Житие Романа Сладкопевца, день памяти, в чем помогает икона, тексты молитв

Информации о жизни преподобного Романа Сладкопевца в церковной литературе осталось не так много. Этот святой жил в V-VI веках нашей эры и считался одним из главных гимнографов византийского мира. Он сам писал тексты и музыку для церковных песнопений, многие из которых дошли до наших дней. Роман Сладкопевец родился в семье евреев, которые приняли христианство, и с ранних лет изучал Святое Писание.

Краткое жизнеописание святого

Преподобный родился в Эмессе Сирийской в конце V века. Дату смерти святого точно назвать невозможно, однако историки православной церкви склонны полагать, что это произошло в период между 560 и 562 годом. Судя по текстам его трудов, он получил полное классическое образование. Существует также предположение, что он обучался медицине.

После завершения обучения Роман Сладкопевец отправился на службу дьяконом в Бейрут, в Воскресенский храм. Во времена правления императора Анастасия Дикора святой стал клириком в Константинопольском храме Святой Софии. Известен один интересный факт из жизни преподобного, который повлиял на его судьбу и служение Богу. Патриарх весьма благосклонно относился к молодому служителю и выделял его среди других клириков, что не могло не раздражать последних. В один из дней, когда проводилось богослужение, они вытолкнули юношу на амвон и заставили петь гимны. Поскольку Роман не обладал красивым и сильным голосом, он привселюдно опозорился.

Придя домой, Роман упал на колени и произнес горячую молитву иконе Божьей Матери. В этот момент ему явилась Дева Мария, протянула бумажный свиток и заставила его съесть. Утверждают, что именно после этого у святого появился красивый голос и дар к сочинительству церковных гимнов.

Уже на следующий день преподобный пришел в храм и попросил, чтобы ему разрешили исполнить гимн собственного сочинения. В церкви в тот момент находился сам император и патриарх, которых покорил дивный голос молодого певчего. За его голос в народе ему дали прозвище Сладкопевец. Все житие преподобного было связано со служением прославления Господа.

Значение для православия

Св. Роман Сладкопевец внес неоценимый вклад в развитие церковного псалмопения. Он был учителем пения в Константинополе и поднял православные богослужения на новый качественный уровень.

роман сладкопевец

Творческое наследие

После себя преподобный оставил большое творческое наследие. Первым его гимном, сочиненным после явления Божьей Матери, стал «Дева днесь», посвященный празднику Рождества Христова:

  • «Дева днесь Пресущественнаго раждает, и земля вертеп Неприступному приносит; Ангели с пастырьми славословят, волсви же со звездою путешествуют; нас бо ради родися Отроча Младо, Превечный Бог».

Из-под его пера вышло огромное количество кондаков, молитв и акафистов. Сегодня они входят в золотую коллекцию православной гимнографии. Среди более чем тысячи произведений, для которых святой сам писал и музыку, и слова, самыми известными считаются кондак Святителю Николаю Чудотворцу, Симеону Столпнику и святым безсребренникам Косьме и Дамиану.

Почитание

День памяти преподобного Романа Сладкопевца припадает на 14 октября. Предположительно этот день считается датой смерти святого. 14 октября именины у всех мальчиков, нареченных этим именем. Дата считается днем ангела для детей, нареченных в честь святого.

Иконография

Существует несколько икон с изображением преподобного. Наиболее известной считается та, где святой изображен по пояс со свитком в руке, который получил от Девы Марии. Еще один образ, встречающийся в православных храмах, — Роман стоит посреди Константинопольского храма и поет гимн в честь Рождества Христова собственного сочинения.

роман сладкопевец

О чем просят перед образом

К иконам с изображением преподобного Романа Сладкопевца обращаются в следующих случаях:

  • При желании глубже вникнуть и понять молитвы и Священное Писание.
  • С просьбой в совершенстве овладеть искусством церковного пения и сочинительства духовных гимнов.
  • При желании избавиться от неуверенности и робости.
  • В случаях, когда православный верующий испытывает гонения и чтобы избавиться от завистников.

