Житие и почитание святителя Иннокентия Пензенского, иконография и молитвы

Подвижники Православной церкви, причисленные к лику святых после своей смерти, всю жизнь отдавали на служение Господу и распространение христианского учения. Жизненный путь святителя Иннокентия Пензенского наполнен не только минутами радости и просветления от общения с Всевышним, но и испытаниями, которые преподобный с честью прошел как истинный христианин. И сегодня его труды считаются образцом для наставления молодых верующих и изучаются в семинариях.

Житие святителя Иннокентия Пензенского

Родился Иннокентий Пензенский в семье причетника Воскресенской церкви Димитрия Егорова в 1784 году. Семья проживала в Богородском уезде Московской губернии. При крещении мальчика нарекли Иларионом, что в переводе означает «тихий». Это имя удивительным образом соответствовало характеру ребенка — с малых лет он отличался тихим нравом и смирением.

Когда мальчик немного подрос, родители отправили его на обучение в Московскую Перервинскую семинарию, где за свой нрав он получил прозвище Смирнов. По окончании этого учебного заведения юноша продолжил обучение в семинарии Троице-Сергиевой лавры, которую блестяще окончил в 1805 году. Способный выпускник был оставлен в учебном заведении на должности учителя, а уже спустя 4 года получил место инспектора. Тогда же Иларион принял решение стать иноком, чтобы ничто земное не отвлекало его от служения Господу.

Обряд пострига в монахи проводил митрополит Платон в Троице-Сергиевой лавре, молодой инок получил имя Иннокентий. На следующий же день после принятия пострига Иннокентия рукоположили на иеродиакона, а спустя некоторое время — на иеромонаха.

Летом 1810 года святитель получил назначение на должность игумена и взял на себя руководство Николаевским Угрешским монастырем, однако уже в октябре того же года преподобного перевели на служение в Московскую Знаменскую обитель.

Прошло два года, и святитель Иннокентий, по рекомендации Комиссии духовных училищ, стал преподавателем богословия в духовной академии Санкт-Петербурга. В этот же момент его рукополагают на архимандрита. Спустя год работы на новой должности преподобный становится ректором Санкт-Петербургской духовной академии и получает степень профессора богословия. Также Иннокентий становится постоянным членом Комитета духовной цензуры. В этот же период жизни и служения архимандрита назначают настоятелем Сергиевой пустыни.

В 1813-1814 годах, участвуя в служениях, святитель проявил себя как талантливый проповедник Слова Божьего. Его речи были наполнены Святым Духом и воодушевлением, поэтому быстро проникали в сердца слушателей. Занимая должность преподавателя церковной истории, он не использовал уже готовые материалы, а старался всю информацию проверять по первоисточникам. В это время им написан такой труд, как «Начертание церковной истории от библейских времен до XVIII в.». Изданная в 1817 году книга стала учебником для классического преподавания.

На Казанском Соборе, прошедшем в 1819 году в Санкт-Петербурге, на архимандрита Иннокентия возложили обязанности епископа Пензенского и Саратовского. Однако такое повышение имело и другую сторону — честный и прямолинейный святитель Иннокентий, открыто высказывающийся против новомодных религиозных течений и сектантства, стал не угоден при дворе, и по сути, это была высылка. Вначале его хотели отправить в Оренбург, однако Священный Синод ходатайствовал об отмене такого решения из-за слабого здоровья священнослужителя.

Несмотря на плохое самочувствие, владыка покорно и с радостью выехал в свою новую епархию. Правда, недолго ему суждено было управлять ею. Однако даже за то короткое время святитель Иннокентий успел заслужить любовь и доверие своей паствы, которая с благоговением слушала проповеди нового епископа. И хотя здоровье Иннокентия было слабым, он все равно самостоятельно совершал все праздничные и воскресные богослужения. Его наставления паствы были простыми, но при этом имели отпечаток Божественной мудрости и благодати. За небольшой промежуток времени управления епархией святитель успел лично посетить все храмы и занялся благоустройством архиерейского дома. При этом он старался всегда лично присутствовать на экзаменах, проходивших в духовных заведения Пензы и Саратова.

