобного монаха.

Помолиться можно не только святейшему образу инока, но и мощам. Святые останки старца находятся в Ближних пещерах Киево-Печерской Лавры. Там мощи лежат в саркофаге со стеклянной крышкой. Когда-то место упокоения монаха посетил Билл Клинтон, 42 президент США. В праздничные дни гробницу с останками старца переносят в церковь Введения во храм Пресвятой Богородицы, чтобы паломники смогли помолиться святыне.

святой агапит печерский

Православные тексты

Верующие обращаются к пресвятому целителю словами специально сочиненной молитвы. Преподобного старца прославляют в тропаре, каноне, акафисте и кондаках, написанных в его честь и во славу Спасителя.

Тропарь

В тропаре говорится как Агапит, подражая игумену Антонию, стал молитвами и травами исцелять людей. Благодаря ему ранее неверующий в Бога врач-армянин впоследствии получил спасение, уверовав в Господа. Христиане молят старца исцелить болезни и помолиться за них Христу Спасителю.

Тропарь преподобному Агапиту Печерскому, врачу безмездному, глас 5

Богоно́снаго Анто́ния ревну́я смиренному́дрию,/ а́ки не́киим врачество́м зе́лием сне́дным/ исцеля́л еси́ боля́щия, преподо́бне Агапи́те,/ тем и врача́ неве́рна уве́рив,/ наста́вил еси́ на путь спасе́ния./ Уврачу́й и на́ша боле́зни// и моли́ся Го́сподеви о воспева́ющих тя.

Перевод: Подражая смиренномудрию Богоносного Антония, как неким лекарством съедобной травой исцелял болеющих, преподобный Агапит, этим и неверующего врача, заставив уверовать, направил ты на путь спасения. Исцели и наши болезни и молись Господу о прославляющих тебя.

Кондак

В кондаке говорится о том, каким особенным врачом был преподобный инок. Святейший старец верил в Господа всей душой, за что получил дар исцеления. Монах на собственном примере доказал могущество Господа и привел врача-армянина в лоно церкви.

Кондак преподобному Агапиту Печерскому, врачу безмездному, глас 6

Врач сый изря́ден, чу́дне,/ явля́я несумне́нную твою́ ве́ру,/ облича́я же армени́ново неве́рие/ и приводя́ его́ к благоче́стию,/ себе́, близ сме́рти бы́вшу,/ испроси́л еси́ от Бо́га продолже́ние живота́/ и, сим чу́дом того́ уве́рив,/ приве́л еси́ Христо́ви,/ Ему́же в весе́лии предстоя́,// моли́ся о нас, преподо́бне.

Перевод: Ты был особенным врачом, удивительный, являя искреннюю твою веру, обличая же неверие армянина и приводя его к благочестию, будучи на грани смерти, ты испросил себе от Бога продолжение жизни и, этим чудом заставив его (армянина) уверовать, привел его ко Христу. Ему же в радости предстоя, молись о нас, преподобный.

святой агапит печерский

Акафист

В акафисте вспоминается славная жизнь Агапита, врача Печерского, прославляются деяния во имя Господа и во благо верующих. Христиане произносят слова радости в адрес преподобного старца. Верующие просят инока исцелить недуги, заступиться перед Господом, даровать спасение раскаявшейся в прегрешениях душе.

Акафист преподобному Агапиту, врачу Печерскому

Кондак 1

Избранный учениче великаго учителя преподобнаго и богоноснаго отца нашего Антония дивный подражателю жития его святаго, святче отче Агапите, песнью восхвалим тя с любовию заступника нашего; ты же, яко имеяй дерзновение ко Господу, молися выну о спасении нас грешных, от всяких бед избавляя зовущих ти:

Радуйся, Агапите, душевных и телесных недугов скорый целителю.

