Житие и день памяти Кирилла и Марии Радонежских, иконография и тексты молитв

Преподобные Мария и Кирилл Радонежские — это мать и отец Сергия Радонежского, являвшегося одним из самых великих подвижников Руси. Они вели святую, скромную жизнь, помогали нуждающимся и искренне служили Господу Богу. Рассмотрим, каково их происхождение и жизненный путь, а также ознакомимся с молитвами и хвалебными песнопениями, созданными в честь преподобных.

Краткое жизнеописание преподобных родителей Сергия Радонежского

Верующим людям, исповедующим православное христианство, интересно узнать, как прошли свой жизненный путь Радонежские Кирилл и Мария, а также, какой вклад они внесли в религиозное развитие.

Происхождение

Мария с Кириллом отличались богоугодливыми и добродушными нравами. Жили они в Ростовском княжестве на рубеже тринадцатого-четырнадцатого столетий. Как гласит одно из преданий, в их владении находилось имение, расположенное в четырех километрах от города Ростова, расположенного на берегу речки, носившей название Ишня.

У Кирилла боярское происхождение. В молодости он служил князьям Константину Борисовичу и Константину Васильевичу. Во время княжеских поездок в Золотую Орду он постоянно их сопровождал. У Кирилла Радонежского и дворян Вельяминовых был общий предок — варяжский воин по имени Шимон Африканович (по другим источникам Офрикович), который занимался строительством Успенского Собора Киево-Печерского монастыря.

О том, откуда произошла Радонежская Мария, не сохранилось на сегодняшний день достоверных сведений, подтвержденных документально. Однако существует несколько предположений, кардинально различающихся между собой. По разным версиям, она может происходить как от простых русских, так и от знатных татарских родов, а также, с некоторой вероятностью, от чингизидов. У нее была родная сестра, муж которой переселился одновременно с Кириллом в город Радонеж. Дюдень — так звали ее супруга — происходил из рода знатных татар, принявших крещение. Кроме того, в Радонеж переехал еще один родственник Марии, которого звали Тормосом.

Житие и служение Богу

Блаженные супруги Кирилл и Мария Радонежские предпочитали жизнь в тихой и спокойной деревенской местности, а не в городах. Вели строгий и скромный образ жизни, следовали всем церковным наставлениям, посещали святой храм и читали молитвы. В своем доме они охотно и гостеприимно принимали странствующих людей, а также всегда предоставляли помощь беднякам. Поэтому об их праведности было известно не только Господу Богу, но и всем людям в округе. Все свои благочестивые качества они передали своим детям.

У семейной пары уже был сын по имени Стефан, когда Мария узнала, что вновь ждет малыша. Новорожденному сыну спустя много лет было суждено стать основателем Троицкой Лавры.  Всего у святых супругов было четверо детей — Стефан, Варфоломей (будущий Сергий Радонежский), Петр и Анна. Однако в некоторых источниках Анна Радонежская упоминается как супруга старшего сына, Стефана. Находясь в ожидании рождения малышей, Мария соблюдала строгие посты. Категорически не употребляла в пищу молоко и мясо с рыбой. Вся ее еда состояла из хлеба и растительных продуктов.

Сыновья преподобных хоть и произошли из боярского знатного рода, не брезговали простым сельским трудом и умели мастерить все, что угодно.

Согласно одному из преданий, во время посещения церкви Мария, беременная Варфоломеем, услышала, как малыш, находившийся у нее в чреве, вскрикнул три раза подряд. Так поняла она, что это божественное знамение. А с самых первых дней после своего рождения малыш начал поститься, чем сильно удивлял своих родителей. Каждую среду и пятницу он напрочь отказывался от кормления. А если мать отведала мясное, не желал пить молоко. Едва Варфоломею исполнилось двенадцать лет, он стал просить у родителей благословение на монашескую жизнь. Они ничего не имели против, однако выставили свое условие — сыну для этого следует дождаться их кончины.

Приблизительно около 1328 года Кирилл и будущая схимонахиня Мария, претерпев голод и обнищание на земле Ростова, направились в Радонеж и поселились неподалеку от церкви Рождества Христового. Поскольку Кирилл состарился, он больше не смог служить князю. Эта обязанность перешла его старшему сыну Стефану.