Во время одной из поездок в Саратов преподобный сильно простудился и слег. Те, кто были рядом со святителем в тот момент, свидетельствуют, что он с кротостью и смирением переносил всю боль и немощи и никогда не жаловался. Даже когда Иннокентий настолько ослаб, что с трудом держал стакан с водой в руках, он не переставал вникать во все дела епархии и отеческим советом помогал принимать важные решения.

За один день до смерти святому было послано видение, о котором он сразу же рассказал своему келейнику.

Преподобный Иннокентий сказал, что видел отверстые небеса, откуда спустили два юноши в белых одеяниях. Они подхватили святителя под руки и вознесли на небо. При этом сердце преподобного наполнилось невыразимой радостью, после чего он проснулся.

На следующий день епископ, чувствуя свою кончину, попросил провести над ним обряд елеосвящения, после которого сложил руки на груди и спустя несколько часов отошел в вечность к Господу. Произошло это 10 октября 1819 года. Похоронили святителя в Спасском соборе.

Почитание в православии

Святитель Иннокентий Пензенский был причислен к лику святых в 2000 году на юбилейном архиерейском соборе, его мощи перенесли в Успенский кафедральный собор, расположенный в Пензе. Текст службы святому составлен в 2019 году. Днем памяти святителя Иннокентия в православной церкви является 10 октября — дата смерти преподобного.

Иконография

На иконах святитель Иннокентий Пензенский изображается в священническом одеянии. В одной руке владыка держит жезл, а другая поднята для благословения молящихся перед образом.

Творческое наследие

Из множества духовных трудов, написанных епископом Иннокентием, особо стоит выделить такие книги, как «Начертание церковной истории от библейских времен до XVIII в.», «Изъяснение Символа веры», «Опыт изъяснения первых двух псалмов» и «Богословие деятельное подлежательное и практическое».

Молитвословия

Чтобы попросить святого о помощи и духовной поддержке, читают следующие тексты молитв.

Тропарь

От ю́ности смире́нным нарече́нный, в мона́шестве же чистоте́ тезоиме́нный, духо́вной му́дрости люби́тель ты́ яви́лся еси́, златовещанный благоче́стия учи́тель и лжи́вых па́губных уче́ний обличи́тель, за И́стину безу́мными гони́мый, незло́бие и кро́тость пропове́давый, и па́ству Пензенскую ре́вностне пасы́й, святи́телю всече́стне Инноке́нтие, моли́ Христа́ на́с умудри́ти во спасе́ние.

Перевод: С детства названный смиренным, в монашестве же одноименный невинности (Иннокентий, от лат. Innocentius — «невинный»), ты стал любителем духовной мудрости, красноречивый учитель благочестия и лживых, пагубных учений обличитель, за Истину безумными гонимый, незлобие и кротость проповедавший, и паству Пензенскую ревностно пасший, святитель почитаемый Иннокентий, моли Христа сделать нас мудрыми для спасения.

Молитва

Бо́же Вели́кий и Си́льный, Бо́же Святы́й и во святы́х почива́яй! Се́ ны́не мы́, раби́ недосто́йнии, коле́на серде́ц на́ших в стра́се и умиле́нии прикло́ньше подно́жию вели́чествия Твоего́, припа́даем и, не дерза́я воззре́ти на высоту́ небе́сную, смире́нно ми́лости Твоея́ безме́рныя ча́ем. Ве́си, Го́споди, я́ко недосто́йни есмы́, но на моли́тву к Тебе́ ны́не воздвиза́ем ди́внаго уго́дника Твоего́ Инноке́нтия, чудотво́рца новоявле́ннаго, и́же вои́стину бе́ му́ж по се́рдцу Твоему́. Ты́ бо ре́кл еси́, Го́споди, пречи́стыми усты́ Твои́ми, я́ко ра́ди и десяти́х пра́ведных не погуби́ши гра́да нечести́вых.

