Житие святого Федора Стратилата и о чем просят перед его иконой, молитвы

Православная церковь прославляет множество святых, принявших мученическую смерть за Господа Иисуса Христа. Об одном из них – святом великомученике Федоре Стратилате, слышали многие православные христиане. Но, несмотря на то, что верующие часто обращаются к святому с различными просьбами, мало кому известны подробности его духовного подвига и мученической кончины.

Житие святого Федора Стратилата

В древнерусских рукописях существует несколько вариантов жития святого Феодора: краткая, полная и славянская версии. Святитель Дмитрий Ростовский объединил и перевел все версии, подробно описав страдания Христова угодника.

Происхождение

Жизнь и кончина Феодора Стратилата выпала на конец III, начало IV века. Местом рождения великомученика считается город Евхаиты (территория нынешней Турции), расположенный западнее Амасии. Феодор с юного возраста служил в римской армии и считался одним из самых отважных воинов.

Служение Богу

О воине Феодоре жители Евхаита узнали после уничтожения им змея, тиранившего долгое время всю округу.

Все, что было у храброго воина с собой – это копье и крест на груди. Поджидая змея, воин воспользовался советом благочестивой христианки Евсевии, хранившей мощи Феодора Тирона.

О подвиге Феодора стало известно императору Лицинию. По его указу отважного воина перевели в Гераклею, назначив стратилатом (военачальником).

Большинство жителей Гераклеи были язычниками. Но Феодор не стал скрывать свою веру во Христа. Наоборот, он начал проповедовать евангельское учение, обращая жителей города в христианскую веру. Свои проповеди Стратилат подкреплял примером собственной добродетельной жизни. Благодаря святому почти все жители города отвергли языческих богов, принимая христианство.

Об этом прослышал император Лициний и призвал святого великомученика прибыть к нему с ответом. Но Стратилат предложил императору самому посетить Гераклею, взяв с собой своих идолов. Обрадованный Лициний, решив, что военачальник желает при всех поклониться языческим богам, согласился на его предложение.

Прибыв в Гераклею, Лициний был удивлен порядком, царившим в городе. Призвав к себе Феодора, император потребовал от него совершения жертвоприношения золотым и серебряным идолам. Святой попросил отложить церемонию до утра, перенеся языческие статуи к себе домой.

Ночью Стратилат раздробил серебряные и золотые истуканы на мелкие части и раздал их беднякам. На следующий день кто-то из приближенных императора доложил ему, что видел у какого-то бедняка золотую голову статуи Аполлона. Разгневанный император призвал к ответу святого великомученика. Но тот спокойно объяснил Лицинию, что своим поступком доказал ложность языческих богов. Если бы боги Лициния были истинными, они бы поразили Стратилата за кощунство.

Феодор сказал, что поклоняется одному единственному, живому, вечному Господу и славит только Его.

Мученическая смерть

После пламенных речей святого император приказал схватить Стратилата и подвергнуть мучениям до тех пор, пока тот не откажется от своих слов.

К великомученику применили самые изощренные пытки:

• раздирали плоть железными крюками;
• выжигали каленым огнем;
• высекли воловьими жилами.
• держали пять дней в темнице без еды и питья.

После этого великомученика вывезли за город и распяли на кресте. Но Господь послал к святому ангела, снявшего истерзанного Феодора с креста и исцелившего его. Утром горожане, пришедшие к месту казни, были поражены, увидев живого и невредимого Стратилата.

Уверовав во Христа, горожане хотели восстать против императора. Но мученик Христов, не желая гибели невинных людей, удержал их от мщения. Великомученик был готов принять мученическую смерть за Христа, поэтому добровольно сдался своим мучителям. По пути к месту казни мученик отворял двери тюрем и исцелял больных.

8 февраля 319 года святого Феодора казнили путем отсечения головы.

Иконография

Икону с изображением великомученика Стратилата можно увидеть почти в каждой церкви. Самой древней считается икона, написанная еще в XIX веке.

Узнать великомученика Феодора можно по характерным чертам, присущим святому:

• воинскому облачению;
• пластинчатому доспеху;
• копью, которое Феодор держит правой рукой;
• овальному щиту.

Встречаются изображения, на которых в левой руке святого, вместо щита, крест. Некоторые иконописцы изображали великомученика сидящим на белоснежном коне. Существуют также иконы, на которых Феодор Стратилат изображен рядом с Феодором Тироном.

Почитание святого Федора в православии

Нетленные мощи святого Феодора долгое время хранились в главном Евхаитском храме. В XI веке состоялось перенесение мощей великомученика в Богородичный храм Влахерны – пригорода Константинополя. В 1204 году Константинополь захватили крестоносцы, и целостность святых останков была нарушена.

В настоящее время отдельные части мощей хранят разные храмы:

• главу – Афонский монастырь Пантократор;
• левую руку – монастырь Мега Спилеон греческого полуострова Пелопоннес;
• части мощей – Московский Благовещенский собор и Новгородский храм Святой Софии.

Православная церковь причислила Феодора Стратилата к лику великомучеников, установив дату празднования 21 февраля.

В честь святого Феодора построено множество храмов и монастырей. Один из самых известных монастырей, возведенный в XVIII-XIX вв., расположен в Крыму. Двери храма открыты для любого желающего поклониться святому Феодору.

О чем просят у святого

Святой Феодор был воином. Поэтому под его особое покровительство попадают все военнослужащие.

Священнослужители рекомендуют перед отправкой на службу приобрести небольшой образок с ликом Стратилата, который будет оберегать от опасностей.

Молитвы, обращенные к великомученику, обладают большой силой и помогают:

• исцелиться от болезней;
• найти выход из сложной ситуации;
• укрепить веру;
• изгнать злых духов.

Феодор Стратилат помогает также раскаявшимся заключенным, содействуя их скорому освобождению. Искренние молитвы никогда не остаются без внимания святого.

Молитвословия

Великомученику Феодору посвящена специальная молитва, которую читают в церкви либо дома перед святым образом.

В дни почитания святого Стратилата на богослужении исполняется акафист. При желании его читают дома перед иконой великомученика.

Молитва

О, святы́й, сла́вный и всехва́льный великому́чениче Фео́доре Стратила́те! Мо́лим тя пред ико́ною твое́ю свято́ю: моли́ с на́ми и о нас, раб Бо́жиих (имена), умоля́емаго от Своего́ благосе́рдия Бо́га, да ми́лостивно услы́шит нас, благосты́ни у Него́ прося́щих, и вся на́ша ко спасе́нию и житию́ ну́жная проше́ния да испо́лнит. Еще́ же мо́лим тя, святы́й победоно́сче Фео́доре Стратила́те, разруши́ си́лы возстаю́щих на ны враго́в, ви́димых и неви́димых. Умоли́ же Го́спода Бо́га, всея́ тва́ри Созда́теля, изба́вити нас от ве́чнаго муче́ния, да всегда́ прославля́ем Отца́ и Сы́на и Свята́го Ду́ха и твое́ испове́дуем предста́тельство, ны́не и при́сно и во ве́ки веко́в. Ами́нь.

Акафист

Конда́к 1

Возбра́нному воево́де и сла́вному во страда́льцех во́ину, свято́му великому́ченику Фео́дору, прииди́те пе́снь хвале́бную вку́пе воспои́м. Ты́ же, великому́чениче, я́ко име́я дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, святы́й великому́чениче Фео́доре, Вели́кий Стратила́те.

И́кос 1

А́нгелов Творе́ц и всея́ тва́ри Созда́тель яви́ тя́ Це́ркви Свое́й, я́ко страда́льца до́блественна и во́ина непобеди́ма, да вси́ по достоя́нию страда́ния твоя́ восхва́лят, страстоте́рпче Фео́доре. Сего́ ра́ди и мы́, я́ко му́ченика дне́сь чту́ще, восхваля́ем ти́, вопию́ще:

Ра́дуйся, и́дольскаго служе́ния пре́лесть обличи́вый.

Ра́дуйся, я́рость безу́мнаго царя́ язы́ческаго презре́вый.

Ра́дуйся, сего́ ра́ди муче́ния ве́лия и ра́ны сме́ртныя претерпе́вый.

Ра́дуйся, я́ко Христо́с от Пила́та, от Лики́ния царя́ пло́тию на кресте́ пригвожде́нный.

Ра́дуйся, от А́нгела Госпо́дня па́ки живо́т и кре́пость ди́вно восприя́вый.

Ра́дуйся, с ра́достию о Го́споде главу́ свою́ честну́ю под ме́ч преклони́вый.

Ра́дуйся, святы́й великому́чениче Фео́доре, Вели́кий Стратила́те.

Конда́к 2

Зря́ще страда́льца до́блественна и во́ина непобеди́ма свята́го великому́ченика Фео́дора, страда́ньми венцы́ побе́дныя прия́вша и со А́нгелы сочета́вшася и чуде́с сокро́вище ми́ру дарова́вша, ве́рнии единому́дренне почти́м, воспева́юща Бо́гу: Аллилу́иа.

И́кос 2

Ра́зум боже́ственный стяжа́в, зми́я ве́лия и стра́шна, бли́з Евхаи́тска гра́да вогнезди́вшася, кресто́м и мече́м порази́л еси́, во́ине Христо́в, те́мже и стратила́т, еси́ воево́да, возста́влен бе́ на земли́. Мы́ же я́ко небе́сному воево́де вопие́м ти́:

Ра́дуйся, си́лою Христо́вою от зми́я того́ лю́таго оте́чество свое́ свободи́вый.

Ра́дуйся, мно́гое наро́да мно́жество ко Христу́ обрати́вый.

Ра́дуйся, ору́жием ве́ры де́монов полки́ победи́вый.

Ра́дуйся, я́ко победоно́сный яви́лся еси́ на земли́ страда́лец.

Ра́дуйся, чуде́с мно́жество с ве́рою к тебе́ прибега́ющим подава́яй.

Ра́дуйся, Христу́ Бо́гу моли́тися за ны́ ми́лостиво не оскудева́яй.

Ра́дуйся, святы́й великому́чениче Фео́доре, Вели́кий Стратила́те.

Конда́к 3

Си́лою Бо́жией умерщвле́на зми́я Фео́дором Стратила́том ви́девше, Евхаи́тский гра́д и вси́ лю́дие окре́стныя чудя́шеся зело́ и взыва́ху глаго́люще: «Ве́лий е́сть Бо́г Фео́доров, се́й е́сть Бо́г и́стинный»,– Ему́же мы́ вопие́м: Аллилу́иа.

И́кос 3

Име́я обы́чай благи́й но́щию моли́тися неусы́пно, Фео́доре святы́й, виде́ния боже́ственнаго сподо́бился еси́: покро́ву хра́мины, я́ко отве́рсту яви́вшуся и све́ту небе́сному, я́ко огню́ ве́лию, осия́вшу тя́; та́кже и гла́с слы́шал еси́ свы́ше глаго́лющ: «Дерза́й, Фео́доре с тобо́ю бо е́смь». Си́м позна́л еси́, я́ко вре́мя прии́де страда́ния твоего́ за Христа́, возвесели́ся ду́хом. Те́мже вопие́м ти́:

Ра́дуйся, я́ко сла́ву неизглаго́ланную Христа́ Бо́га узре́л еси́.

Ра́дуйся, я́ко и преми́рных виде́ний зри́тель бы́л еси́.

Ра́дуйся, я́ко и на земли́ небе́сныя собесе́дники име́л еси́.

Ра́дуйся, вели́ких бо Та́ин открове́ний в земно́й жи́зни сподо́бился еси́.

Ра́дуйся, проро́ческое просвеще́ние.

Ра́дуйся, свети́льниче мы́сленный, све́том Христо́вым облиста́емый.

Ра́дуйся, святы́й великому́чениче Фео́доре, Вели́кий Стратила́те.

Конда́к 4

Бу́рю муче́ний бли́зящуся разуме́в, си́це моли́лся еси́ со слеза́ми, блаже́нне Фео́доре, Христу́ Бо́гу: «Го́споди, Бо́же, всеси́льный, бу́ди ми́ ми́лостив и соблюди́ мя́ от пре́лести вра́жия, да не пора́дуются врази́ мои́». Та́коже и мы́ с тобо́ю Бо́гу вопие́м: Аллилу́иа.

И́кос 4

Слы́шав злочести́ваго царя́ прельсти́тельныя глаго́лы, я́ко да же́ртвы и кади́лы и арома́ты принесо́ша ме́рзким бога́м, Фео́доре треблаже́нне, сокруши́л еси́ я́ в но́щь еди́ну и, раздроби́в вся́ и́долы зла́ты и сре́бряны в ча́сти ма́лы, раздели́л еси́ я́ си́рым и убо́гим. Сего́ ра́ди неустраши́мому твоему́ по́двигу вельми́ дивя́щеся, си́це вопие́м:

Ра́дуйся, прему́дростию слове́с твои́х безсту́днейшаго царя́ посрами́вый.

Ра́дуйся, сла́ву Бо́га жи́ва и и́стинна пред язы́ки пропове́давый.

Ра́дуйся, я́ко вои́стину Фео́дор, е́же сказу́ется да́р Бо́жий, яви́лся еси́.

Ра́дуйся, я́ко ны́не со а́нгелы и ли́ки му́чеников блаже́нне ра́дуешися.

Ра́дуйся, я́ко дерзнове́ние име́яй к Бо́гу, от скорбе́й и страсте́й на́с все́х избавля́еши.

Ра́дуйся, святы́й великому́чениче Фео́доре, Вели́кий Стратила́те.

Конда́к 5

Богоме́рзкия и́долы егда́ я́ко зла́то и сребро́ обы́чно рассе́к у́си руко́ю челове́ческою, безу́мнаго царя́ нечести́ваго поруга́л еси́, великому́чениче, глаго́ля ему́: «Ты́ кла́няешися бога́м ме́ртвым, а́з же поклоня́юся Бо́гу Живо́му». Ему́же с тобо́ю и мы́ поклоня́емся, взыва́юще: Аллилу́иа.

И́кос 5

Ви́дев нечести́вый мучи́тель те́ло твое́ честно́е на муче́ние предае́мо, руга́шеся тебе́, страстоте́рпче. Ты́ же, святы́й, вся́ сия́ му́жественно терпя́, ничто́же и́но глаго́лал еси́ то́чию: «Сла́ва Тебе́, Бо́же мо́й!» Терпе́нию твоему́ дивя́щеся, си́це вопие́м ти́:

Ра́дуйся, жи́лами воло́выми и пру́тьми оловя́нными безпоща́дно бие́мый.

Ра́дуйся, мно́гие ра́ны к ра́нам и́мже не́сть числа́, от мучи́теля претерпе́вый.

Ра́дуйся, я́ко венцы́ побе́дныя та́ко от Христа́ прия́вый.

Ра́дуйся, твои́ми ко Христу́ хода́тайствы ве́рныя спаса́яй.

Ра́дуйся, святы́й великому́чениче Фео́доре, Вели́кий Стратила́те.

Конда́к 6

Пропове́дник сла́вы Христо́вой яви́лся, в темни́цу вве́ржен бы́л еси́, страстоте́рпче Фео́доре, неи́стовым мучи́телем ру́це и но́зи име́яй свя́зана и ничесо́же яды́й да́же до дни́й пяти́. А́нгел же свя́т прише́д разреши́ти ты́ свя́зана, да вопие́ши Бо́гу: Аллилу́иа.

И́кос 6

Возсия́ша по́чести твоя́ Фео́доре. Я́коже бо иногда́ Христо́с Госпо́дь на́ш от Пила́та, та́кожде и ты́, блаже́нне, от Лики́ния царя́ на кресте́ про́пят бы́л еси́, ру́це и но́зе име́я пригвожде́нна. Сего́ ра́ди прии́дем вси́ ве́рни пе́сненными венцы́ Фео́дора Му́ченика пресла́внаго велича́ем глаго́люще:

Ра́дуйся, ко кресту́ пригвожде́нный.

Ра́дуйся, стре́лы о́стрыми и гво́здием прободе́нный.

Ра́дуйся, мече́м усече́нный. Ра́дуйся, вся́кими хитростьми́ боле́зней предупрежде́нный.

Ра́дуйся, я́ко в муче́ниих непрекло́нен и непобеди́м яви́лся еси́.

Ра́дуйся, святы́й великому́чениче Фео́доре, Вели́кий Стратила́те.

Конда́к 7

Хотя́ от земны́х разреши́тися и на дре́во вше́д уя́звленною пло́тию, великому́чениче Фео́доре, си́це моли́лся еси́ ко Го́споду: «Помяни́ мя́, Го́споди, претерпева́юща кре́ст Тебе́ ра́ди». Ему́же и мы́ с тобо́ю вопие́м: Аллилу́иа.

И́кос 7

Но́ва по страда́нии яви́ А́нгел Госпо́день, Фео́дора му́ченика, в пе́рвую бо стра́жу но́щи ви́сящу тому́ на кресте́ сни́де с небесе́ и сня́т со креста́ и сотвори́ всего́ це́ла и здра́ва, я́коже и пре́жде, и лобза́я рече́ ему́: «Ра́дуйся и укрепля́йся, Фео́доре, се́ бо с тобо́ю Госпо́дь». Сего́ ра́ди и мы́ со безпло́тными ку́пно воззове́м тому́ глаго́люще:

Ра́дуйся, целова́ние а́нгельское прие́мый.

Ра́дуйся, спаси́тельную стра́сть Зижди́теля изобрази́вый.

Ра́дуйся, во вся́ких ну́ждах предста́тельством твои́м спаса́яй.

Ра́дуйся, вся́ку душегуби́тельную печа́ль и обстоя́ние отгоня́яй.

Ра́дуйся, чуде́с мно́жество су́щим в ми́ре подава́яй.

Ра́дуйся, ве́рным сердца́ неви́димо подава́яй.

Ра́дуйся, святы́й великому́чениче Фео́доре, Вели́кий Стратила́те.

Конда́к 8

Стра́нное о тебе́ содева́ется, блаже́нне Фео́доре, мучи́тель бо злочести́вый мня́ тя́ ра́спята ме́ртва су́ща, оста́ви те́ло твое́ на кресте́ ви́сяща, ты́ же от А́нгела це́л и здра́в бы́в, на́чал еси́ пе́ти Го́сподеви пе́снь хвале́бную: Аллилу́иа.

И́кос 8

Всего́ тя́ истреби́ти хотя́ще мучи́тель, сего́ ра́ди и со́тник повеле́ поя́ти те́ло твое́ со креста́ и в ковче́г оловя́н вложи́ти и в пучи́ну морску́ю вве́ргнути, да ника́ко христиа́не е́ во́змут и че́стно погребу́т. Со́тницы же зна́мения мно́гая и ве́лия от свята́го узре́вше, ко Христу́ обрати́вшася; сего́ ра́ди и мы́ чту́ще честну́ю му́ченика па́мять си́це вопие́м:

Ра́дуйся, Небе́снаго Царя́ воево́до предо́брый.

Ра́дуйся, ри́торе изря́дный, па́че мудрецо́в ми́ра мудре́йший.

Ра́дуйся, вся́ ми́ра сего́ кра́сная ни во что́ же вмени́вый.

Ра́дуйся, терпе́ния соверше́ннейший о́браз все́м показа́вый.

Ра́дуйся, в Сио́не го́рнем со А́нгелы и святы́ми ку́пно всели́выйся.

Ра́дуйся, хода́тай те́плый за ны́ пред Бо́гом яви́выйся.

Ра́дуйся, святы́й великому́чениче Фео́доре, Вели́кий Стратила́те.

Конда́к 9

Вся́кая похвала́ подоба́ет тебе́ великому́чениче Фео́доре, претерпе́в бо кре́ст и по страда́нии па́ки це́л и здра́в со креста́ соше́д, А́нгелом чуде́сным де́йствием, неве́рные со́тники ца́рския и во́ины мно́ги пре́жде нечести́вые просвети́л еси́ и научи́л еси́ ве́ровати Христу́ Бо́гу и Пе́ти Ему́ ку́пно с тобо́ю: Аллилу́иа.

И́кос 9

Вети́я, сказу́яй сла́ву Бо́жию неизче́тными зна́мении твои́ми, яви́лся еси́ ми́ру сла́во му́чеников Фео́доре, от тебе́ бо исцеле́ние неоску́дно почерпа́ем, вси́ к тебе́ с ве́рою прибега́ющии и стра́сти твои́ воспева́ющии си́це:

Ра́дуйся, у́зники мно́ги от у́з разреши́вый.

Ра́дуйся, две́ри темни́чныя сло́вом еди́ным отверза́яй.

Ра́дуйся, неду́жным исцеле́ние подава́яй.

Ра́дуйся, де́моном злы́м одержи́мыя свобожда́яй.

Ра́дуйся, то́чию прикаса́ющиеся ко оде́жде твое́й а́бие исцеля́яй.

Ра́дуйся, вме́сто кро́вных ка́пель исцеле́ний то́ки одождя́яй.

Ра́дуйся, святы́й великому́чениче Фео́доре, Вели́кий Стратила́те.

Конда́к 10

Спаси́тельную ве́ру восприя́вша вси́ лю́дие ве́лия зна́мение твоя́ зря́щии, треблаже́нне Фео́доре, те́мже и́долов ме́рзких отве́ргше, Христу́ прилепи́шася, глаго́люще: «Ве́лий бо е́сть Бо́г Фео́доров, се́й е́сть Бо́г и́стинный»,– Ему́же при́сно вопие́м: Аллилу́иа.

И́кос 10

Сте́ну необори́мую му́жества твоего́ во́ине Христо́в, не одоле́в лю́тый мучи́тель, уби́йством на тя́ ды́шуще и кро́ве твоея́ а́ки пе́с а́лчный жа́ждал, посла́ мече́м уби́ти тя́, ты́ же помоли́вся и зна́мением кре́стным зна́менався, во́лею приклони́л еси́ под ме́ч главу́ твою́. Твое́ усекнове́ние чту́ще си́це вопие́м ти́:

Ра́дуйся, мече́м сме́рть му́ченическую восприя́вый.

Ра́дуйся, во успе́нии свое́м зна́мения мно́ги сотвори́вый.

Ра́дуйся, ве́ру и любо́вь Христо́ву да́же до сме́рти сохрани́вый.

Ра́дуйся, я́ко в вы́шних черто́зех со а́нгелы и святы́ми всели́лся еси́.

Ра́дуйся, я́ко за гре́шныя те́плый ко Христу́ предста́тель яви́лся еси́.

Ра́дуйся, о душа́х на́ших непреста́нный моли́твенниче.

Ра́дуйся, святы́й великому́чениче Фео́доре, Вели́кий Стратила́те.

Конда́к 11

Пе́ние надгро́бное со свеща́ми и кади́лы воспе́ша лю́дие вси́, че́сть тебе́ воздаю́ще, Фео́доре, егда́ глава́ твоя́ честна́я мече́м усе́чена бы́сть, те́мже взя́ше те́ло твое́ свято́е и в ме́сте наро́чите положи́вша е́, последи́ же и в Евхаи́тский гра́д принесо́ша, Христа́ Бо́га сла́вяще и пою́ще Ему́ пе́снь: Аллилу́иа.

И́кос 11

Све́том зна́мения изря́днаго порази́л еси́ нечести́выя сараци́ны на честны́й хра́м тво́й, и́же в Ка́рсате, наше́дших, егда́ стрело́ю устрели́ о́браз тво́й, а́бие истече́ кро́вь в обличе́ние те́х омраче́нных безу́мием. Те́мже зна́мению сему́ чудя́щеся, ве́рно вопие́м ти́, чудотво́рче Фео́доре:

Ра́дуйся, я́ко безу́мие сараци́н посрами́л еси́.

Ра́дуйся, я́ко Це́рковь Бо́жию от поруга́ния огради́л еси́.

Ра́дуйся, я́ко о́браз тво́й све́тлый чудотво́рен яви́лся еси́.

Ра́дуйся, я́ко и́мя твое́ и в неве́рных просла́вил еси́.

Ра́дуйся, па́че ве́рныя к тебе́ прибега́ти в мольба́х научи́л еси́.

Ра́дуйся, святы́й великому́чениче Фео́доре, Вели́кий Стратила́те.

Конда́к 12

Благода́тным зна́мением не вразуми́вшеся неве́рнии сараци́ны хра́м тво́й святы́й оскверни́ша и о́бразу твоему́ честно́му поруга́тися мня́ху, оба́че сме́рть лю́ту по ма́лех дне́х прия́ху, ве́рни же вси́ ико́ну твою́ святу́ю, я́ко чудоде́йственну вельми́ чту́ще взыва́ют Бо́гу: Аллилу́иа.

И́кос 12

Пою́т ди́вныя по́двиги и чудеса́ твоя́ вси́ ве́рни по все́й земли́ христиа́нстей по вся́ дни́ в неисчи́слимых хра́мах и оби́телех во и́мя твое́ созда́нных, собира́ющеся и пе́сненными венцы́ тя́ велича́юще, великому́чениче Фео́доре Стратила́те, те́мже и на́с, па́мять твою́ дне́сь све́тло пра́зднующих, помяни́ и защити́, да любо́вию зове́м ти́ вопию́ще:

Ра́дуйся, я́ко мольбы́ гре́шных прие́млеши.

Ра́дуйся, я́ко ско́рби душе́вныя утоля́еши.

Ра́дуйся, я́ко страсте́й о́гнь укроща́еши.

Ра́дуйся, я́ко от вся́кия скве́рны пло́ти и ду́ха соблюда́еши.

Ра́дуйся, я́ко от искуше́ний лука́ваго избавля́еши.

Ра́дуйся, я́ко моля́щихся у престо́ла Вседержи́теля помина́еши.

Ра́дуйся, Святы́й великому́чениче Фео́доре, Вели́кий Стратила́те.

Конда́к 13

О, всехва́льный и всеблаже́нный Стратила́те, великому́чениче святы́й Фео́доре! Приими́ сие́ умиле́нное моле́ние на́ше, и ко Престо́лу Небе́снаго Царя́ Христа́ ско́ро вознеси́, да предста́тельством твои́м от вся́ких зо́л и напа́стей свободи́мся, вопию́ще Бо́гу при́сно: Аллилу́иа.

Этот конда́к читается трижды, затем и́кос 1-й и конда́к 1-й.

И́кос 1

А́нгелов Творе́ц и всея́ тва́ри Созда́тель яви́ тя́ Це́ркви Свое́й, я́ко страда́льца до́блественна и во́ина непобеди́ма, да вси́ по достоя́нию страда́ния твоя́ восхва́лят, страстоте́рпче Фео́доре. Сего́ ра́ди и мы́, я́ко му́ченика дне́сь чту́ще, восхваля́ем ти́, вопию́ще:

Ра́дуйся, и́дольскаго служе́ния пре́лесть обличи́вый.

Ра́дуйся, я́рость безу́мнаго царя́ язы́ческаго презре́вый.

Ра́дуйся, сего́ ра́ди муче́ния ве́лия и ра́ны сме́ртныя претерпе́вый.

Ра́дуйся, я́ко Христо́с от Пила́та, от Лики́ния царя́ пло́тию на кресте́ пригвожде́нный.

Ра́дуйся, от А́нгела Госпо́дня па́ки живо́т и кре́пость ди́вно восприя́вый.

Ра́дуйся, с ра́достию о Го́споде главу́ свою́ честну́ю под ме́ч преклони́вый.

Ра́дуйся, святы́й великому́чениче Фео́доре, Вели́кий Стратила́те.

Конда́к 1

Возбра́нному воево́де и сла́вному во страда́льцех во́ину, свято́му великому́ченику Фео́дору, прииди́те пе́снь хвале́бную вку́пе воспои́м. Ты́ же, великому́чениче, я́ко име́я дерзнове́ние ко Го́споду, от вся́ких на́с бе́д свободи́, да зове́м ти́:

Ра́дуйся, святы́й великому́чениче Фео́доре, Вели́кий Стратила́те.