Акафист

Тропарь, глас 3

От юности житию равноангельному ревнуя, веру, смиренномудрие и терпение стяжав, преподобне Романе Сладкопевче, обитель Святаго Духа был еси, та́же избранник Божия Матере явился еси, и от Нея милостивно сподобися дара славити Бога. Сего ради молися о нас, недостойных ученицех твоих, да воспоем с тобою сладкогласно славу нас ради Воплотившемуся Превечному Богу.

Кондак, глас 8

Божественными добродетельми духа измла́да украси́вся, Романе премудре, Церкви Христове пречестно́е украшение был еси: пением бо прекрасным украси́в ю, блаженне. Тем молим тя: подаждь желающим Божественнаго дарования твоего, яко да вопием ти: радуйся, отче преблаженне, красото церковная.

Кондак 1

Избра́нный подвижниче и земный ангеле Христов, Божественными добродетельми Духа измлада украсився, Романе премудре, пением прекрасным Церкве Христовы служитель был еси, сего ради вопием ти: Радуйся, сладкопевче Романе, красото церковная.

Икос 1

Ангельское житие возлюбил еси, преподобне, от юности, ум на Божественная возвел, временная и земная пренебрегл еси, тем убо вселися в тя Святый Дух, Егоже благодатию укра́шен еси; сего ради с любовию вопием ти си́це:

Радуйся, яко чистотою Ангелом уподобился еси.

Радуйся, яко постом и бдением безстрастия достигл еси.

Радуйся, светильниче Божественнаго света.

Радуйся, молитв благовонное кадило.

Радуйся, грамоте необученный, разумом стремивыйся к Богу.

Радуйся, добрыми де́лы премудрыя превосходивый.

Радуйся, сладкопевче Романе, красото церковная.

роман сладкопевец

Кондак 2

Видя сердца твоего благое наме́рение, Господь предначерта́ узкий и тернистый путь твоего спасения, отче богомудре; темже и́го Христово благо́е и легкое усердне восприяв, смире́н и послу́шлив был еси, воспевая всех Творцу и Богу: Аллилуиа.

Икос 2

Разум Божественных Писаний истинною премудростию стяжал еси, отче романе, я́же, по апостолу, первее чиста́ есть, потом же ми́рна, кротка́, благопокорли́ва, испо́лнь милости и плодов благих, несумне́нна и нелицемерна. Мы же, дивящеся чистоте твоей, воспеваем:

Радуйся, на Бога Промыслителя всю надежду возложивый.

Радуйся, то́кмо Его благоволения взыскавый.

Радуйся, в послушании усердно трудивыйся.

Радуйся, в сердце имевый страх Божий.

Радуйся, житием добродетельным на земли́ просветивыйся.

Радуйся, за сие любовь Божию на небесех снискавый.

Радуйся, сладкопевче Романе, красото церковная.

Кондак 3

Силою любве утверждаяся, отче Романе, поревновал еси евангельское житие стяжа́ти по образу преподобных отцев. Егда же даде́ ти Господь разумение сего благоугождения, воспел еси со умилением: Аллилуиа.

икона роман сладкопевец

Икос 3

Имея крепкую веру во благое промышление Божие о спасении человека, притекл еси, Романе премудре, к честно́му образу Пресвятыя Богородицы в церкви Влахернстей и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти:

Радуйся, Божия Матере верное и возлюбленное чадо.

Радуйся, силы Ея священнаго покрова тайное постижение.

Радуйся, Заступницы Усердныя благоговейный почитателю.

Радуйся, теплыя в нощи́ молитвы к Ней слезно возносивый.

Радуйся, тако утешение в сердце своем обреты́й.

Радуйся, яко умиление приял еси благооти́шное

Радуйся, сладкопевче Романе, красото церковная.

Кондак 4

Бурю многих бед, зависти ради, за усердие к послушанию претерпел еси, благи́й; оба́че за поношение и уничижение воздавал еси кротостию и смирением. Мы же, мнозе дивящеся незлобию и терпению твоему, взываем: Аллилуиа.

Икос 4

Слыша и видя премногую добродетель твою, блаженне Романе, возлюби тя святейший патриарх и даде с кли́ром ти ра́вную часть. Мы же о сем веселящеся, глаголем си́це:

Радуйся, всем сердцем Господа возлюбивый.

Радуйся, посрамление зави́стное прие́мый в навече́рие Рождества Христова.

Радуйся, пред иконою Пресвятыя Богородицы утешение взыскавый.