Умилосе́рдися, Влады́ко Святы́й, и ниневи́тяном, согре́шшим Тебе́, спасе́ния иска́вый, и ны́не на на́с, непотре́бных и премно́го согре́шших рабе́х Твои́х, и приими́ в умилостивле́ние моли́твы пречу́днаго сего́ святи́теля Твоего́, с ни́м же и все́х святы́х Твои́х, просла́вленных в двутысящное ле́то пресла́внаго Воплоще́ния Твоего́, да хода́тайствуют си́и пред Тобо́ю о на́с, ча́дех и сро́дницех и́х, мно́га бо любы́ и́х, мно́гое и дерзнове́ние пред лице́м Твои́м. Мно́гими грехми́ помрачи́ся естество́ на́ше, оскверни́хом ду́ши и телеса́ своя́ по де́йству иско́ннаго человекоуби́йцы и проти́вника Твоего́, но па́че припа́даем бла́гости Твое́й, на милосе́рдие Твое́ то́кмо наде́ющеся.

Усе́рдно же про́сим и вели́каго хода́тая на́шего и те́плаго в беда́х на́м предста́теля Инноке́нтия, непови́ннаго вои́стину во очесе́х Твои́х, да пролие́т и свою́ многомо́щную моли́тву пред Тобо́ю, Отце́м Све́тов. Не взира́й у́бо на грехи́ на́ша, Бо́же Преве́чный, но при́зри на ве́ру и наде́яние на́ши и предста́тельство уго́дника Твоего́ Инноке́нтия, и очи́сти ны́ от скве́рн на́ших. Я́ко да слеза́ми покая́ния и де́йством благода́ти Твоея́ очище́ни, возмо́жем вни́ти в све́тлый о́ный и прекра́сный черто́г, его́ же угото́вал еси́ лю́бящим Тя́, и та́мо ку́пно со святи́телем Инноке́нтием возмо́жем воспева́ти пречестно́е и великоле́пое и́мя Твое́, Отца́ и Сы́на и Свята́го Ду́ха, в безконе́чныя ве́ки веко́в. Ами́нь.

Акафист

Кондак 1

Избранный угодниче Христов и дивный благочестия подвижниче, святителю отче Иннокентие, восхваляем тя яко Православия поборника и пагубных обычаев искоренителя. Ты же, имеяй дерзновение ко прославльшему тя Господу, даровавшему нам в тебе новаго великаго молитвенника и скораго в бедах помощника, моли о пастве твоей, зовущей:

Радуйся, святителю отче Иннокентие, теплый молитвенниче о душах наших.

Икос 1

Ангельским смирением украсив житие свое, человеков богомудренный наставник был еси, святителю отче Иннокентие, от юности возлюбил еси Божественную Премудрость, Ей же храм преукрашенный явился еси, Духом Святым освящен, всех учения лучами просвещая; сего ради тебе, на небеси и на земли прославленному, благодарне во умилении вопием сице:

Радуйся, смирением на гору добродетелей возведенный.

Радуйся, оным ко Ангельским ликом на небеси причтенный.

Радуйся, Церкве Православныя пастырю предобрый.

Радуйся, пастве своей от волков губительных защитниче неустрашимый.

Радуйся, целомудрия ревнителю изящный.

Радуйся, образе кротости драгоценный.

Радуйся, проповедниче велеречивый.

Радуйся, архиерею Божий незлобивый.

Радуйся, пензенския паствы удобрение.

Радуйся, града Саратова утверждение.

Радуйся, святителю отче Иннокентие, теплый молитвенниче о душах наших.

Кондак 2

Видев, святителю отче Иннокентие, яко вера православная во Отечестве нашем попирается от лжеучителей инославных, потщался еси вседушно Христу послужити и веру истинную от ересей оградити, паству же от волков, расхищающих ю, защитити. Мы же, дивящеся таковому твоему дерзновению, вопием укрепльшему тя Господу: Аллилуия.