На закате своей благочестивой жизни Кирилл и Мария Радонежские вдвоем приняли иноческий постриг, а через некоторое время и схиму. Происходило это в расположенном вблизи Радонежа Покровском Хотьковском монастыре, который одновременно являлся и мужским, и женским. В монастыре также поселился и Стефан, который заботился о родителях, когда они стали абсолютно немощными.

Смерть

Кирилл и Мария покинули мир в 1337 году от старости и болезней. Перед кончиной они, как и обещали, благословили Варфоломея на монашеский путь.

Почитание святых

Родители преподобного Сергия Радонежского в житии четырнадцатого столетия изображались с нимбами на головах. До наступления девятнадцатого столетия почитание святых распространилось по всей России. Как свидетельствуют месяцесловы, люди шли к супружеской паре в поисках исцеления.

Дни памяти святых православные христиане отмечают 28 сентября (11 октября) и 18 (31) января. Кроме того, 1 октября празднуют именины Кирилла, а 31 января — Марии.

Сергий Радонежский, в миру Варфоломей Кириллович — величайший русский подвижник. Он был иеромонахом Русской церкви, а также основателем нескольких монастырей. Один из самых главных и известных — Свято-Троицкий, который находится под Москвой. В лике преподобных он почитается начиная с пятнадцатого столетия.

В детские годы Варфоломей не очень прилежно учился, в отличие от братьев, Стефана и Петра. За это его наказывал учитель и бранили родители. А он, со слезами на глазах, читал молитвы Господу. Впоследствии труд и терпение помогли ему целиком изучить Священное писание. Так он пристрастился к православной церкви и избрал для себя иноческий путь. Православные, последователи старого обрядчества, а также восточные католики отмечают дни его памяти 25 сентября, 5 и 6 июля. Верующие почитают Сергия как покровителя учащихся.

Иконография

Существует несколько вариантов икон с изображением святых Марии и Кирилла Радонежских, которые имеют огромное значение для православных верующих. В классической версии преподобные облачены в монашеские схимнические одеяния. Как правило, супруги изображаются в паре, однако также существуют иконы, на которых мать Сергия Радонежского, Мария, изображена отдельно.

В другом варианте иконографии святые изображены вместе со своим преподобным сыном, обращая к нему свои взоры. Кроме того, существует несколько разных житийных сцен с иконами, отображающими наиболее значимые моменты жизни благочестивой супружеской пары.

О чем просят супружескую пару

К мощам и иконам святой супружеской пары Марии и Кирилла Радонежских люди обращаются в поисках исцеления и спасения от разных бед. В Летописи Хотьковского монастыря описываются случаи чудодейственного исцеления от самых страшных и губительных болезней — среди которых холера и моровая язва. После чтения неусыпаемой псалтыри и молитв верующие христиане получали долгожданное исцеление и спасение от всех несчастий, которые их преследовали. Мощи преподобных Кирилла и Марии Радонежских в настоящее время находятся в Никольском храме Покровского Хотькова монастыря.

Текст молитвы

Верующие христиане, желающие получить спасение и исцеление, обращаются к преподобным Марии и Кириллу со светлой молитвой.

Ее текст является таким:

«О, раби Божии, преподобнии Кирилле и Марие! Аще и скончали есте временную жизнь свою телом, но духом не отступаете от нас, руководствуете же ны ко Христу Богу, наставляете шествовати по заповедем Господним и носити крест свой и последовати Владыце нашему. Вы, преподобнии, вкупе с преподобным и Богоносным отцем нашим Сергием, вашим возлюбленным сыном, имеете дерзновение ко Христу Богу нашему и ко Святей Его Богоматери. Будите молитвенницы и ходатаи о нас, недостойных, жительствующих во святей обители вашей, ей же вы и начальницы. Будите помощницы и заступницы Богом собранней дружине сей, да жительствующии на месте сем и приходящии с верою, вашими молитвами сохраняеми, невредими от бесов и от человек злых пребудем, славяще Святую Троицу, Отца и Сына и Святаго Духа, ныне, и присно, и во веки веков. Аминь».

Акафист

В дни памяти святых, а также в наиболее тягостные моменты своей жизни православные верующие также читают акафист — хвалебное пение в честь преподобных благочестивых супругов. Он состоит из тринадцати кондаков и двенадцати икосов. Завершающий, тринадцатый кондак, следует читать три раза подряд, а после него — вновь первый икос и первый кондак.

