Биография Евмения Гортинского и дни памяти преподобного, тексты молитв

реподобный Евмений, епископ Гортинский, живший в 7 веке в Гортине на острове Крит, вошел в историю как христианин, на собственном примере показавший, как надо служить Господу. Праведник раздал все имущество нищим, но прожил духовно богатую жизнь. Он изнурял свое тело постом и ночными бдениями, строго соблюдая Заповеди Божьи. Епископ Гортинский не принял монофелитскую ересь, за что лишился сана и провел последние годы своей жизни в Фиваидской пустыне.

Биография

В середине 7 века в греческом городе под названием Гортин жил христианин, всем сердцем желавший верой и правдой служить Господу Богу. Звали его Евмением. В переводе с греческого его имя означает «милостивый».

Евмений и вправду был необычным и добрым человеком. Он соблюдал все Заповеди Христа, помогал бедным и страждущим. Единственным смыслом своей жизни считал идти дорогой, ведущей в Царство Божье. Согласно заветам Господа Бога, для того чтобы пройти через тесные врата и попасть после смерти на Небеса, нужно было при жизни отречься от всего своего имущества и даже от одежды.

Спаситель сказал, что тот, кто хочет иметь небесные сокровища, должен раздать все свои деньги нищим. Ведь у человека, обремененного богатством и служащего Мамоне, столько грехов, что он не сможет пройти через узкие двери в рай. Такой христианин, словно верблюд, пытающийся пролезть сквозь крохотное ушко швейной иглы.

Евмений сделал все, как велел в своих заповедях святейший Христос. Он раздал свое имущество бедным, а сам стал проповедовать Слово Божье. Его проповеди вдохновляли христиан на путь праведный. Проповедник на собственном примере учил свою паству богоугодным делам. Он строго соблюдал пост, совершал ночные бдения.

Как истинный соратник Христа, он отрекся от всего, что делает тело толстым, а ум подвластным страстям. Жил преподобный в греческом Гортине, поэтому вошел в историю как епископ Гортинский.

При жизни проповедник имел славу чудотворца. Он молитвой к Спасителю исцелял больных молитвами, изгонял бесов, мирил враждующих. Несмотря на заслуги перед Господом, епископ был лишен сана и сослан в Фиваиду. Ревностный блюститель Заповедей Божьих воспротивился ереси монофелистов.

Даже находясь в Фиваидской пустые, Евмений не переставал молиться Спасителю. Его молитвы вызвали в засуху долгожданный дождь. Умер слуга Господа в 7 веке в Фиваиде. После смерти святейшие мощи Гортинского были перенесены в греческий город Гортин на острове Крит.

Дни памяти

Святейший Епископ Евмений Гортинский навсегда останется в памяти благодарных христиан. Преподобный святитель отказался от всех своих богатств ради духовных сокровищ на Небесах. Епископ даже после своей смерти, спустя 1500 лет, служит примером для всех верующих. Память о его жизни земной вдохновляет христиан на подвиги самопожертвования ради спасения души.

Церковь вспоминает праведника 18 сентября (1 октября). Святого Евмения Гортинского изображают на иконах (в епископской рясе, с крестами на груди, книгой в руках и нимбом около головы).

Святителю молятся, желая укрепить свою веру в Господа. Епископа Гортинского восхваляют во время церковных песнопений.

Богослужения

Ежегодно 18 сентября имя святителя Евмения Гортинского вспоминается на церковном богослужении. Верующие прославляют богоугодные деяния преподобного епископа. Святой Гортинский даже после своей кончины служит примером всем христианам. Евмений не только проповедовал слово Божье, но и всей своей жизнью доказал любовь к Спасителю. Согласно заповедям Христа, тот, кто хочет служить Господу, должен отречься от всех земных богатств.

Нельзя думать об обогащении и мечтать о Царстве Небесном. Душа богатого человека обречена на муки вечные. Тот, кто хочет спасения, должен отдать все свои деньги нищим. Это не просто совет, а заповедь Господа Бога. Спаситель открывает свои небесные двери только тем, кто изнуряет тело постом, молится и не думает о богатстве. Евмений Гортинский попал на Небеса потому, что при жизни делал все, как велел Господь.

Молитвы

Молитвенная просьба к святителю Евмению, епископу Гортинскому, помогает всем, кто хочет укрепить веру в Христа Спасителя и спасти свою душу от дьявольских козней. Святейший Небожитель спасает всех, кто свято верит в Господа Бога и живет по его святейшим Заповедям. Преподобного проповедника просят помолиться за верующих перед Спасителем, испросить у Христа прощение за людские прегрешения. Святой удостоился жизни небесной после смерти. Христиане, желающие прощения грехов, должны думать о духовных богатствах, а не о земных.