Икос 2

Разум Божественный имея, весь измлада Христу послужил еси, временныя сласти во уметы вменяя, того ради благодатию архиерейства увенча тя Господь. Таковое убо изволение твое воспевающе, вопием ти сице:

Радуйся, путь правый избравый.

Радуйся, яко им же неотступно шествовал еси.

Радуйся, вся красная мира презревый.

Радуйся, душу свою добродетельми просветивый.

Радуйся, сердце свое Христу отверсто имевый.

Радуйся, страстем входы его затворивый.

Радуйся, иноче, послушания вся неленостно прошедый.

Радуйся, священниче, со страхом Божиим Жертву Безкровную приносивый.

Радуйся, монахом правило изящнейшее.

Радуйся, священником образе благоговейнейший.

Радуйся, всем подвизающимся добрый наставниче.

Радуйся, всех нас ко спасению направляяй.

Радуйся, святителю отче Иннокентие, теплый молитвенниче о душах наших.

Кондак 3

Силою свыше облече тя Господь, ты же, святителю отче Иннокентие, взем крест свой, невозвратно Ему последовал еси, и уведев, яко иго Христово благо и бремя Его легко есть, воспел еси Милосердому Богу: Аллилуия.

Икос 3

Гласу апостола Павла внимая, истинным служителем алтаря Господня явился еси, его же слова на скрижалех сердца твоего начертал еси, и нас послушанию научи, вопиющих ти таковая:

Радуйся, учениче истинный Христов.

Радуйся, яко чистотою Ангелом уподобился еси.

Радуйся, во благовестии апостолом подобный.

Радуйся, яко во учении древним Отцем подражал еси.

Радуйся, даром прозрения почтенный.

Радуйся, исповедниче неустрашимый.

Радуйся, подвижниче, великим преподобным равный.

Радуйся, яко непрестанно ко Господу в молитвах воздыхал еси.

Радуйся, яко милостыню творити николиже преставал еси.

Радуйся, яко на каждый час жития своего память смертную имел еси.

Радуйся, благолепия храмов Божиих ревнителю.

Радуйся, яко сам храм Господу явился еси.

Радуйся, святителю отче Иннокентие, теплый молитвенниче о душах наших.

Кондак 4

Великому святителю Ростовскому Димитрию не токмо ликом подобен был еси, но и делами равен сему явился еси, просвещая маловерных, верных же укрепляя, нас же всех поучая вопити Милосердому Богу: Аллилуия.

Икос 4

«Се Жених грядет в полунощи», — тако воспел еси, благодать архиерейства прияв, блаженне не рабе, но друже Христов Иннокентие, и Господа сретил еси душею, любовию горящею, и нас в любви Божественней укрепи, зовущих ти таковая:

Радуйся, яко сила Божия совершися в немощнем телеси твоем.

Радуйся, яко вси недуги со смирением претерпел еси.

Радуйся, клеветы и осуждения яко младенец незлобивый приимавый.

Радуйся, яко во обличении нечестия на лица не взиравый.

Радуйся, нищих и сирых питателю изобильный.

Радуйся, обиженных защитниче любвеобильный.

Радуйся, обидящих многомудренное обличение.

Радуйся, учителю, паству, ти вверенную, ко спасению наставляяй.

Радуйся, уныние силою упования на милосердие Божие победивый.

Радуйся, кротостью и смирением и от простых поучения приимавый.

Радуйся, вся козни вражия силою Божиею поправый.

Радуйся, Богу славно угодивый.

Радуйся, святителю отче Иннокентие, теплый молитвенниче о душах наших.

Кондак 5

Возвеличите Господа со мною и вознесем имя Его вкупе, — тако паству Саратовскую в проповеди призывал еси, ныне же мы с тобою вкупе вопием Живодавцу Богу: Аллилуия.

