Житие священномученика Константина Богородского, о чем просят и молитвы

На протяжении всего существования Православной церкви множество проповедников несли в народ учение Иисуса Христа. Многим пришлось пролить кровь во имя православия. Об одном из них – священномученике Константине – жители Богородского края знают издавна. Но не всем известно о том, какие мучения пришлось вынести святому и какое значение для верующих имеет духовный подвиг великомученика.

Житие священномученика Константина Богородского

В 1852 году семья псаломщика Голубева Алексея, проживающего в селе Барановка нынешней Саратовской области, праздновала рождение мальчика, названного Константином. В 9 лет Костя осиротел, оставшись без отца.

Через некоторое время Константин был принят в духовную семинарию Саратова, где проучился до 1876 года. По окончании семинарии он, решив вступить на миссионерскую стезю, стал членом Саратовского братства Святого Креста.

Вольский уезд был охвачен раскольническими настроениями. Православных деревень было очень мало. Население большей части сел относилось к еретикам. Будущий протоиерей был уверен, что причина – в отсутствии церквей, недостатке православных проповедей.

Поэтому миссионерская деятельность Константина началась с основания церковно-приходской школы, где он преподавал множество предметов, в том числе Закон Божий.

По выходным и праздникам Голубев часами беседовал с народом в церковной сторожке. Постепенно все больше людей присоединялось к православной вере. Два года миссионерского труда дали свои плоды – полторы тысячи человек приняли православие.

Успешная миссионерская деятельность священномученика была замечена церковным руководством. Голубеву было поручено вести противораскольническую и противосектантскую деятельность по всей Саратовской губернии. Константин Алексеевич должен был ездить по всей епархии, проповедуя православие, наставляя людей на истинный путь. И если в некоторых селах вначале православную церковь посещали единицы, то к концу 1890 года их число увеличилось до нескольких сотен человек.

Дальнейшая миссионерская и церковная деятельность будущего священномученика складывалась следующим образом:

• 4 марта 1895 г. – иерей Богородского Богоявленского собора;
• 12 марта 1895 г. рукоположен в сан священника;
• 13 апреля 1895 г. возглавил два благочиннических округа – Богородский и Павлопосадский;
• 13 сентября 1895 г. – встал во главе Богоявленского отделения Кирилло-Мефодиевского Братства;
• 16 ноября 1896 г. – депутат Богородского собрания от духовенства;
• 1897 год – возглавил Истомкинскую церковно-приходскую школу, 27 июня того же года стал членом женской гимназии;
• 22 ноября 1903 г. – Богородский протоиерей.

Огромная пастырская деятельность не мешала отцу Константину заботиться о своей большой семье. У Голубевых было 7 детей, воспитание которых проводилось по православным законам. Жена отца Константина более двух лет сильно болела и в 1913 году скончалась.

12-13 мая 1918 года прошел крестный ход, инициированный церковным советом Богоявленского собора. Новая власть посчитала это дерзостью со стороны церковнослужителей. Вскоре протопресвитера Константина арестовали и посадили в тюремную камеру. Священномученика приговорили к смертной казни, о чем объявили протоиерею. Священник не стал просить о снисхождении, лишь попросил о передаче родным своего наперсного креста и служебника.

За 23 года служения отец Константин завоевал уважение и любовь своих прихожан. Поэтому к месту казни священника сопровождала огромная толпа людей. Идущие недалеко от протоиерея слышали, как он твердил слова, сказанные Иисусом перед распятием, – «не ведают, что творят».

Священнику была уготована мучительная смерть. Его не удалось убить сразу, во время расстрела священномученик был лишь ранен. Как свидетельствовали очевидцы, его закопали еще живым. Не помогли мольбы дочери протоиерея, умолявшего не хоронить отца живым. Вместе с пресвитером расстреляли женщину, вставшую на его защиту, и красноармейца, отказавшегося участвовать в казни.

Многие годы верующие жители Богородска приходили на могилу к священномученику, принося цветы, иконы, совершая панихиды. Благодаря этому удалось сохранить память о великом проповеднике.