Живя по примеру Евмения, можно не только заслужить у Бога прощения, но и попасть в рай. Главное — отказаться от денег, отречься от мамоны и жить в бедности, но в молитвах, постах и ночных бдениях. Душе полезны земные страдания, за это она получает вечность (согласно Заповедям Божьим).

Молитвы Евмению Гортинскому

Преподо́бнаго отца́ на́шего Евме́ния, епи́скопа Горти́нскаго, чудотво́рца

Ве́чер

На Го́споди, воззва́х: стихи́ры пра́здника, глас 4.

Подо́бен: Я́ко до́бля:

Возноси́му Тебе́, Влады́ко, на Крест,/ совозне́сл еси́ па́дшее ада́мово естество́ все;/ сего́ ра́ди вознося́ще/ пречи́стый Крест Твой, Человеколю́бче,/ от вы́шния Твоея кре́пости/ про́сим, зову́ще:/ спаси́, Вы́шний, я́ко Бог Ми́лостив,/ почита́ющия честно́е и светоно́сное/ Твоего́ Креста́ боже́ственное вознесе́ние.

Псало́мски ны́не предзря́ще/ подно́жие Твое́, Влады́ко,/ иде́же но́ги Твоя́ стоя́ша пречи́стыя,/ днесь любо́вию почита́ем Крест Твой пречестны́й/ и, вознося́ще благочести́во,/ мо́лим Тя, взыва́юще:/ Вы́шний, вся Кресто́м Твои́м Боже́ственным освяти́в,/ Твоего́ неизрече́ннаго благоутро́бия/ прича́стники покажи́ и благода́ти.

Я́ко непобеди́мому ору́жию,/ щиту́ непребори́му/ и я́ко ски́птру Боже́ственному,/ поклони́мся Кресту́ Твоему́, Христе́, пресвято́му,/ и́мже мир спасе́ся,/ и лику́ет Ада́м;/ земны́х собо́ри, сего́ пе́сньми благохва́ляще почита́ем/ и, того́ Боже́ственное воздви́жение соверша́юще,/ очище́ния про́сим.

И́ны стихи́ры свята́го. Глас и подо́бен то́йже:

Ду́шу и те́ло твое́/ от страсте́й очи́стив,/ Свята́го Ду́ха дом был еси́,/ и свяще́нных ма́стию/ себе́ украси́л еси́,/ предста́тель изя́щный был еси́, Евме́ние,/ и собеседник святы́х А́нгелов,/ и сла́вы Госпо́дни насле́дник,/ и моле́бник о хва́лящих тя.

Пресла́вное житие́ твое́,/ доброде́тельми просвети́вшееся,/ и чуде́с просия́ све́тлостьми,/ и благосла́вна тя конца́м, всеблаже́нне, соде́ла,/ и свети́льника непреле́стна,/ и святы́х единосе́льна,/ и гра́да свята́го граждани́на иера́рха,/ А́нгелов сограждани́на,/ чудотво́рче достосла́вне.

Кри́тское удобре́ние,/ горти́нскаго председа́теля,/ Це́ркве непоколеби́мое основа́ние,/ иера́рха Евме́ния,/ в чудеса́х велича́йшаго,/ и в си́лах мно́гих бы́вша пресла́внаго,/ и просвети́вша су́щая во мра́це сердца́,/ я́ко свети́льника ве́рных,/ велегла́сно, соше́дшеся, почти́м.

Сла́ва, и ны́не, глас 2. Самогла́сен:

Боже́ственное сокро́вище, в земли́ скрыва́емо,/ Жизнода́вца Крест,/ на небеса́х показа́ся царю́ благочести́вому/ и побе́ды на враги́ подписа́ние явля́ет разу́мно;/ его́же, ра́дуяся, ве́рою и любо́вию, боже́ственно восте́к к высоте́ зре́ния,/ тща́нием же того́ от земны́х недр изнесе́,/ во избавле́ние ми́ра и спасе́ние душ на́ших.

На стихо́вне стихи́ры, глас 2.

Подо́бен: До́ме Евфра́фов:

Днесь Крест Христо́в/ возно́сится,/ живоно́сное Дре́во,/ на не́мже Пло́тию распя́тся,/ вся призыва́я.

Стих: Возноси́те Го́спода Бо́га на́шего/ и покланя́йтеся подно́жию но́гу Его́, я́ко свя́то есть.

Ра́дуйся, ве́рных/ храни́ло Боже́ственное,/ необори́мая стене́,/ Кре́сте Госпо́день,/ и́мже от земли́ вознесо́хомся.

Стих: Бог же, Царь наш пре́жде ве́ка,/ соде́ла спасе́ние посреде́ земли́.

Прииди́те ве́село,/ целу́ем вси/ живоно́сное Дре́во,/ на не́мже распростре́ся/ Христо́с, Избавле́ние.

Сла́ва, и ны́не, глас 4:

Честна́го Креста́, Христе́, де́йство прообрази́в, Моисе́й/ победи́ проти́внаго Амали́ка в пусты́ни Сина́йстей:/ егда́ бо простира́ше ру́це, Креста́ о́браз творя́,/ укрепля́хуся лю́дие;/ ны́не же веще́й сбытие́ в нас испо́лнися,/ днесь Крест воздвиза́ется,/ и де́мони бе́гают,/ днесь тварь вся от тли свободи́ся,/ вся бо Креста́ ра́ди возсия́ша нам дарова́ния./ Те́мже, ра́дующеся, вси/ припа́даем Тебе́, глаго́люще:// я́ко возвели́чишася дела́ Твоя́, Го́споди, сла́ва Тебе́.

Тропа́рь пра́здника: Спасй, Го́споди, лю́ди Твоя́:

На у́трени

Тропа́рь пра́здника, три́жды.

По 1-м стихосло́вии седа́лен, глас 4.

Подо́бен: Удиви́ся Ио́сиф:

Просте́р Моисе́й ру́це к высоте́ небе́сней,/ прообразова́ше Крест, Боже́ственное ору́жие ве́рных,/ на не́мже Христо́с грехи́ пригвозди́./ Тем враг пла́каше, стражда́ боле́зненно чу́вствы, глаго́лаше:/ древяно́е мя копие́ прободе́ посреде́ се́рдца моего́./ Христо́с вся от а́дских уз реши́т.

Сла́ва, и ны́не, то́йже.

По 2-м стихосло́вии седа́лен, глас 6.

Подо́бен: Наде́жде ми́ра:

На Дре́ве, Спа́се, кре́стнем за утро́бы ми́лости возвы́сився/ и ре́бра пробо́д копие́м,/ растерза́л еси́ грехо́в лю́тое рукописа́ние, я́ко Всемо́щный Бог:/ тем Твое́ неизрече́нное пое́м благоче́стно, Сло́ве, смотре́ние.

Сла́ва, и ны́не, то́йже.

Кано́н пра́здника со ирмосо́м на 8 и свята́го на 4.

Кано́н пра́здника, глас 8.

Песнь 1

Ирмо́с: Крест начерта́в, Моисе́й/ впря́мо жезло́м Чермно́е пресече́,/ Изра́илю пешеходя́щу,/ то́же обра́тно фарао́новым колесни́цам,/ уда́рив, совокупи́,/ вопреки́ написа́в непобеди́мое ору́жие.// Тем Христу́ пои́м, Бо́гу на́шему, я́ко просла́вися.

О́браз дре́вле Моисе́й пречи́стыя Стра́сти в себе́ само́м прообрази́,/ свяще́нных среде́ стоя́:/ Крест же вообрази́в,/ просте́ртыми побе́ду дла́ньми воздви́же,/ держа́ву погуби́в Амали́ка всегуби́теля./ Тем Христу́ пои́м, Бо́гу на́шему, я́ко просла́вися.

Возложи́ Моисе́й на столпе́ врачевство́,/ тлетвори́ваго избавле́ние и ядови́таго угрызе́ния,/ и дре́ву о́бразом Креста́/ по земли́ пресмыка́ющагося зми́я привяза́,/ лука́вный в сем обличи́в вред./ Тем Христу́ пои́м, Бо́гу на́шему, я́ко просла́вися.

Показа́ не́бо Креста́ побе́ду благоче́стия держа́телю и царю́ богому́дру,/ враго́в в не́мже злосе́рдных низложи́ся свире́пство,/ лесть же преврати́ся,/ и ве́ра распростре́ся земны́м конце́м Боже́ственная./ Тем Христу́ пои́м, Бо́гу на́шему, я́ко просла́вися.

Ин кано́н свята́го, его́же краегране́сие:

Молйтвами твои́ми даждь ми

Христа́ благоуве́тлива, блаже́нне. Ио́сиф. Глас 2.

Песнь 2

Ирмо́с: Гряди́те, лю́дие,/ пои́м песнь Христу́ Бо́гу,/ разде́льшему мо́ре и наста́вльшему лю́ди,/ я́же изведе́ из рабо́ты еги́петския,// я́ко просла́вися.

Име́я Христа́, о́тче богому́дре Евме́ние,/ послу́шающа твои́х моли́тв боже́ственных,/ Его́же ти́ха, блаже́нне, соде́лай любо́вию хва́лящим тя.

Высокотво́рное от ю́ности, преподо́бие, возлюби́в смире́ние,/ го́рдаго смири́л еси́ зми́я/ и да́ром врачева́ний я́ве обогати́лся еси́.

Вмести́тельный Ду́ха орга́н был еси́,/ пло́ти мудрова́ния мно́гими посты́ души́ покори́в,/ лу́чшему го́ршее ты порабо́тив.

Богоро́дичен: Я́же о Тебе́, ны́не проро́чествия испо́лнишася, Богороди́тельнице Влады́чице:/ Его́же бо провозвести́ша высокоглаго́ливо, во чре́во вмести́ла еси́,/ во двух соверше́нных естества́х.

Песнь 3

Ирмо́с: Жезл во о́браз та́йны прие́млется,/ прозябе́нием бо предразсужда́ет свяще́нника,/ неплодя́щей же пре́жде Це́ркви,/ ны́не процвете́ Дре́во Креста́,// в держа́ву и утвержде́ние.

Яко испусти́, ударя́емь, во́ду краесеко́мый/ непокори́вым лю́дем и жестосе́рдым,/ богозва́нныя проявля́ше Це́ркве та́инство,/ ея́же Крест держа́ва и утвержде́ние.

Ре́бром пречи́стым, копие́м прободе́нным,/ вода́ с Кро́вию истече́,/ обновля́ющая Заве́т и омыва́тельная греха́:/ ве́рных бо Крест похвала́ и царе́й держа́ва и утвержде́ние.

Ин

Ирмо́с: Утверди́ нас в Тебе́, Го́споди,/ Дре́вом умерщвле́н грех,/ и страх Твой всади́// в сердца́ нас, пою́щих Тя.

Прете́кл еси́ тща́тельно, я́ко пчела́,/ цветники́ слове́сныя, иера́рше,/ сла́дкий мед собира́я/ и в серде́чныя со́ты влага́я.

Житие́ чи́сто,/ сло́во же со́лию Боже́ственною, Евме́ние, устро́ив,/ показу́еши твою́, сла́вне, сокрове́нную и благода́ть, и све́тлость.

Возвы́сился еси́, доброде́тельми украша́емь,/ и на высоча́йшия престо́лы возше́л еси́, ми́ром Боже́ственнаго Ду́ха пома́зався,/ и Христо́во благово́ние познава́ешися.

Богоро́дичен: Мари́е, злата́я кади́льнице,/ страсте́й мои́х отжени́ злово́ние/ и утверди́ коле́блема прило́ги льсти́ваго ратобо́рца.

Конда́к, глас 2

Подобен: Вы́шних ища́:

Све́том Боже́ственным просвети́вся, всеблаже́нне,/ просвеща́вши ны,/ любо́вию пою́щия твое́ честно́е и сла́вное/ и свято́е, о́тче, преставле́ние,/ иера́рше Евме́ние,// моли́ непреста́нно о всех нас.

Седа́лен, глас 5

Подо́бен: Собезнача́льное:

Правосла́вными сия́я, о́тче, уче́ньми,/ мра́чныя е́реси вся ума́лил еси́/ и, чуде́с самоде́латель показа́вся, Евме́ние,/ преслову́щий по всему́ про́мыслом Боже́ственным был еси́:/ тем тя ве́рою почита́ем,/ я́ко иера́рха и А́нгелов равноче́стна.

Сла́ва, и ны́не, подо́бен то́йже:

Крест претерпе́вый во́льным сове́том,/ и от тли челове́ки свободи́л еси́, Спа́се:/ воспева́ем, ве́рнии, и покланя́емся Тебе́,/ я́ко просвети́л еси́ ны си́лою Креста́,/ и вси Тя благослови́м, Человеколю́бче и Ще́дрый,/ Я́ко Жизнода́вца и Го́спода.

Песнь 4

Ирмо́с: Услы́шах, Господи,/ смотре́ния Твоего́ та́инство,/ разуме́х дела́ Твоя́// и просла́вих Твое́ Божество́.

Горькоро́дныя преложи́ дре́вом Моисе́й/ исто́чники в пустыни дре́вле,/ Кресто́м ко благоче́стию язы́ков/ проявля́я преложе́ние.

Глубине́ вне́дривый секу́щую/ издаде́ Иорда́н дре́ву,/ Кресто́м и креще́нием/ сече́ние ле́сти зна́менуя.

Свяще́нно ополча́ются/ четвероча́стнии лю́дие, предходя́ще/ о́бразом свиде́тельства ски́нии,/ крестообра́зными чи́нми прославля́емии.

Чу́дно простира́емь,/ солнечныя лучи́ испуща́ше Крест,/ и пове́даша небеса́/ сла́ву Бо́га на́шего.

Ин

Ирмо́с: Услы́шах, Го́споди,/ слух Твоего́ смотре́ния/ и просла́вих Тя,// Еди́не Человеколю́бче.

Дом был еси́ Ду́ха,/ в Боже́ственных хра́мех упражня́яся, иера́рше,/ и честны́ми уче́ньми украша́яся.

Иера́рх богоприя́тен, о́тче му́дре,/ и председа́тель горти́нский быв,/ чудёс лучу́ изблиста́л еси́.

Зия́ние вели́кое зми́я/ твои́х моли́тв поже́гл еси́ луча́ми,/ на тя устреми́вшагося, свяще́ннейший.

Богоро́дичен: Свяще́ннии провозвести́ша дре́вле гла́си/ Рождества́ Твоего́ глубину́,/ и́хже ны́не сбытие́ ви́дехом, Чи́стая.

Песнь 5

Ирмо́с: О треблаже́нное Дре́во,/ на не́мже распя́ся Христо́с, Царь и Госпо́дь,/ и́мже паде́ дре́вом прельсти́вый,/ тобо́ю прельсти́вся,/ Бо́гу пригвозди́вшуся Пло́тию,// подаю́щему мир душа́м на́шим.

Тебе́, приснопе́тое Дре́во, на не́мже простре́ся Христо́с,/ Еде́м храня́щее обраща́ющееся ору́жие, Кре́сте, устыде́ся:/ стра́шный же Херуви́м уступи́ на тебе́ пригвожде́нному Христу́,/ подаю́щему мир душа́м на́шим.

Подзе́мных си́лы проти́вныя Креста́ страша́тся/ начерта́ема зна́мения на возду́се,/ по нему́же хо́дят Небе́сных и земноро́дных ро́ди,/ коле́на преклоня́юще Христу́,/ подаю́щему мир душа́м на́шим.

Заря́ми нетле́нными я́влься Боже́ственный Крест/ омраче́нным язы́ком, заблужде́нным в пре́лести,/ Боже́ственный свет облиста́в,/ усвоя́ет на нем пригвожде́нному Христу́,/ подаю́щему мир душа́м на́шим.

Ин

Ирмо́с: Све́та Пода́телю и веко́в Тво́рче, Го́споди,/ во све́те Твои́х повеле́ний наста́ви нас:// ра́зве бо Тебе́ ино́го Бо́га не зна́ем.

Ра́зум име́л еси́, я́ко умири́в от страсте́й, преподо́бне, ум и ду́шу:/ тем разруша́еши сва́ры ве́рно ца́рствующих/ и до́бре покаря́ющихся тебе́.

Слу́хи подложи́в тебе́ царе́й, ве́рный/ разруши́ до́лгую вражду́, па́губу родя́щую,/ и бра́тское единоу́мие лю́бит, богому́дре Евме́ние.

Я́коже свети́льник, прише́д, Рим просвеща́вши, соверша́я чудеса́/ и во глубине́ страсте́й ныря́ющия/ ко приста́нищу ти́ху врачевства́, блаже́нне, я́ве призыва́я.

Богоро́дичен: Ю́на я́ко Младе́нца нам, Преве́чнаго же Сы́на родила́ еси́,/ воли́тельными двема́ де́йствы су́ща сугу́баго,/ я́ко Челове́ка ку́пно же и Бо́га, Всенепоро́чная.

Песнь 6

Ирмо́с: Во́днаго зве́ря во утро́бе/ дла́ни Ио́на крестови́дно распросте́р,/ спаси́тельную Страсть прообража́ше я́ве./ Тем, тридне́вен изше́д,/ преми́рное Воскресе́ние прописа́ше/ Пло́тию пригвожде́ннаго Христа́ Бо́га// и тридне́вным Воскресе́нием мир просве́щшаго.

Ста́ростию преклони́вся и неду́гом отягче́н, испра́вися Иа́ков, ру́це премени́в,/ де́йствие явля́я жизноно́снаго Креста́:/ и́бо ве́тхость зако́ннаго сено́внаго писа́ния новописа́ на сем Пло́тию пригвозди́выйся Бог/ и душегуби́тельный неду́г ле́сти отгна́.

На ю́ныя возложи́в дла́ни боже́ственный Изра́иль, крестови́дно главы́ явля́ше,/ я́ко старе́йшая сла́ва, законослужи́тели лю́дие./ Те́мже, подмне́вся та́ко испрельсти́тися, не измени́ жизноно́снаго о́браза:/ превзы́дут бо лю́дие Христо́вы Бо́жии новоутвержде́ннии,/ вопия́ху, Кресто́м огражда́еми.

Ин

Ирмо́с: В бе́здне грехо́вней валя́яся,/ неизсле́дную милосе́рдия Твоего́ призыва́ю бе́здну:// от тли, Бо́же, мя возведи́.

Де́тельное сокро́вище неиждива́емое име́я в се́рдцы твое́м, Христа́, Евме́ние,/ я́коже бре́ние вмени́л еси́ зла́то,/ е́же царь подаде́ тебе́.

На высо́цем седа́лищи сел еси́, о́тче,/ ми́ра глаго́л привеща́в Це́ркви свы́ше,/ я́же ны́не призыва́нием твои́м хва́лится.

Не омочи́вся грехми́, преплы́л еси́ жития бу́рю многоболе́зненную/ и в приста́нища дости́гл еси́,/ иде́же собо́р преподо́бных весели́тся.

Богоро́дичен: На Тя сшед, Небе́сный Дождь/ олядене́вшую¹³ зе́млю, Присноде́во, богозна́ния вода́ми напои́в,/ многопло́дну показа́.

Конда́к, глас 4. Самоподо́бен

Вознесы́йся на Крест во́лею,/ тезоимени́тому Твоему́ но́вому жи́тельству/ щедро́ты Твои́ да́руй, Христе́ Бо́же,/ возвесели́ нас си́лою Твое́ю,/ побе́ды дай нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.

И́кос

И́же до тре́тияго Небесе́ восхище́н бысть в рай/ и глаго́лы слы́шав неизрече́нныя и Боже́ственныя,/ и́хже не летъ язы́ки (челове́ческими) глаго́лати,/ что Гала́том пи́шет, я́ко рачи́телие Писа́ний прочто́сте и позна́ете:/ мне, глаго́лет, хвали́тися да не бу́дет, то́кмо во еди́ном Кресте́ Госпо́дни,/ на не́мже, страда́в, уби́ стра́сти./ Того́ у́бо и мы изве́стно держи́м, Крест Госпо́день, хвалу́ вси:/ есть бо нам спаси́телыюе сие́ Дре́во/ ору́жие ми́ра, непобеди́мая побе́да.

Песнь 7

Ирмо́с: Безу́мное веле́ние/ мучи́теля злочести́ваго лю́ди поколеба́,/ дьшущее преще́ние и злохуле́ние богоме́рзкое;/ оба́че три о́троки не устраши́ я́рость зве́рская,/ ни огнь снеда́яй,/ но, противоды́шущу росоно́сному Ду́ху,/ со огне́м су́ще, поя́ху:// препе́тыи́ отце́в и нас Бо́же, благослове́н еси́.

От дре́ва вкуси́в, пе́рвый в челове́цех в тле́ние всели́ся:/ отверже́нием бо жи́зни безче́стнейшим осуди́вся,/ всему́ ро́ду телотле́нен не́кий я́ко вред неду́га преподаде́;/ но, обре́тше, земноро́днии, воззва́ние кре́стным Дре́вом, зове́м:/ препе́тый отце́в и нас Бо́же, благослове́н еси́.

Разруши́ повеле́ние Бо́жие преслуша́ние,/ и дре́во принесе́ смерть челове́ком,/ е́же неблаговре́менно прича́стно бы́вшее;/ во утвержде́ние же зело́ честно́го/ отту́ду жи́зни дре́во возбраня́емо бе,/ е́же разбо́йнику злоуме́ршу отве́рзе, благоразу́мно зову́щу:/ препе́тый отце́в и нас Бо́же, благослове́н еси́.

Жезла́ объе́млет край Ио́сифова,/ бу́дущая зря, Изра́иль,/ Ца́рствия держа́вное,/ я́ко возыму́ществит пресла́вный Крест, проявля́я:/ сей бо царе́й победоно́сная похвала́ и свет ве́рою зову́щим:/ препе́тый отце́в и нас Бо́же, благослове́н еси́.

Ин

Ирмо́с: О́бразу злато́му на по́ле Деи́ре служи́му,/ трие́ Твои́ о́троцы небрего́ша безбо́жнаго веле́ния;/ посреде́ же огня́ вве́ржени,/ ороша́еми, поя́ху:// благослове́н еси́, Бо́же оте́ц на́ших.

Ме́ртвых помысло́в усе́рдием души́ похваля́яся,/ во глубоча́йшей ста́рости, преподо́бне,/ стра́нствования твори́л еси́ на благодея́ние ве́рою прие́млющих, Евме́ние,/ тя, се́ятеля свяще́нных и честны́х уче́ний.

Рим твои́х наслади́вся до́брых,/ дар люби́мый не хотя́ща, о́тче Евме́ние, Фиваи́де отсыла́ет;/ иде́же быв, востяга́еши сухоты́ посупле́ние/ надожде́нием честны́х моли́тв твои́х, преподо́бне.

Сосцы́ воспита́вся воздержа́ния, чистоты́ млеко́ ссал еси́/ и во́зраста ме́ру дости́гл еси́, вшед на высоту́, о́тче, доброде́телей,/ и со́лнца возсия́в светле́е богозна́меньми/ но́щию объя́тым страсте́й.

Богоро́дичен: Невеще́ственнаго Све́та селе́ние Твое́ чре́во бысть,/ светлостьми́ боже́ственнаго зна́ния безбо́жие ума́лившаго,/ Пречи́стая Богоневе́сто Отрокови́це, Е́йже, пою́ще, взыва́ем:/ благослове́н Плод Твоего́ чре́ва.