Икос 5

Непрестанно в келлии колена преклоняя, «Боже, милостив буди мне, грешному», взывал еси, и нам милостива сотвори Владыку небесе и земли, тебе вопиющим таковая:

Радуйся, имя Господа нашего яко пламенное оружие противу козней диавольских имевый.

Радуйся, онаго силу, яко драгоценный бисер, вся земная оставив, купивый.

Радуйся, силою молитв твоих вся наветы вражия разрушивый.

Радуйся, благочестия столпе, на камени спасительныя веры возведенный.

Радуйся, подвигом своим терпеливно научивый чад своих.

Радуйся, всего себе в руки Божии предавый.

Радуйся, все желание ко Христу имевый.

Радуйся, в Бозе нашем намерение свое полагавый.

Радуйся, яко Христу сораспялся еси.

Радуйся, яко сладость лицем к лицу зрети Его ныне вкушаеши.

Радуйся, молитвенниче наш неусыпный.

Радуйся, светильниче веры неугасимый.

Радуйся, святителю отче Иннокентие, теплый молитвенниче о душах наших.

Кондак 6

Дивным видением укрепи тя Господь при кончине суща земнаго жития твоего: Ангели Божии прияша тя с собою и в небесныя обители вознесоша, идеже ты поеши ныне: Аллилуия.

Икос 6

Дух свой Богу предал еси при словах псалмопевца: Аз же, Господи, уповаю на Тя. И нас во уповании сем светлом укрепи, поющих ти таковая:

Радуйся, Ангелы на небо вознесенный.

Радуйся, небесныя радости еще на земли вкусивый.

Радуйся, яко пред тобою небеса отверзошася.

Радуйся, яко Господь в небесныя обители всели тя.

Радуйся, до кончины жития твоего о пастве твоей попечение имевый.

Радуйся, яко и немощи телесныя твоему чадолюбию не возбраниша.

Радуйся, яко Духом Святым восходя от силы в силу, небеснаго царствия достигл еси.

Радуйся, яко тамо ныне со святыми ликовствуеши.

Радуйся, яко и нас, грешных, на земли не оставляеши.

Радуйся, яко духом нам спребываеши.

Радуйся, молитвами нам помогаяй.

Радуйся, яко любы твоя никакоже оскуде на нас.

Радуйся, святителю отче Иннокентие, теплый молитвенниче о душах наших.

Кондак 7

Хотя просветити всех ведением неизреченных судеб Божиих, дивный списатель дел минувших был еси, в них же премудрый Промысл Создателя, вся племена и языки ко спасению ведущий, всем указал еси. Тем же и мы Щедрому Богу покланяемся и вопием: Аллилуия.

Икос 7

Новаго тя чудотворца и молитвенника во времена последняя дарова нам Человеколюбец Господь, егда за умножение беззакония оскуде во многих любы. Твоего предстательства аще и недостойни, но на всепокрывающую любовь твою надеющеся, о нас просим: не остави нас в годину лютых испытаний, укрепляя молитвами твоими вопиющих ти таковая:

Радуйся, яко молитвами твоими землю нашу облагоухал еси.

Радуйся, яко подвиги твоими край наш освятил еси.

Радуйся, о пастве твоей предстателю неусыпный.

Радуйся, помощниче наш во всяких бедах и напастех.

Радуйся, списателю судеб Божиих пречудный.

Радуйся, теми вся ны наставивый.

Радуйся, проповедниче велегласный.

Радуйся, делателю вертограда Христова премудрый.

Радуйся, верный и благий воине Царя Небеснаго.

Радуйся, цевнице духовная, славу Божию бряцающая.

Радуйся, архиереев богодухновенное украшение.

Радуйся, благочестия твердое ограждение.

Радуйся, святителю отче Иннокентие, теплый молитвенниче о душах наших.

Кондак 8

Странное и преславное чудо явися всем, егда честныя и многоцелебныя мощи твоя, аще и от безбожников поругани быша, обретеся паки, к сим же припадаем и Богу вопием: Аллилуия.