Почитание в православии

Обретение мощей священномученика произошло 20 ноября 1995 года. Святые мощи перенесли в Тихвинский храм, где совершили панихиду накануне празднования дня архангела Михаила.

Синодальной комиссией, занимающейся канонизацией святых, были рассмотрены полученные материалы, касающиеся богоугодной жизни Константина Голубева. После чего Московская епархия пополнилась еще одним местночтимым святым – священномучеником Константином Богородским.

12 марта 1996 года Московским патриархом всея Руси, святейшим Алексием II дано благословение на канонизацию протоиерея. Август 2000 года ознаменовался решением Архиерейского Собора Русской Православной Церкви о причислении отца Константина к лику новомучеников, подлежащих общецерковному прославлению.

Почитание Великомученика приходится на день тезоименинства 2 октября по новому календарю (19 сентября по старому стилю).

О чем просят у святого

Мощи великомученика Константина известны своими чудесами и знамениями. Поэтому многие идут поклониться святому, прося у него заступничества перед Господом.

К Константину Богородскому обращаются с просьбами:

• о душевном и телесном исцелении;
• о помощи в учебе, просвещении;
• о прощении грехов;
• о даровании сил вынести все жизненные испытания, посланные Господом.

Особенно милостиво относится святой к людям, несущим духовное просвещение и борющимся с ересью и сектами. Святой Константин слышит любого, кто почитает его, вознося за них молитвы к Господу.

Православные тексты

Обращаться к великомученику Константину можно своими словами. Но лучше читать специальные священные тексты, посвященные святому: тропарь, кондак, акафист. Обычно их читают в день почитания святого либо один раз в неделю. Если есть духовные силы, можно совершать песнопения и ежедневно.

Тропарь

Украшение священников явился еси Константине, / восприем бо крест яко оружие, / проповедию славною устраняя раскол и ереси, / благовествовал еси Иисуса Христа глаголя: / спасайтеся от рода сего развращеннаго. / Сего ради мученическою кровию обагрися славне, / и ныне радуяся с лики ангельскими, / моли Христа Бога Церковь Всероссийскую от ересей и расколов сохранити / и спасти души наша.

Кондак

От младенчества к Богу устремився, / благочестия ревнителю и раскола искоренителю, священномучениче Константине, / Христа мужественно исповедав, / жесточайшия мучения приял еси, / Церкви Русския благое украшение, / моли Христа Бога / грехов оставление подати чтущим любовию святую память твою.

Акафист

Кондак 1

Избранный от сынов российских быти исповедником Христа Распятого, за Него же пострадав даже до крове, послуживый Богу и ближнему проповедию Евангельскою и твердым стоянием в вере Православней, раскола искоренителю и ересей низложителю, восхваляем подвиги и страдания твоя. Ты же, яко имеяй дерзновение ко Господу, заступай нас, любовию тебе зовущих: Радуйся, священномучениче Константине, добрый пастырю и преславный исповедниче.

Икос 1

Ангелов Творец и всея твари Создатель избра тя, святе Константине, в проповедника веры Православныя среди ересию раскола одержимых. Ты же, яко добрый воин Христов, Креста оружием вооруженный, со усердием провозвещал еси Учение Его, за еже слышиши от всех сицевая:

Радуйся, с раннего детства благочестием украшенный.

Радуйся, плод благоуханен житием твоим от юности являяй.

Радуйся, усердный исполнителю заповедей Божиих.

Радуйся, честный обличителю неверия и раскола.

Радуйся, таинств церковных благоговейный совершителю.

Радуйся, возлюбленный пастырю стада Христова.

Радуйся, священномучениче Константине, добрый пастырю и преславный исповедниче.

Кондак 2

Видевше чада церковныя твердое стояние твое в вере Православней, возлюбиша тя, яко отца чадолюбива, паче же возлюбиша Господа, Его же ты, отче, проповедал еси, призывая всех воспевати Ему: Аллилуиа.

