Житие блаженного Максима Московского и молитвы юродивому чудотворцу

Блаженный Максим Московский почитается русскими православными верующими, начиная с XV века. По молитвам святому случилось много чудесных исцелений. В его честь в столице была освящена церковь, где покоятся святые мощи. Юродивый Христа ради был утешителем обездоленных москвичей и обличителем знатных вельмож, забывших в погоне за властью и деньгами Бога.

Житие Максима блаженного Московского

Русские православные люди с особым почитанием относились к юродивым, считая, что их устами говорит Иисус Христос. Одним из таких святых угодников является блаженный Максим, юродивый Христа ради. Кем он был, какого рода, почему и когда принял на себя служение Господу в облике юродивого Христа ради – ничего не известно.

Книга, в которой описывалось житие и чудеса святого, была утеряна. В XVI веке, после канонизации блаженного Максима был составлен документ (повествование), в котором указывается имя, город проживания, кратко описывается его форма юродства. Здесь же названа причина, дата смерти и место захоронения.

Максим блаженный Московский круглый год носил на теле узкую набедренную повязку, по ночам вместо сна предавался общению с Богом. Святой обладал острым умом и умел доходчиво и емко выражать свои мысли.

Этот период времени принес много тягот для простого люда: засуху, голод, татарские набеги. Москвичи со вниманием выслушивали слова утешения блаженного, призывавшего с терпением относиться к лишениям и верить в лучшее будущее. Великих князей, знатных и богатых блаженный уязвлял меткими выражениями. Сохранились его высказывания о том, что внешнее благочестие продажных и жадных людей не обманет Бога: осенить себя крестным знамением не означает желания и готовности обращаться к Господу.

Скончался блаженный Максим в ноябрьские дни 1434 года, 11 числа, после непродолжительной болезни. Погребение останков совершили в ограде церкви святых князей Бориса и Глеба. Спустя 123 года митрополит Макарий канонизировал Максима, провозгласив его чудотворцем российским. 13 августа была вскрыта могила святого, святые останки поместили в раку на алтаре.

Основанием для причисления Максима Московского к лику святых стали многочисленные случаи чудес у его могилы. Через 20 лет деревянная церковь сгорела, но останки не пострадали. На месте сгоревшего храма была возведена каменная церковь, освященная в честь святого блаженного, куда были перенесены его мощи.

Почитание юродивого Максима Московского в православии

Память о святом блаженном юродивом Христа ради Максиме Московском в православии хранится со дня его кончины, 11 ноября. Особенно широко почитание распространилось после его канонизации в XVI веке, когда имя чудотворца стало известно за пределами российской столицы. Вторя дата поминовения – 13 августа – день обретения святых мощей.

Иконография

Иконография юродивых сформировалась под влиянием подвига Максима. Изображение блаженного напоминало облики великих аскетов раннего христианства. Для иконописцев был установлен типаж, которому они должны были следовать при создании святого образа: худой старец, с редкими седыми волосами (плешивый), седой бородой (по подобию Николая Чудотворца), обнаженный, в набедренной повязке, с молитвенно поднятыми руками.

По его подобию были созданы иконописи других московских аскетов: Василия блаженного и Иоанна Большого Колпака. Впоследствии появились иконы, где три подвижника Христа ради изображались вместе или попарно с Максимом. В начале XX века в Руководстве по писанию икон было рекомендовано изображать святого в рубахе для придания иконе благообразия.

Со второй половины XIX и до начала XX века возник устойчивый интерес к истории Русской церкви периода Средневековья, в том числе к юродивым. Появилось большое количество икон с интерпретацией изображения Максима Московского.

Православные тексты

О роли в православии русского аскета свидетельствуют молитвы, прославляющие его подвиг во имя Христа.

Тропарь

Наготою телесною и терпением/ обнажил еси вражия коварствия,/ обличая неподобное его деяние,/ зельне стражда солнечный вар/ и нуждныя великия студени,/ мраза и огня не чул еси,/ Божиею помощию покрываемь,/ Максиме премудре,/ о верою творящих память твою честно/ и усердно притекающих к мощем твоим/ моли избавитися от бед/ и падения избежати.

Ин тропарь

Терпением своим велию мзду на Небесех стяжал еси,/ в буйство волею Христа ради преложися/ и на Небо мысленное, яко на колеснице огненней,/ возшел еси, премудре Максиме./ Днесь мы ныне чтим честных мощей твоих обретение/ вкупе с благочестивыми и верными людьми царствующаго града Москвы,/ да вси вопием ти:/ моли Христа Бога/ спастися душам нашим

Канон

Пе́снь 1

Ирмо́с: Мо́ря чермну́ю пучи́ну невла́жными стопа́ми дре́вний пешеше́ствовав Изра́иль, крестообра́зными Моисе́овыма рука́ма Амали́кову си́лу в пусты́ни победи́л е́сть.

Прича́стием е́же к Бо́гу, преподо́бне, све́т бы́л еси́ и, к Нему́ отлучи́вся, Макси́ме блаже́нне, жела́нием кра́йним, благи́м наде́ждам свои́м, о́тче, исполне́ние прия́л еси́.

Жела́нием е́же к Бо́гу распала́емь, ми́р оста́вил еси́, спу́тника, о́тче, обре́т, Христа́, Макси́ме сла́вне, с Ни́мже стезю́ проше́л еси́ спаси́тельную, ра́дуяся.

Обогати́тися ника́коже истоща́емыми возжеле́в, бога́тство и сла́ву вре́менную, му́дре, и пи́щу мимотеку́щую, и мирско́е достоя́ние доблему́дренно отри́нул еси́.

Богоро́дичен: Кра́сную, и избра́нную, и всечестну́ю разуме́в Тя́, Сы́н Бо́жий, Пренепоро́чная, Сы́н Тво́й бы́сть, сы́ны сотвори́ благода́тию, Влады́чице, чту́щия Тя́.

Пе́снь 3

Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.

Усе́рдно к мы́сленным совлече́ся дея́нием, побежда́я вра́жия полки́ Боже́ственным посо́бием Ду́ха.

Ра́нами, и моли́твенным воздержа́нием, и бие́нии, преподо́бне, стра́сти мирски́я, о́тче Макси́ме, уязви́л еси́.

Умори́ша врага́ по́стницы Твои́, Иису́се, умерщвле́ние ра́достно, Влады́ко, Твое́ живоно́сное возжеле́вше.

Богоро́дичен: Избавля́ющаго челове́ки преслуша́ния, лю́таго паде́ния, всему́ Вино́внаго, Чи́стая и Всенепоро́чная, родила́ еси́.

Седа́лен, гла́с 8

Све́том Боже́ственным озаря́емь, в пу́ть, веду́щий к Боже́ственным сия́нием, ходи́л еси́ ве́рно, о́тче преподо́бне, и вра́жиих отбе́гл еси́ прило́г, и сы́н све́та и дне́ яви́лся еси́, Макси́ме богоблаже́нне.

Сла́ва: О́тче богому́дре и преблаже́нне Макси́ме, кра́сная ми́ра сего́ я́ко уме́ты вмени́в, ве́сь, умо́м измени́вся, изме́ншемуся на́с ра́ди Христу́ после́довал еси́, и юро́д Его́ ра́ди наре́клся еси́ и от неразу́мных ско́рби претерпе́л еси́. И ны́не о на́с моли́ся, па́мять твою́ ве́рно сла́вящих, прехва́льне.

Богоро́дичен: Предста́тельнице ве́рных, Богороди́тельнице, скорбя́щих ра́досте и пла́чущих вели́кое утеше́ние, от чре́ва Твоего́, Де́во, всесвята́го преесте́ственно Ро́ждшагося непреста́нно моли́ с Макси́мом преблаже́нным изба́вити на́с в ча́с испыта́ния лю́таго осужде́ния.

Пе́снь 4

Ирмо́с: Вознесе́на Тя́ ви́девши Це́рковь на Кресте́, Со́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.

Соедини́вся к стезе́ пра́вды, в богоспаса́емый Боже́ственный гра́д вше́л еси́, преподо́бне, спаси́тельным сия́нием обогати́вся.

Единообра́зный, преподо́бне, смы́сл богоно́сный ви́дев, боже́ственными повестьми́ и боже́ственною оде́ждею оде́ялся еси́.

Се́рдце твое́ скрижа́ль очище́ну, Свята́го Ду́ха благода́ть, обре́тши, о́тче, написа́ соверше́нное безстра́стие и любо́вь нелицеме́рну.

Богоро́дичен: Седя́й на престо́ле превознесе́нне херуви́мстем, я́ко престо́л, Тя́ име́я, на руке́ Твое́й почи́, Мари́е Богоневе́сто, Препросла́вленный Бо́г.

Пе́снь 5

Ирмо́с: Ты́, Го́споди, мо́й Све́т, в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющия Тя́.

Пресве́тлую зарю́, Макси́ме, прии́мь, я́ко со́лнце, яви́лся еси́ и де́монскую тму́ отгна́л еси́, достосла́вне.

Твои́м жела́нием, Христе́, отве́рг все́ преподо́бный жела́ние теле́сное, я́коже сгре́бие мирско́е оттрясе́.

Си́лою Боже́ственною ду́шу укрепи́в, в ми́р всели́лся еси́, опустева́я стра́сти, о́тче богому́дре Макси́ме.

Богоро́дичен: Раче́ние преста́ тле́нное, Де́ва бо нетле́нно роди́ Бо́га Сло́ва, па́че естества́ и сло́ва Де́ва пребыва́ет.

Пе́снь 6

Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею кро́вию.

У́м тво́й ве́сь к Бо́гу простира́я непреста́нными поуче́нии, плотску́ю любо́вь не пощаде́л еси́, благи́х тебе́ хода́тайству, Макси́ме, присвое́ние.

Ни скве́рны, ни вра́ски прия́л еси́, блаже́нне, посреде́ тебе́ ми́ра живу́щу, честны́ми же па́че мольба́ми твои́ми очища́еши от душе́вныя скве́рны притека́ющия.

Ты́, плотски́х мудрова́ний вы́шше име́я по́мысл, не уязви́лся еси́, посреде́ же́н обнажа́емь: безстра́стия бо оде́ждею, Макси́ме, оде́ялся еси́.

Богоро́дичен: Усты́, и по́мыслом, и се́рдцем, Пресвята́я Богоро́дице, Тя́ пропове́дуем: Тобо́ю Бо́гу примири́хомся, отринове́ннии преступле́нием пе́рвее пра́отца.

Конда́к, гла́с 2

Вы́шния красоты́ жела́я, ни́жния сла́дости и теле́сная одея́ния в ничто́же вмени́л еси́ и нестяжа́ние па́че су́етнаго ми́ра возлюби́л еси́. А́нгельское житие́ проходя́, сконча́лся еси́, блаже́нне Макси́ме: с ни́миже Христа́ моли́ непреста́нно о все́х на́с.

И́кос

А́нгел на земли́ житие́м показа́вся, а́нгельския полки́ удиви́л еси́, и де́моны устраши́л еси́, и челове́ки просвети́л еси́ чуде́с твои́х заря́ми, богоно́се и преблаже́нне о́тче на́ш Макси́ме. И ны́не на́с вразуми́ воспева́ти пе́снь к твоему́ хвале́нию, ра́достным гла́сом си́це глаго́лющих: ра́дуйся, оста́вивый тле́нное мудрова́ние и прие́мый нетле́нный вене́ц; ра́дуйся, терпели́вый душе́ю; ра́дуйся, целому́дренный ра́зумом и к Бо́гу воззре́нием; ра́дуйся, предо́блий юро́де, и́же злоко́зненнаго врага́ под нога́ми сотры́й; ра́дуйся, я́ко ни́жнее мудрова́ние оста́вль и вы́шняго Ца́рствия дости́гий; ра́дуйся, цели́телю боле́зней и отгони́телю страсте́й; ра́дуйся, Макси́ме блаже́нне, моля́ непреста́нно о все́х на́с.

Пе́снь 7

Ирмо́с: В пещи́ Авраа́мстии о́троцы перси́дстей, любо́вию благоче́стия па́че, не́жели пла́менем, опаля́еми, взыва́ху: благослове́н еси́ в хра́ме сла́вы Твоея́, Го́споди.

Содержи́мь Христо́вою подо́бно, о́тче, боже́ственною любо́вию, други́х спасти́ ра́достно ве́сь са́м ся, вопия́, изда́л: благослове́н Бо́г оте́ц на́ших.

С небесе́ тебе́ пода́нную, о́тче, прии́м пи́щу, се́ю препита́л еси́ благопоко́рно прие́млющия твоя́ повеле́ния и до́лу влеку́щий гре́х оставля́ющия, блаже́нне.

После́довав оте́ческим преда́нием, о́тче му́дре, па́губы отринове́ние запове́да, зову́щим: благослове́н Бо́г оте́ц на́ших.

Богоро́дичен: Вы́шняго освяще́нное Боже́ственное селе́ние, ра́дуйся, Тобо́ю бо даде́ся ра́дость, Богоро́дице, зову́щим: благослове́на Ты́ в жена́х, Всенепоро́чная Влады́чице.

Пе́снь 8

Ирмо́с: Ру́це распросте́р, Дании́л, льво́в зия́ния в ро́ве затче́; о́гненную же си́лу угаси́ша, доброде́телию препоя́савшеся, благоче́стия рачи́тели, о́троцы, взыва́юще: благослови́те, вся́ дела́ Госпо́дня, Го́спода.

Всесве́тлая звезда́ су́щ во тме́ и стра́сти, световодя́ к жи́зни све́тлей: твори́ши бо жены́ нечи́стыя целому́дренно жи́ти и отго́ниши лю́тыя неду́ги, вопия́: благослови́те, вся́ дела́ Госпо́дня, Го́спода.

Ты́ исцели́ у́м мо́й в кро́ве чу́дных и му́дрых, преподо́бне, повеле́ний Бо́жиих, мно́ги улови́л еси́ юро́дствовати Го́спода ра́ди, ве́дый наруга́емь бы́ти, вопия́ чисте́йшею душе́ю: благослови́те, вся́ дела́ Госпо́дня, Го́спода.

Соверше́н еди́н, И́же ве́сть Своя́ прославля́ти, Госпо́дь, преподо́бныя. Се́й бо гро́бу посыла́емь и а́нгелов светлословле́нии почита́емь, вопию́щих: благослови́те, вся́ дела́ Госпо́дня, Го́спода.

Богоро́дичен: Избавля́яй на́с, возсия́ из Тебе́ Госпо́дь, Де́во Чи́стая, Его́же моли́, Влады́чице, просвети́ти пою́щия Тя́ и обстоя́ния на́с изба́вити, вопию́щия: благослови́те, вся́ дела́ Госпо́дня, Го́спода.

Пе́снь 9

Ирмо́с: Ка́мень нерукосе́чный от несеко́мыя горы́, Тебе́, Де́во, краеуго́льный отсече́ся — Христо́с, совокупи́вый разстоя́щаяся естества́. Те́м, веселя́щеся, Тя́, Богоро́дице, велича́ем.

Все́м се́рдцем, Макси́ме, Тро́ице усе́рдно предложи́вся и от Нея́ лучи́ богоде́льно прие́м, светови́ден бы́л еси́ и со а́нгелы лику́еши.

Жела́нием боже́ственным приедини́вся и воздержа́нием просвеща́емь, бу́дущих бла́г в прича́стии уже́ бы́в, Макси́ме богоблаже́нне, и в наслажде́нии.

Твоя́ боле́зни и по́ты прия́т весе́лие, ника́коже конца́ иму́щее, в не́мже пита́яся, Макси́ме преподо́бне, на́с непреста́нно помина́й.

Богоро́дичен: Разори́ души́ моея́ о́блаки, Све́та о́блаче, Свята́я Влады́чице, и си́льна соде́лай мя́ на стра́сти, борю́щия мя́, Спа́са все́х ро́ждшая и Изба́вителя.

Свети́лен

А́нгельскаго жития́ жела́я, преподо́бне, покори́л еси́ стра́сти плотски́я му́жески и равноа́нгелен бы́л еси́, богоно́се о́тче Макси́ме.

Богоро́дичен: Тя́ Предста́тельницу и́мамы вси́ гре́шнии, о Пресвята́я Де́во! Ты́ благопреме́нна сотвори́ Твоего́ Сы́на ма́терними Твои́ми моли́твами.

Ин кондак

Верою и любовию твое честное обретение празднующих, блаженне,/ сохрани и соблюди от всякий злобы и соблазна змиина,/ имаши бо дерзновение ко Владыце всех Христу,/ Егоже моли спасти люди, моляшиятися,/ да вси вопием ти:/ радуйся, отче Максиме, царствующему граду Москве похвало.

Кондак

Вышния красоты желая,/ нижния сладости и телесная одеяния в ничтоже вменил еси/ и нестяжание паче суетнаго мира возлюбил еси./ Ангельское житие проходя,/ скончался еси, блаженне Максиме:/ с нимиже Христа моли непрестанно о всех нас.

Молитва

Угодниче Божий, молитвенниче наш теплый и скорый помощниче, блаженне Максиме! Припадающе к раце мощей твоих прославляем многотрудныя подвиги юродства твоего Христа ради, возлюбив бо Единаго Бога от всея души твоея, ты мирскими красотами не восхотел еси наслаждатися; роднаго жилища, любве сродник, богат­ства и славы временныя отреклся еси и безприютное житие возлюбил еси. Прилежав о спасении души, плоть твою наготою телесною, мразом и зноем, постом и бдением, долговременным на земли лежанием изнурил еси и вся страсти ея духови покорил еси, на земли пожив небесно, во плоти духовно, умом весь к премирным вземся, плотскую мудрость отринул еси и, быв мудр о Христе, юрод мирови показался еси, от неразумных многия обиды и биении благодушно притерпевая и многих нечестивых на путь спасения наставляя. Темже, по скончании твоих подвигов, всеправедный Судия нетле­нием честных твоих мощей и многими чудесы тя прослави, душу же твою святую в Небесныя обители всели, идеже, предстоя Престолу Неприступнаго Божест­веннаго Света, в Нем, яко в зерцале, видиши наша нужды, слышиши наша к тебе прошения и яко друг Христов имаше велие к Нему дерзновение молитися о нас. Сего ради усердно просим тя: помолися Господу Богу о нас, к земли приверженных, да и мы, в подражание твоему ангелоподобному на земли житию, не погрязнем в суетных житейских попечениих и в земных наслаждениих, не прельщаемся и не прилепляемся всею душею к тленным мира сего благом, но да обратит Господь Своею благодатию наша мысли и желания к небесным и укрепит желати восприятия будущих нетленных сокровищ, да подаст нам, слабым, силу к побеждению страстей, мыслей и желаний греховных, да пленит наш кичливый ум в послушание веры, избавит от высокоумия, суемудрия, ложных пагубных учений и дарует нам мудрость духовную, да растворит окамененная сердца наша слезами умиления и сокрушения о наших согрешениих, согреет их любовию к Нему, нашему Создателю, и к ближним нашим. Испроси всем, во всякой нужде сущим и к твоему заступлению прибегающим, всякий дар, коемуждо благопотребен: больным — исцеление, печальным — утешение, бедствующим — помощь, обиженным — защиту. Принеси ко Господу святую молитву о всех нас, многогрешных, яко да не по грехом нашим воздаст нам, ниже по беззакониим нашим накажет нас, но отвратит всякий гнев, праведно движимый на ны, и пробавит милость Свою, всяких нужд, бед, напастей, скорбей и болезней нас избавляя, имиже весть судьбами да наставит нас на путь спасения, подаст прочее время живота нашего в покаянии и благочестии прейти и христианскую кончину, неболезненну, непостыдну, мирну, и Небеснаго Царствия наследие получити со всеми святыми во веки веков. Аминь.

Вторая молитва

О уго́дниче Бо́жий, блаже́нне Макси́ме! Помоли́ся Го́споду Бо́гу о нас, рабе́х Бо́жиих (имена), к земли́ приве́рженных, да обрати́т Госпо́дь на́ша мы́сли и жела́ния к Небе́сным и да укрепи́т бу́дущих нетле́нных сокро́вищ жела́ти, да пода́ст нам си́лу к побежде́нию страсте́й, мы́слей и жела́ний грехо́вных, да плени́т наш ум в послуша́ние ве́ры, да изба́вит от высокоу́мия, суему́дрия и му́дрость духо́вную нам да́рует: та́же окамене́нная сердца́ на́ша слеза́ми умиле́ния о гресе́х сокруше́ния да раствори́т и да согре́ет я́ к на́шему Созда́телю любо́вию и братолю́бием ко бли́жним на́шим. Блаже́нне Макси́ме, принеси́ ко Го́споду моли́тву о нас, я́ко да не по грехо́м на́шим возда́ст нам, ниже́ по беззако́нием на́шим нака́жет нас, но да проба́вит ми́лость Свою́ на нас, от вся́ких нужд, бед, напа́стей, скорбе́й и боле́зней избавля́я, и и́миже весть судьба́ми да наста́вит нас на путь спасе́ния, и да сподо́бит нас христиа́нскую кончи́ну неболе́знену, непосты́дну и ми́рну прия́ти и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.