Икос 1

Ангелов любезную чистоту от юности твоея возлюбил, блаженне Агапите, к добродетелей подвижнику, преподобному Антонию притекл еси, и от него во иночество облеченный, подражатель ревностный подвигов его был еси; темже славим тя воззвании сими:

Радуйся, богоноснаго Антония добродетелей и даров наследниче.

Радуйся, на высоту совершенства духовнаго возшедый.

Радуйся, молитвами усердными дар врачевания и чудотворения от Господа получивый.

Радуйся, из глубины души воздыханиями чистоту душевную стяжавый.

Радуйся, Агапите, душевных и телесных недугов скорый целителю.

Кондак 2

Видев Всевидец Господь благое души твоея изволение, блаженне Агапите, еже поработати Ему безленостно, внуши преподобному Антонию благословити тя на жестокое и острое в пещернем затворе житие. Ты же благословение святое с верою прием, в пещере покой вечный обрел еси Единому Богу работая в пениих, бдениих и пощениих немолчно воспевая Ему: Аллилуиа.

святой агапит печерский

Икос 2

Разумев преподобный Антоний произволение Божие возсияти в сем иноце вельми благоугодным начинаниям и душевноспасительным намерениям, изобильно насытил духовною сладостию и в добродетелех укрепил есть, чесо ради вопием ему таковая:

Радуйся, преподобнаго Антония нравы себе усвоивый.

Радуйся, тою житию усердно поревновавый.

Радуйся, сыновью любовь к нему стяжавый.

Радуйся, и от него зело возлюбленный.

Радуйся, самовидче его подвигов.

Радуйся, во врачевании недугов ему споспешествующий.

Радуйся, Агапите, душевных и телесных недугов скорый целителю.

Кондак 3

Силою Божиею укрепляемый, святе Агапите, великия иноческия труды подъял еси, да благословит дело рук твоих во славу имени Его святаго на спасение и врачевание всех с верою и надеждою к тебе притекающих и неленостно возносящих песнь Пресвятей Троице: Аллилуиа.

Икос 3

Имея помысел чист и непорочну совесть и памятуя рекшаго: «Болен бе и посетите Мене: понеже сотвористе единому от сих братий Моих меньших — Мне сотвористе…» недугующих иноков под свой покров отечески приемля, якоже родители чада своя, утешал еси, отраду своим попечением подающе, и отеческою ласкою тяжесть болезни облегчающе, молитвою с одра болезни воздвигал еси. Сего ради приими от нас богохваления таковая:

Радуйся, в добродетелех богоискусный подвижниче.

Радуйся, во Христе всю братию монашескую возлюбивый.

Радуйся, недужных иноков смиренный и неусыпный служителю.

Радуйся, за подвиги временнаго жития покой вечный обретший.

Радуйся, Агапите, душевных и телесных недугов скорый целителю.

святой агапит печерский

Кондак 4

Бурю многомятежнаго житейскаго моря безбедно прошел еси блаженне, и в пристань безстрастия достигл еси, окормляем заповедями Христа Бога яже быша светильник ногама твоима и свет стезям твоим. Темже ныне в горних обителех водворяешися, сладце поя Триединому Богу: Аллилуиа.

Икос 4

Слышавше мысли о благоугоднем житии твоем, блаженне Aгапите, прихождаху к тебе: ови послушати поучений твоих, ови исцелений от различных недугов прияти, ихже ты с отеческою любовию приемля, руководствовал еси ко спасению, отгоняя всяк недуг и всяку немощь. Сего ради мы прибегаем к тебе, великому помощнику и целителю, славяще тя сице:

Радуйся, безмолвия любителю, обитель подвиги своими украсивый.

Радуйся, спасения многих душ человеческих виновниче.

Радуйся, болезнующих грехми врачу благоискусный.

Радуйся, воине Христов, полки невидимых врагов победивый.

Радуйся, ближняя твоя искренне возлюбивый.

Радуйся, спасению их душевному и исцелению телесному усердно послуживый.

Радуйся, Агапите, душевных и телесных недугов скорый целителю.

Кондак 5

Боготечное светило быв угодник Божий, всех к Солнцу Правды — Христу путеводил еси примером жития твоего святаго; иже все бысть посвящено на служие Богу и ближним твоим: нищая и убогая милостиво питал еси. Темже блаженство милостивых унаследовал еси, и со святыми поеши вечно хвалебную песнь: Аллилуиа.

Икос 5

Видим тя, блаженне отче Агапите, достигшаго в меру мужа совершенна о Христе и преисполненна дарований Божественных в Евангелии Христове обетованных верным последователем Бога Слова. Темже, чудящеся твоим подвигом, поем ти хвалебно:

Радуйся, в глубине сердца бисер драгий Господа Иисуса Христа обретый.

Радуйся, имя Его Божественное, во устех и в сердце своем выну имевый.

Радуйся, на земле алкавый и жаждавый, ныне же нетленныя пищи на небеси насыщаяйся.

Радуйся, нищету хранивый, нищих от глада избавляяй.

Радуйся, иго Христово благое и легкое искренне возлюбивый.

Радуйся, Агапите, душевных и телесных недугов скорый целителю.

святой агапит печерский

Кондак 6

Проповедник быв житием твоих Евангельских добродетелей, отче блаженне, плоть твою постом и молитвою поработил еси, и во славу Божию пожил еси; лучами своих подвигов всезлобнаго врага армянина нечестиваго, завистию и гневом палимаго, и своими злостными ухищрениями веселящагося, не токмо посрамил еси, но и к свету Христовой истины привел еси, поучая за все благодарити и славословити Господа, поя Ему: Аллилуиа.

Икос 6

Возсияв в пещере святыя обители сия, яко богоносное светило, блаженный Агапите, светом добрых дел и врачеваний, умилил еси души и сердца человеков, а нечестиваго врача и завистника и его безстудное безумие посрамил еси. Тем убо святому и блаженному угоднику сему умильно зовем:

Радуйся, врачевание нечестиваго армянина посрамивый.

Радуйся, обреченнаго на смерть тем же армянином недугующаго со одра болезни воздвигнувый.

Радуйся, осужденнаго на смерть и напоеннаго смертным ядом, чудесно исцеливый и от смерти избавивый.

Радуйся, испивый смертный яд от врага, и по слову Господню: «Аще что и смертное испиют, не повредит им» — живот невредимый сохранивый.

Радуйся, злобу и коварство врагов своих посрамивый.

Радуйся, Агапите, душевных и телесных недугов скорый целителю.

Кондак 7

Хотение единое имел еси, блаженне отче, еже Богу угождати и спасению душевному и здравию телесному ближних твоих благочестно служити, темже келлия твоя пещерная бысть врачебница благоотишная всякому человеку — нищему и богатому, князю и убогому. Ты же единое в сердце имея: «Всем вся бысть», врачевал не взирая на лица, призывая вкупе с сердцем и усты немолчно возглашати Богу: Аллилуиа.

святой агапит печерский

Икос 7

Новаго тя чудотворца великаго познаша славный князь Владимир Мономах, на одре болезни возлежащ, пребывая при кончине своей, слезно молил еси блаженнаго Агапита притекти и исцелити его, но той, монашеский обет соблюдая, николиже стен обители оставляти посла зелие от трапезы своея, и князь вкусив ею, здрав восташа. Таковой силе твоего чудотворения и нелицеприятия дивящеся, вопием ти хвалебно:

Радуйся, крине пещернаго прозябения.

Радуйся, мира Христова благоухание.

Радуйся, не скрывый талант врачевания, тебе Домовладыкою врученный.

Радуйся, ради сильных мира сего обета иноческаго не нарушивый.

Радуйся, славы ради высшего звания славу человечскую ни во чтоже вменивый.

Радуйся, Великаго князя Владимира Мономаха с одра смертнаго недуга былием, тобою благословенным и молитвою подъял еси.

Радуйся, Агапите, душевных и телесных недугов скорый целителю.

Кондак 8

Странника и пришельца в мире сем помышлял еси себе быти, Агапите блаженне, темже о богатстве земнем всякое попечение отложил еси. Всякое стяжание суетное возбраняя, приходящих к нему разделяти достояние свое с нищей братией, и в их лице самому Христу служити поучал еси, немолчно воспевая хвалебную песнь: Аллилуиа.

Икос 8

Весь в Бозе быв, отче блаженне, о Бозе и угождении Ему присно призывал еси, умоляя ничтоже предпочитати паче любве Христовы и памятуя реченное Христом: «Не собирайте себе сокровища, идеже моль и ржа истребляют, а собирайте себе сокровища на небеси», не пожелал ради благ временных лишитися благ вечных, отвергал еси вся дары тебе князем приносимыя, поучая роздати их нищей братии и убогим. Тем же и мы таковое твое нищелюбие восхваляя зовем ти сице:

Радуйся, нищету паче богатства возлюбивый.

Радуйся, мзду за свое врачевание отвергая и раздати ю нищим и убогим повелевая.

Радуйся, блаженство нищих унаследовавый.

Радуйся, последния укрухи хлеба твоего с неимущими разделяти поучавый.

Радуйся, любовь к Богу любовию к ближним своим свидетельствовавый.

Радуйся, похвалами молитвенными до днесь в обители Киево-Печерской Лавры зело почитаемый.

Радуйся, Агапите, душевных и телесных недугов скорый целителю.

святой агапит печерский

Кондак 9

Всем приходившим в обитель молитв и врачевания ради, блаженне отче, дивно бысть видети тебе, нищетно в келлии твоей пребывающаго, обаче ты всех равною любовию принимал еси, коемуждо слово душевное или исцеление сотворял еси, научая всех пети виновнику всех Богу: Аллилуиа.

Икос 9

Витии многовещаннии не возмогут достойно воспети подвиги чудотворений твоих, блаженне Агапите, мы же таковым подвигом дивящеся, дерзаем венчати тебе, аще и недостойнии, похвалами таковыми:

Радуйся, на скрижалях сердца твоею Закон Христов написавый.

Радуйся, от глубины сердечныя, добрая и душевноспасительная наставления человеком износивый.

Радуйся, пещерный гражданине, грады и веси наполнивый славою твоих чудотворений.

Радуйся, Богом возлюбленный и ближними твоими благословляемый.

Радуйся, образ совершенства о Христе в себе явивый.

Радуйся, иго Христово благое и легкое искренне возлюбивый.

Радуйся, Aгапите, душевных и телесных недугов скорый целителю.

Кондак 10

Спасения надежу стяжал еси при исходе твоем, блаженне отче Агапите, и яко пшеница зрелая во время пожатия, кончиною благою преселился еси в день, тебе заранее предуказанный Господом, во обители горняя, прияти мзду от руки праведнаго Мздовоздаятеля Христа, иже вчини душу твою со духи святых, немолчно возглашающих пред престолом славы Его победную песнь: Аллилуиа.

Икос 10

Царя Небеснаго Христа верный раб и последователь был еси, отче Агапите, темже по неложному Его глаголу: «Идеже есмь Аз, ту и слуга Мой будет», мы чтуще тя, сердцем несумненно, яко ты со Христом во обителех блаженства вечнаго водворяешися и радости нетленныя наслаждаешися, яко истинный Того угодник: от нас же слышиши благохваления сия:

Радуйся, предсказания нечестиваго армянина о твоей смерти посрамивый.

Радуйся, о дне твоей блаженной кончины oт Господа возвещенный.

Радуйся, душу твою в руце Господа радостно предавый.

Радуйся, откровенным лицем славу Трисиянного Божества созерцавый.

Радуйся, телом смертным в обители погребенный.

Радуйся, душею безсмертною к Сиону горнему воспаривый.

Радуйся, Агапите, душевных и телесных недугов скорый целителю.

святой агапит печерский

Кондак 11

Пение Пресвятей Богородице приносиши, блаженне отче наш Агапите, и об обители нашей святей и подвизающихся в ней, и о всех с любовию к тебе притекающих присно ходатайствуеши, прося мира свыше и благопоспешения всем возносящим достодолжная похвалы Триединому Богу, воспевая Ему: Аллилуиа.

Икос 11

Светильника тя добрых дел, блаженне отче, исповедуем быти и прославляем прославльшаго тя Господа, иже чудесы многими мощи твоя ознаменована: струй бо исцелений благодатных источаеши от них недужным, и подвизаеши верныя вопити тебе:

Радуйся, земный ангеле и небесный человечe.

Радуйся, безмезднаго врачевания источниче.

Радуйся, мира многоцелебнаго преисполненный фиале.

Радуйся, от раки твоея святыя исцеления обильно пoдаваяй.

Радуйся, скорбящих утешителю.

Радуйся, унывающих ободрителю.

Радуйся, Агапите, душевных и телесных недугов скорый целителю.

Кондак 12

Благодать Господню испроси нам, отче Агапите, почитающим с любовию святую память твою и усердно притекающим к честней раце мощей твоих, от неяже чудесныя исцеления подаеши недужным. Темже тебе, чудотворения даром от Бога прославленному, прилежно молимся: исцели наша недуги душевныя и телесныя и помози нам предстательством твоим спасение вечное получити, да вкупе тобою воспоем Дивному во святых Своих Богу: Аллилуиа.

святой агапит печерский

Икос 12

Поюще подвиги твоя, блаженне отче, ублажаем равноангельское житие твое, дивимся чудотворениям твоим, молитвенно почитаем святую память твою, и припадающе к раце мощей твоих, умильно взываем:

Радуйся, Пресвятыя Богородицы достойный предстателю.

Радуйся, пещерожителей славо и похвало.

Радуйся, святыя обители сея, вкупе с Антонием и Феодосием присное охранение.

Радуйся, подвизающихся в ней благонадежное заступление.

Радуйся, приходящих в ню на поклонение благий предстателю.

Радуйся, почитающих память твою небесный покровителю.

Радуйся, Агапите, душевных и телесных недугов скорый целителю.

Кондак 13

О преблаженне отче Агапите! Ты горе на небеси, мы же долу на земли, удаленныя от тебе не толико местом, колико греховною нечистотою нашею, обаче дерзаем приносити тебе сие малое похвальное пение, еже милостивно прием, моли Господа и Владыку нашего избавити нас погибели вечныя и сподобити блаженства святых, вопиющих Ему хвалебную песнь: Аллилуиа.

(Этот кондак читается трижды, затем икос 1 и кондак 1)

Канон

Словами канона верующие прославляют преподобного инока, верой и правдой служившего Господу, лечившего людей от всяких хворей. Христиане молятся святейшему старцу и просят об исцелении тела и души, ходатайстве перед Спасителем.

Канон преподобному Агапиту Печерскому

святой агапит печерский

Песнь 1

Ирмос: Яко по суху, пешешествовав Израиль по бездне стопами, гонителя фараона видя потопляема, Богу победную песнь поим, вопияше.

Яко немаго древле прикосновением устроил еси право глаголати, сице и мне, Христе, мой язык разреши, ум отверзи, да принесу в память угодника Твоего хваление, любовию поя.

Не могу воспети ясно благодати твоея, преподобне, аще не ты молитвами твоими подаси мне помощь, да прославлю Владыку, давшаго тебе благодать исцелений, во хвалении поя.

По предуведению воззван был еси, святе, вслед Владыки своего шествовати и, Тому последуя, вся красная мира оставль, любовию пришел еси к великому Антонию и с ним пожил еси, непрестанное хваление Богу поя.

Земному Ангелу и Небесному человеку последуя, и сам ангельское житие стяжал еси, отче преподобне. Тем твоя исправления почитаем и прославляем всех Владыку, о тебе песнь Ему поюще.