Текст Акафиста следующий:

Кондак 1

Избраннии чудотворцы и велицыи угодницы Господни, обители нашея заступницы и приснии о душах наших молитвенницы, преподобнии схимонаше Кирилле и схимонахине Марие! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободите и наследники Царствия Небеснаго нас соделайте, да зовем вам радостно:

Радуйтеся, преподобнии Кирилле и Марие, блазии о нас пред Богом заступницы.

Икос 1

Ангели земнии и человецы небеснии воистину явистеся преподобнии Кирилле и Марие, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:

Радуйтеся, от юности вашея Христа возлюбившии и Тому от души поработавшии;

Радуйтеся, целомудрия хранители и душевныя и телесныя чистоты рачители.

Радуйтеся, души ваши и телеса на земли в обиталище Духа Святаго уготовившии;

Радуйтеся, исполненнии премудрости и разума Божественного.

Радуйтеся, яко от земли на небо преидосте и тамо со Ангелы Троице предстоите;

Радуйтеся, яко со безплотными лики трисвятую песнь Ей воспеваете.

Радуйтеся, на небеси и на земли от Господа прославленнии;

Радуйтеся, обретшии вечное всесветлое место упокоения.

Радуйтеся, преподобнии Кирилле и Марие, блазии о нас пред Богом заступницы.

Кондак 2

Видя всевидящее око Отца светов вельми благоугодное Богу ваше житие, благоволи избрати вас, блаженнии, да явите мирови светильник пресветлый Сергия преподобнаго, да о нем и ваши имена прославятся и вси вернии воспоют прославльшему вас Господеви: Аллилуиа.

Икос 2

Разума Божественнаго преисполненнии, Кирилле и Марие, неустанно работасте Господеви, наставляя чада своя в послушании и кротости. Умудрите убо и нас, преподобнии, непрестанно оправданием Господним следовати неложно, да обрящем вкупе с вами спасение вечное и принесем вам благохваления таковыя:

Радуйтеся, блаженнии, в боголюбии пожившии и благоверие сохраншии;

Радуйтеся, милости и сострадания преисполненнии.

Радуйтеся, милостынею и молитвами Небесное Царствие стяжавшии;

Радуйтеся, смирением и пощением вечное блаженство улучившии.

Радуйтеся, яко мзда ваша многа на Небесех есть;

Радуйтеся, яко молитвами вашими и мы надежды Царствия Христова не лишаемся.

Радуйтеся, яко радость ваша вечна во светлостех святых;

Радуйтеся, яко тояжде светлости вас ради и мы наследниками являемся.

Радуйтеся, преподобнии Кирилле и Марие, блазии о нас пред Богом заступницы.

Кондак 3

Силою Божиею ограждаем преподобный Кирилл князю Ростовскому со всяким усердием служаше и вкупе с ним во орду Агарянскую, мира ради, хождаше, да люди русские ослабу от ига их имут и Богу непрестанно поют: Аллилуиа.

Икос 3

Имущи помышление преподобнии Кирилл и Мария и людие о трикратном во чреве Мариином в церкве плода глашении и удивльшеся, разумеша нечто преславное и чудное быти; и по сих уведевше радостное сына рождение, радовахуся и радостная вам приношаху глаголюще:

Радуйтеся, двоице пресветлая, Богом совокупленная;

Радуйтеся, звезды непрелестнии, путь супружескаго жития богоугоднаго верно указующии.

Радуйтеся, родители благии добраго и избранного плода;

Радуйтеся, всякия благодати Божия его исполнившии.

Радуйтеся, супругов христиан ко благочестию наставницы;

Радуйтеся, доброму богобоязненному чад воспитанию их научающии.

Радуйтеся, целомудрия и воздержания супружескаго образи преизящнии;

Радуйтеся, хотящих богоугодно жити богомудрии учителие.

Радуйтеся, преподобнии Кирилле и Марие, блазии о нас пред Богом заступницы.

Кондак 4

Буря скорбей и напастей, воздвизаемая наместником Великаго Князя, не ослаби крепкия любве вашея яже к Богу, Кирилле и Марие блаженнии, но паче научи вы изряднее отражати разженныя стрелы лукаваго. Научите убо и нас вся скорби мира сего с кротостию преносити, в веселии вопия Богу: Аллилуиа.

Икос 4

Слышавше, блаженнии, Варфоломея, дивное чадо ваше, некогда грамоте неискусна, чтуща богодухновенныя писмены, удивишася зело, и старца-схимника, премудрость ему даровавшаго, в дом свой прияша, заповедь Апостола Павла храняше: страннолюбия не забывайте; тем бо не ведяще неции странноприяша Ангелы. Таковую добродетель вашу воспевающе, вопием вам сице:

Радуйтеся, заповедей Христовых вернии исполнители;

Радуйтеся, учения Евангельского истиннии последователи.

Радуйтеся, угодницы Божии, житию великих святых сопричастницы;

Радуйтеся, странноприимства древняго праотца Авраама подражатели.

Радуйтеся, светом благочестнаго жития вашего, яко светила богосветлая, пресиявшии;

Радуйтеся, любовь и милосердие к бедным и сирым явившии.

Радуйтеся, безпомощным скории помощницы;

Радуйтеся, яко и нам присно помогаете и к Небесному Отечеству руководствуете.

Радуйтеся, преподобнии Кирилле и Марие, блазии о нас пред Богом заступницы.

Кондак 5

Боготечным звездам подобны бысте, преблаженнии Кирилле и Марие, егда пришедше от страны Ростовския в пределы княжества Московскаго и во граде Радонеже поселистеся, тамо сущих бо людей благочестием своим удивисте, подвизая пети: Аллилуиа.

Икос 5

Видевше, святии, тщание сына своего, преподобнаго Сергия, к иноческому житию, моляху его, да пребудет с вами до кончины вашея. Он же, яко сын послушания, издетска наученный вами заповеди Господни исполняти, покорися воле вашей, Кирилле и Марие, якоже Божией, научая всех вопити вам тако:

Радуйтеся, блаженств Христовых причастницы;

Радуйтеся, честнаго супружества и попечения о чадех добрии образи.

Радуйтеся, ангелонравнии человецы;

Радуйтеся, преподобных и праведных сопричастницы.

Радуйтеся, Пресвятыя Троицы вернии угодницы;

Радуйтеся, яко и чад ваших угождати Ей научившии.

Радуйтеся, того ради сын ваш Триипостасному Божеству обитель дивную устроивый;

Радуйтеся, сего ради и ваша святыя имена прославлены есть по всей Руси.

Радуйтеся, преподобнии Кирилле и Марие, блазии о нас пред Богом заступницы.

Кондак 6

Проповедницы веры православныя и ревнители благочестия не словом токмо, но и житием вашим, бысте во граде Радонеже, прехвальнии Кирилле и Марие: темже и святая Церковь достойно почитает вас, немолчно воспевая Дивному во святых Своих Богу: Аллилуиа.

Икос 6

Возсия во граде Радонеже свет добродетельнаго вашего жития, преблаженнии Кирилле и Марие; егда же достигше возраста преклонна, во обитель Хотьковскую устремишася под покров Божией Матери притекше, тамо велий образ Ангельский на ся восприяли есте, темже образ вышшаго нам смирения показуя, емуже поучаяся, с любовию вопием вам таковая:

Радуйтеся, яко любве ради Господа мира сего славу остависте;

Радуйтеся, яко иноческое равноангельное житие усердно восприясте.

Радуйтеся, во обитель древнюю пришедшии и тамо покой себе обретшии;

Радуйтеся, Пречистей Деве Богородице души свои вручившии.

Радуйтеся, образ ангельский восприимшии и непорочно его сохраншии;

Радуйтеся, всем иноком и инокиням добрии образи.

Радуйтеся, прежде кончины вашея вся страсти умертвившии воздержанием;

Радуйтеся, святую схиму в броню спасения восприявшии.

Радуйтеся, преподобнии Кирилле и Марие, блазии о нас пред Богом заступницы.

Кондак 7

Хотя Человеколюбец Господь явити в житии вашем, преподобнии Кирилле и Марие, образ назидания, не токмо людем мирским, но и иноческому лику, внуши вам в старости маститей оставите славу земную и восприяти образ иноческий, в немже постом, бдением и молитвою добре подвизастеся, неустанно воспевая Триединому Богу Серафимскую песнь: Аллилуиа.