Икос 8

Весь еси в вышних, но и нас, долу поверженных, не оставляеши, святителю отче Иннокентие, моления наша слышиши и скоро исполняеши, и выну неотступен пребуди нам, вопиющим ти таковая:

Радуйся, яко всех прибегающих к тебе заступаеши.

Радуйся, яко мощи твоя врачевания источают.

Радуйся, яко моления наша слышиши.

Радуйся, яко во благо их исполняеши.

Радуйся, яко нетлением мощей твоих Ангелов возвеселил еси.

Радуйся, яко мощей твоих беси трепещут.

Радуйся, яко нас, грехми омраченных, просветил еси.

Радуйся, яко смрад страстей наших отгнал еси.

Радуйся, яко талант, данный тебе Богом, умножил еси.

Радуйся, яко в радость Господа твоего вшел еси.

Радуйся, яко нас пред Престолом Божиим непрестанно поминаеши.

Радуйся, яко в благодатных сониих и видениих нас посещаеши.

Радуйся, святителю отче Иннокентие, теплый молитвенниче о душах наших.

Кондак 9

Вси православнии возрадовахуся, егда на Соборе святительстем в лето двотысящное от Рождества Христова в лице святых Церковь Православная прослави тя. Мы же, имуще таковаго молитвенника, вопием возвеличившему тя Богу: Аллилуия.

Икос 9

Витии суемудренныя, тобою посрамленныя, недоумеют, чесо глаголати. Ты же, силою Божиею укрепляемь, всех дерзновенно обличил еси. Мы же, взирающе на праведное житие твое и на твердое веры православныя исповедание, вопием ти таковая:

Радуйся, Христом Богом возлюбленный.

Радуйся, силою свыше облеченный.

Радуйся, научение книжное возлюбивый.

Радуйся, тому усердно прилежавый.

Радуйся, разум Божественный стяжавый.

Радуйся, яко Слово Божие умудри тя.

Радуйся, преданий апостольских верный блюстителю.

Радуйся, правды Божия ревностный хранителю.

Радуйся, просвещенный благодатию.

Радуйся, учителю златословесный.

Радуйся, изгнанный правды Христовы ради.

Радуйся, яко твое есть царствие небесное.

Радуйся, святителю отче Иннокентие, теплый молитвенниче о душах наших.

Кондак 10

Спасти хотя паству твою от ересей и соблазнов, скверная учения беззаконных обличил еси, преславне отче Иннокентие, Православие кротостию премудрых словес твоих утвердил еси и научил еси стадо твое богоугодно воспевати: Аллилуия.

Икос 10

Стена твердая и ограда необоримая бысть сила молитв твоих, богоносе отче Иннокентие. Сего ради и мы, паства твоя, к тебе с верою прибегаем и усердно молим: буди нам ограждение крепкое и оружие, враги прогоняющее, да не возрадуются хотящии нам злая. Мы же, имея таковаго богодарованнаго помощника и заступника, в веселии вопием ти таковая:

Радуйся, добрый паствы твоея первосвятителю.

Радуйся, сумнящихся крепкое в вере утверждение.

Радуйся, злобу власть придержащих кротко претерпевый.

Радуйся, истину небоязненно им вещавый.

Радуйся, гонения и притеснения правды ради смиренно приявый.

Радуйся, у благочестивых чад своих пристанище имевый.

Радуйся, яко тобою от всех зол избавляемся.

Радуйся, яко твоими молитвами ревности в православней вере исполняемся.

Радуйся, яко тобою истина утверждается.

Радуйся, яко тобою лицеприятие и человекоугодие посрамляется.

Радуйся, яко пресекл еси злочестивых волнение.

Радуйся, людем пензенским и саратовским похваление.

Радуйся, святителю отче Иннокентие, теплый молитвенниче о душах наших.