Песнь 8

Ирмо́с: Благослови́те, о́троцы,/ Тро́ицы равночи́сленнии,/ Соде́теля Отца́ Бо́га,/ по́йте снизше́дшее Сло́во,/ и огнь в ро́су претво́ршее,/ и превозноси́те всем жизнь подава́ющаго // Ду́ха Всесвята́го во ве́ки.

Воздвиза́ему Дре́ву,/ окропле́ну Кро́вию вопло́щшагося Сло́ва Бо́га,/ по́йте, Небе́сныя Си́лы;/ земны́х воззва́ние пра́зднующе, лю́дие,/ поклони́теся Христо́ву Кресту́,/ и́мже ми́ру воста́ние во ве́ки.

Земноро́днии, дла́ньми, строи́телие благода́ти,/ Крест, на не́мже стояше Христо́с Бог, возноси́те священноле́пно/ и копие́, Бо́жия Сло́ва Те́ло пробо́дшее,/ да ви́дят язы́цы вси спасе́ние Бо́жие,/ сла́вяще Его́ во ве́ки.

Боже́ственным судо́м предызбра́ннии, весели́теся,/ христиа́нстии ве́рнии ца́рие,/ хвали́теся победоно́сным ору́жием,/ прие́мше от Бо́га Крест честны́й:/ в сем бо коле́на бра́ней, де́рзости и́щуще,/ разсыпа́ются во ве́ки.

Ин

Ирмо́с: В пещь о́гненную ко отроко́м евре́йским снизше́дшаго/ и пла́мень в ро́су прело́жшаго Бо́га/ по́йте, дела́, я́ко Го́спода,// и превозноси́те во вся ве́ки.

Победи́в врага́ и тече́ние до́брое соверши́в,/ в глубоча́йшей ста́рости ко отцо́м твои́м преше́л еси́,/ я́ко пшени́ца зре́лая,/ на стра́нней земли́ прие́м жития́ коне́ц.

Ника́коже по́мняще твои́х, о́тче, до́брых,/ де́ти Фиваи́дстии, оте́честву и па́стве,/ свяще́нную твою́ ра́ку, ле́потно держа́щий, предпосыла́ют,/ ея́же возвраще́нием чуде́с то́чат благода́ть.

Ра́ка Кири́ллово честно́е и многострада́льное пре́жде содержа́ше те́ло/ и твое́ ны́не скрыва́ет преи́скренно, му́дре,/ совокупи́в житие́м единому́дренныя,/ и́хже го́рнее оте́чество име́ет во ве́ки.

Богоро́дичен: Свяще́ннейший проро́ков честны́й лик/ Тя пропису́ет киво́т и несеко́мую го́ру,/ жезл и дверь, е́юже, я́ко весть, про́йде Вы́шний,/ па́ки заключе́ну оста́вив Тя, Де́во.

Песнь 9

Ирмо́с: Сне́дию дре́ва ро́ду прибы́вшая смерть/ Кресто́м упраздни́ся днесь,/ и́бо прама́терняя всеро́дная кля́тва разруши́ся/ Прозябе́нием Чи́стыя Богома́тере,// Юже вся Си́лы Небе́сныя велича́ют.

Го́рести уби́йственныя, я́же от дре́ва, не оста́вив, Го́споди,/ Кресто́м бо сию́ соверше́нно истреби́л еси́./ Сего́ ра́ди и дре́вом услади́ иногда́ го́ресть вод Ме́рры:/ прообразу́ющее Креста́ де́йство,/ е́же вся Си́лы Небе́сныя велича́ют.

Непреста́нно гружа́емыя мра́ком пра́отца, Го́споди,/ Кресто́м возвы́сил еси́ днесь,/ я́ко бо ле́стию весьма́ неудержа́нно естество́ пре́жде сведено́ бысть,/ всеро́дне ны па́ки испра́ви свет Креста́ Твоего́,/ его́же, ве́рнии, велича́ем.

Да о́браз пока́жеши ми́ру покланя́емый, Го́споди, Креста́,/ во всех я́ко пресла́вный, на небесе́х изобрази́л еси́,/ све́том безме́рным озаре́н,/ царю́ всеору́жие непобеди́мое./ Тем Тя вся Си́лы Небе́сныя велича́ют.

Ин

Ирмо́с: От Бо́га Бо́га Сло́ва,/ неизрече́нною му́дростию прише́дшаго обнови́ти Ада́ма,/ я́дию в тле́ние па́дшаго лю́те,/ от Святыя Де́вы неизрече́нно воплоти́вшагося нас ра́ди, // ве́рнии, единому́дренно пе́сньми велича́ем.

Яко Христо́в иера́рх,/ от си́лы, о́тче, в си́лу преше́л еси́ чу́дно,/ иде́же ли́цы свяще́ннейшии слу́жат во стра́се Тро́ице Честне́й,/ со все́ми Небе́сными, всеблаже́нне Евме́ние, Си́лами.

Уста́ви ны́нешнюю бу́рю оте́чества, Божество́ твои́ми умилостивля́я моли́твами:/ ва́рварское, блаже́нне, нахожде́ние низложи́, нас му́чащее,/ искуше́ние, сре́ющее злых во глубину́ поги́бели,/ приснопа́мятне Евме́ние.

Твоя́ всесвяще́нная па́мять созыва́ет па́стыри преподо́бныя и лю́ди благочести́выя,/ освяще́ние всем нося́щи:/ ю́же соверша́ющия, бога́тно озари́ ны сия́ньми, су́щими в тебе́ благода́тьми,/ всехва́льне Евме́ние.

Богоро́дичен: Но́сиши Нося́щаго вся Боже́ственною си́лою/ и пита́еши, Всечи́стая, от сосе́ц все дыха́ние Пита́ющаго,/ па́че ума́ Твое́ чу́до удивля́ет А́нгелы и челове́ки,/ при́сно Тя пою́щия и любо́вию блажа́щия.

Свети́лен

Светоза́рными сия́нии Крест Госпо́день/ на воздви́жение его́ всех жела́нием Боже́ственным, предлежа́, созыва́ет:/ прииди́те, сего́ вси ра́достию, и любо́вию, и стра́хом целу́им ве́рно/ и просла́вим Еди́наго Творца́ и Влады́ку.

Сла́ва, и ны́не, то́йже.

На стихо́вне стихи́ры, глас 2.

Подо́бен: До́ме Евфра́фов:

Пе́сньми та́инственными/ воспои́м согла́сно/ Крест Госпо́день,/ на не́мже Спас распя́тся,// всех Воскресе́ние.

Стих: Возноси́те Го́спода Бо́га на́шего// и покланя́йтеся подно́жию но́гу Его́, я́ко свя́то есть.

Прииди́те, мона́шествующих/ мно́жества, соше́дшеся,/ воспои́м боже́ственне/ живоно́сное Дре́во,// на не́мже Христо́с распростре́ся.

Стих: Бог же, Царь наш пре́жде ве́ка,// соде́ла спасе́ние посреде́ земли́.

Просла́вим, ве́рнии,/ Крест Госпо́день,/ на не́мже излия́ся/ Кровь Влады́чня,// во всех избавле́ние.

Сла́ва, и ны́не, глас 4:

Светосия́нен звезда́ми о́браз/ предпоказа́, Кре́сте, побе́ду одоле́ния/ благочести́вому царю́ вели́кому,/ его́же ма́ти Еле́на изобре́тши,/ ми́ру явле́нна сотвори́,/ и, тя днесь воздви́жуще, ве́рных ли́цы, зове́м:/ просвети́ ны све́тлостию твое́ю,/ Кре́сте живоно́сный,/ освяти́ ны кре́постию твое́ю,/ всечестны́й Кре́сте,/ и утверди́ ны воздви́жением твои́м,// воздвиза́емый ко ополче́нию враго́в.

На литурги́и

Блаже́нны пра́здника, пе́сни 5-я и 6-я, на 6.

Тропарь преподобному Евмению, епископу Гортинскому , глас 7

Поще́нием житие́ твое́ укра́сил еси́,/ ни́щия возлюби́в,/ и те́м разда́л еси́ все́ име́ние твое́,/ в доброде́телех возсия́л еси́, я́ко со́лнце,/ пла́чущия утеша́я и скорбя́щия веселя́,/ и на́м испроси́, мо́лимся,/ моли́твами твои́ми, Евме́ние о́тче,// от Христа́ грехо́в проще́ние.

Перевод: Пощением жизнь свою украсил ты, нищих возлюбив, и потому раздал ты все имущество свое, добродетелями просияв, как солнце, плачущих утешая и скорбящих радуя. И нам испроси у Христа, молимся, по молитвам твоим, отче Евмений, грехов прощение.

Кондак преподобному Евмению, епископу Гортинскому , глас 2

Све́том Боже́ственным просвети́вся, всеблаже́нне,/ просвеща́еши ны,/ любо́вию пою́щия твое́ честно́е и сла́вное/ и свято́е, о́тче, преставле́ние,/ иера́рше Евме́ние,// моля́ непреста́нно о всех нас.

Перевод: Светом Божественным просветившись, всеблаженный, просвещаешь нас, с любовью воспевающих твое почитаемое и прославляемое и святое, отче, преставление, иерарх Евмений, моля непрестанно обо всех нас.

Величание преподобному Евмению, епископу Гортинскому

Велича́ем тя,/ святи́телю о́тче Евме́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.