Икос 2

Разум совершен стяжал еси, отче, от Бога, яко противостати последователем треокаянного Аввакума, вся бо труды твоя направляя, да будет едино стадо и Един Пастырь. И много преуспел еси в сих трудех твоих: мнози бо из раскола в лоно Матери Церкви возвратишася и паки спасение узревше, возопиша к тебе таковая:

Радуйся, раскола искоренителю.

Радуйся, заблуждения Аввакумова и последователей его обличителю.

Радуйся, молние, ереси пожигающая.

Радуйся, одождение догматов Православия.

Радуйся, веру чрез многия труды непреложно утвердивый.

Радуйся, многих заблудших на путь истины наставивый.

Радуйся, священномучениче Константине, добрый пастырю и преславный исповедниче.

Кондак 3

Сила Вышняго, немощная врачующая и оскудевающая восполняющая, обильно сниде на тя, отче, егда святителем Сергием в область столичную в богоспасаемый град Богородск призванный на служение и во иерея поставлен бысть, да многия души, в сети раскола уловленныя, спасеши и научиши всех православно воспевати Богу: Аллилуиа.

Икос 3

Имущи дарования многоразличныя от Господа, в юном возрасте встал еси на миссионерства стезю и, Крестом Святым укрепляемый, многажды трудился еси, да вернии людие имут училища, идеже Закону Божию обучаеми, просвещение истинное приемлют. Ты бо рекл еси: «Аще не имут проповеди церковной и просвещения подлиннаго, тогда и от Православия отходят». Поминающе таковая твоя словеса, приносим тебе, святе, благохваления сицевыя:

Радуйся, школу духовную в веси твоей устроивый.

Радуйся, закону Христову учитель изрядный в ней был еси.

Радуйся, всем сердцем и всем помышлением твоим Бога возлюбивый.

Радуйся, сего ради и чада твоя духовная искренне того любити учивый.

Радуйся, благочиния православнаго верный хранителю.

Радуйся, сосуде благодати, просвещающий верных.

Радуйся, священномучениче Константине, добрый пастырю и преславный исповедниче.

Кондак 4

Бурею духовною обуреваемии народи Российстии от веры отеческия отхождаху и Заповеди Божий нарушаху. Ты же учил еси: «Не познают чада истиннаго Бога, аще матери их не сохранят веру Христову». Сего ради училище для жен устроил еси, отче, научая их воспевати Единому Богу: Аллилуиа.

Икос 4

Слыша Филарета Милостивого, в тонком сне тебе явльшагося, глаголющаго о тяжком недуге супруги твоея Марии, не унывал еси, отче Константине, но паче к Богу молитвы твоя о здравии тоя возсылати потщался еси, на милосердие Его уповая. В сих узревше твердость духа твоего, со умилением взываем тебе:

Радуйся, в супружестве в любви и целомудрии поживый.

Радуйся, яко супруге твоей болящей молитвенник и духовный целитель был еси.

Радуйся, чад своих в Законе Христовом воспитавый.

Радуйся, в добрых делех их и наш наставник явивыйся.

Радуйся, супругом благочестивым покровителю.

Радуйся, скорбных сердец радостотворный посетителю.

Радуйся, священномучениче Константине, добрый пастырю и преславный исповедниче.

Кондак 5

Боготечная звезда явился еси, отче Константине, во граде Богородске, проповедию боговдохновенных словес твоих вся просвещая, от ереси и раскола отвращая и призывая всех взывати Света Подателю Богу: Аллилуиа.

Икос 5

Видевше Преосвященный Архипастырь Московский и вси православнии людие Божие избрание тя в миссионера земли Богородския, радовахуся. Мы же со благоговением воспеваем сице:

Радуйся, любимиче Божий, на подвиг равноапостольский избранный.

Радуйся, служителю Господень, предопределенный для возделывания нивы Христовой.

Радуйся, пастырю словесного стада Христова, блуждавшаго по вертепам неверия и раскола.

Радуйся, проповедниче веры истинныя в краю нечестия Аввакумова.

Радуйся, света истиннаго распространителю.

Радуйся, диавольския тьмы прогонителю.

Радуйся, священномучениче Константине, добрый пастырю и преславный исповедниче.