Богородичен: От земных и Небесных сил славимая, Приснодево, в днешний день хваление Тебе дерзающих приносити, от всех прилогов сохраняй, да выну Тя воспоем, Обрадованная.

Песнь 3

Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Во многих летех множайшия прошел еси труды, Агапите, подвизался во бдении и пощении, дондеже единонравен показался еси наставнику своему и от него утвердился еси на камени твердаго жития.

Ничтоже ино, токмо нищету имея, обнищавшему нас ради Христу последовал еси, отче, и, Того заповеди храня, служил еси больным, посещая, и упокоевая, и здравие тем молитвою своею подавая.

С преподобным жительствуя, стяжал еси преподобство, достохвальне Агапите, и исцеления даров сподобился еси, яко молитвою и зелием снедным здравие подавал еси болящим, темже и врач нареклся еси безмездный.

Прославил еси Бога во удесех твоих, преподобне, темже и Бог тя прослави благодатию исцеления, имже и наша недуги уврачуй душевныя и телесныя, да утвердимся на камени исповедания Божия.

Богородичен: Израстившая животное древо, Того плодом нас, умерщвленных грехами, оживи и даруй нам, Мати Чистая, крепкое благости Твоея исповедание.

святой агапит печерский

Седален, глас 4

Яко туне приемый от Бога дар исцеления, страждущим исцеление туне подаеши, с верою к тебе притекающим. Темже и мы, кланяющеся раце мощей твоих, отче преподобне, просим прияти от тебе недугом нашим исцеление.

Песнь 4

Ирмос: Христос моя сила, Бог и Господь, честная Церковь боголепно поет, взывающи, от смысла чиста о Господе празднующи.

Буия мира сего Христос избра, да премудрыя посрамит, еже и на тебе сбыстся, отче всеблаженне: благодатию бо, а не хитростию премудраго посрамил еси врача. Тем тя славим, о Господе празднующе.

Прельстися, иже первее больных прельщаше, извещая им день и час смерти, емуже ты поносив, преподобне, болящаго исцелил еси молитвою и зелием снедным, рек: даждь славу Богу, имущему ключ живота и смерти.

Зависти стрелою злочестивый арменин уязвен, поношаше ти, святе, и, послав на смерть осужденнаго, повеле пред тобою умертвити былием смертоносным. Но ты сего молитвою и зелием исцелив, посрамил еси еретика, хотящаго тя посрамити.

Претыкающемуся данная ти благодать бысть падение, преблаженне, наипаче бо на тя вооружився, злочестивый арменин наусти дати тебе отраву, но ты, и смертно испив, невредимь был еси, яко Божия благодать сохрани тя к большему чудодействию.

Богородичен: Радуйся, сосуде, носивший миро, исцелившее род человеческий, ядом мя греховным умерщвленна оживи, да прочее время цел поживу, Тя, Дево, восхваляя.

Песнь 5

Ирмос: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.

От Бога благодать исцеления приемь, исцелил еси князя, иже аще и врачуемь бе от арменина, но не получаше отрады, твоего же зелия вкусив, от недуга избавися.

Зрите, иночествующии, и добродетельному терпению Богоноснаго отца почудитеся, како со отречением мира воли своея отречеся и не изыде никогдаже вне врат монастырских, еже видяще, сему поревнуйте.

Едину любовь ко всем имея, а не на лице зря, аще князь, аще прост к тебе прихождаше, преподобне, всем приходящим подавал еси исцеление туне, единаго ища возмездия от Бога.

Приемь князь тобою исцеление, всеблаженне, уразуме, яко истинен раб Божий еси, и видети тя желаше, темже прииде к тебе с дары. Ты же, Единаго имея Бога, ничтоже от тех даров восхотел еси прияти.

Богородичен: Хвалим Тя, Пречистая Дево, яко отверзаеши нам двери милости Твоея и подаеши всем независтный источник исцеления, от яда греховнаго избавляющий.

