Житие преподобного Иосифа Волоцкого и икона святого игумена, тексты молитв

Среди множества православных святых встречаются поистине уникальнейшие личности, оставившие свой след в истории государства. Одним из них является основатель Волоцкого монастыря – преподобный Иосиф, прославившийся не только как церковный деятель, но и как публицист и мыслитель. Жизнь этого святого, его идеи, творчество будут интересны и познавательны для любого православного христианина.

Житие святого Иосифа Волоцкого

О жизни преподобного Иосифа осталось довольно много сведений. Первые небольшие заметки о святом появились сразу после кончины преподобного. Чуть позже племянником и учеником Волоцкого святого Досифеем было написано «Надгробное слово».

Существует также три варианта Жития святого. Первое появилось еще в 1546 году. Составил его епископ Коломенский – Савва Черный, с благословения Московского митрополита Макария. Вторая и третья версии Жития Иосифа появились ближе к концу XVI века.

Происхождение

Сведения о точной дате рождения святого разнятся. Предполагается, что это произошло 14 ноября 1439 либо 1440 года.

Будущий преподобный Иосиф родился в дворянской семье Иоанна и Марины Саниных, был наречен, как и его отец, Иоанном. Местом рождения Иоанна Санина стало село Язвище, расположенное недалеко от Волоколамска и принадлежащее семье Саниных. Предки святого попали на Русь из Литвы. Язвище было подарено прадеду Иоанна – Александру Санину, московским князем за верную службу.

Родители преподобного были глубоко верующими людьми. Позже они оба приняли монашество – отец под именем Иоанникий, мать стала Марией.

Иоанн с детских лет проявлял интерес к учебе. К 7 годам он научился читать. Первым учителем мальчика стал ученый старец Арсений Леженка из Волоколамской Кресто-Воздвиженской обители. Любознательный, способный мальчик за год смог выучить наизусть Псалтирь, а затем все Священное Писание. Благодаря этому в 9-тилетнем возрасте Иоанн стал чтецом монастырского храма.

Послушничество

Любовь к Богу подвигла Иоанна отречься от мирской жизни. В 20-летнем возрасте юноша покидает родительский дом, уйдя в пустыню, принадлежащую Тверской Саввиной обители.

преподобный иосиф волоцкий

Наставником Иоанна стал старец Варсонофий. Несмотря на то, что Варсонофий прослыл строгим аскетом-подвижником, поведение иноков не соответствовало представлениям Иоанна о монастырской жизни. С благословения наставника юноша перешел в Боровский монастырь к преподобному Пафнутию, который 13 февраля 1460 года постриг Иоанна в иноки под именем Иосиф.

Через некоторое время монашество приняли братья, племянники и родители Иосифа. Мать юноши удалилась во Власиевский Волоколамский монастырь, а отец пришел в обитель к сыну. Отец святого последние 15 лет жизни тяжело болел, юноша ухаживал за ним до самого конца.

Рукоположение в сан иеромонаха

В 1477 году преподобный Пафнутий скончался, завещав пост игумена своему любимому ученику. После рукоположения Иосифа в сан иеромонаха он становится игуменом монастыря. Новый игумен решает установить для братии более строгий монастырский устав, но иноки воспротивились намерениям иеромонаха. Тогда преподобный покидает монастырь вместе со старцем Герасимом Черным.

Несколько месяцев святой Иосиф странствовал, переходя от одного монастыря к другому. Иеромонах пытался найти обитель, отвечающую его представлениям об устройстве монастырской жизни.

За это время братия Боровского монастыря обратилась к великому князю Иоанну III с просьбой о назначении нового игумена. Но князь категорически отказал им. Иосиф возвращается в свою обитель, но, прожив там до мая 1479 года, вновь покидает монастырь.

Устав Волоколамской обители

Игумен вместе с несколькими иноками направился в родные Волоколамские места, где решил основать собственный монастырь для обустройства жизни монахов по собственным представлениям об иноческом подвиге.

преподобный иосиф волоцкий

Заручившись поддержкой и помощью Волоцкого князя Бориса, отец Иосиф начал строительство Успенской обители, которое окончательно завершилось 15 августа 1484 года. Насельниками Волоцкой обители стали бывшие иноки Пафнутиевого монастыря, волоцкие вотчинники, простолюдины, беглые холопы. Позже к монастырской братии присоединились бывшие приближенные князя.

Преподобный Иосиф составил специальный Устав, которому должны были подчиняться все иноки. Основные положения Устава включали в себя:

  • непрестанный труд;
  • строгое послушание;
  • постоянную Иисусову молитву;
  • переписку богослужебных трактатов.

Согласно Уставу, у насельников отсутствовало личное имущество. Приносить что-либо из вещей в келью можно было лишь с благословения игумена. Эти правила касались даже икон и богословских книг.

Доходы от монастыря шли на благотворительность и помощь нуждающимся во время голода. Иосиф Волоцкий помогал всем страждущим. К преподобному шли за советом не только насельники, но и миряне. К нему за наставлениями обращались бояре и князья.

Святой показывал братии пример иноческого послушания, занимаясь тяжелым трудом весь день, а по ночам неустанно молясь. Многие из учеников игумена стали архиепископами и епископами, а двое из них – Даниил и Макарий – Московскими митрополитами.

Борьба с ересью жидовской

Деятельность Волоцкого игумена не ограничивалась стенами монастыря. Святой активно занялся религиозно-политической борьбой против жидовской ереси.

Еретиками отрицалась Святая Троица, Божественная природа Иисуса Христа, идея посмертного воскрешения и многие другие православные догмы. Кроме того, жидоотступники выступали против института монашества и иконопочитания.

Особенно распространена жидовская ересь была в Новгороде и Москве. Это лжеучение обрело большое количество последователей, среди которых встречались князья и даже духовные лица.

Святой Иосиф призывал обращаться с еретиками как можно жестче. Он считал, что нельзя прощать даже тех, кто покаялся, подозревая их в обмане. Поэтому все еретики должны быть заточены в темницу. А для упорствующих еретиков он требовал смертной казни.

преподобный иосиф волоцкий

Волоцкий святой добился сбора Церковного собора, который состоялся в 1504 году. По решению собора, четверо еретиков были приговорены к сожжению. Такое непримиримое отношение Иосифа к еретикам объясняется тем, что святой видел в них серьезную опасность не только для православного христианства, но и для всей Руси. Он считал, что жидовская ересь угрожает сложившемуся духовному единству Руси.

Творчество

Иеромонах Иосиф занимался не только церковной, но и просветительской деятельностью. Из-под его пера вышли такие богословские творения, как:

  • «Просветитель»;
  • трактат о защите монастырского имущества, названный «Яко не подобает святым божиим церквам обиды творити»;
  • «Устав»;
  • около 30 посланий разным людям: великим князьям, духовным лицам.

Самым значимым произведением преподобного считается книга «Просветитель», в которой святой опровергает лжеучение еретиков, опираясь на тексты Ветхого Завета.

Кроме того, в этом трактате отец Иосиф доступно разъяснил все важные православные догматы. Таким образом «Просветитель» представлял собой настоящее пособие для христиан, став одним из самых популярных произведений XV-XVII веков.

Кончина

Последние годы жизни преподобного были омрачены тяжелой болезнью. Святой мучился страшными головными болями. Болезнь иссушила тело святого, сильно ослабила зрение. Боли были такими сильными, что преподобный был вынужден лежать даже во время богослужения.

Предчувствуя скорую кончину, отец Иосиф решил избрать себе преемника. Новым игуменом стал верный последователь святого Даниил Рязанский, будущий Московский митрополит.

Призвав братию соблюдать принятые традиции монастыря, преподобный Иосиф облачился в великую схиму. Смерть настигла Иосифа Волоцкого 9 сентября 1515 года во время утрени. Местом погребения святого старца стала церковь монастыря.

преподобный иосиф волоцкий

Местоположение мощей святого

Приблизительно через 20 лет после смерти святого Иосифа между местом погребения и Успенским собором соорудили придел из камня, внутри которого находилась гробница преподобного.

Где-то между 1688 и 1692 годом проводились строительные работы по возведению нового Успенского собора, во время которых строителями была обнаружена гробница святого. Несколько веков святые мощи оставались под спудом и были обретены лишь 31 октября 2001 года. Через 2 года – 12 июня 2003 года митрополит Волоколамский и Юрьевский Питирима благословил перенесение святых останков в раку, открыв доступ к ним верующим, желающим поклониться чудотворцу.

12 июня 2004 года Волоцкий монастырь обрел еще одну святыню – вериги, принадлежавшие преподобному и хранившиеся долгое время в краеведческом музее Волоколамска.

Почитание в православии

Несмотря на то, что нетленные останки преподобного прославились многочисленными чудесами сразу после погребения, причисление Иосифа Волоцкого к лику местночтимых святых состоялось лишь в 1579 году.

Общецерковное празднование преподобного Иосифа установлено с 1 июня 1591 года. Почитание святого совершается 22 сентября и 31 октября по новому стилю (9 сентября и 18 октября по старому календарю).

Иконография

Первые иконописные изображения преподобного появились сразу после кончины святого и размещались на надгробной плите. Позже надгробную икону перенесли в Успенский собор, установив в местном ряду иконостаса Успенского храма.

На древних иконах святой выглядит следующим образом:

  • образ выполнен в полный рост либо немного ниже пояса;
  • на отце Иосифе монашеское одеяние;
  • непокрытая голова с короткими, вьющимися волосами, с залысинами на лбу;
  • борода округлой формы;
  • руки скрещены на груди, что означает смиренное служение Господу.

преподобный иосиф волоцкий

Встречаются также образы, на которых игумен изображен вместе с преподобным Пафнутием Боровским. В XVII веке появились житийные иконы отца Иосифа, связанные с Волоколамской обителью.

Иконописцы конца XIX, начала XX века выполняли образ святого в преклонном возрасте, с седоватыми волосами и бородой. Чаще всего встречаются ростовые иконы, на которых игумен правой рукой благословляет верующих, а в левой держит свиток.

О чем молятся преподобному Иосифу Волоцкому

Преподобный Иосиф при жизни много сил отдал борьбе с ересью. Поэтому к святому обращаются с просьбой об укреплении веры, а также о возвращении в истинную веру близких, попавших в сектантские сети.

Но, кроме этого, прп. Иосиф помогает и при возникновении многих жизненных проблем. Святого можно просить:

  • об исцелении от тяжелой болезни;
  • о защите от врагов;
  • об устранении любых бед;
  • о помощи в разрешении трудных и безвыходных ситуаций.

Особым покровительством Иосифа Волоцкого пользуются предприниматели и торговцы. Именно поэтому Русская Православная церковь 7 декабря 2009 года официально объявила Волоцкого святого небесным покровителем предпринимателей и хозяйственников.

Текст молитвы

Молиться преподобному Иосифу можно собственными словами, идущими от сердца и души. Но многим людям трудно бывает выражать свои мысли и надежды словами. В таких случаях прибегают к чтению специальных молитвенных текстов: тропарей, кондака, канона, акафиста.

Тропарь

Я́ко по́стников удобре́ние и отце́в красоту́,/ ми́лости пода́теля, разсужде́ния свети́льника,/ вси ве́рнии соше́дшеся восхва́лим,/ кро́тости учи́теля, и ересе́й посрами́теля,/ прему́драго Ио́сифа, Росси́йскую звезду́,/ моля́щася Го́споду,// поми́ловатися душа́м на́шим.

преподобный иосиф волоцкий

Ин тропарь

О великий наставниче, ревнителю и учителю Православныя веры, святе премудре Иосифе! Приими моление, от нас, грешных, к тебе приносимое, и теплым предстательством умоли в Троице славимаго Бога, да низпослет Он богатыя Своя милости нам, грешным; да утвердит во Святей Своей Православней Церкве правую веру и благочестие; пастырем ея да подаст святую ревность о спасении словеснаго стада, яко да верующих соблюдут, неверующих же и отпадших от истинныя веры вразумят и обратят; всем же нам испроси вся благопотребная во временнем сем житии и полезная к вечному спасению нашему. Помяни стадо свое, еже собрал еси, не забуди посещати чад своих и, яко чадолюбивый отец, не презри, ниже отрини моления наша, но воздежи руце свои молитвеннии ко Господу Богу, да отложит праведный гнев Свой, движимый на ны, и избавит нас от враг видимых и невидимых, от глада, потопа, меча, смертоносныя язвы, нашествия иноплеменных и междоусобныя брани. Ей, премилосердый заступниче наш, преславный чудотворче, всех нас управи в мире и покаянии скончати живот наш и преселитися со упованием в блаженная недра Авраамова, идеже непрестанно славословится всепетое имя Отца и Сына и Святаго Духа. Аминь.

Кондак

Жития́ треволне́ния и мяте́ж мирски́й,/ и стра́стная взыгра́ния в ничто́же вмени́в,/ пусты́нный граждани́н показа́лся еси́,/ мно́гих быв наста́вник, Ио́сифе преподо́бне,/ мона́хов собра́тель, и моле́бник ве́рен,/ чистоты́ рачи́тель.// Моли́ Христа́ Бо́га, спасти́ся душа́м на́шим.

Канон

Пе́снь 1

Ирмо́с: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный гре́х потреби́ло е́сть, Препросла́вленный Госпо́дь, сла́вно бо просла́вися.

Тебе́ твоего́, блаже́нне, уче́ния до́лг принося́ще, воздая́ния простира́ем, вене́ц похва́льный плету́ще: ты́ же любо́вию увязе́н, пребога́те, твои́ми святы́ми моли́твами, благода́ть на́м пода́ждь духо́вную.

Всегуби́тельное стремле́ние страсте́й, о́тче, увяди́л еси́, слове́сным объя́т Богому́дрием, благопребы́тен бы́л еси́, и благогла́сен, кро́ток же и смире́н, сло́вом же прему́дрости, преподо́бне о́тче Ио́сифе, и ра́зумом венча́н.

Свяще́нно украси́л еси́ себе́, преподо́бне о́тче, де́тельным ра́зумом благода́ти, Богоглаго́ливе Ио́сифе, жела́я венца́ сла́вы Христо́вы, и своея́ наде́жды изря́дно, блаже́нне, не погреши́л еси́.

Целому́дрие удержа́л еси́ я́ве, кра́йнюю же кро́тость, и высокогла́сное смире́ние: и́миже возвыша́емь, трудо́в твои́х де́йством и виде́нием ра́дуяся принесе́ся, вене́ц неувяда́емый прии́м трудо́в твои́х воздая́ния.

Богоро́дичен: Тва́рей яви́лася еси́ Чи́стая, все́х ви́димых и неви́димых превы́шши Всенепоро́чная, Зижди́теля бо родила́ еси́, я́коже изво́ли воплоти́тися во утро́бе Твое́й. Его́же со дерзнове́нием моли́ спасти́ пою́щия Тя́.

преподобный иосиф волоцкий

Пе́снь 3

Ирмо́с: Процвела́ е́сть пусты́ня, я́ко кри́н Го́споди, язы́ческая неплодя́щая це́рковь, прише́ствием Твои́м, в не́йже утверди́ся мое́ се́рдце.

Да́ждь Христе́ Спа́се, проще́ние мно́гих на́ших согреше́ний, я́ко да и мы́ почита́ем па́мять Твоего́ уго́дника преподо́бнаго Ио́сифа, его́же моли́твами спаси́ ны́.

Твои́ми моли́твами Ми́лостиваго умоля́й Бо́га, преподо́бне о́тче на́ш Ио́сифе, и грехо́вный мра́к печа́ли на́шея разори́, и благоду́шия утеше́ние низпосли́.

От младе́нства ты́, блаже́нне Ио́сифе, позна́н бы́л еси́ Бо́гом, и на Того́ наде́ялся еси́, наставля́емь на спаси́тельная Его́ повеле́ния. Ему́же ны́не предстоя́, со дерзнове́нием о на́с моли́ся.

Богоро́дичен: Еди́наго Святы́я Тро́ицы, Сло́ва Сы́на родила́ еси́, Де́во Пречи́стая. Его́же с преподо́бным Ио́сифом о рабе́х Твои́х моли́, ве́рою прося́щих грехо́в проще́ния.

Седа́лен, гла́с 3

Христо́ва уго́дника, Ева́нгельскаго уче́ния послу́шника, све́тло пра́зднуем преподо́бнаго Ио́сифа па́мять, прииди́те ублажи́м странноприи́мца су́ща, сирота́м и вдова́м засту́пника те́пла, и ни́щим да́теля неску́дна, целому́дрия храни́теля, и доброде́телей де́лателя, и ересе́й обличи́теля непосты́дна, и свети́льника ру́сскаго, его́же ра́ди прося́ще от Христа́ душа́м на́шим спасе́ния, и ми́ру ве́лия ми́лости.

Богоро́дичен: Земноро́днии Тобо́ю спасе́ни бы́хом, Пречи́стая Богоро́дице: пре́жде ве́к бо из Отца́ ро́ждшагося Сы́на Бо́жия породила́ еси́, за милосе́рдие мно́гое благоволи́вшаго из Тебе́ роди́тися: и́же спасе́ Ада́ма пра́отца, и рая́ сотвори́ жи́теля. Его́же моли́ Ма́ти Преблагослове́нная, спасти́ся на́м ве́рно пою́щым Тя́.

Пе́снь 4

Ирмо́с: Прише́л еси́ от Де́вы, не хода́тай ни а́нгел, но Са́м, Го́споди, вопло́щся, и спа́сл еси́ всего́ мя́ челове́ка. Те́м зову́ Ти́: сла́ва си́ле Твое́й, Го́споди.

Ты́, преподо́бне Ио́сифе, мона́шествующих бы́л еси́ вене́ц, не ка́мением многоце́нным укра́шен, но доброде́тельми обложе́н, и яви́лся еси́, блаже́нне, благодарова́нное вои́стинну украше́ние.

Боже́ственную, Богому́дре, почти́л еси́ Му́дрость, я́же тя́ дарова́нии благи́ми обогати́, сла́ву ве́чную тебе́ исхода́тайствовавши, преподо́бне о́тче Ио́сифе, всече́стне.

Све́тлостию нра́вов твои́х, и о́бразы благода́ти, преподо́бне о́тче Ио́сифе, подо́бне пожи́л еси́: те́мже благопристу́пен ты́ все́м бы́л еси́, всеблаже́нне досточу́дне.

Богоро́дичен: Умерщвле́ние плодо́м мне́ Е́ва принесе́, Ты́ же, Жи́знь ро́ждши Ипоста́сную Пречи́стая, а́бие испра́вила еси́. Те́мже зове́м Ти́: сла́ва си́ле Твое́й.

преподобный иосиф волоцкий

Пе́снь 5

Ирмо́с: Хода́тай Бо́гу и челове́ком бы́л еси́, Христе́ Бо́же, Тобо́ю бо, Влады́ко, к Светонача́льнику Отцу́ Твоему́, от но́щи неве́дения, приведе́ние и́мамы.

Умо́м чи́стым Писа́нием Боже́ственным бесе́довал еси́, Богоглаго́ливе Ио́сифе, и виде́ния и дея́ния собра́в бога́тство, о́тче преподо́бне.

Прему́дрости глубину́ испыта́в, му́дре Ио́сифе, дости́гл еси́ обрести́, ели́ко благопотре́бно, и би́сер многоце́нный боле́зньми стяжа́л еси́, преблаже́нне, ра́зума.

А́ще земно́е оте́чество, блаже́нне Ио́сифе, оста́вил еси́, вся́чески благоимени́тну Бо́жии Ма́тери оби́тель созда́л еси́, и мно́жество мона́шествующих в не́й собра́л еси́. Сего́ ра́ди пе́рвое Оте́чество Небе́сное прия́л еси́. Со дерзнове́нием, о́тче, за ны́ моли́ся Христу́ Бо́гу, рабы́ твоя́.

Богоро́дичен: Се́ во чре́ве, Богоро́дице Пречи́стая, Христа́ Бо́га па́че сло́ва име́ла еси́, я́коже Иса́иа провозгласи́: вы́ше естества́, Сего́, Богороди́тельнице, родила́ еси́.

Пе́снь 6

Ирмо́с: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли́, Бо́же, мя́ возведи́.

Вселе́нней свети́ло пресве́тлое, о́тче, яви́лся еси́, Ио́сифе, словесы́ духо́вными просвеща́я ве́рою и любо́вию к тебе́ притека́ющия.

Блаже́нное житие́, о́тче, преше́л еси́, назда́в у́бо чу́вства, вне́ бы́л еси́ мирска́го мяте́жа и Бо́гу прибли́жился еси́, преподо́бне Ио́сифе.

Зело́ ми́лостива и странноприи́мца показа́ тя́ Спа́с на́ш ми́ру, о́тче, и врача́ боля́щим, Ио́сифе, сирота́м и убо́гим засту́пника любе́зна.

Богоро́дичен: Па́че естества́ Де́во, родила́ еси́, и ве́чнуеши Де́ва, я́вльшися и́стиннаго Сы́на и Бо́га Твоего́, Ма́ти Чи́стая.

Конда́к, гла́с 8

Жития́ треволне́ния, и мяте́ж мирски́й, и стра́стная взыгра́ния в ничто́же вмени́в, пусты́нный граждани́н показа́лся еси́, мно́гих бы́в наста́вник, Ио́сифе преподо́бне: мона́хов собра́тель и моле́бник ве́рен, чистоты́ рачи́тель, моли́ Христа́ Бо́га спасти́ся душа́м на́шим.

преподобный иосиф волоцкий

И́кос

Боже́ственными доброде́тельми твои́ми себе́, му́дре, украси́л еси́ и Спа́са Христа́ жили́ще соде́лал еси́, о́тче, му́жественне, я́коже зла́то искуси́вся ве́рою к Бо́гу и наде́ждею, и любо́вию обе́ты полага́я: воздержа́нием пости́вся, я́ко безпло́тен, в целому́дрии, и в смире́нии возвы́сился еси́. Те́мже и мы́ моли́твами Твои́ми просве́щшеся, преподо́бне Ио́сифе, вопие́м ти́: ра́дуйся, я́ко измла́да Бо́гу послужи́л еси́; ра́дуйся, я́ко притека́ющих к тебе́ ко спасе́нию хода́тай бы́л еси́; ра́дуйся, христолюби́вому во́инству похвала́; ра́дуйся, я́ко твои́ми моли́твами проти́внии побежда́ются; ра́дуйся, я́ко все́м прося́щим дае́ши да́р, от Го́спода дарова́нный тебе́; ра́дуйся, я́ко чудесы́ тя́ Бо́г прославля́ет, и все́х зва́ти тебе́ науча́ет; ра́дуйся, преподо́бне о́тче Ио́сифе, по́стников удобре́ние. Моли́ Христа́ Бо́га спасти́ся душа́м на́шим.

Пе́снь 7

Ирмо́с. Богопроти́вное веле́ние беззако́ннующаго мучи́теля высо́к пла́мень вознесло́ е́сть: Христо́с же простре́ Богочести́вым отроко́м ро́су духо́вную, Сы́й благослове́н и препросла́влен.

Благоуха́ют, преподо́бне Ио́сифе, твои́х уче́ний сла́дкая словеса́ лю́бящим та́я, устраша́ют же еретико́в мудрова́ния. Благода́тию бо Свята́го Ду́ха глаго́лал еси́, Божество́ Еди́но пропове́дуя в Тре́х Ли́цех: Сло́ва же Воплоще́ние поя́, благоуха́еши на́с, пребога́те.

Ри́з ху́дость име́л еси́ преподо́бне Ио́сифе, в зиме́ же и ле́те не пременя́я, боле́зненно претерпева́л еси́ Бо́га ра́ди соверше́нно; те́мже и Небе́снаго прия́тия сподо́бился еси́ насле́дник бы́ти.

Сло́во твое́ со́лию растворе́но, о́тче, и житие́ твое́ благода́тию, преблаже́нне, сия́я яви́ся пречу́дне. Те́мже и в Вы́шния Оби́тели ра́дуяся всели́лся еси́, Христу́ со дерзнове́нием ны́не предстои́ши о на́с моля́ся.

Богоро́дичен: Управля́ющи, Пречи́стая, на́ше житие́, к Твоему́ всети́хому приста́нищу напра́ви: Бо́га бо родила́ еси́ благи́х Исто́чника, все́м подаю́щи ве́рным нетле́ния благода́ти.

Пе́снь 8

Ирмо́с: Пе́щь иногда́ о́гненная в Вавило́не де́йства разделя́ше, Бо́жиим веле́нием халде́и опаля́ющая, ве́рныя же ороша́ющая, пою́щия: благослови́те вся́ дела́ Госпо́дня Го́спода.

Вене́ц благоле́пен, Христо́с Жизнода́вец на ве́рх тво́й положи́, тезоиме́нне Ио́сифе. Дея́ньми бо просия́л еси́ и виде́нии, зовы́й: благослови́те вся́ дела́ Госпо́дня Го́спода.

Вся́ преше́д чу́вственная, преблаже́нне, Уму́ Пе́рвому прибли́жился еси́, души́ твоея́ чистото́ю, жития́ же све́тлостию, венчено́сче Ио́сифе, зовы́й: благослови́те вся́ дела́ Госпо́дня Го́спода.

В души́ твое́й Боже́ственное бога́тство Ду́ха Свята́го собра́в, непоро́чную моли́тву и чистоту́ красноле́пную, бде́ние и воздержа́ние; сего́ ра́ди жили́ще Святы́я Тро́ицы яви́лся еси́ преподо́бне Ио́сифе.

Богоро́дичен: Влады́чице Пречи́стая, гре́шников спасе́ние, приими́ мольбу́ сию́, и изба́ви мя́ от грехо́в мои́х, Твоему́ Сы́ну прибега́ющаго, моли́твами уго́дника Твоего́, преподо́бнаго Ио́сифа.

преподобный иосиф волоцкий

Пе́снь 9

Ирмо́с: Безнача́льна Роди́теля Сы́н, Бо́г и Госпо́дь, вопло́щся от Де́вы на́м яви́ся, омраче́нная просвети́ти, собра́ти расточе́нная. Те́м Всепе́тую Богоро́дицу велича́ем.

Пречестны́й о́тче Ио́сифе, ны́не чи́сто услажда́ешися пи́щею па́че у́мною, иде́же собо́ри святы́х о́крест Го́спода лику́ют, блаже́нне, и́же ны́не чту́щия тя́, хода́тайствуя к себе́ привлецы́.

Преше́л еси́ ра́дуяся к жела́нием рая́, ко еди́ному и́стинно я́ве блаже́нству, к пребо́льшей добро́те, и к жи́зни и́стинно нестаре́ющейся, и к Све́ту Невече́рнему, Богоно́се о́тче Ио́сифе.

Я́коже со́лнце просия́л еси́ в мона́шеских собо́рех, от млады́х бо ногте́й освяще́н бы́л еси́, я́коже зарю́ испуща́я доброде́тели своего́ жития́, преподо́бне Ио́сифе, Богоно́се о́тче пребога́те.

Богоро́дичен: Разуме́вше издале́ча, прозорли́выми очесы́, проро́цы Тя́ я́ве провозвести́ша, хотя́щую Ма́терь бы́ти Вседе́теля и Влады́ки все́х. Те́м Тя́, Всепе́тая, Богоро́дицу испове́дуем.

Свети́лен

Мирска́го пристра́стия, я́ко скве́рны уклони́лся еси́, и а́лчбою пло́ть твою́ увяди́л еси́, о́тче, и небе́сною сла́вою со а́нгелы обогати́лся еси́; те́мже непреста́нно моли́ Христа́ Бо́га, преподо́бне Ио́сифе.

Акафист

Кондак 1

Избранный угодниче Христов и дивный благочестия подвижниче, преподобне отче Иосифе, иже сугубый свыше дар приемый боговедения же и исцелений, яко имеяй дерзновение ко Святей Троице моли избавитися нам от находящих бед и скорбей и болезней, да любовию зовем ти:

Радуйся, преподобне отче Иосифе, богомудре, чудотворче.

Икос 1

Ангела во плоти тя ведуще, преподобне Иосифе, посланна от Бога, да явит тобою в человецех образ истиннаго благочестия и добрых дел, чудящеся путем Его, во временнем житии твоем явленным, и величие благоутробия Его прославляюще, во умилении сердечнем взываем ти сице:

Радуйся, добраго корене отрасле благородная; радуйся, лозо винограда Христова многоплодная.

Радуйся, чадо молитвы родителей благочестивых; радуйся, надеждо и утешение сердец их боголюбивых.

Радуйся, издетска страх Господень стяжавый; радуйся, семя слова Божия от юности восприявый.

Радуйся, измлада смирения и молчания хранителю; радуйся, молитвы и воздержания ревнителю.

Радуйся, преподобне отче Иосифе, богомудре, чудотворче.

преподобный иосиф волоцкий

Кондак 2

Видя Христос благое сердца твоего изволение и рачение, яко от юности немолчно прославлял еси Имя Господне чтением и пением псалмов и песней священных во святем храме Его, в скинии небесней вчини тя, преподобне, в лице праведник совершенных возносити ему купно с ними ангельское пение: Аллилуиа.

Икос 2

Разумев от писаний отеческих благих мира сего тщету, исход же от временнаго сего жития непрестанно помышляя и пребывая присно в сокровеннем подвизе молитвы, никакоже сердцем прилепился еси к сущим от мира, разве точию к единому достойнейшему от сверстник твоих, с нимже и путь богоугоднаго иноческаго жития от дней отрочества предъизбрал еси, преподобне. Темже ублажаем тя сице:

Радуйся, цвете благоуханный добраго воспитания; радуйся, сосуде Божественнаго избрания.

Радуйся, в разуме Богом просвещенный; радуйся, сердцем в Бозе утвержденный.

Радуйся, образе содружества непорочнаго и нелестнаго; радуйся, вседушевне взыскавый Царствия Небеснаго.

Радуйся, преподобне отче Иосифе, богомудре, чудотворче.

Кондак 3

Бурю помышлений мирских препобеждая благодатию Христовою, помыслом лучшим востекл еси к Небесным, преподобне, в Горняя вперив ум твой безмятежный и безстрастный, и волю всецело покорив под иго Христово, тело же твое соделал еси жилищем Духа Святаго, отнюдуже и в телеси, яко безплотен, со безплотными взывал еси Богу: Аллилуиа.

Икос 3

Ревность имеяй о совершеннем житии христианстем и от писаний отеческих научен, еже вдати себе в послушание искусну руководителю и наставнику нелестну, в юности родители твоя оставил еси, преподобне, и положил еси в сердцы твоем вопросити духовнаго старца Варсонофия, да еще что речет, буди то тебе, яко слово Самаго Бога, еже и свершися во благое Божиим устроением; сего ради, толикое веры твоея упование ублажающе, взываем ти:

Радуйся, яко любезная и красная мира сего презрел еси; радуйся, яко Небесных и нетленных желанием вожделел еси.

Радуйся, внутреннею Креста Христова красотою восхищенный; радуйся, силою Свыше на труд крестоношения облеченный.

Радуйся, волею твердою воли своея отрекийся; радуйся, отсечением страстей угодивый Богу и спасыйся.

Радуйся, преподобне отче Иосифе, богомудре, чудотворче.

преподобный иосиф волоцкий

Кондак 4

Силою любве Божия влеком к вящшему жития иноческаго совершенству и мудре последуя совету и благословению прозорливаго и святаго старца Варсонофия, пришел еси во обитель преподобнаго Пафнутия и того умолил еси прияти тя в послушание, да купно с ним в трудех и подвизех выну благоугождаяй Богу, воспеваеши: Аллилуиа.

Икос 4

Провидя духом благое произволение юноши, чистоту же душевную и благодатное призвание его, преподобный Пафнутий абие облече его во иноческий образ и возложи нань иго послушаний, яже со усердием в простоте и в терпении мнозе исполняше, яко быти ему образом безпрекословнаго повиновения, труда и благочестия; темже ныне зовем ему сице:

Радуйся, тесный путь спасения от юности возлюбивый; радуйся, ярем Господень на выю свою возложивый.

Радуйся, священными обеты волю свою связавый; радуйся, себе и весь живот свой Господеви предавый.

Радуйся, коемуждо во благо усердный служителю; радуйся, болящих и немощных успокоителю.

Радуйся, помыслы плотския силою молитвы прогоняяй; радуйся, сомнящихся в вере словом Божиим утверждаяй.

Радуйся, преподобне отче Иосифе, богомудре, чудотворче.

Кондак 5

Божественною любовию распалаем и ближних твоих, иже в мире, не отверглся еси сердцем, преподобне: слышав бо старца отца твоего в разслаблении телеснем суща, умолил еси преподобнаго Пафнутия во обитель того прияти и надолзе послужил еси болящему родителю твоему, со всяким рачением призирая его и питая телесне рукама твоима и духовне словом Божиим до самыя кончины, яко тому взывати к тебе: Не аз ти отец, но ты ми отец еси. Сей убо труд любве твоея сыновния восхваляюще, яко жертву богоприятну, поем: Аллилуиа.

преподобный иосиф волоцкий

Икос 5

Имый во обители осмьнадесять лет жития в послушании, бдении, пощении и научении писанием святых и духоносных отец, егда наста час блаженныя кончины преподобнаго Пафнутия, начальствовати по нем, аще и не хотяй, призван был еси и во пресвитера поставлен, да управиши добре собранное им стадо Христово; ты же вмале начальствовав, паки управляем восхотел еси быти, да приумножиши добродетелей нетленная сокровища. Темже, дивящеся ревностному добротолюбию и смиренномудрию твоему, вопием ти:

Радуйся, лишении телесными многа блага духовная собравый; радуйся, нищетою дарования Небесная стяжавый.

Радуйся, молчания изрядный хранителю; радуйся, строгий уставов иноческих блюстителю.

Радуйся, болящим, яко братии Христовой, послуживый; радуйся, высокий образ любве сыновния явивый.

Радуйся, власти над другими и чести уклонивыйся; радуйся, паки, яко слуга незнаемь, во обитель Кириллову вселивыйся.

Радуйся, тамо брашна уготовляти определенный; радуйся, и в рубище рабстем познанный и обличенный.

Радуйся, преподобне отче Иосифе, богомудре, чудотворче.

Кондак 6

Купцу уподобился еси, ищущему добраго бисера, Иосифе преподобне, егда в послушании и всяцем подвизе духовнем благоискусен быв, обители иноческия посещал еси: да испытно познаеши в тех лучшая и совершеннейшая и приусвоиши на пользу душ стада твоего словеснаго, еже радостию велиею возрадовася возвращению твоему, благодарственне взывая Пастыреначальнику Христу: Аллилуиа.

Икос 6

Слышав благоверный князь Борис о пришествии преподобнаго Иосифа в его пределы, изшед усердно моляше и, да изберет в его наследии место, да соградит на нем святую обитель и пребывает в ней со иноки, еже и свершися, дыханию бурну указующу место, и устройся рачением князя, паче же благословением Божиим по молитвам преподобнаго, емуже с любовию взываем сице:

Радуйся, высоких подвигов жития христианскаго ревнителю; радуйся, новоначальных искусный руководителю.

Радуйся, неизменное правило поста и покаяния; радуйся, хранителю непрестаннаго воздержания.

Радуйся, мирским наставниче жизни богоугодныя; радуйся, основателю обители благоплодныя.

Радуйся, яко благая начинания твоя Христос благослови; радуйся, яко сотрудника тебе в лице державнаго яви.

Радуйся, преподобне отче Иосифе, богомудре, чудотворче.

преподобный иосиф волоцкий

Кондак 7

Велие стяжав сокровище любве, преподобне, якоже во дни первых христиан, имже бе сердце и душа едина и от нихже никтоже от имений глаголаше что свое быти, судил еси и во иноцех обители твоея, яко изволением сердца отвергшихся мира и его стяжаний, уставити сицеваго жительства образ, да вси вкупе едино взыщут стяжание вечное, Бога, Емуже и да взывают выну: Аллилуиа.

Икос 7

Новаго Феодосия, общих житий начальника, зрит в тебе страна Российская, преподобне отче Иосифе, якоже бо той, иноческия обеты восприяв, всем сердцем и душею уставом общаго иноческаго жития предан бяше, сице и ты, сим шествуяй путем, в терпении мнозе заповедем общежития святых отец неуклонно последовал еси, темже от чтущих тя слышиши таковая:

Радуйся, общее житие монашествующих основавый; радуйся, тем всеоружие благочестия им подавый.

Радуйся, общими труды праздных помыслов шатания упразднивый; радуйся, теми, яко бронею, страстей разжженныя стрелы отразивый.

Радуйся, вселивый во обители дух общаго воздержания; радуйся, потребивый в ней плевелы любостяжания.

Радуйся, бодрствованию духовному многи иноки научивый; радуйся, до конца жития первый в труждающихся бывый.

Радуйся, преподобне отче Иосифе, богомудре, чудотворче.

Кондак 8

Странник пришел еси в пустыню отечествия твоего, преподобне, и абие домовладыка явился еси Богу, преклоньшу сердце во власти сущаго благовернаго князя Бориса еже послужити от имений своих на созидание церкве каменныя на месте сем, благоукрасити же ю боголепно, и келлии воздвигнути множащимся братиям, да и зде сими, яко на небеси святыми Ангелы, возносится Богу песнь: Аллилуиа.

преподобный иосиф волоцкий

Икос 8

Видяще ревностное по Бозе и жестокое житие преподобнаго Иосифа и братии, непрестанно в трудех и пощении подвизающихся и ходящих в рубищных и худых одеждах, нецыи от инок и всякаго чина мирских людей и князей не точию сих не отвращахуся, но паче равностию духовною горяще и во обители купно с ними подвизатися желающе, приношаху ту имения своя на пользу общую; темже здателю той возглашаем тако:

Радуйся, мудре предначертавый обитель нову; радуйся, поревновавый нищетолюбному житию Христову.

Радуйся, святыя храмы во обители создавый; радуйся, мног собор монашествующих собравый.

Радуйся, яко труд твой свыше благословися; радуйся, яко святое желание сердца твоего совершися.

Радуйся, яко во обители твоей мнози души своя спасоша; радуйся, яко из нея пастыреначальницы изыдоша.

Радуйся, преподобне отче Иосифе, богомудре, чудотворче.

Кондак 9

Всем сердцем возлюбивый Бога и многа дарования духовная от Него восприемый, преподобне Иосифе, и пред человеки толику благодать обрел еси, яко не точию мнози от простых, но и князи, требующе твоих наставлений, в послушание тебе вдаяху себе совершенно, имже миротворец был еси, исходатайствовав благоволение самодержца князю Юрию, иже неповинне оклеветан под страхом смертным бяше, избавлен же быв в радости душевней возопи Богу: Аллилуиа.

Икос 9

Благодать Божественная, привлекаемая молитвами преподобнаго, яве знаменася в нем даровании чудотворений и ведением сокровенных: умерша бо благочестиваго князя Иоанна молитвою своею возбуди, да конечне предуготовится покаянием и восприимет залог жизни вечныя, и тако да отыдет ко Господу; темже во гресех живущии и действеннаго возбуждения на покаяние требующии возопиим к нему:

Радуйся, благочестивых отрадо и утешение; радуйся, колеблющихся в вере твердое ограждение.

Радуйся, отчаявающихся утверждаяй во уповании; радуйся, просветивый многих твоими писании.

Радуйся, мир посреде враждующих устрояяй; радуйся, неповинныя от смерти избавляяй.

Радуйся, умирающия возставляяй на покаяние: радуйся, всем внушаяй жизни вечныя взыскание.

Радуйся, шествовавый путем трудным и тесным; радуйся, возводяй других к обителем небесным.

Радуйся, преподобне отче Иосифе, богомудре, чудотворче.

преподобный иосиф волоцкий

Кондак 10

Новоустроенну обитель преподобнаго Иосифа испыта Господь посещением гнева Своего, купно же и милости: за грехи бо людския глад крепок наведе на землю Волоколамску и на вся окрестныя веси, яко многим людем безгодно погибати. Преподобный же, уведев сия, усугуби во обители моление и отверзе житницы тоя алчущим; раздав же вся сущая и не могий ктому не точию тысящ пришедшаго народа, но ниже братии своея препитати, посла заимовати на обитель сребро и куплю деяй семен хлебных, никакоже остави требующия погибати гладом, детем же их малым особь созда дом, дондеже державный благочестивый царь Василий, слышав сия, внезапу прииде во обитель и дарова довольная ко призрению бедствующих, иже, видяще в сем милосердующую руку Божию, во умилении сердец вознесоша хвалебный глас Богу: Аллилуиа.

Икос 10

Благому изволению державнаго последующе, мнози от военачальник и князей удельных и иных христолюбцев богатая даяния в обитель Иосифову приношаху, яко всем пришедшим к ней глада ради безбедно в домы своя возвратитися и новым изобилием благословитися обители преподобнаго, к немуже взываем ныне:

Радуйся, надеждо светлая в нужде и обстоянии сущих; радуйся, покровителю сирых и крова неимущих.

Радуйся, гладом погибающих питателю; радуйся, чадом их виталища созидателю.

Радуйся, милости источниче неистощимый; радуйся, скорбящих утешителю незримый.

Радуйся, последняя твоя взаим Богови давый; радуйся, добрым расточением сущих богатая собравый.

Радуйся, преподобне отче Иосифе, богомудре, чудотворче.

Кондак 11

Ведый от Божественных писаний, яко един уповающий на Господа поженет тысящи, и два двигнета тмы, не убоялся еси, преподобне, един со святым Геннадием сонмищу сильных поборников суетных лжеучений противустати; и оружием истины в конец сих поразил еси: вси бо разсеяшася, яко прах пред лицем ветра, тебе же благодарственно сердцем и усты взывающу: Аллилуиа.

преподобный иосиф волоцкий

Икос 11

Веруяй в Мя,— рече Господь,— реки от чрева его истекут воды живы. Сия убо в тебе оправдишася, досточудне Иосифе, не бо священным догматом богословия во училищи некоем наставлен был еси, но сам живою верою сердца взыскуяй Бога, истину обрел еси в слове Божии и писаниих отеческих и явился еси оплот необорим Православия. Темже взываем ти:

Радуйся, лжеучителей злых лукавство разоривый; радуйся, сомнящихся в православней вере утвердивый.

Радуйся, бодрый учения Христова защитниче; радуйся, боголюбивою ревностию возжженный светильниче.

Радуйся, благопотребне во отечествии твоем возсиявый; радуйся, веру в делех жития твоего показавый.

Радуйся, разумных и препростых благоискусный учителю; радуйся, ближних и дальних россиан просветителю.

Радуйся, преподобне отче Иосифе, богомудре, чудотворче.

Кондак 12

Миру водворившуся в Церкви дух злобы паки, пакости дея, подвигну сердце волоцкаго владетеля корысти ради многа смущения и утеснения творити обители, еще же и осуждение неправедно воздвигнути на преподобнаго, еже и паде на главу осудившаго; собором бо священным преподобный Иосиф с великою честию оправдан бысть, присно воспеваяй Богу: Аллилуиа.

преподобный иосиф волоцкий

Икос 12

Течение жития скончавая в трудех и молитвах, и подвизех благочестия, завеща преподобный неизменно хранити преданный им устав знаменательне прирек: аще получу от Бога милость, то обитель сия ничимже скудна будет, и тако, завесу плоти отложив, отыде ко Господу и по сих исцеления подаваше больным, приходящим с молитвою к его мощем. Сего ради приносим ему похваления таковая:

Радуйся, чистоты душевныя хранителю нелицемерный; радуйся, истинный рабе Христов благий и верный.

Радуйся, стрелами вражиих навет неуязвимый; радуйся, спасаемых вождю непобедимый.

Радуйся, досточудный образе терпения; радуйся, наставниче нелестнаго благоговения.

Радуйся, и по отшествии обитель твою соблюдаяй; радуйся, молящимся благопотребная подаваяй.

Радуйся, от Господа венец правды восприявый; радуйся, славою чудотворений просиявый.

Радуйся, преподобне отче Иосифе, богомудре, чудотворче.

Кондак 13

О преподобне и богоносне отче Иосифе! Воспоминающе ныне подвиги и труды твоя, яже о Христе содеянная, мы, грешнии и недостойнии раби твои, смиренно просим тя: моли милостиваго Бога, да дарует мир жительству нашему и Церкви Своей Святей, да оградит ю от всех душепагубных и безбожных учений, да подаст же нам вся благопотребная в житии сем, и в будущем веце да сподобит нас воспевати Ему: Аллилуиа.

Этот кондак читается трижды, затем 1-й икос «Ангела во плоти…» в 1-й кондак «Избранный угодниче…».

Поделиться
Отправить
Класснуть
Вотсапнуть
Запинить
Помогла статья? Оцените её
(Пока оценок нет)
Загрузка...
 рассчитывает на Вашу помощь!
Добавить комментарий

Adblock
detector