Житие преподобномученика Галактиона Вологодского, почитание и молитвы

Жизненный путь Галактиона Вологодского (в миру князя Гавриила Ивановича Бельского) был наполнен испытаниями и страданиями с самого младенчества и до его мученической кончины. Однако благодаря крепкой вере в Господа он с достоинством прошел земной путь и был причислен к лику святых. К преподобномученику с молитвами обращаются православные христиане в трудные минуты своей жизни или когда слабеет вера, и святой всегда приходит на помощь.

Житие преподобного Галактиона Вологодского

Родился будущий преподобномученик в 1533 году (времена правления Иоанна Грозного) в знатной семье князя Иоанна Иоанновича Бельского. Отец мальчика был потомком литовских князей Ольгердов, а также состоял в родстве с великокняжеским русским домом. При обряде крещения мальчику дали имя Гавриил. Однако с самого младенчества ребенку пришлось столкнуться с испытаниями и горестями.

Когда мальчику исполнилось 7 лет, его отец, занимавший в то время пост главы правительства, был убит партией Шуйских. Родственники и близкие друзья семьи Бельских были напуганы таким развитием событий и приняли решение отправить Гавриила подальше от столицы, чтобы спасти его от произвола Шуйских. Ребенка тайно вывезли из Москвы в Старицу и приказали никому не открывать своего происхождения.

В Старице мальчик пробыл недолго и отправился к Вологде. Там он, скрывая свое происхождение и выдавая себя за безродного сироту, пристал к семье чеботаря, которая жила на Глинках, и стал учиться у него мастерству. Когда мальчик подрос, он вступил в брак с девушкой из простой посадской семьи, чтобы забыть свое прошлое.

Однако семейная жизнь не продлилась долго, так как супруга Гавриила умерла вскоре после рождения дочери. Когда дочь немного подросла, Гавриил оставил ее на попечение родственников, а сам принял решение всецело посвятить себя служению Господу. Он возложил на себя тяжелые вериги и проводил время в постах и молитвах Всевышнему.

Гавриил упросил городских жителей выделить ему небольшой участок земли и поселился возле реки Содимы, сделав там маленькую келлию. По прошествии некоторого времени он принял монашеский постриг и был наречен Галактионом. Но, даже посвятив себя служению Господу, инок не оставил сапожного дела — днем он шил обувь, а по ночам молился и возносил хвалу Всевышнему. Деньги, вырученные от жителей, он делил на три части: одну отдавал на храм, вторую раздавал нищим, а третью оставлял себя на скудное пропитание. Кроме этого, святой Галактион собственноручно выкопал вблизи своей келлии пруд, обсадил его деревьями и начал разводить в нем рыбу.

Духовная жизнь и время, проведенное в воздержании и молитвах, привели к тому, что преподобный Галактион получил от Господа дар предсказывать будущее. Таким образом, он смог предсказать будущее разорение Вологды. Проходя мимо храма Дмитрия Прилуцкого, он произнес пророческие слова о том, что святой разгневан тем, что вокруг церкви устроили торжище, и более не будет защищать город.

Также Галактион предсказал, что именно этот храм будет разрушен первым, после чего преподобномученик удалился в свою келлию и приковал себя цепями к потолку так, что не мог лечь на землю, а только опуститься на колени для молитвы. Там он провел некоторое время, проливая слезы и прося Господа помиловать жителей и защитить от грядущих бед.

В редких случаях он снимал оковы, чтобы выйти из своего убежища. В житии святого описан случай, когда произошла великая засуха, и за ним послал вологодский владыка с просьбой помолиться к Господу. И действительно, после того, как Галактион вознес горячую молитву Всевышнему, прошел сильный дождь, напоивший землю и предотвративший голод.

В 1612 году сбылось предсказание святого Галактиона Вологодского — литовские и польские войска темной ночью неожиданно напали на Вологду и начали грабить и убивать горожан. Многие священнослужители и городской голова были убиты, а местные жители разбежались, чтобы спасти свои жизни. После расправы с горожанами толпа пришла в келлию святого, и люди начали бить Галактиона и колоть его мечами.

Несмотря на муки и многочисленные раны, преподобный не злословил злодеев, а благодарил Господа за то, что на его долю выпали такие испытания и возможность пострадать во славу Всевышнего.

На протяжении трех дней продолжались издевательства над святым, а он просил у Бога только одного — спасения жителей от захватчиков. 24 сентября преподобномученик Галактион отошел к Господу, а уже спустя сутки польские и литовские войска вышли из Вологды. Благочестивые жители города пришли в келлию святого и погребли его там. На месте захоронения Галактиона Вологодского стали происходить чудеса.

Вскоре после смерти преподобномученика вологодский архиепископ отдал распоряжение написать житие святого Галактиона. Также был воздвигнут храм в честь иконы Знамения Божией Матери на месте келлии, в которой жил и подвизался Галактион Вологодский.

Почитание преподобномученика в православии

Служба святому Галактиону Вологодскому была составлена в 1717 году. Днем почитания преподобномученика в православии считается 7 октября. Также святого Галактиона вспоминают в составе вологодских святых 3 июля (эта дата переходящая).

Иконография

На иконах преподобномученик Галактион Вологодский изображается в скромном иноческом одеянии. Одна рука святого поднята в благословляющем жесте. Над головой вологодского затворника нарисован мученический венец.

Молитвословия

Прославляют преподобномученика и обращаются к святому за помощью, используя следующие тексты.

Тропарь

Днесь град Во́логда тобо́ю всеми́рне хва́лится,/ возсия́л бо еси́ пресве́тло я́ко со́лнце/ и чудесы́ твои́ми град и ве́си, преподо́бне Галактио́не, озари́л еси́./ И ны́не моли́ся Го́сподеви/ изба́витися душа́м на́шим от пре́лести вра́жия/ спасти́ся гра́ду на́шему от пога́нскаго и всех проти́вных наи́тия,/ и испроси́ у Христа́ Бо́га любо́вию чту́щим тя/ прегреше́ний проще́ния/ и прося́щим твоея́ по́мощи от вся́кия ско́рби избавле́ние,/ и вопию́щим к тебе́:// Бог наш с на́ми, просла́вивый уго́дника Своего́, я́ко же благоволи́.

Перевод: Сегодня город Вологда тобой всему миру похваляется, ибо ты воссиял ярко, как солнце, и чудесами твоими города и села, преподобный Галактион, озарил ты. И сейчас молись Господу об избавлении душ наших от обольщения вражеского, о спасении города нашего от нападения язычников и прочих противников, и испроси у Христа Бога всем с любовью почитающим тебя прощение прегрешений и просящим твоей помощи от всякой скорби избавление, взывающим к тебе: «Бог наш с нами, изволивший прославить угодника Своего».

Кондак

Благоче́стно на земли́ пожи́в/ и муче́ния вене́ц прия́л еси́, прече́стне,/ дре́вом во главу́ от наше́дших градоразори́телей убие́н/ я́ко до́брый учени́к Спа́са Христа́,/ оста́вив оте́чественный свой град и дру́ги/ стра́нствовати любве́ ра́ди Христо́вы ева́нгельски изво́ливый./ Сего́ ра́ди тя почита́ем, пе́сньми вопию́ще:/ от бед изба́ви нас при́сно моли́твами твои́ми,// уго́дниче Бо́жий Галактио́не, о́тче наш.

Перевод: Благочестиво на земле прожив, ты получил мученический венец, почитаемый, бревном тебе разбили голову  захватчики города. Как хороший ученик Спасителя Христа, ты оставил свой родной город и друзей, пожелав евангельски странствовать ради любви Христовой. Потому почитаем тебя, взывая в молитвенных песнопениях: «От бедствий избавляй нас всегда молитвами твоими, угодник Божий Галактион, отче наш».

Ин тропарь

Днесь град Во́логда тобо́ю хва́лится, преподо́бне,/ возсия́л бо еси́ пресве́тло, я́ко со́лнце,/ гра́ды и ве́си чудесы́ твои́ми озаря́я./ И ны́не, преподобному́чениче Галактио́не, Го́сподеви моли́ся/ стране́ на́шей от нахожде́ния сопроти́вных изба́витися,/ и у Христа́ Бо́га прегреше́ний на́ших оставле́ние испроси́,/ и от вся́кия ско́рби избавле́ние пода́ждь/ любо́вию чту́щим тя, и вопию́щим ве́рно:// Бог наш с на́ми, просла́вивый уго́дника Своего́, я́коже благоволи́.

Перевод: Сегодня город Вологда тобой гордится, преподобный, ибо ты ярко воссиял, как солнце, города и села чудесами твоими озаряя. И сейчас, преподобномученик Галактион, Господу молись об избавлении страны нашей от нападения противников, и у Христа Бога прегрешений наших прощение испроси, и от всякой скорби избавление подай с любовью почитающим тебя и взывающим с верой: «Бог наш с нами, изволивший прославить угодника Своего».

Молитва первая

Преподо́бне о́тче наш Галактио́не, свети́льниче стране́ на́шей, подвигополо́жников удобре́ние, Во́логды гра́да засту́пниче те́плый и неусы́пный, за ны гре́шныя ко Всеми́лостивому Бо́гу на́шему Иису́су Христу́и ко Святе́й Пречи́стей Ма́тери Его́, Влады́чице на́шей Богоро́дице, Присноде́ве Мари́и моли́твенниче, мо́лим твою́ честну́ю святы́ню мы, недосто́йнии раби́ твои́, зря на святочудотво́рный о́браз твой духо́вными взо́ры стоя́ще во огра́де селе́ния твоего́, не забу́ди нас, си́рых, но я́ко оте́ц чадолюби́вый посети́ ду́хом душ на́ших не́мощь и испроси́ моли́твами твои́ми у Христа́ Бо́га на́шего, да освяти́т ду́ши на́ши и ум наш просве­ти́т, и вразуми́т, и со́вести на́ша от вся­́кия скве́рны очи́стит, и от нечи́стых помышле́ний, и вре́дный разуме́ний, и губи́тельнаго уны́ния, и изба́вит нас от бесо́вских наве́тов, и дневны́х и нощны́х озлобле́ний, и да́рует нам и́скреннее покая́ние, се́рдцу сокруше́ние, сле́зы и умиле́ние, воздержа́ние и тре́звость, смиренному́дрие и кро́тость, чистоту́ душе́вную и теле́сную, нищелю́бие же и страннолю́бие, и друг дру́гу нелицеме́рную любо́вь, и милосе́рдие, и вся́кое благоволе́ние. О всеблаже́нне о́тче наш Галактио́не, сподо́би ны после́довати по си́ле пути́ спасе́ния, я́ко да твои́ми моли́твами Преблаги́й Христо́с, Бог наш, пока́жет нам, гре́шным, благода́ть и ми́лость Свою́, и вся́ких зол и бу́дущаго муче́ния нас свободи́т, и сподо́бит насле́дником Ца́рствия Своего́ Небе́сного, сла́вящих Его́ и велича́ющих ку́пно со Безнача́льным Его́ Отце́м, и Пресвяты́м, и Благи́м, и Животворя́щим Его́ Ду́хом ны́не и при́сно и во ве́ки веко́в. Ами́нь.

Молитва вторая

Преподо́бне и богоблаже́нне о́тче наш Галактио́не, кре́пкое страны́ на́шея огражде́ние, христиа́н правосла́вных побо́рниче и те́плый за нас гре́шных ко Всеми́лостивому Бо́гу на́шему Иису́су Христу́ и Пречи́стой Ма́тери Его́, Влады́чице на́шей Богоро́дице и Присноде́ве Мари́и моли́твенниче. Умиле́нно мо́лимся тебе́, преподо́бне, не забу́ди нас гре́шных и недосто́йных рабо́в твои́х, но я́ко засту́пник и хода́тай усе́рдный, при́зри ми́лостивно на не́мощь на́шу и испроси́ моли́твами твои́ми у Христа́ Бо́га на́шего, да освяти́т благода́тию Свое́ю ду́ши и телеса́ на́ша, ум наш просвети́т све́том богоразу́мия, со́весть на́шу очи́стит от ме́ртвых дел, от грехо́вных помышле́ний и губи́тельнаго уны́ния, и да́рует нам и́скреннее покая́ние, се́рдцу сокруше́ние, сле́зы и умиле́ние, воздержа́ние и тре́звость, смиренному́дрие и кро́тость, чистоту́ душе́вную и теле́сную, нищелю́бие и страннолю́бие, и друг дру́гу нелицеме́рную любо́вь. О всеблаже́нне о́тче Галактио́не, сподо́би нас ше́ствовати путе́м спасе́ния, да твои́ми моли́твами преблаги́й Христо́с Бог наш пока́жет на нас, гре́шных, благода́ть и ми́лость Свою́, и вся́ческих зол и бу́дущаго муче́ния нас свободи́т, и сподо́бит насле́дником бы́ти Ца́рствия Своего́ Небе́снаго сла́вящих и велича́ющих Его́ ку́пно с Безнача́льным Его́ Отце́м и Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Акафист

Избранный от княжескаго рода и призванный в иночество скорбьми многими, угодниче Божий преподобномучениче Галактионе, в песнех восхваляем тя с любовию, небеснаго предстателя и заступника нашего; ты же, отче, яко имеяй дерзновение ко Пресвятей Троице, молися выну о спасении нас грешных и от всяких бед свобождай чтущих святую память твою, да зовем ти:

Радуйся, преподобномучениче Галактионе, великий чудотворче.

Икос 1

Ангелов Творец и всего мира Создатель, провидев, яко сосуд избран имаши быти Божия благодати, отче Галактионе, от юности твоея многими скорбьми воспита тя в подвижника совершенна о Христе, сильнаго словом и делом пред Богом и человеки, нас же подвизает пети тебе:

Радуйся, благородных родителей сыне;

Радуйся, княжескаго рода святое прозябение.

Радуйся, в отрочестве от смерти напрасныя Богом сохраненный;

Радуйся, град отечествия твоего оставивый.

Радуйся, праведно и непорочно на земли поживый;

Радуйся, гражданство Иерусалима Небеснаго улучивый.

Радуйся, преподобномучениче Галактионе, великий чудотворче.

Кондак 2

Видев кончину страдальческую родителя твоего и врагов лютость, искавших твоея погибели, отче Галактионе, ты же, подражая Христу, в младенчестве Своем бегавшему от гнева Иродова, избежал еси смерти горькия, благодарственно взывая ко Господу: Аллилуиа.

Икос 2

Разумев добре непостоянство благ мира сего прелестнаго, Галактионе богомудре, чести и славы и богатства уклонился еси и яко един от нищих во град Вологду пришел еси, в нем же пребывая, от труда рук своих не токмо сам питался еси, но и нищих снабдевал еси; о сем тя хвалим и зовем:

Радуйся, кроткий Иисусов последователю;

Радуйся, смиренный Христов подражателю.

Радуйся, трудами праведными питавыйся;

Радуйся, праздность душевредную возненавидевый.

Радуйся, нищих питателю;

Радуйся, убогих благодетелю.

Радуйся, преподобномучениче Галактионе, великий чудотворче.

Кондак 3

Сила Божия в немощи твоей совершашеся, Галактионе преблаженне, егда благий ярем Христов на ся возложил еси и, веригами железными стягнув тело твое, в затвор тесный себе заключил еси, в молитвах непрестанных пребывая и выну вопия ко Господу: Аллилуиа.

Икос 3

Имел еси помысл чист и непорочную душу, отче преподобне, и ангелоподобное житие на земли проходил еси, смиряя плоть твою подвигами великими; темже яко воистину ангела земнаго и человека небеснаго тя ублажаем и глаголем:

Радуйся, ангельскаго образа усердно возжелавый;

Радуйся, в схиму святую облеченный.

Радуйся, мечем молитвы непрестанно вооруженный;

Радуйся, воине Христов непобедимый.

Радуйся, вместо доспехов ратных веригами железными обложенный:

Радуйся, вся искушения диавольская победивый.

Радуйся, преподобномучениче Галактионе, великий чудотворче.

Кондак 4

Буря страстей не потопи корабля души твоея, Галактионе преблаженне, но веянием Святаго Духа направляем, в тихое пристанище безстрастия вшел еси и, безмолвное житие в затворе много лет препровождая, непрестанно воспевал еси Пресвятей Троице: Аллилуиа.

Икос 4

Слышавше прозорливыя твоя глаголы, отче преподобне, жители града Вологды о скорогрядущем на них гневе Божием, познаша тя, предстателя усерднаго за них ко Господу, и потщашася покаянием очистити себе от скверн греховных, тебе же, яко покаяния проповеднику, возглашаху сицевая:

Радуйся, яко Иона, покаяние согражданом твоим проповедавый;

Радуйся, яко Иеремия, о разорении града Вологды горце рыдавый.

Радуйся, древним пророком равночестный;

Радуйся, будущая яко настоящая провидевый.

Радуйся, возшедый на высоту совершенства духовнаго;

Радуйся, рабе Христов, верность Ему до конца сохранивый.

Радуйся, преподобномучениче Галактионе, великий чудотворче.

Кондак 5

Боготечно, яко звезда путеводная, шествовал еси, преподобне отче, и примером жития твоего святаго многих ко Христу привел еси, ныне же всю страну Вологодскую благодатно озаряеши многими чудесы твоими. Не престай умоляти за ны Господа, о еже сподобитися и нам вкупе с тобою пети Ему: Аллилуиа.

Икос 5

Видевше исполнение пророческих твоих глаголов, дивно сбывшихся в разорении града Вологды от литовцев, сограждане твои, отче Галактионе, благоговейно воспоминаху твоя увещательная к ним словеса, ими же тщался еси привести их к покаянию, посту и молитве, в умилостивление праведно движимаго на них гнева Божия, темже и взываху тебе:

Радуйся, молитвенниче ко Господу за люди согрешившия;

Радуйся, провозвестниче воли Божией человеком.

Радуйся, дивный провидче судеб Господних неисповедимых;

Радуйся, усердный рачителю благолепия храмов Божиих.

Радуйся, строение обители иноческия на мосте подвигов твоих предсказавый;

Радуйся, клеветы напрасныя и посмеяние кротце претерпевый.

Радуйся, преподобномучениче Галактионе, великий чудотворче.

Кондак 6

Проповедник был еси покаяния людем Вологодским, Галактионе блаженне, и страстотерпец добрый, положивый душу твою за град и люди единоверныя, убиен быв от злонравных литовцев, яко агнец незлобивый, и ныне во обителех райских светло ликуеши, вопия Богу: Аллилуиа.

Икос 6

Возсиял еси зарею многих чудес, преподобномучениче, и от раки твоея честныя благодатныя исцеления точиши всем, с верою приходящим; молим тя, угодниче Божий, уврачуй данною ти свыше благодатию и наши недуги душевныя и телесныя, да зовем ти:

Радуйся, страстотерпче добропобедный, биение лютое от литовцев претерпевый;

Радуйся, кровию твоею землю обагривый.

Радуйся, по триех днех страдания телеснаго душу твою в руце Божии предавый;

Радуйся, на месте подвигов твоих честно погребенный.

Радуйся, вериги твоя и гроб твой цельбоносны явивый;

Радуйся, радости скорбящим подателю.

Радуйся, преподобномучениче Галактионе, великий чудотворче.

Кондак 7

Хотящим нам молитвы принести ко Господу, буди нам споспешник добрый, отче Галактионе, и яко же при жизни твоей, бездождию бывшу во граде Вологде, по молению архиерея и всего народа молитвою твоею дождь обилен у Господа испросил еси; тако и ныне проси нам милости у Всещедраго Владыки Христа, да благодарственно поем Ему: Аллилуиа.

Икос 7

Дивно бысть житие твое подвижническое и многострадальное, преподобне отче наш Галактионе, дивны суть и чудеса твоя, имиже прослави тя Господь по смерти, о них же недоумения благохвалити тя по достоянию, смиренно приносим ти глаголы сия:

Радуйся, страны Вологодския Богом дарованный покровителю;

Радуйся, правило преподобнаго иноческаго жития.

Радуйся, молитв благоприятное кадило;

Радуйся, бездождие молитвами разрешивый.

Радуйся, дождь обилен и благорастворение воздуха у Господа испросивый;

Радуйся, святыя обители твоея боголепное украшение.

Радуйся, преподобномучениче Галактионе, великий чудотворче.

Кондак 8

Странно есть видети, преподобне, яко вода от кладезя, рукама твоима ископаннаго, недужными с верою приемлемая, целительна бывает. Молим тя, угодниче Божий, и нас, жаждою духовною палимых, напой водою Божия благодати, да принесем Владыце нашему плоды добрых дел и сподобимся благоприятно пети Ему: Аллилуиа.

Икос 8

Весь любовию Божественною преисполнен быв, Галактионе досточудне, ближних твоих искренно любил еси и усердно им благотворил еси, каковую же любовь твою к людям, ти сродным, и по смерти являти не престаеши, подвизая ны пети тебе:

Радуйся, на высоту совершенства о Христе восшедый;

Радуйся, мужу желаний духовных.

Радуйся, сияющий, яко солнце, в Царствии Небеснем;

Радуйся, мрак страстей разгоняющий в нас святыми твоими молитвами.

Радуйся, ведущий нас невидимо на стезю благоугождения;

Радуйся, реко исцелений благодатных.

Радуйся, преподобномучениче Галактионе, великий чудотворче.

Кондак 9

Вси ангели Божии и святых лицы восприяша тя с любовию в сожитие райское, страстотерпче преподобне, егда биенный люте от нечестивых литовцев дух твой испустил еси и Сам Творец ангелов венцем славы небесныя увенча тя, Ему же помолися, преподобномучениче, да и нас смиренных не лишит Он наследия Царства Небеснаго и пения Ему со святыми: Аллилуиа.

Икос 9

Витии суесловнии, глаголавшии на тя стропотная и прекословная, преподобне отче, по неложному предсказанию твоему, посрамишася и погибоша, ты же радостно пребывавши со святыми и память твоя чествуется с похвалами до днесь, на месте же подвигов твоих обитель иноческая красуется, яко же предрекл еси, и благоукрашенныя храмы Божии стоят, в них же славословие Божие совершается, тебе же приносятся хвалебныя песни сицевыя:

Радуйся, горняго мира украшение;

Радуйся, дольняго мира заступление.

Радуйся, иноков слава и похвала;

Радуйся, постников удобрение.

Радуйся, крови твоея излиянием град Вологду освятивый;

Радуйся, неверныя знаменьми грозными устрашаяй.

Радуйся, преподобномучениче Галактионе, великий чудотворче.

Кондак 10

Спастися всем нам помолися, преподобне, и не престай ходатайствовати за нас пред Престолом Пресвятыя Троицы, яко имый дерзновение к Триипостасному Владыце; молимся тебе прилежно, помози нам грешным странствие земное благочестно скончати и во славе Царствия Христова вечно пети Богу нашему: Аллилуиа.

Икос 10

Стеною молитв твоих небесных град Вологда ограждается и святая обитель твоя нерушимо пребывает, вси же, чтущии тя, у гроба твоего утешение получают, Галактионе многострадальне, темже приемлюще от тебе множество даров Божия благодати, благодарственно взываем:

Радуйся, милосердия Христова подражателю;

Радуйся, вечныя блаженныя жизни наследниче.

Радуйся, радости святых сопричастниче;

Радуйся, венца мученическаго сподобивыйся.

Радуйся, благодати Божия таинниче;

Радуйся, Пресвятыя Троицы верный исповедниче.

Радуйся, преподобномучениче Галактионе, великий чудотворче.

Кондак 11

Пение ангельское слышиши и доброту райскую созерцаеши, преподобне отче Галактионе, отнудуже и наше пение смиренное услыши, прося нам свыше у Господа великия и богатыя Его милости, да присно благодарим тя, предстателя нашего, и вопием Богу: Аллилуиа.

Икос 11

Светлыми лучами чудес сияеши, Галактионе богоносне, и ими выну озаряеши души верных, с усердием и любовию приходящих к цельбоносному твоему гробу; не мним бо тя мертва суща, но жива о Христе, внемлюща гласом нашим хвалебным и вопиющим таковая:

Радуйся, святче Божий, со святыми почиваяй;

Радуйся, избранниче Христов, земнородныя благоутробно посещаяй.

Радуйся, по успении твоем чудесы многими святость твою показавый;

Радуйся, от гроба твоего струи целебныя источивый.

Радуйся, различныя болезни исцелеваяй;

Радуйся, во всяких бедах скорый помощниче.

Радуйся, преподобномучениче Галактионе, великий чудотворче.

Кондак 12

Благодать, данную ти от Бога, врачевати недуги душевныя и телесныя прославляем, отче Галактионе; не забуди нас, усердно призывающих тя, во время тяжких обстояний и в час смерти нашея не остави нас молитвами твоими, да в радости вопием Богу: Аллилуиа.

Икос 12

Восхваляем великия твоя подвиги, ублажаем мученическую кончину твою, святе Галактионе, и с несомненною верою припадая к цельбоносному гробу твоему, величающе тя зовем:

Радуйся, Пресвятыя Живоначальныя Троицы великий угодниче;

Радуйся, Пресвятыя Владычицы Богородицы изрядный слуго.

Радуйся, ангельских ликов собеседниче;

Радуйся, всех святых сожителю.

Радуйся, свеще, в молитвах к Богу возженная;

Радуйся, душ наших к Царствию Горнему руководителю.

Радуйся, преподобномучениче Галактионе, великий чудотворче.

Кондак 13

О, пречудне и богоносне отче наш Галактионе, заступниче наш теплый и молитвенниче непрестанный. Приими от нас милостиво малое сие моление и сохрани всех нас от врагов видимых и невидимых, от всякия скорби, напрасныя смерти и будущия муки; да сподобимся с тобою и со всеми святыми воспевати Богу: Аллилуиа.

(Этот кондак читается трижды, затем икос 1 и кондак 1)