святой агапит печерский

Песнь 6

Ирмос: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Вся тленная мира сего оставив, принесенное злато извергл еси, блаженне, пред враты келлии своея, извергая вкупе любоименнаго врага и стирая душегубную того главу.

Един бисер стяжав многоценный — Иисуса, вся во уметы вменил еси, святе, и тем купил еси себе селение в Небесных, еже и мы получити молимся твоими, отче, молитвами.

Многими леты постяся, изнемогл еси телом, преподобне, но духом пребыл еси крепок, аки столп, вся наносимая терпя и благодаря Бога, к Нему взывал еси: возведи от тли живот мой, Многомилостиве.

Телом болезнуя, духом брался еси с злочестивым арменином, иже по триех днех смерть тебе провозвещаше, сего ты, блаженне, одолел еси, по триех месяцех отшествие свое к Богу возвещая.

Богородичен: К Твоему пристанищу прибегаем, Богоневестная Дево, носими житейских страстей волнами, яже Ты укроти, да воспоем Тебе: радуйся, пристанище житейских плаваний.

Кондак, глас 6

Врач сый изряден, чудне, являя несумненную твою веру, обличая же армениново неверие и приводя его к благочестию, себе, близ смерти бывшу, испросил еси от Бога продолжение живота и, сим чудом того уверив, привел еси Христови, Емуже в веселии предстоя, молися о нас, преподобне.

святой агапит печерский

Песнь 7

Ирмос: Росодательну убо пещь содела Ангел преподобным отроком, халдеи же опаляющее веление Божие мучителя увеща вопити: благословен еси, Боже отец наших.

Дарование имый свыше недуги исцеляти, преподобне, боляща мя небрежением благих деяний уврачуй, якоже иногда принесеннаго в недузе уврачевал еси, молитвою подав тому здравие и воспев: благословен Бог отец наших.

Чудодействуя святыми, твари Создатель внезапу постави тя здрава пред злочестивым, иже видев, удивися скорому твоему от болезни в здравие пременению. Мучима мя язвами студных дел, во изменение исправления приведи твоим, отче, свыше посещением, да пою: благословен Бог отец наших.

Болезнь твоя и зелие снедно принуди исповести врача свое злочестие, егоже укорил еси, яко дерзну осязати святую твою руку; се дерзаю и аз к тебе, отче, приступити, но молю тя: не отрини мя в нуждах моих, да пою: благословен Бог отец наших.

Трудов своих собрав плоды с веселием, аки добр земледелец, блаженною кончиною отшел еси к Горним прияти от Христа Бога даяние и приял еси от Него некончаемую радость, многочудне Агапите.

Богородичен: Во Твое чрево, Пренепорочная Дево, всельшееся Слово род человеческий в Небесных дворех всели. Умоли Того от тления мя сея жизни преселити, идеже потоком сладости питаются святии.

Песнь 8

Ирмос: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.

Врач был еси, отче предивен, телесныя болезни врачуя, в жизни сей живый телом, по кончине же твоей душевное врачевство подавая, якоже сие на арменине явил еси, души того дав цельбу и ко благочестию наказание.

Видев тя, святе, арменин в видении чудном, исповеда ясно, яко свят еси и преподобен, и в веру из неверия преложся, бысть инок твоим направлением, егоже и нас не лиши, поющих Господа во веки.

Многое имый дарование, чудодействовал еси, исцеляя болящих, ныне же, сподобивыйся больших дарований, приложи пластырь на раны души моея, да, получив ослабу, превозношу Господа во веки.

Из пламеновиднаго света святым струи благодати подаяй, Христе Боже, палящия мя страсти угаси щедрот Твоих росою, разгоняя тьму страстей. Се бо преподобный молит с нами Тебе, Господа, превозносимаго от всех во веки.

Богородичен: Просветившая мир пречистым рождеством Твоим, мрак злодеяния моего разжени, изливая мне на благотворение щедрот Твоих богатую милость, да превозношу Тя, Матерь Божию, во веки.

святой агапит печерский

Песнь 9

Ирмос: Бога человеком невозможно видети, на Негоже не смеют чини Ангельстии взирати; Тобою бо, Всечистая, явися человеком Слово воплощенно, Егоже величающе, с Небесными вои Тя ублажаем.

Богодаронаннаго целебника людие имуще, никтоже да грядет к суетным врачем, иже имение и здравие вреждают, но требуяй с верою да грядет к раце Богоноснаго отца и туне приимет исцеление.

Мысленныя ураниша ны разбойницы ныне, неисцельныя убо имуще язвы, несумненно к многочудесней припадаем раце твоей, преподобне, и просим: подаждь цельбу требующим, да вси тя хвалим и величаем.

В Горняя душею возшед, во всесветящияся чертоги, оставил еси, преблаженне, раку мощей своих в пещере; имже покланяющеся, просим: подаждь недугом нашим исцеление, да тя песньми величаем.

Помощи от тебе в немощех просящих не презри, но посещением твоим даждь душевное вкупе и телесное исцеление, преблаженне Агапите, яко сый врач преизящный, да выну тя величаем.

Богородичен: Помощи от Тебе требующих не презри, Дево, но подавай с верою к Тебе притекающим: Ты бо еси источник цельбам неоскуден, да Тя с Небесными силами присно величаем.

Светилен

Тленная мира оставив и нетленная сподобився прияти, потщался еси хуждшая на лучшая пременити, обнищав любоимением страстным, но обогатився дарованием исцелений, и нам сия подай, днесь память твою почитающим, всеблаженне Агапите.

святой агапит печерский

Молитва преподобному Агапиту Печерскому, врачу безмездному

О, всеблаже́нне Агапи́те, земны́й А́нгеле и Небе́сный челове́че! Припа́даем к тебе́ с ве́рою и любо́вию и мо́лим ти ся приле́жно: яви́ нам смире́нным и гре́шным свято́е свое́ заступле́ние; се бо грех ра́ди на́ших не и́мамы свобо́дны чад Бо́жиих проси́ти о потре́бах на́ших Го́спода и Влады́ку на́шего, но тебе́, моли́твенника благоприя́тнаго, к Нему́ предлага́ем и про́сим тя со усе́рдием мно́гим: испроси́ нам от бла́гости Его́ благопотре́бная дары́ душа́м и телесе́м на́шим, ве́ру пра́ву, любо́вь ко всем нелицеме́рну, в злострада́ниих терпе́ние, тя́жкими боле́знями одержи́мым — от неду́гов исцеле́ние, под бре́менем скорбе́й и напа́стей неудобоноси́мых падаю́щих и жития́ своего́ отча́явшихся твои́ми моли́твами получи́ти ско́рое облегче́ние и избавле́ние. Не забу́ди, блаже́нне о́тче, и оби́тель сию́ святу́ю, при́сно тя чту́щую, но соблюди́ ю́ и всех живу́щих и подвиза́ющихся в ней и на поклоне́ние в ню приходя́щих невреди́мыми от искуше́ний диа́вольских и вся́каго зла. Егда́ же приспе́ет на́ше от вре́меннаго сего́ жития́ отше́ствие, и к ве́чности преселе́ние, не лиши́ нас по́мощи твоея́ Небе́сныя, но моли́твами твои́ми всех нас приведи́ в приста́нище спасе́ния и насле́дники яви́ нас бы́ти всесве́тлаго Ца́рствия Христо́ва, да пое́м и сла́вим неизрече́нныя щедро́ты Человеколю́бца Бо́га Отца́ и Сы́на и Свята́го Ду́ха и твое́ вку́пе с преподо́бными Анто́нием и Феодо́сием оте́ческое зaступле́ние во ве́ки веко́в. Ами́нь.

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector