Житие Евфросинии Суздальской и икона, где находятся мощи и молитвы

Житие Евфросинии Суздальской, преподобной княжны, составил инок Григорий в 16-м веке. Его повествование расходится с летописями. В описании детских лет прослеживается сходство с юностью святой Евфросинии Полоцкой, а некоторые эпизоды напоминают жизнеописание Сергия Радонежского. Но шаблонность повести суздальского инока теряется на фоне подвижнического и духовного подвига, примером которого стала благочестивая княжна для православных христиан.

Жизнеописание преподобной

Год рождения святой Евфросинии Суздальской — 1212-й. Точная дата неизвестна. Место рождения — Чернигов, Киевская Русь.

Происхождение

Монахиня была княжеского роду. Ее отец, святой князь Михаил Всеволодович Черниговский, происходил из династии Рюриковичей, княжил в Переяславе, Новгороде, Галиции, Киеве. Его причислили к лику святых за мученическую смерть от рук жрецов монгольского хана Батыя. Согласно житию, мать святой звали Феофанией. Младшая сестра Мария стала женой Ростовского князя Василько, впоследствии погибшего в борьбе с татарами и канонизированного.

Господь долго не посылал княжим супругам детей. После смиренных молитв им явилась Богородица с благой вестью — на рождение ребенка есть Воля Господа. Радостное возвещение Михаил и Феофания получили трижды. Из посланий Богородицы они узнали, что это будет дочь, ее нужно назвать Феодулией, и ей уготован путь служения церкви и Господу.

Житие и служение Богу

С первых дней после рождения отец и мать Феодулии убедились, что предвещание Богородицы сбудется. Дочь проявляла необыкновенную для несмышленого младенца осведомленность о скоромной пище. Она не пила молоко и оставалась голодной, если кормилица ела мясо.

Начальным образованием дочери занимался князь Михаил. Отец познакомил Феодулию со Святым Писанием и православными обычаями. Кроме религиозного воспитания, девочка получила знания и представление о мире. К пятнадцати годам Феодулия разбиралась в античной философии, древнегреческой поэзии и читала труды по медицине Эскулапа и Галена. Она была не только умной и образованной девушкой, но и славилась красотой.

Невеста Христова

Юная Феодулия собиралась хранить целомудрие. Ей было видение о Страшном Суде, являлись Богородица и Спаситель. Но родители сосватали благочестивую дочь за Ростовского князя Феодора, соратника князя Черниговского и родного брата Александра Невского.

Несмотря на родовитость жениха, девушку печалила участь жены. Она со смирением приняла выбор родителей, но горячо молилась заступнице Богородице. И вновь Божья Матерь явилась с благой вестью и наказала не беспокоиться о замужестве. В это же время настоятельница суздальского монастыря тоже получила откровение о том, что в ее обитель придет новая послушница.

Свадьба должна была состояться в Суздале. Жених, невеста и гости прибыли в город. Но накануне торжества князь Феодор неожиданно скончался. Феодулия же скрылась в близлежащем монастыре — Ризоположенской обители, настоятельнице которого и было откровение о новой послушнице.

Девушка приняла постриг в честь Евфросинии Александрийской, сбежавшей в монастырь против воли отца и прожившей 38 лет в мужской обители под видом монаха-евнуха.

Монашество

Пятнадцатилетнюю монахиню уважали за невероятную для юных лет подвижническую мудрость, образованность и зрелость духа. Евфросиния толковала Святое Писание сестрам и прихожанкам, пела на клиросе и была неофициальным советником настоятельницы. По совету мудрой девушки монастырь разделили на две части: для незамужних девиц и замужних женщин.

Евфросиния много времени проводила в келье за молитвой. Она всецело стремилась к душевному миру и покою. Но юную монахиню одолевали бесы. Битву с нечестивыми демонами ей пришлось вести всю жизнь. Но благодаря терпению Евфросиния обрела дар исцеления и предвидения. Женщины, вылечившиеся молитвами монахини, затем сами принимали постриг.

Смерть и канонизация

Евфросиния предсказала нападение хана Батыя на Суздаль, во время которого погиб ее отец. После кончины настоятельницы она возглавила обитель. Сестры и горожане почитали ее как святую за самоотверженность и материнскую заботу.

Прп. Евфросиния предвидела землетрясение, потрясшее Суздаль. Но город устоял. О скором окончании земного пути она узнала от явившегося отца.

Евфросиния скончалась в тот же день, в который приняла постриг, через семнадцать лет. Поклониться к ее гробу в Ризоположенский монастырь приходили многочисленные верующие, и получали исцеления. Через 450 лет Евфросинию причислили к лику святых.

Иконография

Из старинных руководств для иконописцев известен внешний облик святой:

• «лицом красивая»;
• «худая от поста»;
• одета в подрясник и мантию;
• на голове куколь или апостольник;
• в левой руке — четки, лестовка.

Также преподобную изображали со свитком в руках. На пергаменте начертаны слова Богородицы о том, что скверна не коснется тела святой.

В период с 16-го по 19-й век сохранились образы, покровы и миниатюры Евфросинии Суздальской. Среди старинных изображений выделяется икона, помещенная на киоте Богородицы Корсунской из суздальского Спасо-Евфимиевского монастыря. Святая на три четверти повернута к Божьей Матери, обращает к Ней руки. Уникальный элемент — княжеская корона-стемма на голове преподобной, надетая поверх платка.

К 18-му веку относится совместный образ святой Евфросинии, преподобных Сергия Радонежского и Евфимия Суздальского. К иконописным памятникам 19-го века относят полноростовую икону преподобной на фоне обители и с Богородицей в облачном сегменте, в окружении житийных клейм.

На миниатюрах в рукописях запечатлены эпизоды из жития святой Евфросинии: пострижение в монахини, явление Спасителя, полчища бесов. Также на иллюстрациях изображали спасение города молитвами преподобной.

Значение и почитание в православии

Имя, данное благочестивой монахине при рождении, означает «раба Божья». В этом имени отразилась ее жизнь. В житии Евфросинии чаще, чем в других жизнеописаниях, упоминается присутствие и направление Богородицы. От рождения до кончины преподобная исполняла Ее Волю и Волю Господа.

В Евфросинии Суздальской русские христианки видели пример необыкновенной способности проходить через потери и разрушения со смирением и молитвой.

Святая монахиня пережила смерть жениха и отца. Ее город пережил нападение врагов и природную катастрофу. Кроме борьбы с внешними обстоятельствами, Евфросиния весь период монашества провела во внутренних терзаниях.

Но в ее втором имени заключен завет — хранить в душе радость, несмотря на окружающий мрак. Для святой неисчерпаемым источником радости, превозносящей над мирскими скорбями, было единение с Господом.

День памяти преподобной княгини 25 сентября установлен в дату ее кончины. 18 сентября (1 октября) — день начала прославления Евфросинии как святой. Также ее поминают 6-го июля — на Собор Владимирских святых.

Святая упоминается в святцах, месяцесловах и описаниях 17-го-18-го века. В 19-м веке для прославления преподобной составлены служба и акафист. В Суздале в день памяти благочестивой наставницы проводили крестный ход и праздничную ярмарку.

Местоположение мощей

Мощи святой Евфросинии обрели в 1698-м году, в день канонизации. Они хранились в церкви Ризоположенской обители. В начале 20-го века, с приходом советской власти останки передали Суздальскому музею. Они вернулись в лоно церкви в 1988-м году. Мощи принял раскольничий Цареконстантиновский храм.

В Ризоположенскую обитель попала лишь частица, которую пожертвовал паломник из Иваново в честь 800-летия монастыря в 2007-м году. Руководство монастыря находило такое положение несправедливым, а хранение православной святыни у раскольников — незаконным.

В 2015-м году мощи конфисковали у автономной церкви, как государственную собственность, и через отдел Росимущества передали Владимирской канонической епархии. Сейчас мощи находятся в церкви Ризоположенского монастыря.

О чем просят святую

К преподобной Евфросинии Суздальской обращают следующие молитвы:

• о вразумлении, даровании мудрости;
• о целомудренной любви;
• об укреплении в вере и монашеском послушании;
• о защите от врагов.

Святая Евфросиния — помощница в борьбе с бесовскими наваждениями. При жизни преподобная изгоняла бесов. К ней обращаются за помощью в освобождении от чужой злой воли, преодолении плотских и моральных искушений.

Православные тексты

К святой Евфросинии обращаются с традиционными хвалебными гимнами. Акафист преподобной читается келейно или в церкви.

Тропарь

В тебе, мати, известно спасеся еже по образу приимши, бо крест, последовала еси Христу и, деющи, учила еси презирати убо плоть, преходит бо, прилежати же о души, вещи безсмертней. Темже и со Ангелы срадуется, преподобная Евфросиние, дух твой.

Ин тропарь

Святая твоя память Суждальскую страну веселит, верныя же вся созывает во всечестный храм твой, идеже ныне совершается всеславная память твоя, Евфросиние преподобная, моли Христа Бога спастися душам нашим.

Канон

Глас 8

Песнь 1

Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.

Припев: Преподобная мати Евфросиние, моли Бога о нас.

Светом молитв твоих озари нас, с любовию приступающих святую память твою воспети, преподобная мати.

Испрошена молитвами и от чрева матерня избрана бывши, всю себе в жертву Христу Богу принесла еси и сосуд избран божественных даров явилася еси, блаженная.

Слава Отцу, и Сыну, и Святому Духу.

Сохранити хотящи девство Христу Жениху и послушание соблюсти родителем, молитвенно воззвала еси к Богородице и Тоя ходатайством желанное устроение жизни улучила еси, преславная.

И ныне и присно, и во веки веков. Аминь.

Богородичен: Всего мя спасает Слово Пребожественное, из чрева Твоего воплотитися благоволившее, Чистая Мати Дево.

Песнь 3

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.

Припев: Преподобная мати Евфросиние, моли Бога о нас.

Свободу получивши от брака Божиим смотрением, красному добротою Христу обручилася еси произволением и, Тому усердно поработавши, ныне в Небесных обителех Того утешаешися обильно.

Небесная возлюбивши, вся красная мира сего оставила еси, преподобная, и, во обитель всельшися, неленостными труды постничества Богу угодила еси, Егоже моли спастися душам нашим.

Слава Отцу, и Сыну, и Святому Духу.

Всенощными стоянии твоими безплотным Ангелом подобилася еси, тех споспешники имущи в твоих непрестанных к Богу молитвах.

И ныне и присно, и во веки веков. Аминь.

Богородичен: Призри на немощь рабов Твоих, Всепетая Богородице, и избави нас от скрытых сетей врага и губителя душ наших.

Седален, глас 3

Пасома от Господа, яко овча кроткое, сопротивных полки победила еси благодатию Святаго Духа и, скончавши мужественно подвиг, венцы победныя прияла еси в Небесных селениих, идеже упокоевающися, Бога прилежно моли спастися душам нашим.

Песнь 4

Ирмос: Услышах, Господи, слух Твоего смотрения и прославих Тя, Едине Человеколюбче.

Припев: Преподобная мати Евфросиние, моли Бога о нас.

Бодренным оком ума твоего в зрении невидимаго Бога выну пребывала еси, блаженная: Егоже лицезрением ныне наслаждающися, моли уныния дреманию оттрястися от очей наших.

Божественным словом и благодатию Святаго Духа воспитавшися, на высоту добродетелей востекла еси, преподобная мати, ихже стезею шествовати и нас укрепи молитвами твоими.

Слава Отцу, и Сыну, и Святому Духу.

Огнем Божественнаго страха попаливши страстей терние и теплотою Утешителя согревшися, была еси безстрастия зерцало, егоже причастники и нас покажи ходатайством твоим.

И ныне и присно, и во веки веков. Аминь.

Богородичен: Омраченныя грехми души наша просвети, Пречистая, и во свете заповедей Сына Твоего и Бога ходити научи ны.

Песнь 5

Ирмос: Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.

Припев: Преподобная мати Евфросиние, моли Бога о нас.

Носящи крест свой, последовала еси позвавшему тя Господу бодренно, светильник инокиням бывши в житии твоем, преславная мати.

В терпении, послушании и воли своея отречении тесный путь совершивши, ныне в пространных селениих обитаеши, в няже доспети и нас устрои.

Слава Отцу, и Сыну, и Святому Духу.

Вся красная мира сего поправши, буди нам помощница, изнемогающим в борении с прелестьми века сего.

И ныне и присно, и во веки веков. Аминь.

Богородичен: Приснодеву поем Тя, Богородице: Ты бо Бога Слова плотию мирови рождши, пребыла еси Дева.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Припев: Преподобная мати Евфросиние, моли Бога о нас.

Многими подвиги плотская умертвивши стремления, и нас, подражати тебе в постничестве возжелавших, тесным путем твоим шествовати умудри.

Воздержание, молитву и любовь стяжавши, преподобная, иноческаго жития образ явилася еси, в немже преуспети и нам пособствуй ходатайством твоим.

Слава Отцу, и Сыну, и Святому Духу.

Послушания труды прешедши и всеми добродетельми украсившися, жезл настоятельства прияла еси во обители иночестей, ныне же венцем славы увенчана еси: сего ради ублажаем тя, преподобная.

И ныне и присно, и во веки веков. Аминь.

Богородичен: Яже Бога Слова Избавителя миру плотию рождшая, избави, молимся, от сетей вражиих души наша, Богородительнице Чистая.

Кондак, глас 2

Девства чистый сосуд елеем молитвы и любве исполнивши, неугасимый светильник в сердце своем возжгла еси, преподобная, с нимже бодренно в сретение Небеснаго Жениха изшедши, в чертог Того пресветлый прията была еси, идеже ныне водворяющися с лики Ангелов и святых, молися, молимся, Христу Богу, части дев юродивых избавитися нам.

Икос

Девство возлюбивши, сохранения того испросила еси у Приснодевы и, к земному шествующи жениху, Небеснаго сретила еси, Емуже уневестившися, вся житейская оставила еси и, притрудное совершивши постническое житие, в Небесный чертог прията быти сподобилася еси, идеже ныне с лики Ангелов и святых водворяющися, моли Христа Бога сотворити и нас причастники блаженныя части твоея.

Песнь 7

Ирмос: От Иудеи дошедше, отроцы в Вавилоне иногда, верою Троическою пламень пещный попраша, поюще: отцев Боже, благословен еси.

Припев: Преподобная мати Евфросиние, моли Бога о нас.

Востекши на высоту добродетелей и безстрастным во плоти житием Ангелом уподобльшися, рая сладости наследница быти сподобилася еси, взывающи: благословен еси, Господи Боже, во веки.

Сияющи светом безстрастия, от страстей молитвами твоими избавляеши притекающих к тебе молитвенно, преподобная, взывающих: благословен еси, Господи Боже, во веки.

Слава Отцу, и Сыну, и Святому Духу.

Престолу предстоящи Вседержителя, избавление от бед и скорбей молитвами твоими испроси нам, чтущим память твою, да взываем: благословен еси, Господи Боже, во веки.

И ныне и присно, и во веки веков. Аминь.

Богородичен: Пресвятая Дево Богородице, ходатайством Твоим исцели наша телесныя немощи и душевныя недуги, да Тебе радостно воспоем: Радуйся, Благодатная.

Песнь 8

Ирмос: Царя Небеснаго, Егоже поют вои Ангельстии, хвалите и превозносите во вся веки.

Припев: Преподобная мати Евфросиние, моли Бога о нас.

Заповеди Господа внимающи, трезвением и бодренностию вся наветы и козни врага препобедила еси, от нихже и нам избавитися молитвами твоими сподоби.

Щитом веры и шлемом упования вооружившися, полчища вражеская отразила еси молитвами твоими от обители, и ныне нас хранити не престай ходатайством твоим.

Слава Отцу, и Сыну, и Святому Духу.

Срамных страстей совлещися рубищ, в красныя же добродетели ризы облещися сподоби нас молитвами твоими.

И ныне и присно, и во веки веков. Аминь.

Богородичен: Владычице Чистая, нас, к Тебе усердно прибегающих, от страстей и бед свободи молитвами Твоими.

Песнь 9

Ирмос: Воистину Богородицу Тя исповедуем, спасеннии Тобою, Дево Чистая, с безплотными лики Тя величающе.

Припев: Преподобная мати Евфросиние, моли Бога о нас.

Нечистотами греховными оскверненных нас убели, блаженная Евфросиние, молитвами твоими, к покаянию подвигши ожестевшия души наша.

Нестяжанием упразднившися, безбедно преплыла еси житейское море, преподобная, егоже треволнений избавитися сподоби и нам, чтущим память твою.

Слава Отцу, и Сыну, и Святому Духу.

Токи слез твоих огнь страстей угасила еси, блаженная, ихже жжения избави и нас молитвами твоими.

И ныне и присно, и во веки веков. Аминь.

Богородичен: Буди нам прибежище, стена и покров, Пречистая Дево, да Тя с безплотными лики непрестанно величаем.

Светилен

Светильник ногам нашим бысть житие твое, преподобная, емуже последующе, невечерняго Света безбедно достигнем.

Канон второй

Глас 8

Песнь 1

Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.

Припев: Преподобная мати Евфросиние, моли Бога о нас.

Теплотою Утешителя согреваему сердцу твоему, прекрасная Евфросиние, лед бесовский и страстей зиму разорила еси.

Углием божественнаго страха опаливши страстем вещь, была еси разсуждения светильник и безстрастия опаление, блаженная.

Слава Отцу, и Сыну, и Святому Духу.

Носящи на раме крест свой, последовала еси Зовущему любовию и светильница инокиням была еси.

И ныне и присно, и во веки веков. Аминь.

Богородичен: Всего мя спасает Слово Пребожественное, благодатию восхотев из чрева Твоего воплотитися, Чистая Мати Дево.

Песнь 3

Ирмос: Ты еси утверждение притекающих к Тебе, Господи, Ты еси Свет омраченных, и поет Тя дух мой.

Припев: Преподобная мати Евфросиние, моли Бога о нас.

Стоянию всенощному твоему удивишася Ангели, ибо тех имяше поспешники, яже к Богу, в молитвах.

Дремание оттрясла еси страстей от очию ума своего, темже прозираше чисто Невидимаго.

Слава Отцу, и Сыну, и Святому Духу.

Млеком воздержания яко воспитася, Евфросиние преподобная, на высоту добродетелей возвысися в совершенное безстрастие.

И ныне и присно, и во веки веков. Аминь.

Богородичен: Имея Тя Помощницу, врагов стремления не убоюся, имея Тя Предстательницу, тех побеждаю полки.

Седален

Пасома от Господа, Сего овча явилася еси кротко, сопротивныя полки побеждающи, и, скончавши подвиг божественный свой, в Небесную ограду вселися, Евфросиние преподобная, Бога прилежно молящи даровати нам велию милость.

Песнь 4

Ирмос: Услышах, Господи, слух Твоего смотрения и прославих Тя, Едине Человеколюбче.

Припев: Преподобная мати Евфросиние, моли Бога о нас.

Нескверное зерцало, утешительныя зари приимши, преподобная Евфросиние, приятелище Божественных восхождений.

Напаяемо древо слезами явилася еси, мати высокораслена, воздержанием удобряемо и плоды божественными направляемо.

Слава Отцу, и Сыну, и Святому Духу.

Углубила еси бразду твоего ума болезньми воздержания, добродетелей клас многоплоден и чудес благодати расплодила еси.

И ныне и присно, и во веки веков. Аминь.

Богородичен: Девства сосуде и Неотлучимаго Естества село, душу мою просвети омраченную, Богоневесто.

Песнь 5

Ирмос: Утренююще, вопием Ти: Господи, спаси ны, Ты бо еси Бог наш, разве Тебе, иного не вемы.

Припев: Преподобная мати Евфросиние, моли Бога о нас.

Вар понесши дневный, славная, радости сподобилася еси Господа своего, преподобная.

Воздержанием, цвете сладкоуханен, прозябла еси шипок, дыхания Божия Разума благоухающи концем.

Слава Отцу, и Сыну, и Святому Духу.

Иже первее вельми хвалящагося змия к земли смирила еси, смирением ограждьшися.

И ныне и присно, и во веки веков. Аминь.

Богородичен: Деву по Рождестве поем Тя, Богородице, Ты бо Бога Слова плотию мирови родила еси.

Песнь 6

Ирмос: Молитву пролию ко Господу и Тому возвещу печали моя, яко зол душа моя исполнися и живот мой аду приближися, и молюся, яко Иона: от тли, Боже, возведи мя.

Припев: Преподобная мати Евфросиние, моли Бога о нас.

Умертвивши телесная стремления многими подвиги, к жизни безсмертней отшла еси, Евфросиние досточудная.

Слава Отцу, и Сыну, и Святому Духу.

Воздержание присно, молитву и любовь нелицемерну стяжав, преподобная, несквернено Божие явилася еси зерцало.

И ныне и присно, и во веки веков. Аминь.

Богородичен: Яже едина Словом Плотию Слово рождши, избави, молимся, от сетей вражиих души наша.

Кондак, глас 6

Женише мой Сладчайший, Христу взываше прекрасная Евфросиния, ибо сладость любве Твоея душу ми надеждею впери и красота милости Твоея сердце ми услади, сопотрудитися страдании по Тебе, имущи на Тя надежду, да достойну мя сотвориши чертога с мудрыми девами и ликовствовати у Тебе причтимся. Темже, преподобная, почитающе подвиг трудов твоих, молим тя: моли не зазритися и нам чертогу двери.

Ин кондак, глас 8

Девства чистотою возжегла еси свещу своего разума и просветила еси душевную чистоту, пощением же и бдением плоть поработила еси духу, темже, преподобная Евфросиние, почитающе подвиги трудов твоих, молимся: моли Христа Бога спастися душам нашим.

Икос

Девство возлюбивши, сохранения того испросила еси у Приснодевы и, к земному шествующи жениху, Небеснаго сретила еси, Емуже уневестившися, вся житейская оставила еси и, притрудное совершивши постническое житие, в Небесный чертог прията быти сподобилася еси, идеже ныне с лики Ангелов и святых водворяющися, моли Христа Бога сотворити и нас причастники блаженныя части твоея.

Песнь 7

Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.

Припев: Преподобная мати Евфросиние, моли Бога о нас.

Взятся на высоту добродетели безстрастия, с плоютию Ангелом подобящися, рая пищи бысть наследница, взывающи: благословен Бог отец наших.

Слава Отцу, и Сыну, и Святому Духу.

Сияющи зарею безстрастия, очернила еси бесом искушения и сих озлобления избави многи, вопиющая: благословен Бог отец наших.

И ныне и присно, и во веки веков. Аминь.

Богородичен: Сию же рече Деву Духом великий Исаия, Яже во чреве Бога зачат и раждает, Емуже поем: благословен еси, Господи Боже, во веки.

Песнь 8

Ирмос: Богоглаголивии отроцы в пещи, со огнем пламень попирающе, пояху: благословите, дела Господня, Господа.

Припев: Преподобная мати Евфросиние, моли Бога о нас.

Неугасиму душевную свещу маслом твоих подвиг соблюдши, вошла еси радостию в нетленный чертог и живеши во веки.

Не поколебаша души твоея столп ветры нечистых духов, утверди бо ся на камени веры, всеблаженная: Господа пойте и превозносите во веки.

Слава Отцу, и Сыну, и Святому Духу.

Злообразную страстей совлекла еси ризу, облекшися, блаженная, в красную одежду божественнаго безстрастия, Христови соцарствуя: Господа пойте и превозносите во веки.

И ныне и присно, и во веки веков. Аминь.

Богородичен: Яко честный превознесенный Престол сущую Бога Вышняго воспоим, людие, едину по Рождестве Деву сохраньшуся.

Песнь 9

Ирмос: Величаем Тя, Матерь Божию, и славим, Богородице Дево, яко Спаса рождшую душ наших.

Припев: Преподобная мати Евфросиние, моли Бога о нас.

Союзом греховным помраченное сердце мое убели, прекрасная Евфросиние, покаянием, слез тучами и молитвами твоими.

Ветрилом окормившися нестяжания, легко преплыла еси житейское, преподобная, море, к пристанищу тихому направляема.

Слава Отцу, и Сыну, и Святому Духу.

Безда воздержания, высотами сияющи, явилася еси, души наша просвещающи, преславная.

И ныне и присно, и во веки веков. Аминь.

Богородичен: Деву по Рождестве поем Тя, Богородице Марие, темже и Предстательницу Тя имамы и непрестанно величаем.

Ин Богородичен: Упование наше, Богородице, крепкая Помощнице, скорбящих от смерти изымаеши и от мук избавляеши, комуждо по достоянию благодать даеши, Тя, Богородице, вси величаем.

Светилен

Тучами слез твоих огненное опаление страсти попалила еси и река явилася еси дарований, наполняема Духом.

Акафист

Кондак 1

Избранная от чрева матерня, угоднице Христова княжно Евфросиние, прославляюще прославльшаго тя Христа Господа, хвалебная приносим ти песни, мати преподобная: ты же, яко имущая дерзновение ко Господу, от всяких нас бед свободи, да зовем ти:

Радуйся, Евфросиние, невеста Христова прекрасная.

Икос 1

Ангелов Царица и Мати Господа, провидящи равноангельное житие твое, услыша молитву святых твоих родителей и разреши тобою неплодство их, трикратно тем явившися во сне в знамение твоего избрания, блаженная. Мы же таковое о тебе Божие смотрение прославляюще, взываем ти:

Радуйся, святый плоде, молитвами неплодствовавших испрошенный.

Радуйся, честный даре, Приснодевою безчадствовавшим дарованный.

Радуйся, чудным фимиамом, яко будущее благоуханное селение Духа, до зачатия предзнаменованная.

Радуйся, в предъосвященном молитвою и Божиим благословением чреве зачатая.

Радуйся, по зачатии, яко чистая голубица, от Пречистыя Девы даемою голубицею предъобразованная.

Радуйся, до рождения Царицею неба и земли в служебный лик себе предъизбранная.

Радуйся, еяже рождение Богородицею со святыми Антонием и Феодосием яве предвозвещено быти.

Радуйся, ейже имя, яко имевшей быти верною Богу рабою, Феодулия пронареченно бысть.

Радуйся, рождением своим бывшее свыше обетование оправдавшая.

Радуйся, по рождении абие великое свое предназначение проявившая.

Радуйся, еще в пеленах сущи, пост иноческий державшая.

Радуйся, от сосцу доилицы, егда тоя мяса ядяше, николиже млека вкусити хотевшая.

Радуйся, Евфросиние, невеста Христова прекрасная.

Кондак 2

Видяще родители твоя, яко услышана бысть молитва их о тебе, блаженная, и чудящеся о явлениих Богоматере, во сне яко яве бывших, слагаху тая в сердце своем: велие же некое о тебе Божие смотрение в тех провидяще, радостно вопияху Богу: Аллилуиа.

Икос 2

Разумети хотя, по рождении твоем, Божие о тебе изволение, боголюбивая мати твоя, молящися, усну и виде себе во сне окриленну, в высоту парящу и тя, отроковицу, Богу в руце вдающу: чесо ради, посвящяющи тя по святом крещении, вручи тя покрову и заступлению Царицы Небесныя. Мы же таковое предъустроение о тебе славяще, хвалебно взываем ти:

Радуйся, по изволению Божию в дар Богу от рождения определенная.

Радуйся, изначала, яко в небесная парити имущая, предъуказанная.

Радуйся, от купели живаго со Христом общения взыскательницею быти предъявленная.

Радуйся, во святом крещении во Христа облекшися, хритоподражательницею быти назнаменанная.

Радуйся, в троекратном во имя Пресвятыя Троицы погружении во свете лица Ея пребывати начавшая.

Радуйся, в белы, во образ чистоты, ризы одеянием в чин непорочных вступившая.

Радуйся, с возложением креста на выю благое иго Христово носити восприявшая.

Радуйся, с препоясанием чресл бодренною подвижницею Христовою быти себе показавшая.

Радуйся, с горящею при купели свещею в светлый лик благодатно освященных вчиненная.

Радуйся, в троекратном окрест купели хождении, яко обрученная Христу невеста, ликовавшая.

Радуйся, в залог вечнаго с Небесным Женихом единения святым миром запечетленная.

Радуйся, в осуждение всякия скверны греховныя на всех чувствах знамение дара Духа Святаго приявшая.

Радуйся, Евфросиние, невеста Христова прекрасная.

Кондак 3

Силою свыше управляема, преуспевала еси возрастом и благодатию у Бога и человек: о чесом родители твои и ужики радующеся, Богу, из уст младенец хвалу себе совершающему, взываху: Аллилуиа.

Икос 3

Имуще в памяти бывшая о тебе знамения и чудящеся необычному в отрочестве разуму твоему, родители твоя разсудиша наипаче поучением божественных книг возгревати живущий в тебе дар благодатныя жизни, еже и соверши сам боголюбивый родитель твой святый благоверный князь Михаил. Хвалу воздающе таковому о тебе родителей твоих мудрому попечению, взываем ти:

Радуйся, премудрости Божией пространное приятелище.

Радуйся, младенцем открываемых таин верное хранилище.

Радуйся, отроковице, млеком слова животнаго воспитанная.

Радуйся, дево, чистыми токи небесных истин напоенная.

Радуйся, теплотою учения родительскаго огнь любве к Господу в сердце твоем возгревшая.

Радуйся, живыя стремления юности от земных к небесным возведшая.

Радуйся, невесто, отцем по плоти в уневещение Христу Господу руководствованная.

Радуйся, красото, паче всех красных мира красоты райския любити наученная.

Радуйся, розго лозы истинныя, вертоград Христов измлада украшавшая.

Радуйся, древо, от корене свята плоды благи рано приносити начавшее.

Радуйся, из детства чистотою небесным силам подобившаяся.

Радуйся, во всю жизнь осенением Приснодевы в непорочном девстве сохранившая.

Радуйся, Евфросиние, невеста Христова прекрасная.

Кондак 4

Бурю внутрь имеяху помышлений родители твоя, егда приспе время преподавати ти внешняя учения, да не како теми охладится сердце твое к небесным, ведуще же страх Божий и святое житие богомудраго болярина Феодора, того призваша научити тя всякой внешней мудрости, Богу просвещающему умы воспевающе: Аллилуиа.

Икос 4

Слышащи преподаваемая тебе о мире Божием учения, яко пчела, от внешних собирала еси сок, силою действовавшия в тебе благодати сладчайшаго паче меда Господа, в духовный сот превращала еси той, и вся искушающи, добрая точию держала еси. Таковую мудрость твою хваляще, взываем ти:

Радуйся, от видимых тварей к невидимым Божиим возносившаяся.

Радуйся, от красот мира к Краснейшему паче всех любовию возгаравшаяся.

Радуйся, созерцанием Небес, славу Божию поведающих, к снисканию славы пренебесныя воскрилявшаяся.

Радуйся, от излияния света солнечнаго на злыя и благая богоподобной любви научавшаяся.

Радуйся, во образе солнца, Всевидящее Око Божие умным оком своим зрети учившаяся.

Радуйся, в различии славы солнца, луны и звезд, различие Небеснаго по делом прославления познававшая.

Радуйся, от воздыханий суете неволею повинувшияся твари, блаженный о гресех плач восприявшая.

Радуйся, в тяготе вещей земных тяготу грехов проразумевавшая.

Радуйся, стремлением огня горе горняя мудрствовати научавшаяся.

Радуйся, прехождением образа мира сего в любви к благом непреходящым утверждавшаяся.

Радуйся, в строении вещей земных тайны устроения спасения прозревавшая.

Радуйся, яко злато огнем искушаемое, очистительный искушений огнь радостно терпети предначинавшая.

Радуйся, Евфросиние, невеста Христова прекрасная.

Кондак 5

Боготечной звезде, волхвов к Солнцу Правды приведшей иногда, подобящися, в дому и княжении родителей твоих на путь спасения приводила еси всех, на святое житие твое взиравших и словес данныя тебе премудрости слушавших, иже тобою просвещаеми, Богу, тя умудряющему, радостно взываху: Аллилуиа.

Икос 5

Видяще тя умом и красотою паче всех дщерей высокородных славну, сынове княжестии молением стужиша родителем твоим, пояти тя ищуще, но не получиша желаемаго, Богу лучшее нечто о тебе устрояющу. Мы же, о тебе путем Божиим чудящеся, взываем ти:

Радуйся, красотою души паче неже лепотою тела всех другинь превосходившая.

Радуйся, святостию жития паче неже благородством рода прославившаяся.

Радуйся, славных и прекрасных искателей твоих нивочтоже вменившая.

Радуйся, Краснейшаго паче всех человек всем сердцем взыскавшая.

Радуйся, к единому жениху Христу тайным сердца желанием влекомая.

Радуйся, Тому, Егоже возлюби душа твоя, невидимым Божиим промышлением блюдомая.

Радуйся, единаго Господа невозвратным помыслом себе избравшая.

Радуйся, умом и сердцем в нем исчезавшая.

Радуйся, именем Иисуса паче мира благоуханна услаждавшаяся.

Радуйся, теплотою любве Христовы паче солнца светозарна согревавшаяся.

Радуйся, во еже духовне Христу обручитися достойно себе уготовлявшая.

Радуйся, боголюбезным добронравием внутрь и вне богато себе украсити ревновавшая.

Радуйся, Евфросиние, невеста Христова прекрасная.

Кондак 6

Провозвестницы бывше божественнаго о тебе промышления родители твоя, тайным Божиим велением влекоми, соизволиша на моление Мины, князя Суждальскаго, паче других искателей твоих и родом и делы славна, и на Бога все упование возложше, на брак тя с ним благословиша, воспевающе вся премудре Строющему: Аллилуиа.

Икос 6

Возсия свет утешения в души твоей, егда в слезных молитвах поведавши скорби сердца твоего Владычице Богородице, о внезапном устроении жизни твоей не по сердцу твоему, услышала еси радостный Тоя глас, волю родителей исполнити тебе повелевавшей, и не разоритися обетом и желанием твоим обещавший. Таковое Матери Божией к тебе благоволение славяще, ублажаем тя, вопиюще:

Радуйся, невесто, дивными путьми во объятия Христова наставленная.

Радуйся, дево, матерним Приснодевы попечением руководствованная.

Радуйся, теплым воли родителей повиновением связуемая.

Радуйся, и неизменным желанием девства снедаемая.

Радуйся, таковое в сердце распятие ради Господа претерпевшая. Радуйся, преданностию воли Божией, яко на Крест себе в жертву Богу принесшая.

Радуйся, любовь ко Господу с покорностию родителем сочетавшая.

Радуйся, уповательным послушанием и честь браку воздавшая, и честнейшее брака девство сохраншая.

Радуйся, на брак ити напутствованная, и в безбрачии пребыти несомненно чаявшая.

Радуйся, на пути во мрак сокровенных о тебе путей Божиих с трепетом воззревавшая.

Радуйся, в приражении недоумений о будущем на камени упования крепко утвердившаяся.

Радуйся, в данном тебе Богородицею обетовании, яко на лоне матернем, упокоевавшаяся.

Радуйся, Евфросиние, невеста Христова прекрасная.

Кондак 7

Хотящу тако Божию вседержительству, князь Мина, еще не доспевшей тебе града Суждаля, предаде дух свой в руце Божии. Ты же от всяких уз земных свободу улучивши, радостно воспела еси славу Богу: Аллилуиа.

Икос 7

Новую показала еси добродетель, блаженная, егда твердое восприяла еси намерение не возвращатися в дом родителей, вселитися же во граде Суждале, во обители положения ризы Божиея Матере, идеже сокровища своя бедным иждивши, ангельский образ прияла еси. Таковое твое мудрое о себе и спасительно бывшее нам изволение славяще, взываем ти:

Радуйся, во уповании своем не постыжденная.

Радуйся, получением желания своего обрадованная.

Радуйся, от треволнений мира в небурном пристанищи укрывшаяся.

Радуйся, вожделенному тебе лику дев радостно сопричетшаяся.

Радуйся, вся утехи земныя во уметы вменившая.

Радуйся, сокровища вена твоего руками нищих в небесныя сокровищницы предпославшая.

Радуйся, любве ради ко Христу в нищету Его облекшаяся.

Радуйся, всю славу мира иноческим смирением поправшая.

Радуйся, в пострижении иноческом желанием строгаго постничества горевшая.

Радуйся, с принятием иноческаго образа духовное всеоружие восприявшая.

Радуйся, по оставлении мира о едином на потребу точию помышлявшая.

Радуйся, по вселении в обитель черноризиц, духом в общении ангел и святых жити наченшая.

Радуйся, Евфросиние, невеста Христова прекрасная.

Кондак 8

Странно житие восприяла еси во обители, преподобная, смиривши себе паче всех: княжна бо сущи, черноризицам проста рода ради Христа служила еси, поношением Христовым честь рода своего возвеличивши, Богу, дивныя подвиги твоя прославльшу, Емуже вопием: Аллилуиа.

Икос 8

Вся в вышних была еси духом, преподобная, и божественною укрепляема благодатию, во всех добродетелех преуспевала еси, образ совершеннаго иноческаго жития всем, сподвизавшимся ти, подавающи. Темже ублажаем тя, всехвальная:

Радуйся, подвигом добрым подвизавшаяся.

Радуйся, течение свое добре совершившая.

Радуйся, страхом Божиим всякое нечистое желание побеждавшая.

Радуйся, памятию о смерти всякое суетное попечение отгонявшая.

Радуйся, пощении и бдении плоть свою смирявшая.

Радуйся, умным деланием душу свою выну горе восторгавшая.

Радуйся, всегдашним уединением от соблазнов мира чувства своя соблюдавшая.

Радуйся, бодренным трезвением от злых помыслов сердце свое охранявшая.

Радуйся, в молитвах неусыпная и в чтении божественных книг ненасытимая.

Радуйся, на всякое послушание скорая, на исполнение же воли своея косная.

Радуйся, терпения, кротости и любве зерцало.

Радуйся, сердечнаго сокрушения, всегдашняго плача и покаяния правило.

Радуйся, Евфросиние, невеста Христова прекрасная.

Кондак 9

Ангелоподобным житием просиявши, жезл настоятельства прияла еси, блаженная, и, добре правящи обитель сию, молитвою и примером жизни своея, словом научения и устроением чина иноческаго, души, тебе вверенныя, к Богу приводила еси, научающи вся пети Ему: Аллилуиа.

Икос 9

Витийствующий язык не может изглаголати мудрости твоея начальственныя, егда дев от вдовиц отделила еси, да не како от взора и речей помыслы о сластех житейских приемше, осквернятся теми в сердце своем и в добром течении своем запяты будут. Чесо ради дань хвалы тебе приносяще, взываем:

Радуйся, душ боголюбивых мудрая руководительнице.

Радуйся, невест Христовых неусыпная блюстительнице.

Радуйся, в управлении своем простоту с мудростию соединившая.

Радуйся, в начальствовании своем снисхождение с взыскательностию сочетавшая.

Радуйся, строгость власти материнскою любовию умерявшая.

Радуйся, материнскую любовь строгостию власти отрезвлявшая.

Радуйся, мудрыми наставлении добрых в добре утверждавшая.

Радуйся, и единым взором неисправных к исправности подвизавшая.

Радуйся, крепкою молитвою невидимыя стрелы вражеския от обители отражавшая.

Радуйся, мудрыми порядками внешния соблазны мира от сестр отвращавшая.

Радуйся, теплыми попечении земную обитель в рай претворившая.

Радуйся, устроением истиннаго иночества вход в Царство Небесное всем угладившая.

Радуйся, Евфросиние, невеста Христова прекрасная.

Кондак 10

Спасти хотя тобою души многих, милосердый Господь многими дары обогати тя, преподобная, чудотворения и пророчества, прозорливости же и слова помазаннаго, имиже прославляющи ущедрившаго тя Господа, подвигла еси пети Ему всех: Аллилуиа.

Икос 10

Стена была еси обители твоей, егда от неистовства Батыева молитвами твоими сохранила еси ю невредиму. Таковое дивное твое заступление поминающе, взываем ти:

Радуйся, трудолюбным Богу служением дерзновение к Нему стяжавшая.

Радуйся, совершенным страстей очищением Божие благоволение к себе привлекшая.

Радуйся, благодатей богоизбранный сосуде.

Радуйся, духа благодвижный органе.

Радуйся, алчущия ведения души манною божественных истин питавшая.

Радуйся, благочестивых чувства благоуханием обетований услаждавшая.

Радуйся, недуги душевныя словом действенным врачевавшая.

Радуйся, болезни телесныя именем Иисусовым исцелявшая.

Радуйся, будущая, яко настоящая, провидевшая.

Радуйся, дальняя, яко близ сущая зревшая.

Радуйся, помышления сердечная Духом Божиим прозревавшая.

Радуйся, потаенныя страсти Божиим озарением обличавшая.

Радуйся, Евфросиние, невеста Христова прекрасная.

Кондак 11

Пение всякое превосходят небесная утешения, богоблаженная, имиже труды и подвиги твоя увенча Христос Господь в небесных обителех, идеже водворяющися, со ангелы и всеми святыми непрестанно воспеваеши Ему: Аллилуиа.

Икос 11

Светоподателен светильник всякаго утешения была еси по преставлении твоем, преподобная мати: яви бо тя Христос Господь молитвенницу и ходатаицу всем, с верою к тебе прибегавшим. Мы же, твоим заступлением ограждаеми, зовем ти:

Радуйся, по преставлении своем Господом неба и земли милостивно приятая.

Радуйся, по отшествии от земных в небесных обителех водворенная.

Радуйся, венцем славы за смирение венчанная.

Радуйся, на престоле царствия за победы над страстьми посажденная.

Радуйся, от манны сокровенныя за сокрушение и слезы услаждаемая.

Радуйся, от древа животнаго за многия лишения питаемая.

Радуйся, с Царицею Небесною у Престола Царя царей предстоящая.

Радуйся, с ангелы и всеми святыми заступлением своим нас приосеняющая.

Радуйся, мати, и с неба любящих тя теплотою любве согревати не преставшая.

Радуйся, и среди небесных утешений земных чад своих не забывшая.

Радуйся, ходатаице усердная, прибегающих к тебе не посрамляющая.

Радуйся, молитвеннице крепкая, смиренных к тебе молитв не презирающая.

Радуйся, Евфросиние, невеста Христова прекрасная.

Кондак 12

Благодать на благодать бысть нам открытие нетленных мощей твоих, преподобная, в нихже источник всякаго утешения стяжавше, величаем возвеличившаго тя Христа Господа, благодарно поюще Ему: Аллилуиа.

Икос 12

Поюще Дивнаго во святых Своих Господа, тя, яко избранную невесту Свою, славою и честию венчавша, и твое милостивое и скорое во всех нуждах наших заступление и всепоможение прославляюще, благодарно зовем ти:

Радуйся, всеусердная наша предстательнице.

Радуйся, неотступная наша хранительнице.

Радуйся, обители сея твердое ограждение.

Радуйся, града нашего верное защищение.

Радуйся, скорбящим отрадо и утешение.

Радуйся, обидимых прибежище и заступление.

Радуйся, болящих неоскудное врачевание.

Радуйся, бедствующих благонадежное избавление.

Радуйся, благочестивым царем нашим скорая помощнице.

Радуйся, христолюбивому воинству необоримая споборнице.

Радуйся, сене, от праведнаго гнева Божия нас укрывающая.

Радуйся, росо, огнь всяких скорбей и страстей прохлаждающая.

Радуйся, Евфросиние, невеста Христова прекрасная.

Кондак 13

О преславная мати, приими малое сие тебе наше приношение, и твоим теплым у Престола Божия ходатайством избави нас от враг видимых и невидимых, от всяких бед и скорбей, от всякаго губительства и вечныя смерти, да с тобою и всеми святыми в Царствии Небесном сподобимся пети Богу Спасителю нашему: Аллилуиа.

(Этот кондак читается трижды, затем 1-й икос «Ангелов Царица …» и 1-й кондак «Избранная от чрева матерня …»).

Молитва

О преславная мати, скорая наша помощнице и заступнице и неусыпная о нас молитвеннице! Предстояще иконе твоей и на сию со умилением, яко живей ти сущей, взирающе, молимся тебе усердно: приими прошения наша и принеси я ко Престолу Милосердаго Отца Небеснаго, яко дерзновение многое к Нему имущая. Испроси притекающим к тебе и всем православным христианом вечное спасение и временное благоденствие, на вся же благая дела и начинания наша щедрое благословение и от всяких бед и скорбей скорое избавление. Ей, чадолюбивая мати наша! Тебе, предстоящей Престолу Божию, ведомы суть нужды наша духовныя и житейския: призри на ня матерним оком и твоими молитвами вся злая от нас отврати, паче же злых и богопротивных обычаев умножение. Утверди же во всех веры согласное ведение, взаимную любовь и единомыслие, да во всем житии нашем, словесы же и писании и делы, славится всесвятое имя Отца и Сына и Святаго Духа, Единаго Бога, в Троице покланяемаго, Емуже честь и слава во веки веков. Аминь.