Жизнь и деятельность Максима Грека, икона преподобного и тексты молитв к святому

В православии Максима Грека почитают как борца за праведность в среде русских религиозных служителей. Преподобный обличал грехи властвующих лиц. За открытое выражение несогласия с безбожным правлением князя Василия Иоанновича он терпел тяготы многолетнего заточения. Афонский монах, мудрец и писатель оставил богатое духовное наследие, часть которого увековечена в Минеях Четьих.

Поиск молитв на все случаи жизни

Происхождение

В 1470 году в семье Триволис родился мальчик Михаил. Фамилия принадлежала аристократическому роду, проживавшему в греческом городе Атра. Отец Михаила, Мануил — императорский советник. Родители воспитывали сына в духе христианства и дали ему хорошее образование.

Житие до приезда на Русь

Будущий святой с 10 лет учился на острове Корфу. Его первый учитель — философ Иоанн Мосхос. В 20 лет юноша вернулся домой и решил заняться работой, полезной для общества. Он участвовал в выборах в местный совет, положившись на полученные знания и благородное происхождение. Но его кандидатуру не поддержали.

После поражения на выборах Михаил решил продолжить образование. Юноша путешествовал по Европе, учился во Франции, в Италии. Он изучал древнегреческую философию и историю в Милане. Во Флоренцию он отправился специально, чтобы приобщиться к сокровищам библиотеки Медичи.

Во время пребывания в Венеции философ нашел учителей. Альд Мануций — известный в Италии издатель.

Из его уроков Михаил почерпнул знания по источниковедению и научился редактировать тексты. В Италии жил ученый и дипломат Ианос Ласкарис, также выходец из Греции. Благодаря его наставничеству Михаил углубил знания древнегреческого языка. Большое влияние на студента-путешественника оказал монах-доминиканец Джироламо Савонарола. Слушая его проповеди, Михаил проникся католицизмом. Некоторое время он жил в монастыре Сан-Марино, в котором проповедник-доминиканец служил игуменом.

максим грек

Но постепенно философ стал охладевать к католической вере и превратился в ее антагониста. Позже в монашестве он написал 15 трудов, в которых раскрыл намерения Рима распространить католицизм на Руси. Михаил Триволис покинул Италию в 1504 году и вернулся в Грецию убежденным православным. Он принял судьбоносное решение принять монашеский постриг. Благословение он получил на горе Афон, в обители Ватопед, и впоследствии стал известен под именем Максим Грек.

Приезд и работа на Руси

В 1515 году Максим Грек покинул Афон. Князь Московский, Василий Третий, обратился к монахам, чтобы они отправили к нему толкового человека для перевода и систематизации библиотеки религиозной литературы. Братья выбрали инока Максима Грека. Он не хотел ехать, так как не говорил по-русски и желал уступить почетную миссию почтенному опытному монаху Савве. Но тот был слишком стар для путешествия. Игумен настоял, чтобы ехал Максим, так как не сомневался в сообразительности посланника. На Руси переводчику поначалу оказали теплый прием.

Максим Грек перевел самую известную и уважаемую книгу Руси — Толковую Псалтырь, в соавторстве с русскими переводчиками. Монах переводил тексты с греческого языка на латынь, а затем передавал их помощникам для перевода на церковнославянский. Работа над Псалтырью заняла полтора года. Покровитель преподобного отца, митрополит Варлаам, вместе с князем утвердил перевод. Афонский монах хотел уехать назад в Грецию, но князь не позволил.

Максим Грек остался и продолжил литературную деятельность: составлял княжескую библиотеку и исправлял духовные книги. За три года работы над переводами преподобный отец выучил русский язык.

В 1518 году в Москву приехали афонские монахи для сбора пожертвований. Также посланцы должны были выяснить причину отказа московского митрополита принять в столице константинопольского Патриарха. Они привезли письмо, в котором тот выражал несогласие с таким положением дел на Руси. Максим Грек тоже порицал самоуправство русской верхушки духовенства.

максим грек

Русские священнослужители в оправдание сослались на старые документы, но не показали их. После визита преп. Максим написал сочинение, чтобы призвать церковников отстаивать традиции православия, чистоту веры и не поддаваться тьме самодержавия. Постепенно монах впал в немилость князя и нового митрополита.

Заточение

За годы, проведенные в Москве, Максим Грек наблюдал за распущенностью священнослужителей и несправедливостью в обществе. Монахи боролись за право землевладения, чтобы за обителью закреплялась территория. Духовенство разделилось на два воюющих лагеря — нестяжателей и иосифлян.

Борьба за праведность

Максим Грек примкнул к приверженцам нестяжательства — Ивану Берсень-Беклемишевому, Вассиану Патрикееву. Монах обличал грехи главы державы. Супруга князя, Соломия, не могла родить наследника. Поэтому Василий решил развестись с ней. Развод противоречил православной вере. Соломию ждала ссылка в монастырь. Максим Грек написал поучение для князя, в котором упрекнул его в потакании плотским страстям и призвал поступать по законам Божьим. Благочестивый писатель никогда не отрицал своего осуждения русской автокефалии. Он не боялся выступать против правителя и верховного духовенства.

Митрополит Данила, сменивший Варлаама, испытывал неприязнь к греческому монаху. Максим Грек выступал против католической церкви, которой благоволил новый митрополит. Монах считал, что католицизм опирается на внешнюю философию, которая расходится с божественным законом. Преподобный Максим указывал на гордость римских пап, занявших апостольские престолы. Величие апостолов заключалось в вере и благочестии, а не в престоле. Владыка использовал высказывания Максима Грека против него. Общение с послом Турции, осуждение безбожного правления и поведения князя решило судьбу монаха.

Арест

В 1525 году был созван Поместный собор. Максима Грека обвинили в сговоре с турецким послом и правительством. Преподобного отца также обвинили в ереси и искажении подлинного значения книг.

максим грек икона

Максим Грек ответил на суде, что смысл текстов терялся в трудах русских переводчиков. Монах старался максимально приблизить латинский перевод к греческому оригиналу. Приговор — заточение.

Годы в заключении

В неволе Максиму Греку запретили причащаться и прикасаться к книгам. Однажды монаху явился ангел и призвал к терпению. Ибо страданиями мирскими тот освободится от мук вечных. 6 лет преподобный отец прожил в тюремных условиях в Иосифо-Волоцком монастыре, когда его вновь призвали на собор. Теперь ему приписывали чернокнижие и волшебство, попирание монахов-чудотворцев, во имя которых освящены обители и их территории. Опального переводчика отправили в Тверь, в Отроч-Успенский монастырь.

В Тверской обители преподобный монах вернулся к писательству с разрешения епископа. Он написал поучительное сочинение об укреплении терпения во время заточения и включил в него автобиографию.16 лет Максим Грек прожил без причастия. Вновь вкусить Священные Дары ему позволили в 1541 году.

Смерть и канонизация

После кончины князя Василия Максим Грек попросил об освобождении. Но монах мог доложить о происшедшем Патриарху в Константинополе, поэтому переводчику не разрешили вернуться домой. Благодаря многолетним просьбам сочувствующих Греку иосифлян его перевели в Троице-Сергиеву Лавру. Там монах прожил до своей кончины в 1556 году, 21 января. Преподобного отца похоронили рядом со Свято-Духовским храмом. Максима Грека почитают в русском православии с 1988 года.

Где хранятся мощи

Останки преподобного отца извлечены в 1996 году. Место захоронения славилось чудотворной силой. Сейчас мощи находится в Успенском храме Свято-Троицкой Сергиевой Лавры.

мощи святого

Дни почитания

Святого Максима Грека почитает Греческая, Русская и Константинопольская Православная Церковь. 3 февраля отмечают кончину преподобного по новому стилю, а обретение мощей — 4 июля (21 июня по старому стилю).

Иконография

Изображения святого можно встретить на страницах его сочинений. Благородный старец с длинной бородой в облачении инока смотрит с миниатюр, иллюстраций, икон и фресок, написанных художниками и иконописцами с 16 по 18 век. Преподобный отец предстает на них в образе публициста, философа, а святость его символизирует нимб. Наиболее точно внешность монаха отражают три рисунка из его сочинений, хранившихся в библиотеке Соловецкого монастыря. Иллюстрации написаны с 14 по 17 век. Максим Грек изображен на них более реалистично: выделены морщины, нос крючком и густая борода.

Максим Грек изображен на общей иконе Собора Радонежских святых. Рядом с мощами находится икона монаха, написанная после канонизации. Святой изображен до пояса, с книгой в руке. Также Максима Грека изображали в одеянии священника, с крестом и Святым Писанием.

О чем просят святого

Монах Максим — покровитель переводчиков, студентов, писателей. Преподобный помогает укрепиться в вере, преодолеть уныние и проявить терпение во время жизненных неурядиц. У мощей святого молятся об исцелении физических и душевных болезней. Преподобного отца просят помочь преодолеть искушения.

максим грек

Труды и творчество

Творческое наследие Максима Грека насчитывает 365 произведений. Из них издано более 200. Самые известные книги преподобного отца:

  • «Деяния апостолов» святого Луки;
  • Отрывки византийской энциклопедии «Свиды»;
  • «Сборник церковных канонов»;
  • пояснения Иоанна Златоуста к Евангелию от Матфея и Иоанна;
  • труды Симеона Метафраста.

Произведения Максима Грека издавались в трехтомных собраниях и отдельно. Преподобного отца волновали различные темы:

  • соединение церковных епархий;
  • порицание магометанства;
  • искоренение пороков и суеверий среди русских верующих.

Монах выбирал краткие литературные формы: рассказ, послание, молитву, песнопение, рассуждение. В «Пяти словах» преподобный обличает ересь жидовствующих, отречение сектантов от жертвы Христа, Богоматери, отвержение икон и реликвий. Отдельное поучение Максим Грек посвятил астрологии. Монах называет ее лженаукой, противоречащей христианскому учению.

Труд «Против латинян» посвящен влиянию Римской империи на религиозное настроение в Москве. В сочинении Максим Грек выступает против западных учений о чистилище, исхождении Святого Духа и пресного хлеба, называемого маца или опресноки. Преподобный отец доказывает, что единственно верны догмы, изложенные в Святом Писании.

Мысли о землевладении монастырей, стоившие писателю свободы, изложены в «Сказании о известном иноческом жительстве». Несмотря на жесткую критику мирских и религиозных устоев, Максим Грек — наиболее уважаемый автор Руси 16 века.

святая икона

Тексты

Христиане отмечают чудотворную силу молитвы, прочитанной в день памяти греческого монаха Максима. После просьбы нужно прикоснуться к иконе святого.

Молитва

Преподобный отче Максим! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отецм всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

человек молиться

Тропарь

Зарею Духа облистаем, витийствующих богомудренно сподобился еси разумения, неведением омраченная сердца человеков светом благочестия просвещая, пресветел явился еси Православия светильник, Максим преподобный, отонудуже ревности ради Всевидящаго отечества чужд и странен, Российския страны был еси пресельник, страдания темниц и заточения от самодержавнаго претерпев, десницею Вышняго венчаешися и чудодействуеши преславная. И о нас ходатай буди непреложен, чтущих любовию святую памятъ твою.

Кондак

Богодухновенным Писанием и богословия проповеданием неверствующих суемудрие обличил еси, всебогате, паче же, в Православии исправляя, на стезю истиннаго познания наставил еси, якоже свирель богогласная, услаждая слышащих разумы, непрестанно веселиши, Максим досточудне, сего ради молим Тя: моли Христа Бога грехов оставление низпослати верою поющим всесвятое твое успение, максим, отче наш.

Величание

Ублажаем тя, преподобный отче наш Максим, и чтим святую память твою, наставниче монахов и собеседниче Ангелов.

Акафист

Кондак 1

Избранный служителю Предвечнаго Слова, всехвальне отче наш максим, в преславней земли Греческой прозябший и в державе российстей подвизи просиявший, поучениями и писании твоима в благочестии и богообщении нас утвердивый, величаем ныне многотрудное житие твое и на предстательство твое пред престолом Триипостаснаго Бога нашего упование свое возлагая, вопием ти сице: Радуйся, преподобный и богоносный отче Максим, на путь спасение вечнаго нас наставляющий!

максим грек икона

Икос 1

Ангелов и человеков Творец и всея твари Зиждитель, содержаяй в деснице своей судьбы царств и народов и над каждым из чад своих отеческое промышления являяй, произрасти тя, богомудре отче наш Максим, от корени именитаго и рода знатнаго, благоволи украсити тя в премудрости отец святых и аки просветителя всемудраго направи тя в великое княжество Московское, да укрепиши народ русстий в вере истинней и подлинными наследниками духовнаго богатства Византии ны сотвориши. Мы, сия ныне поминающе, просим тя, приклони к нам милосердие Всемудраго и Всемогущего Отца Небеснаго и приими милостивно похвалы сия:

Радуйся, богодухновенных отец достойных приемниче и сонаследниче.

Радуйся, философов и риторов премудрых пречудный наставниче.

Радуйся, всех истины взыскующих небесным благословением осеняющий.

Радуйся, от путей соблазнов и прельщений их удаляющий.

Радуйся, в богомыслии разум нас утверждающий.

Радуйся, в сердцех наших пламень любви к Богу и ближним возжигающий.

Радуйся, тихим светом надежды ны благодатно озаряяй.

Радуйся, в вере твердыми выну быти ны сподобляяй.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 2

Видевше благочестивыя и богомудрыя родителя твоя, святый Максим, запущение отчизны их по падении преславнаго царствия греческаго, обаче уразумеша, яко выну милостив есть Господь к верным своим, и во уповании таковом и житии по заповедем евангельским тя утвердиша. Мы же, сия воспоминающе, Господеви поем: Аллилуйа!

Икос 2

Разум твой в послушание вере отдавше, преславными родители твоима и иныма добрыма наставники поучаемый, богоносный Максим, в благословении пред Творцем всяческих начаток премудрости твоея и дел благих положил еси; послеже усердно поработал еси учения отец святых и философов премудрых постигая, восходя по лествице добродетелей в меру возраста духовнаго. Сего ради величаем тя сице:

Радуйся, дары благости и добраго совета нас преображающий.

Радуйся, кротостию голубиною и мудростию змеиною нас обогощающий.

Радуйся, ко усердному чтению святаго Писания ны побуждаяй.

Радуйся, к усиленной молитве и в псалмопении нас утверждающий.

Радуйся, в трезвлении духовнем и уповании на Бога всех нас утверждающий.

Радуйся, душетленных навыков и злых обычаев удалятися нас научающий.

Радуйся, в соблазнех и прельщении сущих помощь небесную посылающий.

Радуйся, в милосердии к себе и ближним наших взрастати нам помогающий.

Радуйся, преподобный и богоносный отец наш Максим, на путь спасения вечнаго нас наставляющий!

святая икона

Кондак 3

Силою благодати Божия хранимый, блаженне Максим, в земли италийстей сый, не врежден пребыл еси от тлетворнаго духа века того, и, пчеле трудолюбивей подобно, нектар благий мудрости отовсюду сбирал еси, в познании истины Христовей возрастая; Иерониму благочестивому внимая к иноческому житию устремил еси мудрое сердце твое, отче святый; Господеви же неустанно возносил еси пение ангельское: Аллилуйа!

Икос 3

Имуще в души твоея ревностное желание Спасителю Нашему, за ны Распятому, всеусердно послужити удалился еси, богославне максим, из чудней земли Италийстей на преславну гору Афонскую, идеже монашество и священство сподобился еси прияти: наставлением старец святогорских следуя, от добродетели к добродели восходил еси, угодниче Христов, внутреннею человека обновляюще и образ Божий в себе отверзая. Сему же деланию духовному и нас настави, да зовем ти:

Радуйся, от суеты мирския к священному безмолвию притекий.

Радуйся, упокоение от невзгод и треволнений в тихих обителех обретый.

Радуйся, свет нетварный еще на земли созерцавый.

Радуйся, неизреченную сладость богообщения познавый.

Радуйся, духовныя очи наша ко зрению Бога изощряющий.

Радуйся, ушеса наша к слышанию небесных глагол отверзающий.

Радуйся, даром различения духов нас обогащаяяй.

Радуйся, от заблуждений и падений духовных нас свобождаяй.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 4

Бурю страстей и сомнений греховных молитвою, постом и трезвением сердечным победил еси, всехвальне отче наш Максим, ибо на твердом камени истиннаго и неприложнаго исповедания Христова положил еси основание душевной храмины твоея. Сего ради молим тя: утверди и нас в неприложном уповании на Милосердие Святей Троицы, да с тобою сподобимся во веки воспевати: Аллилуйа!

крест и руки

Икос 4

Слышавше благоверный великий князь Московский Василий Третий, яко во обителех афонскиих книжницы велемудрыя и философы богопросвещенныя обретаются, повеле призвати оныя в державу свою, дабы народ русский в вере Христовой и делании заповедей евангельских утвердити и укрепити. Ты же, преблагословенный Максим, благодатию Божиею присноукрепляемый, отбыл еси в пределы московския, дабы волю Божию исполнити и правду Его явити в стране нашей. Сего ради просим тя: нас, слабых в вере и в уповании на Христа, Господа Нашего, укрепи, да зовем ти сице:

Радуйся, тягот дороги дальния и жития в пределех северных не убоявыйся.

Радуйся, чуждый кровию, обаче духом своим для русскаго народа ставший.

Радуйся, землю греческую и российскую паки и паки в вере соединяющий.

Радуйся, от суеты и преходящих пристрастий ны исцеляющий.

Радуйся, к вечней правде Божией взоры духа обращати ны научающий.

Радуйся, идолы духовные о камень истины Христовей разбивающий.

Радуйся, Христа – Спасителя паче всего земнаго чтити подвизающий.

Радуйся, милость Всенепорочней Богоматери к нам приклоняющий.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 5

Богоявленней и боготочней звезде, путь ко Христу озаряющей и освящающей воистину уподобился еси, преподобный отче наш Максим, егда в пределех российстих сый, истину Божию безстрашно исповедал и проповедал еси, суеверия языческия и звездопоклонническую ересь, мздоимство и неправдолюбие, забвение заповедей и любви к ближнему всеусердно обличал еси. Сего ради просим тя, всеблагий наставниче наш, научи нас токмо Спасителю служити, не соблазняясь земными преходящима благами и сподоби во веки нужно с тобою выну воспевати Христу: Аллилуйа!

горят свечи

Икос 5

Видевше тя, благословенне отче наш Максим, благочестивыя русстии люди, почаху прихождити к тебе в прехвальную Чуда Святаго архистратига Михаила обитель, иже во граде Москвы, совета, наставления, утешения и молитвы твоея ради. Ты же, никого от пришедших не отринув, ко пользе ближних твоих всеусердно послужил еси. Мы же, веруя, яко ты ныне во благодати Господней сый, сугубо внемлеши мольбам нашим с надеждою, отрадою и умилением воспеваем ти сице:

Радуйся, старче благий, в возрастании богопознания ближних твоих утверждавый.

Радуйся, от духовной дремоты и праздности духа приходивших к тебе исцелявый.

Радуйся, подлинному благочестию и любви к ближнему я научавый.

Радуйся, в уповании на Премудрость Милосерднаго Творца их укреплявый.

Радуйся, от закваски фарисейския и лицемерия преславно исцеляяй.

Радуйся, от теплохладия и омертвления сердечнаго благодатно избавляяй.

Радуйся, о просвещении духовных очес наших Бога умоляяй.

Радуйся, в тишине помыслов хвалити Христа всех нас подвизаяй.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 6

Проповедник и ревнитель жития благочестиваго воистину явился еси, всеблагохвальне отче наш Максим Святогорче, яко твердо и неукоснительно обличал еси, незнание истин веры Христовой, несоблюдение заповедей Спасовых, исполнение токмо внешняго обряда, безо всякого подвига духовнаго в суетней надежде токмо на внешнее благочестие, наставлял бо еси всем сердцем и всем помышлением, всем естеством нашим возлюбити Иисуса Сладчайшаго и умиленно воспевати Ему благодарения: Аллилуйа!

руки и книга

Икос 6

Возсиял еси светом богодарованныя премудрости твоея, о всехвальне отче наш Максим, в земле Русстей, яко мнозиих во истине Христовой преславно утвердил, яко книзи Писания священнаго, святых отец творения и толкования перевел еси с наречия греческаго и латинскаго на язык словенский, яко богомудрия сочинения в назидание и пользу нам оставил еси, преподобный. Сего ради, величая прехвальные труды твоя, глаголим ти сице:

Радуйся, от мрака невежества к свету Премудрости Божия возводяй.

Радуйся, заблуждающихся и сомневающихся ко истине Христовой кротец приводяй.

Радуйся, труд переводчиков и книжных справщиков с небес благословляющий.

Радуйся, филологом и языковедам помощь твою посылающий.

Радуйся, разум богословов и благовестников светом небесным осеняющий.

Радуйся, иноков и мирян в богоугодном житии и милосердии укрепление.

Радуйся, пресвитеров в благочестии и трезвлении утверждение.

Радуйся, архиереев во трудех их благодатное удобрение.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 7

Хотяще нам славити тя, о богоносный отче наш Максим, ведаем убо, яко язык человеческий не возможет достойно воспети всю полноту богоугодных подвигов твоих, все терпение твое, яже подъял еси, егда иерарси нечестивыя Тайн Божественных тя лишиша. Како убо возможно воспети глубину смирения твоего и высоту упования на Всемогущество и Любовь Отца Нашего Небеснаго, иже, аки слугу своего возлюбленнаго и ученика Христова прия тя и на лоне Авраамовем на веки упокои тя? Сего ради на предстательство твое надеяние наше возлагая, поим о тебе Вседержителю: Аллилуйа!

святая икона

Икос 7

Новый Максим– исповедник воистину явился еси, преподобный отче, яко же и святый твой покровитель исповедал еси пред властителями нечестивыми истину учения Спасителя Нашего, от коей ни одесную и ни ошуюю не отошел еси, отче святый и богомудрый. Сего же ради от властей предержащих лишения, изгнание и заточение темничное притерпел еси. Мы же, исповеднические подвизи твоя желая славосновити, таковыя похвалы приносим ти:

Радуйся, во страданиях твоих десницею Всевышняго укрепленный.

Радуйся, яко злато в горниле испытаний тяжких преображенный.

Радуйся, купно с исповедническими лики во славе ныне торжествуяй.

Радуйся, купно с благовестники и просветители хвалу Богу воспеваяй.

Радуйся, подобно Златоусту, за вся благодарити Творца нас научаяй.

Радуйся, в радости и благоденствии помнити о милостех Господних подвизаяй.

Радуйся, в час скорби упование на высшее милосердие возлагати наставляяй.

Радуйся, горести и страдания наши в отраду и благополучие пречудно претворяяй.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 8

Странно бе людем благочестивым и благосердным зрети, яко ты, святый Максим, в темнице заключенный и право писати лишенный, углием на стенах канон Всесвятому Духу-Параклиту написал еси; мы же, величая веру твою в животворящую благодать Всеблагаго Утешителя, смирение и незлобие твое воспеваем со умилением и просим тя, отче святый, сподоби и нас милости и даров Святаго Духа, да поем Ему всерадостно: Аллилуйа!

Икос 8

Всего себе подвигл еси на служение Господеви, богославне отче наш Максим, ибо несомненне веровал еси, яко «во отец существенне и Дух: от Него бо, аки от Единаго Начала, соприсносущна Оба сияют и пребывают о Себе в Живоначальных Ипостасех Своих». Мы же ныне величаем тя, святый отче, неизреченных тайн Божественных созерцателя всеблагоговейнаго, еще на земли нетварным сиянием осененнаго и просим тя: молитвы благоприятными твоима озари и нас светом Фаворстим и приими благосклонно лики сия:

Радуйся, Живоначальныя и Единосущныя Троицы Всесвятые премудрый служителю.

Радуйся, величая Отца Предвечнаго и Безначальнаго всеблагий тайнозрителю.

Радуйся, Сына Божия, Искупителя, вернейший последователю.

Радуйся, милосердия Всесвятого Параклита к нам всеусердный приклонителю.

Радуйся, ангельских хоров и собора праведных вседостойный сонаследниче.

Радуйся, преподобных отец афонских сомолитвенниче и собеседниче.

Радуйся, земли российския и еллинския вседрагое украшение.

Радуйся, Вселенския Церкви Христовой преизрядное похвало и утверждение.

Радуйся, преподобный и богоносный отец наш Максим, на путь спасения вечнаго нас наставляющий!

батюшка в храме

Кондак 9

Всяческия муки душевныя и телесныя с достоинством священноинока и кротостию претерпел еси, всеблаженне Максим; сего же ради утешения преславного сподобился еси от Господа Нашего, иже посла к тебе единаго от ангел своих, иже возвести ти, яко терпением твоим венец нетленный на небесех обрести имаши. Ты же, отче преподобный, с благодарностию воспел еси Господеви: Аллилуйа!

Икос 9

Вития многовещанныя и поэты всеискусныя, аки рыбы безгласные, немеют пред величием подвигов твоих, богоблаженне отче наш Максим, ибо кто возможет достойно и всеправедно воспети вся труды твоея, яже подъял еси вящей славы Божия ради и пользы и просвещения ближних твоих, в странех италийской, греческой и в пределех державы российстей, ибо кто по достоянию воспоет терпения и муки твоея, иже с надеждою велиею и кротостию ангельскаго приял еси, обаче на милость твою к нам уповая, смиренным сердцем возносим ти похвалы сия:

Радуйся, усыпленных совестей скорый возбудителю.

Радуйся, сомнений и треволнений душевных благостный умирителю.

Радуйся, всех чтущих память твою преславный хранителю.

Радуйся, носителей имени твоего благодатный попечителю.

Радуйся, благих дел и милосердия богомудрый наставниче.

Радуйся, изгнанных, униженных и обездоленных небесный заступниче.

Радуйся, правды ради подвизающихся всеблагий покровителю.

Радуйся, неправедно гонимых и обидимых предобрый утешителю.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 10

Спасительный подвиг твой, о всеславне Максим, совершивше, в руце Божии дух твой предал еси, с надеждою и отрадою велиею; ангелы же Господни вознесоша душу твою во обители Отчии; идеже Вседержатель венча тя нетленным венцем; сего ради просим тя, святый отче наш максим, егда же и мы оным сном смертным усыпати начнем, умоли Господа кротко душу нашу от тела отделити и власти бесовские ны избавити, да с тобою купно Всесвятей Троице воспоим: Аллилуйа!

горит свеча

Икос 10

Стеною всеблагомощных молитв твоих храниши днесь весь род христианский, о преподобный отче наш Максим, и во всяком скорбном обстоянии помощь твою даруеши всем, имя твое всечестное призывающим. Ты бо во дни брани со шведами явился еси святому благоверному царю Феодору Первому, иже опочи под стогнами града Юрьева и глаголал еси ему: «Изыди из шатра, да не убиен будеши», и тако живот его сохрани, послеже и иных чудес множество сотворил еси. Сего ради мы с любовью таковыя похвалы тебе приносим:

Радуйся, благочестивейшаго государя от погибели лютей на поле брани сохранивый.

Радуйся, благоволение и милость твою велиему множеству чтущих тя явивый.

Радуйся, от опасений и злых человек выну нас оберегаяй.

Радуйся, от прельщений и искушений бесовстих ны избавляяй.

Радуйся, благоговению пред святынею церковною нас обогащающий.

Радуйся, узким путем шествовати ко Господу научающий.

Радуйся, от широких дорог соблазнов ны удаляющий.

Радуйся, от уз неведения, заблуждений и недоумений скоро разрешающий.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 11

Пения акафистное радостно приносим ти, о богоблаженне отче наш Максим, и молим убо тя: всеблагомощным предстательством твоим исцели недуги наши душевныя и болезни телесныя, отврати от суеты помышления наши, настави нас в благочестивом житии, бедным отраду и утешение ниспошли, богатых к милосердию и благотворению подвигни, и всех нас настави нелицемерно Господеви воспевати: Аллилуйа!

горят свечи

Икос 11

Свет нетварный купно с сонмом отец преподобных созерцаеши ныне, богоблаженне отче наш Максим, яко предстояй пред престолом Всесвятыя и Единосущныя Троицы и молишися о спасении и благоденствии всех христиан. Мы же, Святую память твою почитающе, с надеждою взываем к тебе, угодниче Христов, сотвори твою молитву о нас, да отстранимся от греха и возможем еще на земли суще возрадоватися о Господе, молитвами угодников своих, милующего преизобильно и спасающего ны. Сего ради мы паки со умилением произносим ти похвалы сия:

Радуйся, благовестников в делах проповеди Евангелия укрепляющий.

Радуйся, делателей на пустующия нивы Господни посылающий.

Радуйся, ревновати о спасении ближних нас научающий.

Радуйся, словеса мудрыя во уста наши влагающий.

Радуйся, от сомнений и маловерия скоро исцеляющий.

Радуйся, в час недоумения разум наш мыслию благою озаряющий.

Радуйся, внутренний мрак душ наших светом Христовым озаряющий.

Радуйся, от теплохладия и немилосердия сердца наша освобождающий.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 12

Благодать и дары Всепреблагаго и Всепресвятаго Духа Утешителя, Хранителя жизни нашея испроси нам, всеблагословенне отче Максим, ты бо ныне во славе купно со праведными сыны Божиими и сонмами херувимов и серафимов предстоиши огнезрачному престолу Триипостасного Бога Нашего и простираеши преподобническия руце твои ко Отцу Света и Творцу миров и взываюши Ему: Аллилуйа!

максим грек

Икос 12

Стеною богоприятных молитв твоих, преподобный отче наш Максим, огради ны ото всякаго зла, скорбей и болезней избави ны, не посрами убо упования нашего, вемы бо, яко много может молитва твоя, отче праведный, у Царя Небеснаго, яко ты в сомне преподобных отец предстоиши пред престолом Всевышнего и предстательствуеши о всех, вопиющих ти сице:

Радуйся, покаянием души наши обновляти научаяй.

Радуйся, от уныния и тоски всех нас исцеляяй.

Радуйся, от ропота и неверия благодатное свобождение.

Радуйся, милосердия Божия к нам приклонение.

Радуйся, не творение, а Творца Предвечнаго, чтити ны научающий.

Радуйся, от суемудрия и пустословия ны отвращающий.

Радуйся, в преподобии и правде ны преславно утверждающий.

Радуйся, в Бозе все житие наше благодатно устрояющий.

Радуйся, преподобный и богоносный отец наш Максим, на путь спасения вечнаго нас наставляющий!

Кондак 13

О преблагословенне отче, предобрый наш заступниче и любимый покровителю, всехвальне Максим Святогорче! Милостивно приими усердное возносимое тебе пение и хваление, настави ны, пользуясь благами земными, не грешити против Господа Нашего; сподоби веру нашу плодотворней быти дел благих ради, яко да сподобимся в мире скончати земное житие наша и возможем с тобою купно Иисусу Сладчайшему во веки воспевати: Аллилуйа!

Сей Кондак читается трижды, затем Икос 1 и Кондак 1.

максим грек святой

Канон

Песнь 1

Ирмос: Поим, вси людие, от горькия работы фараони Израиля Изведшему и во глубине морстей ногами немокрыми Наставльшему песнь победную, яко прославися.

Припев: преподобный отче наш Максим, моли Бога о нас.

Воспети кий язык возможет по достоянию твоя, предивный отче, велия исправления, высокое учительство, в темнице и во узах мученическое страдание и долготерпение?

Преподобный отче наш Максим, моли Бога о нас.

Како воспоем и что тя наречем, предоблий отче? Пророка ли, яко провеща неудобь разумеваемая и ведомая нам, апостола ли, яко зыблемую противными нам ветры утверди христианскую веру Божественных писаний учении, учителя ли, но воистинну ничим же хуждши и нижши еси великих онех вселенских учитель.

Слава: Воспети Святаго и покланяемаго Параклита в темнице извещение от Ангела приим, сотворил еси канон Святому Духу, Имже еще в воли просвещен, священныя и Богодухновенныя книги составил еси.

И ныне: Поим, вси людие, святыню и славу Пречистыя и Всепетыя Божия Матере, вышшую Небес и всех умных Сил, поносившую в пречистой Своей утробе Еммануила, яко свята и преславна есть.

батюшка в храме

Песнь 3

Ирмос: Утверди мене, Христе, на недвижимом камени заповедей Твоих и просвети мя светом лица Твоего: несть бо свят, паче Тебе, Человеколюбче.

Преподобный отче наш Максим, моли Бога о нас.

Утвердил еси, преподобный Максим, в сердце своем Божественный страх, вся похоти плотская возненавидев, сего ради умудрился еси, якоже прост младенец, и вслед Господеви востекл еси.

Преподобный отче наш Максим, моли Бога о нас.

Утверждением имея распеншагося Господа Иисуса Христа, странен, незнаем, бездомен, безотечествен, безъименен, безсмыслен был еси, преподобный Максим, пред своими сродники, знаемыми и други.

Слава: Утверждался на заповедех Господних, от горести темничныя был еси на мног час, яко мертв, но деял еси о злонравных молитву, сице глаголя: Господи, Иисусе Христе, Сыне Бога Живаго, не постави им греха сего, клевещущих на мя неправду.

И ныне: Утверди нас к хвалению Твоему, Дево, и сохрани без вреда от всякия козни лукаваго, и сподоби стояния одесную Единороднаго Сына Твоего, Емуже подобает всякая слава, честь и поклонение во веки веков.

Господи, помилуй (трижды).

святые в храме

Седален, глас 4-й

Ум украсив поучении Богодохновенных Писаний, трезвенною молитвою и бдении Богоугодными, утвердил еси сердце свое в Господе исполнением заповедей спасительных Его, сего ради прославляют тя выну Росийстии людие и Афон, и обитель Ватопедская вкупе с нами вопиет: Максим премудре, не остави нас, молящихся тебе.

Слава и ныне: Молю Тя, Пречистая Мати Бога Вышняго, едино души моея утешение, упование, сладосте, Божественный покрове, свете, заступление и спасение! Сподоби мя Твоими молитвами услышати глас благословенных призывающий внутрь чертога Владыки.

Песнь 4

Ирмос: Велия тайна Твоего, Христе, смотрения: сию бо свыше провидя Богозрительно, Аввакум, нашел еси, вопиюще Тебе, во спасение людей Твоих, Человеколюбче.

Преподобный отче наш Максим, моли Бога о нас.

От тайных еретических лжеучений ничтоже утаися от тебе, преподобный Максим, но благодатию Святаго и покланяемаго Духа вся тебе откровена суть.

Преподобный отче наш Максим, моли Бога о нас.

Таинственных догматов Православныя веры не точию поборника истинна и верна себе показа, но и паче преостра секира на вся, яже под небесем, ереси явился еси.

Слава: Яко таин Святаго Духа строитель и Небеснаго жительства рачитель, и закона Господня учитель воистинну показался еси, премудре Максим.

И ныне: Велию таинству Моисей Боговидец научен, зря Купину Неопалиму: купина – немощь человеческаго естества, огнь же — Божество Единороднаго Сына Вышняго, ибо Бог наш – огнь есть, поядаяй грехи наша, якоже Божественный Апостол рече.

девушка в храме

Песнь 5

Ирмос: От нощи утренююще, поем Тя, Христе, Отцу Собезначальна и Спаса душ наших, мир мирови подаждь, Человеколюбче.

Преподобный отче наш Максим, моли Бога о нас.

Нощию луна, днем солнце просвещают и веселят тварь всю видимую, житие же и премудрость святых просвещают и веселят души всех человеков, хотящих спастися и в разум истины приити. Сице и писания преподобнаго Максима Грека, яко богодухновенныя труды, велегласно вопиют.

Преподобный отче наш Максим, моли Бога о нас.

В нощи молящуся тебе в темнице, Богоначальныя и Преблагия Троицы Промыслом внем Ангел Господень и рече: о старче! Сими муками избудеши вечных мук.

Слава: В нощи, яко сладкогласный и добропеснивый славий, воспел еси, премудре Максим: не тужи, не скорби, ниже тоскуй о нихже, – любезна ми душе, – страждеши без правды, твоя бо мзда велия на Небесех.

И ныне: От нощи утренююще, поем Тя, Дево, Дщерь Цареву, рясны златыми одеяну и преиспещрену, лествицу, юже Иаков виде, гору, юже благоволи Бог жити в ней, ибо Господь вселится до конца.

батюшка в церкви

Песнь 6

Ирмос:Пророка спасл еси от кита, Человеколюбче, и мене из глубины прегрешений возведи, молюся.

Преподобный отче наш Максим, моли Бога о нас.

Пророчески, преподобный Максим, люди обличал еси, к покаянию приводя: заблудихом, заблудихом от правого и незаблуднаго жительства преподобных инок и без ума течем к почести вышняго звания.

Преподобный отче наш Максим, моли Бога о нас.

Пророк покаяния явился еси, преподобный Максим, души трезвение снабдевая Божественными словесы и из рова страстей возводя омраченных грехми.

Слава: Пророческия писания, в тайне глаголанныя, явны соделал еси, премудре максим, сего ради послушают тя обильно вси людие.

И ныне: Пророки Тя провозвестиша, Дево Чистая, Апостоли проповедаша, святии вси ублажиша, мы же со Архангелом вопием: радуйся, Благодатная, Господь с Тобою.

Господи, помилуй (трижды). Слава, и ныне:

Кондак, глас 8-й

Богодуховенным Писанием и Богословия проповеданием неверствующих суемудрие обличил еси, всебогате, паче же, в Православии исправляя, на стезю истиннаго познания наставил еси, якоже свирель Богогласная, услаждая слышащих разумы, непрестанно веселиши, Максим досточудне, сего ради молим Тя: моли Христа Бога грехов оставление низпослати верою поющим всесвятое твое успение, Максим, отче наш.

икона святого

Икос

Како воспоем величайшему тезоименитаго, Максима предобляго? преподобных красна венца, страдальцев твердаго правила, еретиков неложнаго посрамления, Церкви столпа непоколебимаго, девственник известнаго наставника и супружества честнаго заступника, философов премудршаго мудреца, истины источника приснотекущаго, инок похвалу и всех людей воистинну украшение, сего ради молим тя, досточудне Максим: моли Христа Бога грехов оставление низпослати верою поющим всесвятое твое успение, максим, отче наш.

Песнь 7

Ирмос: Образу служити мусикийскому согласию созывающу люди, от песней сионских поюще отечески, отроцы Давидовы мучителево разориша злочестивое веление и пламень в росу преложиша, песнь воспевающе: превозносимый отецв и наш Боже, благословен еси.

Преподобный отче наш Максим, моли Бога о нас.

Образу промышления Пресвятыя Троицы песнь благодарственну воздав, преподобный Максим, вся ны призвал еси благословити неблазненно Отца, и Сына, и Святаго Духа, Единаго Бога в Триех Ипостасех.

Преподобный отче наш Максим, моли Бога о нас.

Образ злострадания, терпения и молитвы показался еси, святе Максим, паче же и упования, яко Бог Судия праведен, и крепок, и долготерпелив есть, и Той воздаст коемуждо по делом его.

Слава:Образ превыспренняго Богословия стяжал еси, премудре Максим, сии есть догматы Божественных апостол и отец, от Святаго Параклита излиянныя, имже и нас научаеши Богомудрыми своими писании.

И ныне: Образ пречистаго Твоего Рождества, Дево Мати, неизреченен и недоведом есть, Ты бо вселение превечнаго Единороднаго Сына Отча была еси, не опалившися от Него.

человек и небо

Песнь 8

Ирмос: В пламене огненне горящия пещи сохраншаго дети и во зраце Ангела снизшедшаго к ним, пойте Господа и превозносите Его во веки.

Преподобный отче наш Максим, моли Бога о нас.

Пламене Божественнаго Параклитова облистания возжелев, преподобный Максим, сего ради и сладчайшим светом учения и чудес огнем отгнал еси всякий мрак бесовский.

Преподобный отче наш Максим, моли Бога о нас.

Пламене геенскаго бегати люди научил еси, преподобный Максим, сих призывая делом совершати заповеди Христовы и отступити злобы, блуда, лжи, гордости, льсти и хищения неправеднаго чужих имений.

Слава: Пламенно нечестие еретическое попалил еси, премудре Максим, веры же христианския непорочныя Божественное исповедание изъяснив.

И ныне: В пламени огненне горящия Купины виде Тя Моисей Боговидец, провозвестив безсеменное Рождество Твое, Дево Пречистая, сего ради и нас плотских страстей свободи.

Песнь 9

Ирмос: Тебе, светлую свещу и Матерь Божию, пречудную славу и вышшую всех тварей, песньми величаем.

Преподобный отче наш Максим, моли Бога о нас.

Тебе, светлую свещу, и ум крайнейший, и столп непоколебим вемы, паче же наставника монахов и ересей наказателя проповедуем.

Преподобный отче наш Максим, моли Бога о нас.

Светло от полуденных стран возсиял еси, преподобный Максим, светло житие показав, мрак лукавствия прогоняя и благоприятною молитвою просияв.

Слава:Свеща Божественнаго разума быв, достигл еси в познание Сына Божия, в мужа совершенна, в меру возраста Христова, сего ради и мы вопием ти: блажен ты еси воистинну по всему, и подвиги, и славою, и благодатию, яже еси свыше получил.

И ныне: Тебе, и светлую свещу в нощи страстей, и покров благостыни, и стену необориму от навет вражиих, песньми велегласно величаем.

Поделиться
Отправить
Класснуть
Вотсапнуть
Запинить
Помогла статья? Оцените её
(1 оценок, среднее: 5,00 из 5)
Загрузка...
 рассчитывает на Вашу помощь!
Добавить комментарий

Adblock
detector