Икос 7

Новую благодать показа всех Творец и Владыка чрез вас, преподобнии, егда прешли есте от временныя сея юдоли плачевныя во обители вечныя. Святыя мощи ваша, аще и под спудом сокровенны, многая чудеса источаху, многим болящим исцеления подаваху; паче же приносимыя к вам младенцы исцеляху. Сего ради приимите, врачеве наши блаженнии, от нас похвалы сицевыя:

Радуйтеся, смертию временною пришедшии к жизни вечней;

Радуйтеся, от Господа нетлением и чудесы прославленнии.

Радуйтеся, яко память ваша с похвалами и успение со святыми;

Радуйтеся, яко имена ваша честны суть и благословенны во Отечестве вашем.

Радуйтеся, болящим младенцем исцеление подающии;

Радуйтеся, тяжко болящую девицу, с любовию к вам притекшую, от недуга избавившии.

Радуйтеся, о любящих и чтущих вас небеснии предстатели;

Радуйтеся, приснопросящии нам у Господа дары благости Его.

Радуйтеся, преподобнии Кирилле и Марие, блазии о нас пред Богом заступницы.

Кондак 8

Страшное и ужасное бедствие прииде на землю Московскую, егда язвою моровою уязвлены быша людие мнози во градех и весех, и множество их умроша. Тогда собор освященный со инокини молебныя пения вам приношаху и предстательствы вашими избавление от беды получиша, вопиюще благодеющему чрез вас Богу: Аллилуиа.

Икос 8

Вси боголюбцы скорбию велиею объяты быша, егда во дни лихолетий, на землю Российскую пришедших, обитель Покрова Пречистая Девы в Хотькове богоборцы разорению и запустению предаша. Но память о вас, преподобнии, в людех жива бысть, и славляху чада российския житие ваше и чудеса благохвалении сицевыми:

Радуйтеся, чудотворцы наши предивныя;

Радуйтеся, не оставляющии нас в скорбныя дни.

Радуйтеся, града Хотькова и обители нашея ограждение несокрушимое;

Радуйтеся, на враги видимыя и невидимыя крепции нам споборницы.

Радуйтеся, благодеяний множество нам источающии;

Радуйтеся, милостию сострадания вашего всех объемлющии.

Радуйтеся, приснии всем нам ходатаи спасения;

Радуйтеся, неотступнии града Хотькова и обители нашея хранители.

Радуйтеся, преподобнии Кирилле и Марие, блазии о нас пред Богом заступницы.

Кондак 9

Вси Ангели и святых лики радовахуся радостию велиею, егда обитель ваша, преподобнии Кирилле и Марие, Церкви возвращена бысть и мощи ваша честныя, от лет древних Богом сокровенныя, в храме соборнем положены бысть. И возженна бяху молитвы лампада и людие вси узревше свет ея удивляхуся зело, к вам в напастех прибегают и помощь от вас получают; еяже и нас сподобите преподобнии, о вас вопиющих Богу: Аллилуиа.

Икос 9

Витийство человеческое не довлеет к достойному прославлению чудес от мощей ваших и поныне совершающихся, преблаженнии Кирилле и Марие: старица бо немощная монахиня костное преломление претерпевшая и от врачей не утешанная, к вам, преподобнии, притекше и со слезами моляху вас. Вскоре же исцеление совершенное получив, во умилении сердца воспеша вам:

Радуйтеся, благодати Святаго Духа сосуди избраннии;

Радуйтеся, радости нам вечныя благоприятнии ходатаи.

Радуйтеся, старицу немощную от недуга скоро исцелившии;

Радуйтеся, исцелением сим искусных врачей удивившии.

Радуйтеся, нетленныя благоухающии цветы;

Радуйтеся, безсмертия немерцающии лучи.

Радуйтеся, на земли величием чудес блистающии;

Радуйтеся, на небеси со Ангелы Бога славящии.

Радуйтеся, преподобнии Кирилле и Марие, блазии о нас пред Богом заступницы.

Кондак 10

Спасение вечное унаследовавше, богоблаженнии Кирилле и Марие, душами вашими во обителех горних неразлучно в Бозе пребываете, святыми же мощми вашими во обители Пренепорочныя Девы нетленно вкупе почиваете и обильная исцеления источаете, нас в Горний Иерусалим оный руководствуя, вопиющих того Града Управителю: Аллилуиа.

Икос 10

Стена и прибежище всем к вам притекающим вы есте, преподобнии. Обитель бо ваша к жизни иночестей возрожденная множество ищущих спасения собра, их же вы от искушений и соблазнов сохраните, блаженнии, и монашескому деланию научите, да улучивше желаемое, принесут вам сицевыя благодарственныя словеса:

Радуйтеся, чадолюбивыя наши предстателие;

Радуйтеся, руководствующии нас ко Христу Богу.

Радуйтеся, наставляющии шествовати по заповедем Господним;

Радуйтеся, научающии терпеливо носити крест свой и Владыце нашему последовати.

Радуйтеся, яко с преподобным отцем нашим Сергием имеете дерзновение ко Христу Богу нашему и ко Святей Его Богоматери;

Радуйтеся, яко вы есте ходатаи о нас недостойных, жительствующих во святей обители нашей, ей же вы и начальницы.

Радуйтеся, яко Богом собранней дружине сей вы помощницы, заступницы и молитвенницы;

Радуйтеся, яко вашими молитвами сохраняема невредимы от бесов и от человек злых пребываем.

Радуйтеся, преподобнии Кирилле и Марие, блазии о нас пред Богом заступницы.

Кондак 11

Пение молебное приносят вам, преблаженнии Кирилле и Марие, не во обители Хотьковской токмо, но и в Высоцкой, сыном вашим основанней, многоцелебных мощей ваших часть имущей, славят чудеса вами совершаемыя: младенец бо недуг неисцельный имеяй, исцеление от вас получает, родителей радости безмерныя исполняя, вопиющих исцелений подателю Богу: Аллилуиа.

Икос 11

Светом трисиянным осияваеми, Кирилле и Марие, всеблаженнии, со всеми святыми предстоите ныне на Небеси Престолу Царя царствующих и оттуду, яко светила светозарнии, присно просвещаете души притекающих к раце мощей ваших и покаянию истинному научаете. Сего ради, прославляюще вас, глаголем:

Радуйтеся, яко скончали есте жизнь свою телом, но духом не отступаете от нас;

Радуйтеся, с верою приходящих к раце мощей ваших благодатно освящающии.

Радуйтеся, бисери сияющии и благодатно просвещающии человеков;

Радуйтеся, свети умнии, зарею Святаго Духа облистающии.

Радуйтеся, известнии умилостивители Царя Небеснаго;

Радуйтеся, призывающих молитвенно честная имена ваши скории услышатели.

Радуйтеся, упование на вас по Бозе возлагающих дивнии помощницы;

Радуйтеся, всем правоверным всякое прошение во их пользу исполняющии.

Радуйтеся, преподобнии Кирилле и Марие, блазии о нас пред Богом заступницы.

Кондак 12

Благодать от Бога данную вам ведяще, прилежно молим вы ныне, прехвальнии схимонаси: пролейте теплую о нас молитву ко Господу, да сохранит обитель нашу неврежденну от напастей и нестроений, и нас да помилует и спасет, вопиющих Ему: Аллилуиа.

Икос 12

Поюще ваше Богоугодное житие, преподобнии, и на небеси от Бога прославление, ублажаем праведное преставление ваше, величаем безчисленныя чудеса от святых мощей ваших истекающия, и на неусыпныя молитвы ваша уповающе, взываем вам сицевая:

Радуйтеся, житие ваше земное благочестне скончавшии;

Радуйтеся, от Царя Небеснаго венцы славы приемшии.

Радуйтеся, обличеннии в ризу благодатнаго нетления;

Радуйтеся, во благоухании святыни нетленно почивающии.

Радуйтеся, препоясаннии силою многих чудес;

Радуйтеся, яко рака ваша честная врачебница явися недугом человеческим.

Радуйтеся, яко от нея всяк с верою приходяй дары целебныя приемлет;

Радуйтеся, яко обитель наша мощей ради ваших по всей земле Российстей прославляется.

Радуйтеся, преподобнии Кирилле и Марие, блазии о нас пред Богом заступницы.

Кондак 13

О, преславнии чудотворцы и угодницы Господни Кирилле и Марие! Приимите сия моления наша от всея души вам ныне возносимыя и сподобите нас предстательствы вашими в чине ангельском достигнути Небеснаго Царствия, идеже вси святии, Ангели и человецы воспевают непрестанными гласы хвалу Пресвятей Троице, Богу нашему: Аллилуиа, Аллилуиа, Аллилуиа.