Кондак 6

Проповедник богоносный быв, отче праведный, истинному боговедению и благочестию поучал еси паству твою и вся люди земли Богородския словом спасения, паче же образом жития своего наставляя на путь спасения, да вопиют вси Богу: Аллилуиа.

Икос 6

Возсиял еси яко вторый Павел проповедию твоею в земли Богородстей, отче Константине, возвещая Истину Христову и во узах сущим. Они же, слово твое доброе послушающе, радости и надежды исполняхуся, зовуще ти сице:

Радуйся, сущих во узах посетителю неленостный.

Радуйся, проповедию твоею всех утешал еси.

Радуйся, Божественныя Литургии и в тюремном храме совершителю.

Радуйся, Божественными тайнами укреплял еси отчаянных.

Радуйся, примером добраго по Бозе жития твоего многих исправлял еси.

Радуйся, сего ради от Христа духовныя дары приял еси.

Радуйся, священномучениче Константине, добрый пастырю и преславный исповедниче.

Кондак 7

Хотение едино всегда имел еси, отче, да чада Церковная в мире и благочестии пребывают, сего ради благовествовал еси Слово Христово, да вси любят друг друга и единем сердцем и единеми усты вопиют Богу: Аллилуиа.

Икос 7

Дивно и пречудно служение твое бысть, святе Константине, всякое нечестие и беззаконие небоязненно обличал еси, и от народа за то зело любим был еси, вся бо назидал еси во спасение. Мы же, ревностному служению твоему подражати желая, приносим ти глаголы сия:

Радуйся, отче, святостию и чистотою светло украшенный.

Радуйся, Богоносе, дарами Божественными свыше одаренный.

Радуйся, яко твоею проповедию грешнии покаянием Богу угодиша.

Радуйся, яко твоими наставленьми заблуждшии правый путь спасения обретоша.

Радуйся, ближния твоя искренне возлюбивый.

Радуйся, спасению их усердно послуживый.

Радуйся, священномучениче Константине, добрый пастырю и преславный исповедниче.

Кондак 8

Странно и ужасно бе видети, егда вера Христова во Отечестве нашем от единоплеменников поругашася, и тя, исповедника оныя, яко преступника воини ведяху на страдания; духовная бо чада твоя со слезами сретаху тя, Константине, поюще Богу: Аллилуиа.

Икос 8

Желание имый разрешитися и со Христом быти, ты шествуя на страдания твоя, со скорбью молился еси, святе, за мучителей твоих: «Прости им, Господи! Не ведают бо, что творят!» Таковому незлобию твоему умиляющеся и любовь велию к пастве твоей воспевающе, приносим ти похвалы таковыя:

Радуйся, желание имый разрешитися и со Христом быти.

Радуйся, подражателю Его страстей и незлобия.

Радуйся, яко за гонящих тя Господеви молился еси.

Радуйся, о них, яко о заблудших, скорбел еси.

Радуйся, яко веру во Христа сохранил еси.

Радуйся, яко надежду несумненну на Него имел еси.

Радуйся, священномучениче Константине, добрый пастырю и преславный исповедниче.

Кондак 9

Весь град содрогнулся, егда страшная казнь уготовася тебе, страстотерпче. Ты же рекл еси: «Мне еже жити — Христос, и еже умрети — приобретение; аз ко Христу моему иду, и стражду Его ради, поюще Ему: Аллилуиа».

Икос 9

Витии человеческия умолкают в страхе и трепете, не могущие видети лютую кончину твою: к рову тя приведоша воини и, ураниши тя, еще жива суща в ров сей ввергоша и землею покрыша тело твое. Сие воспоминая со слезами зовем ти:

Радуйся, образе мужества и терпения.

Радуйся, яко не убоялся еси лютого мучения, тебе уготованнаго.

Радуйся, душу свою положивый за овцы своя.

Радуйся, мучениче и пастырю.

Радуйся, жертво принесенная в воню благоухания.

Радуйся, яко диавола посрамил еси.

Радуйся, священномучениче Константине, добрый пастырю и преславный исповедниче.

Кондак 10

Спасти хотя душу свою, вдал еси себе, Константине, в руце мучителей, иже осудиша тя судом неправедным. Но вся сия ведый, паче пламенел еси серафимскою любовию к Богу, тем же вселился еси в Небесныя Обители, идеже со ангелы воспеваеши песнь хвалебную: Аллилуиа.

Икос 10

Царя земнаго чтити не восхотесте и Небесному Царю кланятися не возжелаете богопротивнии людие, заповеди Божия оставиша и беззакония многа сотвориша. Ты же, святе, не устрашился еси их, ниже усомнился еси во Всеукрепляющей помощи Божией: укрепляемый бо ею вся претерпел еси и служителей диавола тем посрамил еси. Тем же вопием ти, отче Константине, сицевая:

Радуйся, не убоявыйся волка грядущего.

Радуйся, даже до смерти Христово Евангелие возвещал еси.

Радуйся, стяжавый мученичества венец.

Радуйся, яко грехом расслабленныя воздвигл еси на путь спасения.

Радуйся, злобы богоотступных не устрашивыйся.

Радуйся, твердейший адаманта в терпении твоем показавыйся.

Радуйся, священномучениче Константине, добрый пастырю и преславный исповедниче.

Кондак 11

Пение хвалебное тебе приносяще, страстотерпче Христов Константине, воспеваем подвиги твоя и с тобою пострадавших за истину, иже не восхотеста тлетворному духу века сего служити и беззаконная веления исполняти: ов убо стреляти отказахся, ова убо собою тя прикрывала. Ныне же с тобою Богу предстоят, немолчно взывая Ему: Аллилуиа.

Икос 11

Светозарная звезда явишася святыя мощи твоя, мучениче добропобедный, не токмо граду Богородску, но и всей России, просвещая всякого человека ко Христу грядуща и о покаянии радеюща, подвизая всех вопити тебе сице:

Радуйся, угодниче Христов.

Радуйся, скорый в бедах помощниче.

Радуйся, покров и заступление притекающих к тебе с верою.

Радуйся, светильниче Божий, горяй и светяй.

Радуйся, во светлостех святых вселивыйся.

Радуйся, мощами бо твоими нетленными с нами присно пребываеши.

Радуйся, священномучениче Константине, добрый пастырю и преславный исповедниче.

Кондак 12

Благодать велию и богатую милость приял еси от Христа Бога нашего молитися за всех, с верою призывающих тя; тем же молим тя: помози нам предстательством своим у Господа сохранити в сердце своем веру истинную, упование непреложно, любовь к Богу и ближнему нелицемерну, подвигом добрым подвизатися, воспевая Богу: Аллилуиа.

Икос 12

Поем твоя крепкия подвиги, Константине священномучениче, почитаем страдания твоя, хвалим многое долготерпение твое, благоговейно покланяемся многоцелебным мощем твоим, имиже прослави тя Христос Бог по всей земли. В честь же победоносных подвигов твоих и страданий восписуем ти похвальная сия:

Радуйся, яко Христос Бог за доблестная страдания твоя славу и велелепие на тя возложил есть.

Радуйся, от мученических ликов под венец славы провождаемый во гласе радования.

Радуйся, Царствия Христова сонаследниче.

Радуйся, славы Божия сопричастниче.

Радуйся, граду Богородску и всем нам всегдашний покровителю.

Радуйся, помощь свою всем чтущим тя присно являющий.

Радуйся, священномучениче Константине, добрый пастырю и преславный исповедниче.

Кондак 13

О, святый и добропобедный священномучениче Константине! Нынешнее малое сие моление от нас приимши, исходатайствуй твоими всемощными молитвами мир и тишину Церкви нашей, да сохранит ю Христос Бог от ересей и раскола; нас же, любовию тя почитающих, сохранит и защитит Своею благодатию от всякого зла в жизни сей, и во время кончины нашея не оставит нас и Царствия Небесного наследники да явит, идеже с тобою воспоем Ему победную песнь: Аллилуиа, аллилуиа, аллилуиа.

Этот кондак читается трижды. Затем икос 1-й: «Ангелов Творец…» и кондак 1-й: «Избранный от сынов российских…»