Кондак 11

Пение похвальное приносим тебе, святителю отче Иннокентие, и смиренно молим тя: моли о нас Человеколюбца Бога, да не отвратит лица Своего от нас, присно согрешающих и благость Его на всяк час преогорчевающих, но да твоим заступлением избавит нас от грехов и прегрешений наших, наипаче же сподобит в час кончины нашея покаяния и Божественных Таин причастия, да таковых приобщившеся, сподобимся с тобою в небесных обителех воспети Богу: Аллилуия.

Икос 11

Светильник, во тьме неверия седящих просвещающий, был еси в земнем житии твоем, отче наш Иннокентие. Просвети убо молитвами твоими и нас, в пучине греха погибающих, да благодарне вопием тебе сице:

Радуйся, смирения и терпения наставниче наш премудрый.

Радуйся, в молитвах и бдении учителю наш предобрый.

Радуйся, яко от суесловия и суемудрия нас отвращаеши.

Радуйся, яко в добродетели нас наставляеши.

Радуйся, яко в суете мирской и попечениих житейских погрязшим путь к горним указуеши.

Радуйся, яко нас, обремененных грехми и скорбьми многими, никогдаже оставляеши.

Радуйся, истинный учениче Христов, нас, сирых, возлюбивый.

Радуйся, гордых и жестоковыйных смиривый.

Радуйся, яко всех почитающих тя от напастей и зол сохраняеши.

Радуйся, яко всех скорбящих и болезнующих, к заступлению твоему притекающих, утешаеши.

Радуйся, светильниче, нас, потемненных грехми, любовию освещаяй.

Радуйся, миро, нас, оскверненных беззаконии смрадными, облагоухающее.

Радуйся, святителю отче Иннокентие, теплый молитвенниче о душах наших.

Кондак 12

Благодати сосуд избранный был еси, святителю отче Иннокентие, восхваляюще тя усердно, молим: пролей теплую молитву ко Всевышнему за православное Отечество наше, да избавимся от нашествия иноплеменных и междоусобных браней и да изриновены будут лжеучителие и еретицы инославнии, по грехом нашим умножившиися ныне и ищущии, како православныя уловити. Мы же в мире и тишине воспоем Христу Богу: Аллилуия.

Икос 12

Поюще славное твое к небесным обителем восхождение, святителю отче Иннокентие, прославляем равноангельное житие твое и во умилении сердца славим, хвалим и величаем возвеличившаго тя Господа, даровавшаго нам новаго молитвенника и предстателя, Егоже умоли спастися всем, поющим ти таковая:

Радуйся, житием своим Ангелов удививый.

Радуйся, подвиги своими человеков наставивый.

Радуйся, нищетою духовною сокровище царствия Божия обретый.

Радуйся, плачем и скорбьми временными утешения вечнаго сподобивыйся.

Радуйся, кротостию своею землю правых наследивый.

Радуйся, правды на земли алкавый, на небесех же правдою Божиею насыщенный.

Радуйся, милостию и нищелюбием милость велию от Господа стяжавый.

Радуйся, очистивый очи сердца своего от скверны греха и Бога узревый.

Радуйся, миротворения ради сыном Божиим нареченный.

Радуйся, изгнанный правды ради и в небесныя обители со славою приятый.

Радуйся, поношения и неправедныя гонения Христа ради претерпевый и многу мзду на небесех получивый.

Радуйся, яко мощей твоих рака бывает нам источник исцелений и утешений, обильно преизливающийся.

Радуйся, святителю отче Иннокентие, теплый молитвенниче о душах наших.

Кондак 13

О, преславный святителю Христов Иннокентие! Приими от нас сие малое моление, в похвалу тебе приносимое, и избави нас предстательством твоим от многих бед и скорбей, да в житии сем временнем сетей вражиих и прелести бесовския избавльшеся, воздушная мытарства непреткновенно минуя, в небесный Иерусалим вселитися сподобимся, и тамо с тобою Всеблагому Богу нашему воспоем: Аллилуия.

Этот кондак читается трижды. Затем икос 1-й: «Ангельским смирением…» и кондак 1-й: «Избранный угодниче Христов…»