Радуйся, кротостию уничижение победивый.

Радуйся, явивый сердечныя простоты́ образ светлый.

Радуйся, умягчивый сердца́ обидчиков твоих.

Радуйся, сладкопевче Романе, красото церковная.

икона романа

Кондак 5

Богопе́сненную любовь и сердце чистое к достижению небеснаго отечества во уме твоем, отче преподобне, выну содержав, тою прославил еси Небеснаго Отца, воспевая Ему: Аллилуиа.

Икос 5

Видяще, о пречудне Романе, любовь твою к Богу, юже в сердце твоем вы́ну хранил еси, рцем вси:

Радуйся, трость песнописца послушная, в руце́ Христове содержимая.

Радуйся, единаго Христа от сердца возлюбивый.

Радуйся, в радость Господа вшедый.

Радуйся, Тому единому всею душею прилепивыйся.

Радуйся, сладостьми духовными нас насыщаяй.

Радуйся, возлюбленный к Богу о нас предстателю.

Радуйся, сладкопевче Романе, красото церковная.

Кондак 6

Проповедник неоскудеваемыя благодати и милости Божия явился еси ты, блаженне, егда от Царицы Небесныя во сне приял сви́ток книжный на снеде́ние: тем убо умудре́н, нача́ разумно пети во славу Божию, святым же писати похвальная, взывая с верою: Аллилуиа.

святая икона

Икос 6

Возсиял еси, отче Романе, аки звезда многосветлая, испо́лнься премудрости великия, ибо Владычица, яко не́когда Сын Ея Своим апостолом, отверзла тебе ум к разумению Писаний; сего ради ублажаем тя, зовуще:

Радуйся, любве евангельския сокровище.

Радуйся, Духа Святаго вместилище.

Радуйся, от Девы Богоблагодатныя дерзновение прие́мый.

Радуйся, благодарение от се́рдца чистаго Наставнице своей возносивый.

Радуйся, сладость отречения воли своея познавый.

Радуйся, за кротость и смирение великий дар Божий приявый.

Радуйся, сладкопевче Романе, красото церковная.

Кондак 7

Хотяще вознести достойное благодарение Царице Небесней, возшел еси, Романе блаженне, на амво́н церковный и воспел гласом сладким кондак свой, глаголя: Дева днесь Пресу́щественнаго рождает… Тем и мы Пречистей воспеваем: Аллилуиа.

Икос 7

Дивная звезда явился еси ты, сладкопевче преблаги́й, украшение изя́щное Церкве Христовы; Давидову кротость, Иа́ковле беззлобие и терпение И́овле стяжал еси. Мы же вопием ти:

Радуйся, милости Божия стяжателю.

Радуйся, к Богу присный о нас предстателю.

Радуйся, ангельским пением просветивыйся.

Радуйся, радости праведных во обителех райских причастивыйся.

Радуйся, лучезарный светильниче.

Радуйся, непоколебимый сто́лпе веры Христовы.

Радуйся, сладкопевче Романе, красото церковная.

горят свечи

Кондак 8

Вси видящии и слышащии, како теча́ше от уст твоих, аки река, премудрость, удивишася; . оскорблявшии же тя кли́рицы и досаждавшии о простоте́ и неве́жествии — постыдишася и, покаявшеся, припадо́ша к ногам твоим, прощения просяще и славяще Бога, поя Ему: Аллилуиа.

Икос 8

Весь огнем Божественныя любве исполненный, отче преподобне, в терпении стяжал еси Дух Святый, по слову Евангелия Христова. Мы же, любовию твоею побеждаеми, дерзаем звати тебе таковая:

Радуйся, яко дивный образ Отца Небеснаго в себе явивый.

Радуйся, братию враждовавшую на тя любовию Христовою возлюбивый.

Радуйся, блага́я за злая воздава́вый.

Радуйся, пример братолюбия христианскаго всем нам оставивый.

Радуйся, злых приводяй к постыже́нию.

Радуйся, скорбящим подая́й утешение.

Радуйся, сладкопевче Романе, красото церковная.

Кондак 9

Все естество человеческое и лики Ангелов восхваляют тя, премудре отче, яко послушник бо, смирения исполненный, приял еси блаженный путь Христов и водворился еси в Царствии Небеснем, поюще: Аллилуиа.

горят свечи

Икос 9

Вити́я многовеща́нныя не довле́ют изглаголати чистоту духовную, юже имел еси ты, блаженне Романе; и нас научи вере кре́пцей и безропотному послушанию, с любовию зовущих ти:

Радуйся, паствы твоея изрядный послушниче.

Радуйся, Ангелов собеседниче.

Радуйся, алчущих жизни вечныя питателю.

Радуйся, мудрых словес насадителю.

Радуйся, умильно Божию славу воспе́вый.

Радуйся, сладкогла́сную струну́ Божественнаго дара приемый.

Радуйся, сладкопевче Романе, красото церковная.

Кондак 10

Спасти хотя многия, верный путеводитель явился еси людем, отче Романе, дивно возглашая славу Божию. Мы же, внимая слову мудрости твоея, с веселием прославляем Господа, воспевая: Аллилуиа.

икона святого

Икос 10

Царя Небеснаго, Егоже славословят Херувимы и Серафимы, житием, верою и любовию всеусе́рднейший служитель был еси, преподобне; сего ради, яко крин благоуха́нный, со всеми избра́нниками Пречистыя Богородицы у Престола Всесвятыя Троицы предстал еси. Ттем радостно зовем ти:

Радуйся, благий хода́таю о нас ко Господу.

Радуйся, молитвенниче пресветлый и прелюбимый.

Радуйся, яко равноангельную красоту стяжал еси.

Радуйся, яко нищетою духовною обогатился еси.

Радуйся, яко тоюже нищетою богатства небесная приобрел еси.

Радуйся, яко разум свой ко Господу отверзл еси.

Радуйся, сладкопевче Романе, красото церковная.

Кондак 11

Пение умиленное приносим ти, скорому помощнику в ну́ждах и печалех всем к тебе с верою и любовию притекающим. Темже твоими песнопе́ньми в Церкви Божией прославляется Бог, дивный во святых Своих, зовущих непрестанно: Аллилуиа.

много свеч

Икос 11

Яко светлейший светильник и молитвенник явился еси, Романе богоблаженне. Ныне Владыце всех предстоя и дерзновение к Нему стяжав, моли о нас, совершающих светлую память твою, зовуще:

Радуйся, Богу единому послуживый.

Радуйся, вся заповеди Божия исполнивый.

Радуйся, обителей Небесных удостоивыйся.

Радуйся, горния славы приобщивыйся.

Радуйся, гласе благознамени́тых словес.

Радуйся, в песнопениях богослове сладкозвучный.

Радуйся, сладкопевче Романе, красото церковная.

Кондак 12

Благодати Божия сокровища унаследовал еси, Романе прехвальне, Богородицу Марию богомудру имея себе Учителя, вразумляющу тя и науча́ющу пети: Аллилуиа.

святая книга

Икос 12

Поюще твое достохвальное житие на земли, Романе блаженне, радостно славим дивнаго во святых Своих Царя Небеснаго, яко Того благодатию в селе́ниих праведных ныне ликуеши, иде́же зри́ши славу Божию нескончаемую. Мы же умильно воспеваем ти:

Радуйся, яко красоту и славу мира сего отрясл еси.

Радуйся, яко душу твою вперил еси к горнему званию.

Радуйся, яко твоих глаго́л веща́ние вселенную испо́лни.

Радуйся, научаяй знанию спасительному всех.

Радуйся, златокова́нная трубо, славу Божию со Ангелы возвещающая.

Радуйся, Богом увенча́нный, в молитвах своих нас не оставляющий.

Радуйся, сладкопевче Романе, красото церковная.

Кондак 13

О преблаженне и богоносне отче Романе! Приими́ сие малое молитвенное приношение наше и с Пресвятою Владычицею принеси молитву ко Господу Богу, да избавит нас от всякого вреда и скорби и сподобит Своего Небеснаго Царствия, иде́же вси, присно торжествующе, немо́лчно воспевают: Аллилуиа.

(Этот кондак читается трижды, затем икос 1 и кондак 1).

свеча в руке

Текст молитвы

Преподобне отче Романе! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

человек молиться

О, священная главо, преподобне отче, преблаженне авво Романе, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у Престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: